2024 2023 2022 Flere år...
08-08-2017
Nunanut Allanut Sillimaniarnermullu Ataatsimiititaliap Pituffimmi radari julimili apeqquteqarfigaa
Pituffimmi alapernaarsuinermut radarip nutarterneqarsimanera Nunanut Allanut Sillimaniarnermullu Ataatsimiititaliap oqaluuserisimavaa, tamatumunngalu nangissutitut Igalikumi 2004-mi isumaqatigiissummut kiisalu USA-p Kalaallit Nunaannik Danmarkimillu ilisimatitsissuteqartarnissamik pisussaaffeqarnera eqqarsaatigalugu pissutsit erseqqissaavigineqarnissaat kissaatigisimallugu.
Taamaattumillu ulloq 3. juli 2017 ataatsimiititaliaq apeqqutinik Nunanut Allanut Naalakkersuisumut nassiussivoq.
Apeqqutini Nunanut Allanut Naalakkersuisumit ulloq 15. august 2017 akineqarnissaat ataatsimiititaliap naatsorsuutigaa, tamatumalu kingorna suliassaq isummerfigiumaarlugu.
Inussiarnersumik inuulluaqqusillunga
Ataatsimiititaliaq sinnerlugu,
Ane Hansen
Nunanut Allanut Sillimaniarnermullu Ataatsimiititaliap siulittaasua
Paasissutissat annertunerusut ataatsimiititaliap siulittaasuanut Ane Hansenimut mobil +299 58 76 61 aqqutigalugu saaffiginninnikkut pissarsiarineqarsinnaapput.