2024 2023 2022 Flere år...
27-09-2018
Ukiakkut Ataatsimiinneq kinguartinneqartoq
Naalakkersuisooqatigiinnissamik isumaqatigiinniarnerit suli naammassinngitsut pissutigalugit Inatsisartut ataatsimiinnissaata ammarneqarnissaata ulloq 3. oktoberimut kinguartinneqarnissaanik Naalakkersuisut siulittaasuata qinnuteqaataa siulittaasoqarfimmit ullumi tiguneqarpoq.
Naalakkersuisooqatigiilernissamik isumaqatigiinniarnerit maanna ingerlasut eqqarsaatigalugit qinnuteqaat siulittaasoqarfimmit akuerineqarpoq.
UKA18-imi oqaluuserisassani allannguutit kingusinnerpaamik tallimanngornermi siulittaasoqarfimmit saqqummiunneqassapput, siulittaasoqarfiulli Inatsisartut ukiakkut ataatsimiinnissaata ulloq 3. oktober ileqquusumik naalagiaqatigiinnerup kingorna nal. 11.00 allartinnissaa aallaavittut akueraa.
Inussiarnersumik Inuulluaqqusillunga
Hans Enoksen
Inatsisartut Siulittaasuat