Kalaallit Nunaanni Inatsisartut

Oqaluuserisassani immokkoortoq 04-1		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Marlunngorneq 4. november 1997 nal.

 

Oqaluuserisassani immikkoortoq 4.

 

Ataatsimiititalianut sinniisoqarfinnullu ilaasortassanik qinersineq.

(Siulittaasoqarfik)

Ataatsimiinneq matoqqasoq.

 

 

 

Ataatsimiinnermik aqutsisoq: Inatsisartut Siulittaasuat Anders Andreassen.

 

1. Nunat Avannarliit Inatsisartutigoortumik siunnersuisoqatigiivinut ilaasortassanik qinersineq.

Nunat Avannarliit Siunnersuisoqatigiivi 87-inik qinikkanik ilaasortaqarput, naalakkersuisut sinniisuutitaat sinniisuutitallu makkunanginngaanneersut: Savalimmiut Landsstyreannit, Kalaallit Nunaannit Naalakkersuisunit kiisalu Ålandip Landskabsstyrelseanit. Ilaasortanit qallunaat Folketingiata ilaasortassat 16-it qinertarpaat, Finlandip Rigsdagiata 18-it, Islandip Altingiata 7-it, Norges Stortingiata 20-t, Sverigep Riksdagiata 20-t, Savalimmiut Lagtingiata marluk, Kalaallit Nunaata Inatsisartuisa marluk aamma Ålandip Landstingiata marluk.

 

Kalaallit Nunaata Inatsisartuisa qinikkat qinigaat Danmarkip naalagaaffiata sinniisuutitaannut ilannguttarput Savalimmiut Lagtingiani aamma qallunaat Folketingiani qinikkat peqatigalugit.

 

Kalaallit Nunaanni Inatsisartut Nunat Avannarliit Siunnersuisoqatigiivinut sinniisuutitassat ukiut tamaasa marluk qinertarpaat taakkununngalu sinniisussat marluk. Qinersineq ukiumut tulliuttu­mut atuuttarpoq. Siunnersuisoqatigiinnut sinniisuutitassanik qinersinermi politikikkut assigiin-ngitsunik isumallit sinniisuutitanngortarput.

 

Inatsisartut 1997-imut uku qinerpaat:

 

Sinniisuutitat:                                                            Sinniisussat:

Jonathan Motzfeldt (S) (anivoq 21.9.97)             Kristineq Raahauge (S) (21.9.97 tikillu­gu)

Kristine Raahauge (iserpoq 21.9.97)                                         Laannguaq Lynge (S) (21.9.97-imi aal­lartippoq)

Otto Steenholdt (A)                                                   Peter Ostermann (A)

 

1998-imut sinniisuutitassanik sinniisussanillu qinersisoqartussaavoq.

 

Inatsisartut 1998-imut uku qinerpaat:

 

Ilaasortat:                                                                    Sinniisussat:

Kristine Raahauge (S)                                             Laannguaq Lynge (S)

Otto Steenholdt (A)                                                   Peter Ostermann (A)

 

 

2. Kalaallit Nunaanni Oqaasiliortut-nut ilaasortat.

Kalaallit Nunaanni oqaasiliortut pillugit Inatsisartut inatsisaat nr. 12, ulloq 26. Oktober 1989-imeersoq naapertorlugu oqaasiliortut 5-inik ilaasortaqarput 2-illu sinniisussaqarlutik. Inatsimmut oqaaseqaatini allassimavoq ilaasortat qinerneqassasut inuit oqaatsinut paasisimasaqarluartut akornannit.

 

Oqaasiliortut qinigaapput ukiunut sisamanut atuuttussatut 1. Januar 1990-imiit naatsorsuussamik.

 

Oqaasiliortut namminneq siulittaasortik toqqassavaat suleriaasissartillu namminneq aalajangis­sallugu.

 

1995-imi upernaakkut katersuunnermi aalajangerneqarpoq, toqqaasanermik piginnaatitaaneq siunissami qinersinissamut atatillugu KIIP-imut nuunneqassasoq. Kalaallit Nunaanni Oqaasilior­tut pillugit inatsisip allanngortinneqarnissa matumani pisariaqartinneqarpoq, allanngortitsinis- saq - suli maannamut iliuuseqarfigineqanngilaq.

 

Ullumikkut piffissamut 01.01.94-imiit - 31.12.97-imut ilaasortat.

 

Inatsisartut ilaasortaatitaat:              Inatsisartut sinniisussaatitaat:

Siverth Amondsen

Hans A. Lynge                                     Karl Johan Lyberth (Juaaka)

Isak Heilmann

Alibak Stennholdt, siulitt.

Carl Chr. Olsen

 

Inatsisartu qinnuigineqassapput ilaasortassat tallimat sinniisussallu marluk qinersivimmut tulliuttumut 01.01.1998-imiit - 31.12.2001-imut atuuttussatut qineqqullugit.

 

Inatsisartut ilaasortatut uku qinerpaat:               Sinniisussat:

Siverth Amondsen                                                    Ella Skifte

Carl Christian Olsen                                                 Peter Frederik Rosing

Alibak Steenholdt                                                    

Robert Petersen

Gedion Jeremiassen

 

3. KNR-imi siulersuisunut ilaasortassanik qinersineq.

Radiukkut fjernsynikkullu aallakaatitsisarneq pillugu Inatsisartut peqqussutaata allanngortinne­qarneranik Inatsisartut peqqussutissaannut siunnersuut (UKA 1997/33) Inatsisartut pingajussaan­neerlugu oqaluuserigamikku allanngortinneqarnera akuersissutigamikku ilaasortassat tallimat Naalakkersuisunut inassutigisussaavaat.

 

Inatsisartut - peqqutissatut siunnersuut akuersissutigineqareerpat - KNR-ip siulersuisunut ilaasortassat tallimat inassutigisussaavaat 1997-imi novemberip aallaqqaataaniit - 2001-imi oktoberip 31-annut atuuttussatut.

 

Inatsisartut qinigassatut uku inassutigaat:

 

Pollas Lyberth

Kaj Lyberth

Storch Lange

Tulle Andreassen

Tage Lennert

Hans-Pavia Egede, Nuuk

Marie Meyer, Nuuk

Tønnes Berthelsen, Maniitsoq

Johannes Sandgreen, Qasigiannguit

Lars Vinther, Aasiaat

Regine Christiansen, Nuuk

Nokolaj Heinrich, Nuuk

Juliane E. Johansen, Nuuk

Lisbeth Søvndahl Petersen

Kristine Petersen, Aasiaat

Martin Shalmi

Niels Karl Olsen

 

Siulersuisunut inassuteqarneq qinersisartut isumaqatigiissut akornanni amerlanerussuteqarneq naapertorlugu qinerseriaaseq malillugu ingerlanneqarpoq.

 

Naggataarutaasumik inassuteqaatit Inatsisartut allattuannit, direktør Alibak Steenholdt-imit Naalakkersuisunut nassiunneqassapput.

 

Ataatsimiinneq naammassivoq.