Oqaluuserisassani immokkoortoq 21-22-1 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ataasinngorneq 29. september 1997 nal. 13.35
Ataatsimiinnermik aqutsisoq: Inatsisartut Siulittaasuat Anders
Andreassen.
Peter Grønvold Samuelsen, Takornariaqarnermut, Angallannermut,
Niuernermut Attaveqaqatigiinnermullu Naalakkersuisoq:
Oqaluuserisassani imm. 20 nalunaarasuartaatitigut
attaveqarneq pillugu Kalaallit Nunaannut inatsimmut Inatsisartut oqaaseqaataat
naapertorlugu, Folketing-ip inatsimmik piginnaatitsissutaasumik
allanngortitsineq akuersissutigissappagu, Nunatsinnut Nunatsinniillu
nalunaarasuartaateqarnermut inatsisiliorneq allaffitsigullu aqutsineq
tamakkiisumik, Namminersornerullutik Oqartussanut tunniunneqassaaq. Inatsit
piginnaatitsissutaasoq Naaminersornerullutik Oqartussanit
piviusunngortinneqartussaavoq Inatsisartut peqqussutaatigut. 1987-imi Kalaallit
Nunaanni nalunaarasuartaatitigut attaveqarnerup tiguneqarneraniit inatsit
piginnaatitsissutaasoq malillugu, Inatsisartut peqqussusiarisimasaat
atuutiinnassapput. Peqqussutit allanngortinneqarnissaannut siunersuutit
inatsisartut peqqussusiarisimasaat atuutiinnassapput. Peqqussutit allanngortinneqarnissaannut
siunnersuutit inatsisartunut agguaanneqareersut, nalunaarasuartaatitigut
attaveqarneq pillugu, Kalaallit Nunaannut inatsimmut naleqqussaanerinnaapput.
Nalunaarasuartaatitigut attaveqarneq
sullissinerillu pillugit peqqussummut allanguutissami erseqqissarneqarpoq,
nalunaarasuartaatitigut attaveqarnermut kisermaassisussaatitaanermi nunarput
kisimi pineqanngimmat, kisiannili aamma nunatta nunarsuullu sinnerata akornanni
nalunaarasuartaatitigut attaveqarneq pineqarluni.
Inatsisartut peqqussutissaannut siunersuummi
inatsimmi piginnaatitsissutaasumi oqaatigineqarpoq, radiukkut
attaveqaqatigiinnermut tunngasut danskit oqartussaaffigigaat, aammalu imaatigut
ajornartoornermut upalungaarsimanissamullu Inatsisartut peqqussutaani
ilaanngitsut.
Naalagaaffimmi oqartussat kommunillu tamatuma
saniatigut namminerisaminnik taamaallaat nalunaarasuartaatitigut
attaveqaatiliorsinnaatitaapput, namminneq immikkut pisariaqartitatik pisortat
nalunaarasuartaatitigut attaveqaataasigut naammassineqarsinnaanngippata.
Allannguutissatut siunnersuut aningaasatigut
sulisoqarnikkullu kinguneqassanngilaq. Ungasinnerusoq isigalugu
nalunaarasuartaatinik atuinermut akigititat milliartorsinnaapput, apeqqutaalluni
nunarsuaq tamakkerlugu nalunaarasuartaatitigut attaveqarneq qanoq
ineriartoqqissanersoq. Kalaallit Nunaata nunarsuullu sinnerata akornanni
nalunaarasuartaatitigut attaveqarnermi atugassarititat akillu siunissami
Ilisimatusarnermut ministerimut pinnatik, taamaallat Kalaallit Nunaanni
pisortanit aalajangerneqartalissapput.
Maannalu TELE Attaveqaatit aktiaateqarluni
ingerlatseqatigiiffinngortinnqarnera pillugu peqqussutip allannguutissaatut
siunnersuut oqaaseqarfigitsiassavara. Siunnersuummi saqqummiunneqartumi pineqartoq
tassaaginnarpoq, TELE Greenalnd-ip Namminersornerullutik Oqartussat
kisermaassinerannik isumaginnittuuneranut akuersissummut aamma ilanngunneqassammata,
pisortat nalunaarasuartaatitigut attaveqaqatigiittarnermut tunngasutigut
atortulersuinerat ingerlatsinerallu, aammalu pisortat sullissinissamik
neqeroorutaat Kalaallit Nunaanniinnaanngitsoq, aammali Kalaallit Nunaata
nunarsuullu sinnerata akornanni.
Akuersissuteqartoqarsimavoq TELE Attaveqaatit
A/S-imut, akuersissut pillugu nalunaarut normu 46, 21. december 1993-imeersoq
naapertorlugu. Nalunaarummi ' 10-mi allassimavoq, akuersissut januar-ip
aallaqqaataani 1999 atorunnaarsinneqarsinnaasoq, ukiumik ataatsimik
sioqqutsilluni tamanna ilimasaarutigineqarsimappat.
Allanguutissatut siunnersuut TELE Greenland-imut
aningaasatigut kinguneqassanngilaq, tassami Kalaallit Nunaata nunarsuullu
sinnerata akornanni nalunaarasuartaatitigut attaveqarnermut oqartussaaneq
tiguneqartussaq aningaasartuutitaqassanngimmat.
Kisiannili ukiuni aggersuni ilimagisariaqarpoq
annertuumik piumasaqaateqarfiussasoq, nalunaarasuartaatitigut attaveqarnerup
qulakkeerneqarnissaa, nunarsuaq tamakkerlugu akigitinneqartunut
unammillersinnaassusilimmik. Aamma annertuumik piumasaqaateqarfiusussaavoq
teknikkikkut atortulersuutinut nutaanut malinnaajuarnissaq, imaluunniit
nammineerluni teknikkimik ineriartortitsinissaq, taamaalilluni nunatsinni
namminermi nunarsuullu sinneranut attaveqarnermi ajutooqqajaavallaannginnissaq
sapinngisamik qularnaarumallugu. Eqqaamassavarput nalunaarasuartaatitigut
attaveqaateqarnikkut nunatsinni sumiiffiit imminnut ungasinnerujussuat
anigorneqarsinnaammat, peqatigisaanillu nunarsuup sinneranut ungasissuserput
aamma annikillilluni.
Folketingip inatsimmi piginnaatitsissutaasumi
allannguut akuersissutigissappagu, Inatsisartut peqqussutaat januar-ip
aallaqqaataani 1998-imiit atortuulersinnaassapput.
Matumuuna Naalakkersuisut siunnersuutigissavaat
Inatsisartut siunnersuutit oqaaseqarfigissagaat, taavalu Inatsisartut
peqqussutissaattut siunnersuutit aappassaaneerneqannginnerminni
Nukissiuuteqarnermut Nalunaarasuartaatitigullu Attaveqarnermut
Ataatsimiititalimut suliassanngortinneqassasut.
Cecilie Vahl, Siumup oqaaseqartua:
Nalunaarasuartaatitigut attaveqarneq sullissinerlu
pillugit Inatsisartut peqqussutaata allanngortinneqarnissaanik, Inatsisartut
peqqussutissaannut siunnersuummut atatillugu Siumumiit imatut oqaaseqassaagut.
Siumumiit nuannaarutigaarput
nalunaarasuartaatitigut attaveqarneq sullissinerlu Naalagaaffimmiit Namminersornerullutik
Oqartussanit tiguneqartussanngormata.
Taamatullu nuannaarutigalugu maluginiarparput,
peqqussutissatut siunnersuutip nassuiarneqarnerani erseqqissaatigineqartut
makkuusut:
. Oqatussaaffimmik
nuussineq aningaasatigut kinguneqassanngitsoq.
. Sulisunik
ikililerisoqassanngitsoq.
. Nalunaarasuartaatinut atuinermut
akigititat appariartorsinnaanerat, tassanili apeqqutaalluni nunarsuaq
tamakkerlugu nalunaarasuartaatitigut attaveqarnermi qanoq ineriartortoqassanersoq.
. Kiisalu, Kalaallit Nunaata
nunarsuullu sinnerata akornanni nalunaarasuartaatitigut attaveqarnermi
atugassarititat akillu, siunissami Ilisimatusarnermut atorneqartussat
ministeriamiit pinnatik, taamaallaat Kalaallit Nunatsinni pisortanit
aalajangerneqartalernissaat.
Siumumiit Naalakkersuisut piumaffigissavavut,
qaammataasani inissap inuiaqatigiinnit Kalaallinit atorneqarsinnaanerata
qularnaarneqarnissaa piaartumik isumageqqullugu.
Taamaasilluni nunatsinni pissutsinut naleqquttumik
ineriartortitsinerup qulakkeerneqarnissaa tassuuna aamma anguneqassammat.
Ullumikkummi tamatta nuannaarutigeqisatsinnik
nalunngilarput, nalunaarasuartaatitigut attaveqaateqarnermi ineriartorneq
pitsaalluinnartumik angusaqarfiusimasoq. Taamaakkaluartorli aamma
nalunngilarput suli nunaqarfinni isorliunerusunilu najugaqartut, kiisalu
savaateqarfinni najugaqartut suli attaveqaateqarnikkut
ajornartorsiuteqartarmata. Siumumilli nuannaarutigaarput paasinarmat, 1998-imi
nunatsinni sumiikkaluaruttaluunniit attaveqaatit tungaasigut pitsaasumik
iluarsiisoqartussanngortoq. Taamaasilluni siunissami periarfissaalissammat
eqaatsumik, sumi najugaqarneq apeqqutaatinnagu, sumulluunniit
attaveqaateqarsinnaalernissaq.
Naggataagut Siumumiit pinngitsoorumanngilavut Tele
Greenland A/S-imut qujassuteqassalluta ukiuni kingullerni nunatsinni
attaveqaatinut tunngasutigut pitsaasumik, allat nallersinnaagunanngisaannik
ineriartortitsisimanerat pillugu, aammalu Siumumiit qilanaaraarput siunissami
suli immitsinnut qaninnerulluta suleqatigiilernissarput.
Taamatut Siumumiit oqaseqaateqarluta
peqqussutissap aappasaaneerneqannginnermini Nukissiuuteqarnermi
Nalunaarasuartaatitigullu Attaveqarnermut Ataatsimiititaliamut suliassanngortinneqarnissaa
inassuteqaatigaarput.
Manasse Berthelsen, Inuit Ataqatigiit:
Oqaluuserisassat imminnut atalluinnarmata Inuit
Ataqatigiinniit ataatsimoortumik oqaaseqarfigissavagut.
Danmark-imi Folketing-ip nunatsinni avammut
attaveqaatit Namminersornerullutik oqartussanut tunniunneqarnissaat
akuersissutigissappassuk, nalunaarasuartaatitigut attaveqarneq sullissinerillu
pillugit Inatsisartut peqqussutaata allanngortinneqarnissaa pisussaammat
annertunerumik oqaaseqarfiginagu taamatut isikkoqartillugu
aappassaaneerneqarnissaa pingajussaarneqarnissaalu Inuit Ataqatigiinniit
siunnersuutigissavarput.
TELE Attaveqaatit aktiaateqarluni ingerlatseqatigiiffinngortinneqarnerat
pillugu Inatsisartut peqqussutaata allanngortinneqarneranik Inatsisartut
peqqussutissaannut siunnersuummut Inuit Ataqatigiinniit uku oqaatigerusuppagut.
Soorlu siuliani oqaluuserisami oqaatigereeripput,
TELE Attaveqaatit nunanut allanut attaveqarneq nammalluarsinnaagaa
qularutiginagu oqaatigereerparput, paasinartumillu imaannaanngitsunik
piumasaqaateqarpoq nunarsuarmi atortorissaarutitigut ineriartornermut
malinnaanissamik. Aamma taamaappoq atortorissaarutitigut ineriartorneq,
suliassarlu annertooq saatsinniippoq, tassa atortorissaarutitigut
atortulersuutit pisariillisaatitut ulluinnarni atulernissaannut ikaarsaariarneq,
soorlu oqarasuaat maannakkut atoripput.
Soqutiginartuuvorlu maluginiassallugu, sooq
nunanut allanut attaveqarneq Namminersornerullutik Oqartussanut tunniunneqarnersoq. Danmark-imimi
oqarasuaatitigut atortorissaarutitigullu attaveqaatinut neqeroortarneq tamanut
ammaanneqarneratigut unammillernerit annertuut ingerlanneqalerput, akit
appariangaatsiarneranik kinguneqartumik.
Tassa Tele Danmark-ip attaveqaatit atornerannut
neqeroortuulluni, kiisalu oqarasuaatinik atortorissaarutitigullu
attaveqarnermik neqeroortut immikkoortinnerasigut, erseqqissumik
takuneqarsinnaanngorpoq attaveqaatit attartorneri qanoq akeqarnersut, kiisalu
oqarasuaatitigut atortorissaarutitigullu attaveqarnermi atuisunut qanoq
akeqartitsesoqarnersoq.
Inuit Ataqatigiinni isumaqarpugut, pissusissamisuussasoq
atuisartut nunatsinni nunanullu allanut attaveqaatit ingerlannerisa qanoq
akeqarnersoq kiisalu atortorissaarutitigut, soorlu oqarasuaatitigut
attaveqarnermi qanoq akeqartitsisoqarnersoq paasissallugu.
Tele Greenland-imut suliassap tunniunneqarneranut
atatillugu Inuit Ataqatigiinniit neriuutigilluinnarparput nunatsinniit
paasissutissanik nunarsuarmut sapinngisamik annerpaamik siaruarterisoqassasoq,
taamaalilluni aalisartortagut nunatta imartaani nunallu allat imartaani
aalisartut nunatsinni pisunut malinnaatinneqartarnissaat
aallulluarneqarnerulissasoq, soorlu kortbølge-kut nassitsissutit
atorneqarnerulernerisigut.
Ilanngullugu Inuit Ataqatigiinniit
oqaatiginngitsoorumanngilarput nunatta iluani radiukkut isiginnaarutitigullu
siammarterinerit. Illoqarfikkaartumik raadiut aallarterarput innuttaasunit
soqutigineqarluartut kiisalu isiginnaarutitigut KNR Tv-ip nutaarsiassaleriffia
toqqaannartumik assilissanik pisinnaanissaat Inuit Ataqatigiinniit
soqutigaarput. Aporfiunerpaarlu tassaavoq attaveqaatit attartornerisa
akisuallaarneri. Taamaammat Tele Attaveqaatinut nalilersullaqquarput
pitsaanerusumik aqqutissiuussisinnaaneq sinerissami paasissutissanik
annertunerusumik innuttaasut pissarsisinnaanissaat eqqarsaatigalugu.
Taamatut oqaaseqarluta Inuit Ataqatigiinniit
siunnersuutigissavarput Nukissiuuteqarnermut Nalunaarasuartaatitigullu
Attaveqarnermut ataatsimiititaliami aappassaaneerneqannginnerani
suliarineqaqqaarnissaa.
Bjarne Kreutzmann, Akulliit Partiiat:
Aallaqqaatigalugu oqaatigissavara, peqqussutit
allanngortinneqarnissaannik siunnersuut tapersersorakku.
Tulliullugu Nalunaarasuartaatitigut attaveqarneq
sullissinerlu pillugit Inatsisartut peqqussutaata allanngortinneqarneranik Inatsisartut peqqussutissaatut siunnersuut aamma Tele Attaveqaatit
aktiaateqarluni ingerlatseqatigiiffinngortinneqarnera pillugu Inatsisartut
peqqussutaata allan-ngortinneqarneranik Inatsisartut peqqussutissaattut siunnersuut ataatsimoortillugit oqaaseqarfigissavakka.
Siullermut tunngatillugu tassa imm. 21 oqaatigisariaqarpoq, nalunaarasuartaatitigut attaveqarnermi
kisermaassisussaanerup Kalaallit Nunaannuinnaq tunngasuunnginneranut,
aammattaarli Kalaallit Nunaata nunallu allat nalunaarasuartaatitigut
attaveqatigiinnerannut tunngasuuneranut erseqqissaataasoq.
Immikkoortup aappaani pineqartoq, Tele Greenlandip
Namminersornerullutik Oqartussat kisermaassinerannik isumaginnittuuneranut
akuersissummut aamma ilanngunneqassasut pisortat nalunaarasuartaatitigut
attaveqatigiittarnermut tunngasutigut atortulersuinerat ingerlanneqarnerallu,
tassa Kalaallit Nunaanniinnaanngitsoq aammattaarli Kalaallit Nunaata nunallu
allat akornanni.
Paasivara, allannguutissatut siunnersuutit Tele
Greenlandimut aningaasatigut sunniuteqassanngitsut.
Taama naatsumik oqaaseqarfigalugu pkt. 20-mut
oqaatsikka innersuussutigalugit aammalu erseqqissaatigalugu Tele Selskab-itut
ingerlaqqiinnarnissaa tapersersorakku
inassutigissavara, siunnersuutit aappassaaneerneqannginnerminni ataatsimiititaliamut
suliassanngortinneqassasut.
Anthon Frederiksen, Kattusseqatigiit:
Aallaqqaasiullugu oqaatigisariaqarpoq immikkoortoq
20 Folketing-imi akuersissutigineqaqqaartussaammat. Oqaluuserisassami imm.
20-imi nalunaarasuartaatitigut attaveqarneq pillugu Kalaallit Nunaannut inatsisip allanngortinneqarnissaannut
oqaaseqaat oqallisigineqarput, sulilu Folketing-imiit
akuerineqanngitsorluunniit peqqussutinik allanngortiterinissamut inatsisitigut
tunngavissaqanngilagut, taamaattumik Inatsisartut inatsisiliortutut inatsisinik
akuersissutaareersimasunik tunngaveqarluta sulinissarput
pingaaruteqarluinnarpoq, tassami isumaqarama inatsit, peqqussutinik
allanngortitsinissamut tunngavissaqartussaq - suliluunniit Folketing-imi
akuersissutigineqanngitsoq maani inatsisaatsuliorluta maannakkut inatsimmillu
tunngavissaqarnata peqqussutinik allanngortiterisinnaanngitsugut, taammaattumik
Kattusseqatigiinniit inassutigissuara peqqussutissatut siunnersuutit, tassa
imm. 21 22-ilu Inatsisartut upernaakkut 1998-imi ataatsimiinnissaannut
kinguartinneqassasut.
Tassami aalajangiissagutta inatsimmik atuuttumik
tunngavissaqartariaqarpugut, taamaattoqanngippallu aalajangikkat
atortinneqarsinnaanngitsut kialluunniit naalakkersuinermik suliaqartup
ilisimasariaqarpai, taamaatumik suliat kinguartinneqassanngippata
Inatsisartunut nalunaarutigissuara, uanga Kattusseqatigiinniit
peqqussutissatut allannguutiginiarneqartut sulilu inatsimmik
tunngavissinneqanngitsut maannakkut peqataaffigerusunnginnakkit.
Inatsisartunimi sulinerup inatsisinik tunngaveqarluni
ingerlanissaa pingaartippara.
Taamatut oqaaseqarlunga Inatsisartunut
inassutigissuara peqqussutissatut siunnersuutit oqaluuserisassani immikkoortut
normu 21 aamma 22 upernaakkut Inatsisartut ataatsimiinnissaannut
kinguartinneqassasut.
Peter Grønvold Samuelsen, Takornariaqarnermut , Angallannermut,
Niuernermut Attaveqaqatigiinnermullu
Naalakkersuisoq:
Oqaluttoq kingulleq Kattusseqatigiinniit Anthon
Frederiksen, oqarfigissuara soorunami taakkua oqaatsitit nukissiuuteqarnermut attaveqaatinullu
ataatsimiititaliami nalilersorneqarumaarput, uanili erseqqissaannassavara
Inatsisartut peqqussutissaattut siunnersuummi '
2-ni ima allassimasoqarmat: "Inatsisartut peqqussutaat manna 1. januar
1998 atulissaaq Nalunaarasuartaatitigut attaveqarneq pillugu Kalaallit
Nunaannut inatsit Folketing-ip
akuersissutigissappagu."
Taassuma saniatigut maluginiarpara oqaluttut
amerlanerit, taakkua peqqussutit pioreersut allannguallatsinneqarneranut
tunngasut, saqqummiunneqartut taakkua akuersaarneqartut, aammalu ataatsimiititaliami,
tassa aappassaaneerneqarnissaa pingajussaaneerneqarnissaalu sioqqullugit
ataatsimiititaliami suliarineqarumaartut nalilersuiffiulluarlugillu
oqaaserineqartut taakkua tamaasa ilanngullugit.
Atassut-miit apeqqut saqqummiunneqarpoq, namminnerlu
aamma apeqqut taanna akivaat Tele Greenland ullumikkut suliakkerneqarsimanera
Namminersornerullutik Oqartussanit kisimiitillugu, taanna
ingerlatiinnarneqassasoq, aamma Naalakkersuisut tungaannit uuma suliassap
matuma killinnerani pilersaaruteqarsimanngilagut.
Ullumikkut Tele-p suliassamik imaannanngitsumik
ima pitsaatigisumik suliaqarnermik naammassinninnera allatut
isummerfigissallugu. Naalakkersuisuni isumaqarpugut suliassaq oqareernertut
imaannaanngitsoq Tele-mit pitsaasumik maanna tikillugu
naammassiniarneqartartoq.
Apeqqut Inuit Ataqatigiinniit Manasse
Berthelsen-imit saqqummiunneqartoq, unami
Nunatsinniit nunatsinnullu Attaveqaateqarnerup Tele Greenland-imit
kisermaanneqarnissaannut attuumassuteqartoq, taanna Folketing-ip inatsisissaa
atuutilerpat taanna periarfissaqarpoq.
Kikkunnut tamanut nerliutissallugu, soorlu
oqartunga Naalakkersuisut maannakkut pilersaaruteqanngillat ullumikkut Tele
Greenland-imut suliassiissutigineqartut allanik nerliutigineqarnissaat. Aamma
Nunatsinniit nunatsinniillu attaveqaateqarneq eqqarsaatigalugu. Soorunami
apeqqutit taassuma kingunerisinnaasai assigiinngitsut ataatsimiititaliami
nalilersorneqarniarlik, taavalu ataatsimiititaliaq uterumaarpoq Inatsisartunut
maanga aappassaaneerneqarnissaanut iluffatsillugu, tassungalu aamma
Inatsisartunit oqaaseqarfigineqarumaarluni.
Soorlu kisianni oqartunga Naalakkersuisunit
pilersaaruteqanngilagut maannakkut Tele Greenland-imut suliakkiissut taanna
isumagititarput allanut nerliutissallugu.
Uanilu aamma eqqaamaqqussavara
nunatsinninngaanniit nunatta avataanut attaveqarnermut apeqqutaalluinnartoq
tassa qaammataasatigut inissaq ullumikkut Tele Danmark-imit Tele styrelsemillu
Danmark sinnerlugu isumagineqarpoq. Tassanilu inissaqartitaanerput nunatsinni
inissaqartitaajuarnissamillu kissaateqarnerput, aamma Inatsisartuni taanna attaveqaateqarnermut ministerimut
apuutissavarput.
Makkua allat KNR-mut tunngasut taakkua
oqaaseqarfigissanngilakka, ataatsimiititaliami nalilersorneqarniarlik, tassunga
tunngatillugu oqaatigiinnassavara, ukiuni qaanngiuttuni aningaasanut inatsip
aqqutigalugu 40. mill.-nit aappaagumullu 1998-mut tunngatillugu siunnersuut
Naalakkersuisunut siunnersuut naapertorlugu KNR-mut 38,2 mill.-it
atugassiissutaammata KNR-ip attaveqaatinik atuinissaanut. Tassa Tv-kut
radiukkullu siammarterineq eqqarsaatigalugu.
Taakkua allatut ilusilerneqassappata, taava
Tele-mit aningaasat qassit aaneqassappat, imaluunniit landskassimiit qassit
aaneqassappat, taanna aamma aningaasanut inatsip suliarineqarneranut
tunngammat, kiisalu KNR-ip nammineq Tele-llu akornanni suleqatigiinnermut
isumaqatigiissutaat naapertorlugu taakkua naatsorsorneqartarmata,
taamaalillunga erseqqissarpakka, kisianni soorunami ataatsimiititaliami taakkua
oqaluuserineqarluarumaarput, taamatut oqaaseqarlunga oqaaseqaatigineqartut
pillugit qujavunga. Aammalu aappassaaneernerani uterfigiumaarlugu.
Manasse Berthelsen, Inuit Ataqatigiit:
Naalakkersup oqaaseqarnini tunngatillugu paatsuulaarsimagunarpaa
ujartuinnginnatta namminersortunut attaveqaatitigut sullissinerit
tunniunneqassasut, kisiannili atuisartunut erserseqqissaassisutut isigigatsigu
attaveqaatit, nalinginnaasut, tassa Radiokæde atorneri qanoq akeqartinneqarpat.
Taavalu oqarasuaatitigut oqalunnermi
suut akit atortinneqarpat, tassani Danmark-imi soorlu Tele
Danmark-iminngaanniit attaveqaatit atorneqartartut aaliangersimasumik
akilerlugit, taavalu atuisartunut regningimik nassitsisoqartarpoq, imatut
imatullu akilerlugit.
Taanna Tele Greenland-iminngaanniit immaqa
atuisartunut ersarinnerusumik ammanerusumillu niuernikkut nalinginnaasumik
ingerlatsinermik pissusit naapertorlugit paasisitsisoqartarnissaa taanna
ujartoriga.
Anthon Frederiksen, Kattusseqatigiit:
Soormi taassuma peqqussutissatut siunnersuutit
taakku marluk maannakkut peqataaffigiuman-nginneranut pissutiga immaqa
ersarereeraluartoq, taamaattoq erseqqissaassutigeqqissuara, oqaluuserisassami
nr. 20-mi tassalu Folketing-ip Inatsimmik
allanngortitsinissaanut akuersissutissaq oqaaseqaat. Oqaaseqaatip
suliarinerani isumaqataavugut tamatta, aammalu uanga isumaqataallunga
Kattusseqatigiinniit.
Unaana eqqumiigiinnariga, inatsisip pineqartup allanngortinneqarnissaani suliluunniit Folketing-i akuersinngitsoq maani sioqqutsereerluta peqqussutit marluk allanngortinneqarnissaat ataatsimiinnermi uani tamaasa akuersissutigineqassappata taava Folketing-iminngaanniit siulliungaatsiarluta peqqussutissat inatsisinik suli tunngavilerneqanngitsup akuersissutiginissaat aappaatigooqartikkakku, taamatut oqaaseqartunga.
Imaanngitsoq peqqutissatut siunnersuutigineqartut akerlerigakkit. Naagga. Isumaqarama pis-susissamisoornerussasoq Inatsisartuni sulinitsinni inatsinik atuuttunut aammalu atuutereersunik tunngaveqarluta aaliangiisassagutta, isumaqarpunga taanna pingaaruteqartoq, kisianni soorunami Naalakkersup akissuteqaatimini oqaaseqarnera aamma qujassutigerusuppara.
Tassa ilaatigut oqarmat oqaaseqaatikka ilanngullugit nukissiuuteqarnermut nalunaarasuartaatitigullu attaveqarnermut ataatsimiititaliami aamma taakku nalilersorneqarumaartut oqaatigineqarmat qujassutigaara.
Marlunngorneq 30.
september 1997 nal. 13.00
Oqaluuserisassani
immikkoortoq 11.
1998-mut
Inatsisartut aningaasanut inatsissaannut siunnersuut.
(Aningaasaqarnermut
Ineqarnermullu Naalakkersuisoq, Siverth K. Heilmann, Lars Karl Jensen, Hans
Enoksen (siunnersuutit marluk), Anders Andreassen, Mikael Petersen, Niels Mátâq (siunnersuutit
sisamat), Manassse Berthelsen, Evald Brønlund, Anthon
Frederiksen)
Siullermeerneqarnera.
Ataatsimiinnermik
aqutsisoq: Inatsisartut Siulittaasuat Anders Andreassen aamma Inats.
Siulitt. tullia:
Finn Karlsen.
Siverth K.
Heilmann, siunnersuuteqartoq, Atassut:
Nunaqarfiit ilaanni
illut type 25 taaguutillit assigisaallu siornatigut boligstøtte-nik
pigineqartut qularnanngitsumillu maannakkut INI A/S-miit
oqartussaaffigineqartut pitsanngorsarlugit aaqqissuutereernerisigut
akisuallaarnerat pissutigalugu najugarineqaratik napaannartut. Maannakkut
takusinnaasagut siunnersuuteqarfigisimavakka, tassa tamakkua annertunerusumik
atorluarneqarnissaat siunertaralugu inassutigissavara nunaqarfinni illut
iluarsaateriikkat namminneq illuliat aningaasalersornerattut
aaqqissuussiffigalugit tuniniarneqarnissaannut aqqutissiuunneqassasut.
Taamatullu
aaqqissuussilluni periarfissaliineq atorneqassasoq namminneq illuliassanik
qinnuteqartut illuliornissaraluannut taarsiullugu illutaarsinnaanerannik
periarfissatut. Uani naggataatigut oqaatigissavara, ilisimagakku illut tamakkua
iluarsaatereernerisigut aamma ima akitsortigisarsimammata, pilerisutsuugaluit
tunuarsimaffigalugit. Taasiullugulu ullumikkut aaqqissuussinermi periarfissat
atorlugit akikinnerusumik tassalu namminneq illulianik qinnuteqaannartarlutik
aammalu akuerineqartarlutik.
Illunik
iluarsaateriikkanik pioreersunik aningaasanillu atorluaanissaq siunertaralugu,
siunnersuutigisara Inatsisartunut oqaluuserisassanngortippara.
Hans Enoksen, siunnersuuteqartoq,
Siumut:
Uanga marlunnik siunnersuuteqarsimavunga.
Taava naalisarlugit saqqummiutissavakka.
Siullermik
Peqqissartarfik Allu aningaasanik tapiiffigineqarnissaanik siunnersuut. Ukiuni
makkunani peqqissartarfik Allu assut inuiaqatigiinnik atorneqaleriartuinnarpoq.
Tassanilu annertuumik qasuersaartarfittut atorneqarluni, kommunit amerlasuut
ukiuni makkunani atuleriartuinnarpaat immaqalu oqartoqarsinnaagaluarpoq,
atuisut akilerlissuk.
Aap soorunami
atuisut akiliisarput. Iluaqutaassusiali attatiinnarneqassappat, inuiaqatigiit
suli ullumikkornit amerlanerusunik akiliisariaqarput. Iluaqutaassusia inuiannut
annertoqimmat. Ukiut makku pinaveersaartitsineq ingerlanneqaraluttuinnartoq
eqqarsaatigissagaanni kommuninut kisiat tutsissallugu akisuallaarpoq.
Taamaammat siunnersuutigaara ullumikkornit tapiissutit amerlanerusut tassunga
tutsinneqartariaqartut.
Taavalu aappaattut
Qeqertarsuup, Kangaatsiap Sisimiullu nunaqarfiini ukiuunerani angallannikkut
pitsanngorsaanissamik siunnersuut.
Tassani
siunnersuutigaara Kangerluk, Ikerasaarsuk, Itilleq Sarfannguillu ukiuunerani
timmisartukkut angallannermut ilanngunneqarnissaat. Massakkut pissutsit
taakkunani nunaqarfinni ukiuunerani ilungersunarluinnarput. Ilaatigut qaammatit
pingasut ilaannilu suli sivisunerusumik matoqqatinneqartarluni angallanneq.
Taanna oqimaappallaarpoq taakkunani nunaqarfinnut najugaqartunut aammalu
napparsimasut allallu eqqarsaatigalugit ilungersunarluinnartumik
inissimalersarpugut, taamaammat neriuppunga tassani massakkut sukumiisumik
tapersiisoqassasoq. Aamma taakkunani nunaqarfinni innuttaasut allatulli
angalanissartik pisariaqartimmassuk.
Anders Andreassen,
siunnersuuteqartoq,
Inatsisartut Siulittaasuat:
Ullumikkut
Tasiilap illoqarfiani talittarfik ullutsinnut naleqqukkunnaavissimavoq.
Pajuttuisartut
umiarsuit usii, aammalumi sanaartugassat oqimaassusiisa annertusiartornera
ilutigalugu talittarfik annertuumik aserfallakkiartorpoq. Allaallu ilaatigut
ulorianarsilersimalluni. Tassa talittarfiup ilaani uukkaattoornissaq
ulorianarsivissimammat.
Piaartumik
talittarfiup iluarsartuunneqarnissaa pisariaqarluinnarpoq, tassungalu
atatillugu tallineqarsinnaanera anguniartariaqarluni. Ullumi umiarsuit
imarpikkoortaatit Tasiilamut tikittartut talittarfik mikigilersimavaat.
Tamannalu usingiaanermi annertuumik aamma akitsorsaataasartumik. Taamaattumik
talittarfinnik immikkut ilisimasalinnik Tasiilami talittarfiup
misissorneqarnissaa pisariaqarluinnarpoq, naliliiffigineqarluni
iluarsartuunnissaa, tallineqarsinnaaneralu siunertaralugu.
Niels Mátâq, siunnersuuteqartoq,
Siumut:
Sanaartugassanut
siuartitsinissami siunnersuut siullermik oqaatigissavara, Upernavimmi
Fritidsklub-i nutaamik sanasoqarnissaanik siunnersuuteqaratta.
Kultureqarnermut
ilageeqarnermullu naalakkersuisup aasaq Upernavimmiinnerani eqqartorneqartoq,
piumasaqaat Upernaviup illoqarfiani inuusuttunut qiteruttarfik Fritidsklub-i
nutaap pilersinneqarnissaa tunngavilersorlugu saqqummiunneqartoq. Aamma
allakkat Kultureqarnermut ilageeqarnermullu naalakkersuisoqarfimmup
ingerlanneqareersimasup tunngavigalugit, matumuuna uppernassassavara
Upernavimmi inuusuttut klub-iat maannakkut atorneqartup atorsinnaajunnaarnera.
Qanganisaavallaarnera aammalu iluarsaattaraluarlugu asuli
aningaasartuutaalersimasup siunnersuutigineqartutut nutaamik
pilersitsisoqarnissaa matumunna tapersersoqqullugu inassutigaara.
Upernaviup
illoqarfiani inuusuttut unnukkut katerittarfituaat ukiut arlaqalersut
iluarsaallugu, imaluunniit nutaamik sanasoqarnissaata
angussaqarfiginiartaraluarnera pinngitsoortarsimavoq. Massa ilungersuullugu
saqqummiunneqartaraluartoq. Maannakkut aasaq manna Naalakkersuisup
Upernavimmiinnermini nammineq takusaminik uppernarsarsinnaalerpaa, ilumut
Upernavimmi piaarnerpaamik Fritidsklub-imik sanasoqartariaqartoq.
Tassunga ilanngullugu
allakkat ingerlanneqarsimasut oqaatigissavakka tassa, Landsstyre-mut tassa
ilaasortaq Konrad Steenholdt-imut ingerlanneqarsimammata
atuarfeqarfimminngaanniit allakkat borgmesterip, kommunaldirektørip
fritidslederillu/inspektør-illu allagarisaat. Tassa siulleq.
Siunnersuutigisama
aapparivaa Upernavimmi illoqarfiup atuarfiip allilerneqarnissaanik siuartitsinissamik
siunnersuut. Naluneqanngitsutut 1999-mut siunnersuutaagaluarpoq
iluarsaanneqarnissaa. Taanna naalisarlugu taamatut oqaatigitsiaannarpara.
Taavalu
pingajuattut siunnersuut. Upernavimmi kujallermi atuarfiup allilerneqarnissaa
iluarsaanneqarnissaalu. Taanna oqaatigeriissavara tapersiissutip nunaqarfimmi
aqutsisuninngaanniit jordmoder-minngaanniit taavalu atuarfimmi
sulisuninngaanniit atsioqatigiissimavoq aamma takullugu ingerlannikuugakku
qullersaqarfimmut. Kiisalu Upernavimmi atuarfimmi pisortap kiisalu KU-p
siulittaasuata aamma allakkaminni allakkiamik ingerlatitsisimanerat takullugu
ingerlannikuugakku.
Imaapporlu:
Upernaviup kujalliip nunaqarfimmi aqutsisuisa kiisalu atuartuutillit
ilinniartitsisullu naammagiunnaavippaat atuarfiup mikivallaalersimanera
aserfallassimanerujussualu. Upernaviup kommuniata siusinnerusukkut Upernaviup
kujallermi atuarfiup iluarsaanneqarsinnaanera, allilernissamillu piumasaqaatit
ingerlattarsimavai.
Ajoraluartumillu
kalaallit nunatsinni atuarfeqarfiit amerlaqisut pisariaqarluinnartullu
siulliun-neqartarsimallutik. Tamannalu peqqutaagunarluni kinguartiterisarnerit
pisarsimallutik. Aammalu naluneqanngilaq kalaallit nunatsinni atuarfiit
amerlaqisut iluarsaattariaqartut, ilami aserfallassimanerat annertoqisoq
oqaatigineqartalermat.
Ataatsikkullu
iluarsaassinerit pissappata aningaasarpassuit atorneqartussaallutik.
Qujanartumillu maannamut Upernaviup eqqaani atuarfinnik
iluarsaassinerit/iluarsaassisarnerillu akuerineqarlutik
ingerlanneqaraluttuinnalerput. Tamanna suliatta noqqaanittalu
kingunerisimavaat. Tamakku ilagaat Upernavik kujalleq pisariaqalivissimasoq.
Ukiut qaninnerit
iluarsaassinissaq kiisalu allilerinissaq matumuna ilungersortumik Upernaviup
kommuniata kultureqarnikkut ingerlatsiviata tapersersuinera, nakeequtsiullugu
piumasaraara ukiut qaninnerit Upernavik kujalliip atuarfiata
iluarsaanneqarnissaa allilerneqarnissaalu anguniarneqassasoq.
Ilanngunniarpara
Upernaviup kujalliup atuarfianut allilerinissamik iluarsaassinissamillu qinnuteqaataasartut
1993 siornatigullu aallartissimammata, kiisalu allakkat qinnuteqaatit
atuarfeqarfiup qullersaqarfianut allakkat. Allakkat ingerlanneqarsimallutik
1994-mi kingullermillu 1996-mi aamma allakkat ingerlanneqarsimallutik.
Taavalu sisamaat
siunnersuutip. Siunnersuutigeqqitaq. Kommunini isorliunerusuni kiisalu
nunaqarfinni mandetimit atorlugit illuliaasartut, inissaqarnermut
iluaqutaaqimmata taakkuli illoqarfimmi sananeqaraanngata kommunimut
akisuninngortarmata, siunnersuutiginiarpara 24-it atorneqalernissaat.
Kommunitsinni misilissimavarput 24-it atorlugit illuliortiterneq. Assut
kommunimut aningaasarliortunut iluaqutaasoq paasisimavarput.
Mandetimit
atorlugit illuliortiternerit iluassusia paasereerlugu, taamaattoq illoqarfimmi
sanaat kommunimut sulisut skat-seerutaannut akileraarutaasunut
iluaqutaagaluartoq, aningaasanik isaatitsinermut isaatitsineruvoq. Kisiannili
atortorissaarisersuinerit soorlu kiassaasersuinerit, imilersornerit kalliup,
innilersornerit atortorissaarusersornerillu tamaasa ataatsikkut ingerlanneqaraangamik
kommunimut akisoorujussuanngortarmat. Taamaattumik siunnersuutigaara kommunit
illulianik sanaartortinneqarnerisa 60-40-niit 80-20-nut
aningaasalersorneqarneri taarserneqassasut. Kommuninut akikinneruinnarani aamma
inissaaleqisunut amerlaqisunut periarfissiisussaammat.
Manasse
Berthelsen, siunnersuuteqartoq, Inuit Ataqatigiinniit:
Ilinniartut
qarasaasiartaarnissamut aningaasanik atorsinnaanerisa
periarfissinneqarnissaannik siunnersuut.
Qarasaasiat
inuiaqatigiittut ingerlanitsinni atorneqarnera maannakkut imaannanngitsuuvoq.
Suliffeqarfinnimi atuarfeqarfinni ilinniarfinnilu assigiinngitsuni
pinngitsoorsinneqarsinnaajunnaarsimavoq. Maanilu Inatsisartuni upernaaq
akuersissutigaarput Inuiaat kalaallit atortorissaarutit atorlugit
attaveqaqatigiinnermut ikaarsaartinneqassasut.
Taamaammat
ilinniarfinni qaffasinnerusuni, aammalu ilinniarfinni qarasaasianik
atuiffiusuni ilinniartut qarasaasiamik pisinissaminnut aningaasanik
attartorsinnaanerat aqqutissiuunneqassasoq siunnersuutigaara.
Namminersornerullutik Oqartussat attartortitsisuullutik erniaqanngitsunik.
Evald Brøndlund,
siunnersuuteqartoq, Inuit Ataqatigiinniit:
Illoqqortoormiuni
umiarsualivik talittarfeqanngilaq. Taamaallaat Illoqqortoormiuni atorneqartarpoq
Brammiusassuaq puttasoq, imermillu immerneqaraanngami sissamut
aaliangiunneqartartoq. Illulu taamak angitigisoq.
Taannalu umiarsuaq siulleq tikingajaleraangat aatsaat ivertinneqartarpoq,
ukialerneranilu sila nillertittaleraangat imaariarlugu nunamut
qaqeqqinneqartarluni. Taamaattumik Illoqqortoormiuni piniarfeqarfiusumi
angallatit pisariaqartitsisupilussuupput taliffigisinnaasaminnik. Imarlu imarluutillugu
piniartut pisaminnik nunamut qalluiniartarnerat assut
ilungersuussutigineqartartoq nalunngilarput.
Ilaatigullumi angallatit putusoorneranik kinguneqartarluni. Imarluutillugu
angallatit sissamut tinngallaannartarnerat angallatiminullu imminnut
suliassikkersortarnerat uffa piniariartussaagaluarlutik
akuersaaginnaarsijunnaarakku Inatsisartunut siunnersuutiginiarpara,
sapinngisamik ukiuni qaninnerpaami Illoqqortoormiuni
talittarfeeraliortoqarnissaa.
Anthon Frederiksen, siunnersuuteqartoq, Kattusseqatigiit:
Siunnersuutiga agguaanneqareersimammat, siulittaasoq qinnuigissavara
naalisaanissannik akuereqqullunga.
Tassa ukioq manna Inatsisartut ukiuanni nutaami siunnersuutinnut ilaavoq,
ilinniartuunersiutit qaffanneqarnissaat. Tassami paasisakka naapertorlugit
ilinniartuunersiutit kingullermik qaffanneqarsimapput 1991-imili.
Nalunngilarpullu taamanikkulli akissarsiat aammalu akit allallu assigisaat
qaffattarsimapput. Ajoraluartumillu taakkua ilinniartunnguakkuluit atugaat
pitsanngorsarneqartarsimanngillat.
Nalunngilarput Naalakkersuinikkut piumasaqaataasoq aammalu
kissaatigineqartoq sapinngisamik kalaallit amerlanerpaat ilinniartuunissaat,
aammalu ilinniagaqarlutik ilaatigut tikisitanik siunissami
taarsiiartuaarnissaat siunertarineqartoq. Taamaattumik siunnersuutigivara
januarip 1.-aniit 1998-miit ilinniartuunersiutit qaffanneqassasut. aammalu
taassuma saniatigut ilinniartut atugaasa pitsanngorsarneqarnissaat aamma
ilanngullugu eqqarsaatigineqartariaqartoq, tassa assersuutigalugu ineqarnerup
tungaatigut aamma ajornartorsiutit annertoqimmata.
Ataatsimiinnermik aqutsisoq, Inatsisartut Siulittaasuata tullia Finn
Karlsen:
Tassa taamaasilluni aningaasanut inatsisissamut siunnersuuteqartut
saqqummiussinerat naammassivoq. Taavalu Inatsisartut aningaasanut
inatsisissaannut siunnersuut Aningaasaqarnermut Naalakkersuisup
saqqummiutissavaa:
Daniel Skifte, Aningaasaqarnermut
Ineqarnermullu Naalakkersuisoq:
Matumani 1998-mut Inatsisartut aningaasanut inatsisissaannut siunnersuut,
ilanngussartalik missinngersuutinullu ilassutitalik Naalakkersuisut sinnerlugit
saqqummiutissavara:
Inatsisissatut siunnersuutip imarai, isertitassanut aningaasartuutissanullu
akuersissutigineqartussanut siunnersuutit, oqaasertaliussassatut siunnersuutit
kiisalu Tjenestemand-itut atorfiit amerlasilersorneqarnissaannut
siunnersuutit.
Aningaasanut inatsisissamut siunnersuutip imarisai, anguniakkallu
tikinnginneranni aningaasanut inatsisissap maannakkumut suliarineqarsimanera,
aammalu allannguutissatut siunnersuutit qanoq suliarineqarumaarnerat
oqaaseqarfigilaarniarpakka.
1998-mut Aningaasanut inatsisissamut siunnersuut maannakkut
saqqummiunneqartoq naluneqanngitsutut Naalakkersuisunit tunuartunit
suliarineqarsimavoq. Minnerunngitsumillu tamatuma kingornagut nutaamik
Naalakkersuisut siulittaasoqalersimavugut, aammalu Atassutip Siumullu akornanni
isumaqatigiissutit tunngaviusut nutarteriffigineqarsimapput.
Naalakkersuinikkut anguniakkat pingaarnerit ataatsimut isigalugu allannguuteqanngillat,
kisianni aningaasaqarnikkut anguniakkat pingaarnerit eqqarsaatigalugit,
Naalakkersuisut isumaqarput sukaterinissaq pisariaqartoq. Taamaalilluni
1998-mut aamma 1999-mut amigartoorutissatut siunnersuutigineqartut
malunnarluartumik appartinneqassallutik, aammalu ukiunut missinngersuusiorfiusunut
missinngersuutit sinneqartooruteqarfiunissaat sapinngisamik piaarnerpaamik
qulakkeerneqarsinnaaqqullugu.
Isumaqarpugut sukaterinissaq pisariaqartinneqartoq, avatitsinniittunut
kalerrisaarutitut aammalu landskarsip aningaasaqarnera naleqquttumik
isumannaallisaaffiginiarlugu. Taamaattumik Naalakkersuisut sapinngisamik
piaartumik aningaasanut inatsisissamut siunnersuummut allannguutissanik
siunnersuuteqartunik arlaqartunik saqqummiussiniarput, IST-ip inerneranik
pitsaanerulersitsinissamik siunertaqartunik.
Tamanna pingaartumik pissaaq, ingerlatsinermi aningaasartuutit arlalitsigut
killiliineqarnerisigut aammalu aningaasanut inatsisissamut siunnersuummi
suliniutissat nutaat ilaasa eqqarsaatigeqqinnerisigut.
Taakkua saniatigut allannguutissatut siunnertinut tunngatillugu
oqaatigissavara, Inatsisartunut ilaasortat siunnersuutaat, nassiunneqartut
arlalissuit aningaasanut inatsisissamut siunnersuummut peqatigitillugit,
oqaluuserisassasut saqqummiunneqarsimammata.
Ilaasortat siunnersuutaat taakkua maannakkut
oqaaseqarfiginngikkallassavakka. Kisianni ilaasortat siunnersuutaannut
Naalakkersuisut oqaaseqaataat aningaasaqarnermut ataatsimiititaliamut
ingerlateqqinneqassapput. Taakku aningaasaqarnermut ataatsimiititaliap
aappassaaneerinissamut isumaliutissiissumminni ilanngussinnaaniassammatigit.
Taamatut oqaaseqareerlunga, maanna 1998-mut aningaasanut inatsisissamut
siunnersuutip saqqummiunneqartup imarisai anguniakkallu oqaaseqarfigissavakka.
Naalakkersuisut 1998-imut aningaasanut
inatsisissamut siunnersuutaat suliffiit ataavartut amerlanerusut aqqutigalugit
aningaasaqarniarnerup qaffassarneqarnissaanik, tamatumunngalu peqatigitillugu
innuttaaqataasut ataasiakkaat inuuniarnerminni pitsaanerusunik atugaqalernissaannik
kissaateqarnermik ersersitsivoq.
Oqariartuutit pingaarnerit tassaapput
inuussutissarsiortunut killiliussatut atugassarititaasut
pitsanngorsarneqarnissaat, tamatumunngalu peqatigitillugu innuttaasunut
ataasiakkaanut pitsaasunik toqqissisimanartunillu atugassaqarnissamik
qulakkeerisumik atugarissaarnartumillu ingerlatsisoqarnissaa.
Aningaasanut inatsisissamut siunnersuummi
isumaginninnermut, peqqinnissamut ilinniartitaanernullu tunngasuni naammaginartumik
sullissinissamik anguniagaasut aamma akitigut oqilisaassinikkut kiisalu
akileraarutinik akitsuutinillu qaffaannginnikkut innuttaasut aningaasartuutigisartagaasa
unikaallatsissimanissaannik anguniagaq tulleriiaarinermi immikkut pingaartinneqarput.
Tamatumunnga peqatigitillugu aalisarnermi aalisagaqassutsimut pisariaqartumik
naleqqussaanerit inuussutissarsiutinillu nutaanik avammut niuernermik
tunngaveqartunik ineriartortitsinerit naalakkersuisut ingerlatsinerminni
anguniagaraat.
Oqaatigissavara aningaasartuutinik
ingerlatsineq - pingaartumik sanaartornermut missingersuutini -
pilersaarusiorniarneqarmat sanaartornermi naammassisinnaanngisanik
suliassaqarpallaalernissaq pinngitsoorniarlugu.
1998-imut aningaasanut inatsisissamut
siunnersuummi missingersuusiornermut tunngaviit ukuupput:
Ukiuni kingullerni naatsorsuutitigut
angusat tunngavigalugit naalakkersuisut aalajangerput 1998-imut aningaasanut
inatsisissamut siunnersuummi aningaasatigut ingerlatsineq qasukkaallatsinneqarallassasoq.
Taamaalilluni 1998-imi aningaasanut inatsisissamut siunnersuummi Ingerlatsinermut, Sanaartortitsinermut Taarsigassarsisitsisarnermullu missingersuutini 145 mio. kr.-inik amigartooruteqarnissaq missingersuusiorneqarpoq. 1999-imi 42 mio. kr.-it amigartoorutigineqassangallutik. 2000-imi 11 mio. kr.-it sinneqartoorutaassangatinneqarput, kiisalu 2001-imilu 0,4 mio. kr.-it sinneqartoorutaanissaat naatsorsuutigineqarluni.
Akileraarutit eqqarsaatigalugit naalakkersuisut siunnersuutigaat nuna tamakkerlugu akileraarutip 11%-iunera aalajangiusimaneqassasoq. Nuna tamakkerlugu akileraarutit aningaasartaat 475 mio. kr.-inut missingersuusiorneqarput - 1997-imut sanilliullugu akileraarusiisarnermut tunngaviusut amerleriarmata 11 mio. kr.-it amerleriaataapput. Danskit naalagaaffiannit ataatsimoortumik tapiissutit 1998-imi 2.575 mio. kr.-iupput.
Namminersornerullutik Oqartussat ingerlatsinermut aningaasartuutaat ilaatigut innuttaasut ukiumikkut katitigaanerata allanngoriartornerata kingunerisaanik 1998-imi tatineqartussaapput. Naalakkersuisut 1998-imut aningaasanut inatsisissamut siunnersuumminni - siusinnerusukkut oqaatigineqareersutut - aamma suliassaqarfiit arlallit tulleriiaarinerminni pingaartippaat, suliniutillu nutaat kingusinnerulaartukkut uterfigisassakka aamma ilaatinneqarlutik. Tamanna amigartooruteqarnissamik naatsorsuutiginninnermut tunngaviuvoq.
Oqaatigerusuppara sanaartugassanut 646 mio. kr.-it immikkoortinneqarmata. Misilittakkat takutippaat sanaartornermi siunertarineqanngikkaluamik kinguartoortoqartarsimasoq. Taamaattumik naalakkersuisut aningaasanut inatsisissamut siunnersuutip missingersuutitaani kingusinnerusukkut ikililerilluni arlalitsigut iluarsiisoqartarnissaa aalajangiuppaat. Tamatumunnga atatillugu oqaatigissavara 1998-imi sanaartugassanut missingersuutit - missingersuutini ikililerilluni iluarsiisoqareerneratigut - 1994-imit 1996-ip tungaanut aningaasalersuinikkut piviusunngortinneqarsimasunit suli naleqarnerummata. Malugeqqussavara 1997-imi sanaartornermi siunertarineqanngikkaluamik kinguaattoornerit arlallit naatsorsuutigineqartariaqassammata aammalu taakku 1998-imut ilassutitut aningaasaliissutinut inatsimmut siullermut atatillugu akuersissutigeqqinneqassammata. Taamaattumik sanaartornermut ataatsimut isigalugu 1998-imi siusinnerusumut sanilliullugu sanaartornissaq annertunerujussuuvoq.
1998-imi aningaasanut inatsisissamut siunnersuummi suliniutit:
Inuussutissarsiornerup pingasoqiusamik - tassa aalisarnermik, aatsitassarsiornermik takornariartitsisarnermillu - tunngaveqarnissaa naalakkersuisut anguniagaraat. Aammattaaq inuussutissarsiutitigut namminersortut suliniutaasa tunngaviisa pilerinassusiisalu pitsanngorsarneqarnissaat naalakkersuisut anguniagaraat. Tamanna inuiaqatigiinnut atortulersuutinik pitsanngorsaajuarnikkut, naammassinnissinnaassutsimik naleqqussaanikkut killilersuutinillu qasukkartiterinikkut pissaaq.
Aningaasanut inatsisissamut siunnersuummi suliniutit ilaat aningaasaqarnermik qaffassaanermik inuussutissarsiutitigullu ingerlatsinermi pingaartinneqartut erseqqissarusuppakka.
Aningaasanut inatsimmi inuiaqatigiinnut atortulersuusersuinermik suliniutit annersaat tassaavoq timmisartunut suluusalinnut mittarfinnik piorsaaneq. 1998-imiit 2001-imut ukiuni sisamani mittarfiliortiternermi sanaartugassanut 500 mio. kr.-it misserluinnaat immikkoortinneqarput. Timmisartunut suluusalinnut nunap immikkoortuini mittarfiit atorneqalernissaminnut 1998-imi 1999-imiluunniit piariissapput, timmisartunullu suluusalinnut nunap immikkortuini mittarfiliortiternerup immikkoortuisa aappaat 1998-imi aallartinneqarsinnaanngussaaq ukiut 1999-imiit 2001-imut ingerlaneranni naammassineqartussatut naatsorsuutigineqarlutik.
Taamaalilluni Landskarsip pisinnaasaasa ilarujussuisa timmisartut atorlugit assartuinermi aningaasartuutit siunissaq ungasinnerusoq eqqarsaatigalugu ikilisarneqarnissaannut immikkoortinneqarnissaat aalajangiunneqarpoq, tamannami innuttaasunut suliffeqarfinnullu aningaasartuuterparujussuarnik pilersitsisarpoq takornariaqarnermullu akornutaalluni.
Ukioq manna augustip 25-anni naalakkersuisut danskillu naalakkersuisuisa isumaqatigiissutigaat 1998-imi januarip aallaqqaataa aallarnerfigalugu aatsitassanut tunngasunik ingerlatsineq nunatsinniit tiguneqassasoq. Tamatuma kingunerissavaa Aatsitassaleriffiup siunissami ingerlataqarnissamut qinnuteqaatit akuersissutillu oqartussaqarfittut suliarisalissagai, nunatsinnilu Aatsitassat pillugit Siunnersuisartoqatigiinnut allattoqarfittut ingerlassalluni.
Takornariaqarneq aamma inuussutissarsiutitut imminut nammattutut ineriartortinniarneqarpoq. Taamaattumik nunatta ornitassatut ussassaarutigineqarnera ingerlateqqinneqassaaq. Tamatumunnga peqatigitillugu inuussutissarsiutinut tapiissutitigut akunnittarfeqarnermut, takornariartitsisartunut il.il. aningaasaliinissamik neqerooruteqartarnerit aamma ingerlateqqinneqassapput.
1997-imi upernaakkut ataatsimiinnermi Inatsisartut aalajangerput Royal Greenland A/S ingerlatseqatigiiffiup nunami suliffissuaataasa niuernermi pissutsit tunngavigalugit tunisassiorsinnaassutsimikkut naleqqussarneqarnissamikkut pillugu isumaqatigiissuteqarfigineqassasoq. Aalajangerneq taanna 1998-imi aningaasanut inatsisissamut naalakkersuisut siunnersuutaanni massakkut ilanngunneqarpoq.
Isumaqatigiissut taanna aqqutigalugu kinguppannik tunisassiornerit tunisassiorfinnut ikinnerusunut eqitertinneqassapput. Tassa imaappoq Royal Greenland A/S-ip 1998-imi kinguppannik tunisassiornermi kinguppaleriffinnik iluaquteqarnera massakkut 50%-ip missarluiinnaaniittoq 70%-ingajannut qaffanneqassaaq. Illoqarfinni kinguppannik tunisassiornermik unitsitsiviusuni allanik tunisassiornerit pilersinneqassapput, taamaaliornikkut suliffissaqartitsineq ingerlaannarsinnaaqqullugu. Siullermik pineqartut tassaapput Qasigiannguit Qeqertarsuarlu, tamatumunngalu peqatigitillugu illoqarfinni taakkunani annertungaatsiartorsuarnik aningaasaliisoqartussaavoq.
1997-imi Nanortalimmi tunisassiassanik ineriartortitsineq pillugu misiligutigalugu suliniutit aallarnisarneqarput. Naalakkersuisut aalajangerput suliniutit taakku ingerlanneqarnerat 1998 ilanngullugu sivitsorneqassasoq.
Inuussutissarsiutinut tapersiisarnermi ataatsimiititaliamut ilanngaasikkanik atugassarititaasut iluanni 1998-imi ilaatigut saattuarniutinut aamma nunalerinermik inuussutissarsiutillit suliffeqarfiutaannut aningaasaliissutissanut taarsigassarsiat nutaat amerlineqarnissaat periarfissaqalerpoq.
Ukiuni arlalinni piniarnermik nakkutilliinermik kommunini sisamani misiligutitut aaqqissuussisoqarpoq. Tamatumani paasisimasakka tunngavigalugit aningaasanut inatsisissami siunnersuummi piniarnermik nakkutilliisoqarnerup aaliangersimanerusumik ingerlanneqalernissaanut aningaasaliisoqarnissaa siunnersuutigineqarluni.
Taamaattumik takuneqarsinnaasutut suliassaqarfinni arlalinni aningaasaqarniarnermik qaffassaanerup inuussutissarsiutitigullu ingerlatsinerup nukittorsarneqarnissaat naalakkersuisut aalajangiusimavaat. Atugarissaarnerulersitsiniarneq qiviarutsigu 1998-imi aningaasanut inatsisissamut siunnersuummi aamma immikkut suliniutit arlallit erseqqissarusuppakka.
Naalakkersuisut atugarissaarnerulersitsiniarneranni innuttaasut "imminnut ikiorsinnaalernissaat siunertaralugu ikiuinerup" innuttaasunut qulakkeerunneqarnissa aammalu innuttaasuni sanngiinnerpaamik inissisimasut eqqarsaatigalugit akisussaassuseqarnissaq tunngaviusumik eqqartorneqarpoq.
Naalakkersuisut atugarissaarnerulersitsiniarnerisa ilaqutariit ataasiakkaat ineqarnikkut naammaginartunik atugassaqarnissaat akissarsiallu pisissutaasinnaanerisa isumatusaartumik ineriartortinneqarnissaat qulakkiissavaat. Tamanna suliffissaqartitsinissamik periarfissat qulakkeerneqarnerisigut aamma aningaasartuutit amerlisinnaveersaarneqarnerisigut pissaaq.
Aningaasartuutit amerlisinnaveersaarnerannut Naalakkersuisut ingerlatsinerminnut ilaatillugu 1998-imi aningaasanut inatsisissamut siunnersuummi suliniutit marluk ilannguppaat.
Siullermik ineqarnermut akiliutit massakkut allanngutsaalineqarnerat aalajangiusimaniarlugu inissiani najugaqatigiiffinnut immikkut tapiissutit katillugit 6 mio. kr.-it 1998-imut ukiunullu missingersuusiorfiusunut tamanut immikkoortinneqarput. Inissiat attartortittakkat aserfallatsaaliornerisa annertuumik assigiinngissuteqarnerat pissutigalugu tamakkununnga tapiissutit pisariaqartinneqarput, tamatumalu kingunerisaanik najugaqatigiiffiit ilaat ingerlatsinermi aningaasaqarnermikkut ajornartorsiuteqalerlutik.
Aningaasartuutit amerlisinnaveersaarneqarnerannut suliniutit aappaat naalakkersuisut aningaasanut inatsisissamut siunnersuummi ilanngussaat tassaavoq innaallagissamut akiliut. Taanna ikaarnaveersaartinniarneqarpoq aningaasat atugassat immikkoortinnerisigut.
Akileraarutit aalaakkaatinneqarnissaat pitsaanerusumik tunngavissaqartikkumallugu tamakku saniatigut kommunit 1998-imi ukiunut tulliuttuni amerlanerusunik ataatsimoortumik tapiiffigineqarput. Kommunit ataatsimoortumik tapiissutinut suli 5 mio. kr.-it immikkoortinneqarput, meeqqanut inuusuttunullu kiisalu utoqqarnut aningaasartuutit amerleriaataasa ilaannut matussutissatut.
Ukiuni aggersuni ilinniartitaanikkut suliassaq annertooq tassaasussaavoq paasissutissiisarnernut atortorissaarusersornerup ineriartortinneqarnissaa. Suliassaqarfinni tamatumani suliuniutit nutaat ilaat tassaavoq ilinniartitsisunik atuartunillu ungasissumit atuartitsinermik pilersitsinissaq. 1998-imut inatsisissamut siunnersuummi ukiuni pingasuni 1998-imiit 2000-imut ingerlasuni ukiunut tamanut tamanut ilinniartitseriaatsimik misileraalluni ingerlatsinermut aningaasaliissutissat 1 mio. kr.-it Naalakkersuisut immikkoortippaat.
Kommunit atuarfiit nutarterneqarneri eqqarsaatigalugit annertoorujussuarmik kinguaattooqqasoqarnera Naalakkersuisut eqqumaffigaat. Taamaattumik Naalakkersuisut siunnersuutigaat 1998-imut ukiunullu tulliuttunut tamanut kommunini atuarfiit nutarterneqarnissaannut 30 mio. kr.-it immikkoortinneqassasut, tassa atuarfinnik nutarterinernut aningaasaliissutit marloriaatsingajanngortillugit.
Peqqinnissaqarfiup ingerlanneqarneranut aningaasaliissutissat 1997-imut ilassutitut aningaasaliissutinut inatsisikkut siullikkut 1998-imut immikkoortinneqartunit amerlanerusunik ilaneqarnissaat siunnersuutigineqarpoq. Missingersuutini taama amerlisitsinikkut siunertarineqarpoq peqqinnissaqarfiup pisariaqartumik missingersuutitigut aalaakkaasuunissaata qulakkeerneqarnissaa, tassa siunissaq ungasinnerusoq eqqarsaatigalugu pitsaanerusumik ingerlatsineq anguneqarsinnaaqqullugu.
Imerajuttunik katsorsaaviup Ilulissani sananeqarnissaanut ingerlanneqarnissaanullu aningaasaliissutissanik Naalakkersuisut immikkoortitsipput. Imerajuttunik katsorsaavimmi tassani Nunatta avannaani najugaqartut katsorsarneqartassapput, taamaaliornikkummi katsorsarneqarsinnaasut ukiumut 50-inik amerleriartussaassapput. Imigassamik ikiaroornartumillu akiuiniarnermut siunnersuisoqatigiit Naalakkersuisunut siunnersuisartuusussat pilersinneqarnissaat aamma Naalakkersuisut kissaatigaat.
Pinaveersaartitsinermik suliaqarneq nukittorsarniarlugu aningaasanut inatsisissamut siunnersuummi PAARISA-p Peqqinnissamut Ilisimatusarnermullu Pisortaqarfiup ataani allaffittut nammineq ingerlasutut pilersinneqarnissaa missingersuusiorneqarpoq. Paarisa-p pinaveersaartitsinikkut peqqinnnerulersitsiniarnikkullu suliniutit ataqatigiissassavai, aallarnersartarlugit ineriartortillugillu.
Peqqinnissaqarfimmi paasissutissiissarnermut atortorissaarutit atorneqarnissaannut periarfissat Naalakkersuisut aamma eqqumaffigaat. Assersuutigalugu nalunaarasuartaatitigut attaveqaatit atorlugit nakorsiartitsisarnermik qarasaasiallu atorlugit suliaritsittarnernik nalunaarsuinermik ingerlatat takutippaat, tamakku pilersaarusiornermut katsorsaanermullu pitsaasumik sunniuteqartut.
Naalakkersuisut 1996-imi aamma 1997-imi innaarlutilinnut tunngasut immikkut isiginiarpaat. Tamatuma kinguneranik innaarlutillit amerlanerusut pisariaqartitatik naapertorlugit ikiorserneqartalerput. Peqqussutit atuuttut malillugit sullissisinnaassuseq massakkut kommuninit atorluarneqarnerulerpoq, tamatumunngalu aningaasartuutissat pingaartillugit isiginiarneqartarput.
Kommunini ataasiakkaani suliffissaaleqineq annikillisarniarlugu aningaasat aalajangersimasumik amerlassusillit suliffissaaleqinermik immikkut ittumik akiuiniarnermut ukiumut 1998-imiit 2001-imut ingerlasunut tamanut mandtiiminut tapissutitut atugassatut Naalakkersuisut immikkoortippaat. 1998-imi ukiunilu missingersuusiorfiusuni tamani ukiumut 12 mio. kr.-it misserluinnaat immikkoortinneqarput. Mandtiiminut tapiissutit - kommunit namminersortullu aningaasaleeqataanerisigut - suliffissaqartitsiniarnikkut ukioq naallugu suliffissanik 150-it 200-ullu akornanni amerlassusilinnik pilersitsisoqassaaq.
Ineqarnermut tunngasuni Naalakkersuisut siunnersuutigaat 1998-imut 290 mio. kr.-it immikkoortinneqassasut, inissiat pioreersut ilaneqarnissaannut pitsanngorsarneqarnissaanullu atugassatut. Missingersuutit kingunerisaannik inissiat nutaat 320-t 1998-imi sanaartorneqarlutik aallartinneqarsinnaalissapput. Ukiuni 199-imiit 2001-imut ingerlasuni inissiat suli 880-it sanaartorneqarneri aallartisarneqarsinnaalissapput. Ukiut taakku sisamat ingerlaneranni inissianik nutaanik 1.200-nik sanaartorneq aallartinneqarsinnaalissaaq.
Piginneqatigiilluni inissianut aningaasaliinissamut soqutiginninneq annertusiartorpoq. Inissiaateqarneq ataatsimut isigalugu namminersortut peqataatinneqarnerulernissaannut periarfissap tamatuma - tassa inissianik sanaartornermut atugassatut Landskarsimit killiussat iluanni, inissianik amerlanerusunik sanaatornermik kinguneqartussap - atorluarneqarnissaa Naalakkersuisut soqutigaat. Taamaattumik 1998-imi aningaasanut inatsisissatut siunnersuummi, 1998-imut 9 mio. kr.-nit, 1999-imi 11 mio. kr.-nit ukiunullu 2000-imut 2001-imullu ukiut tamaasa Naalakkersuisut 9 mio. kr.-nit immikkoortippaat.
Naggasiullugu oqaatigerusuppara, ilaatigut nunanut allanut tunngasuni inuiaqatigiit eqqarsaatigalugit suliniutissanut pingaarnerusunut marlussunnut aningaasaliissutissanik Naalakkersuisut immikkkoortitsisimammata. Taamaaliortoqarpoq inuutissaarsiortut nunani allani periarfissaat nunani allani inuussutissarsiortut nunatsinnik soqutiginninnerat nukittorsarniarlugit. Aammattaaq nunatta soqutigisai nunat tamat akornanni suleqatigiiffinni suliarineqartartut pitsaanerusumik malinnaaviginiarneqalerput.
Naalakkersuisut isumaat naapertorlugu suliniutit assigiinngitsut amerlasuut 1998-imut Inatsisartut aningaasanut inatsisissaannut siunnersuummi ilanngunneqartut Naalakkersuinikkut anguniakkatsinnut naapertuulluarput. Inuussutissarsiutinik ineriartortitsinerup nukittorsarneqarnissaannut atugarissaarnikkullu pitsanngoriaatsinut arlalinnut immikkut aningaasaliissutissanik immikkoortitsisoqarpoq.
Taamak oqaaseqarlunga aningaasanut inatsisissamut siunnersuut matumuuna Inatsisartunut, tamatumali kingorna Aningaasaqarnermut Ataatsimiitsitaliami inatsisissamut siunnersuut, oktoberip 21-anni aappassaaneerneqarnissaa siunertaralugu oqaluuserisassanngortippara.
Lars Kars Jensen, Siumup oqaaseqartua:
1998-imut ukiunullu tulliuttunut aningaasanut inatsisissamut siunnersuummi saqqummiunneqartut tunngavigalugit Siumut isumaqarpoq, aningaasanut inatsisissat oqallisigineqartarneranni Inatsisartuni partiit ilaasortallu ataasiakkaat ukiuni tulliuttuni anguniagassatut innersuussutigisartagaat aallaavigalugit ingerlatsinermi, sanaartornermut taarsigassarsititsinermullu missingersuutinut aningaasaliissutissat Naalakkersuisut ilusilerniarsimagaat, tamannami oqariartuutaannut ersarimmat.
Taamatulli oqarnerput imatut paasineqassanngilaq 1998-imut ukiunullu tulliuttunut aningaasaliissutissat taama isikkoqartillugit ingerlaannartumik akuersaarniarigut.
Siumut isumaqarpoq 1998-imut ukiunullu tulliuttunut aningaasartuutissat aappassaaneerlugit oqaluuserinissaanut siunissamut pilersaarusiorneq sillimaffigisassatut aaqqitassat arlaqartut.
Ukiunimi tullerni inuiaqatigiinni suliassat Nunatta aningaasaqarneranik pilersaarusiornermi annertuumik sillimaffiusussat arlaqarput, assersuutigalugit, inunnik isumaginninneqpillugu isumaliusissiissutip nassatarisassai inuuniarnikkut oqilisaassinissat, pisortat illuutaasa pisoqalisut oqorsarnissaat, minnerunngitsumillu ukiup affaani kingullermi oqallisaaqisut meeqqat atuarfiisa aserfallassimaqisut iluarsaannissaat allallu ingerlaavartumik sanaartugassat, suliassaapput aningaasarpassuarnik atuiffiusussat.
Siumumiit nuannaarutigaarput ukiuni tulliuttuni nuna tamakkerlugu sanaartugassat annertunersaat mittarfiliornerit inissialiornerillu allannguteqartinnagit ingerlanniarneqarmata.
Taaneqartumullu kingullermut atatillugu inissianik nutarterinermi pilersaarusiorneq ingerlateqqittariaqarpoq, ukiuni naalagaaffiup sanaartortitsineranit kingornutavut, aammalu ullumi akisussaaffigalugit pitsanngorsarniakkavut naalagaaffeqatigiinnermi suleqatigiiffigineqarsinnaasutut isumaqarfigivagut.
Nunatsinni illugissaaneq ukiuni arlaqaleqisuni ingerlanneqarsimaleraluartoq nunatta ilaani tassa amerlanersaat nunaqarfinni suli illoqarpoq illutoqqanik type 3-nik taaguutillit allallu ullutsinni peqqinnissamut naleqqutinngeqisut suli najugaqarfigineqartunik, maannakkut pilersaarutini takuneqarsinnaavoq illut katiteriaannaat 100-nik amerlassusillit, Illorput 2000-mik taaguutillit sanaartorneqassasut tamakkua maannakkut namminneq illuliaasartunut type 43-nik aamma type 69-nut taartaasussaapput.
Illutoqqani siuliani taasatsinni najugaqartut nutaamik illutaarnissaannik pinngitsaalisinnaanngilagut isumaqarpugulli peqqinnissami suliniuteqarneq toqqammavigalugu amerlanerusunillu suliffissaqartitsiniarneq aallaavigalugit illutoqqani tamakkunani najugaqartut najukkami oqartussaasunit kajumissaarneqartariaqartut namminneq illulianik pissarsiniarnissaanik.
Siumumi takorloorparput illutoqqat taarsersornissaannut suleriarnissaq pisinnaasoq suliffissaqartitsiniarnermi tapiissutinik aningaasalersuineq aqqutigalugu.
1998-mi inissiat 320-t missaat sananeqartussaapput taamatullu amerlatigisut ukiuni tullerni sisamani sanaartorneqarnissaat aalajagiunneqarsimammat Siumumit nuannaarutigaarput. Tamatuma takutippaa ukiuni tullerni sisamani inissiat 1200-t pilersinneqassasut allatut oqaatigalugu kingullermik inissarsiortut naatsorsorneqarnerat 1996-mi pisoq tunngavigalugu inissarsiorlutik allatsinnikut 40 %-iisa missaat ukioq 2001-mi initaartinneqarsimassapput. Kiisalu taakkua saniatigut piginneqatigiilluni inissianut namminersortut peqataatinneqarnissaat siunertaralugu Naalakkersuisut aningaasaliissutissatut immikkoortitaat Siumumiit akuersaareerumavagut tamatuma nassatarissammagu ukiuni tulliuttuni inissaqarniarnikkut ikorfartuineq.
Inuussutissarsiutinik siuarsaaneq aallaavigalugu nunatsinni nammineq ingerlanneqartut annertusiartuinnarnerannnut atatillugu 1998-mi januarip aallaqqaataani aatsitassanut tunngasunik ingerlatsineq nunatsinnut nuunneqassaaq.
Imarpik qulaallugu timmisartuussinermi aammalu nunattailuani angallannermi akit appariartinneqarput angusat tamakkua pillugit Siumumiit Naalakkersuisut tamakkuninngalu isumaqatigiinniarfigisaat angusaannik pilluaqquniarpagut.
Angallannerup akikinninngorneratigut takornariaqarnikkut nunatsinnut kajungertut amerlanerulernissaat qularutissaanngilaq aammalu nunatsinni sumiiffiit akornanni angallannerit annertunerulertussaassapput KNI-p umiarsuaatileqarfianut Grønlandsflymut SAS-mullu iluaqutaasussanik.
Kangerlussuarmut aningaasaliisarnermut atatillugu Siumumiit eqqaasitsisutigissavarput, nunatsinni angallanneq ammalumi avataaniit tikerarneq aallarnerlu pillugit piffissami aggersumi katerinnerit oqallinnerillu, angallannermut naalakkersuisup neriorsuutai pereerpata, matumani pineqartut suli erseqqinnerulerumaartut aamma tunngavissanut ilaassasut.
Takornariaqarnermut tunngatillugu Siumumiit pingaartipparput ilinniartitaanerit annertusarneqarnissaat, aammalu nunatsinni najugaqavissut ullumikkornit annertunerusumik takornariartitsinikkut ineriartortitsinermi peqataanerulersinneqarnissaat.
Inuussutissarsiutinik ineriartortitsineq eqqarsaatigalugu aningaasaliisarnikkut suliniuteqarnerup nassatarisaanik ukiuni kingullerni takornariaqarneq aatsitassarsiornermullu misissuilluni ingerlatsinerit annertusiartornerat siunissami aningaasarsiornikkut isumalluarnartoqaraluartut, taamaattoq aalisarnermi ineriartorneq aalisakkanillu avammut tunisassiat kisiisa, akiisa qanoq inissisimanerat nunatsinni aningaasatigut atuisinnaassutsimik ingerlatsinermi oqamaalutaavittut suli annertuumik pingaaruteqarpoq.
Taamaattumik suliassaqarfiup iluani aalisarnermik misileraanermut angallatinillu naleqqussaanermut suliffissuarnillu suliassaqartitsiniarnermut ukiuni tullerni aningaasaliissutissatut pilersaarutit Siumumiit akuerseqataaffigivagut. Tunisassiornerup ineriartortinneqarnerani nutaanillu aalisarneqarsinnaasunik nassaarniarnermi suliassat ingerlareersut aallaavigalugit suliffissanik aningaasaliinermi tunngaviusunik qulakkeerinissaq anguniarlugu.
Naalakkersuisunut kaamattuutigissavarput suliassanik ineriartortitsinermut nakkutilliinerminni aningaasaliissutit atunngitsuulissagaluarpata, illoqarfiit assagiarsuleriffinnik pilersitsiffiusussat, tassalu Paamiut Maniitsorlu piaartumik arlaatsigut iliuuseqarfigeqqullugit, suliffissuaqarnikkullu ajornartorsiuteqartoqassappat umiarsuarnik namminersortunilluunniit pigineqartunit tunitsiviliisoqarnissaa aqqutissiuuteqqullugu. Tamannami suliffissanik 225-ninngaanniit 275-inut amerlassusilinnik pilersitsiviusussatut takorloorlugu tunisassiassanik naapertortunngorsaanermik ilusiliineq siorna 1997-imi aningaasaliissutitigut akuerseqataaffiginikuugatsigu.
Matumanilu taangitsoorusunngilarput aalisakkanik suliffissuit naammassineqarsinnaanerannut naleqqussaanerup suliassartaasa siullersaannik aallarteriarnermi pilersaarusiornikkut suleqatigiittoqannginnera pissutiginerullugu, tassa Qasigiannguani nalaaneqartoq, tassani suliffissuup inissinneqarnissaa umiarsualivimmut aammalu qerititsivimmut qanittumi, Quilimmik taaneqartartumi sananeqartussatut suliarinnittussarsiuuneqarpoq, taana ingerlanneqarsimavoq sianiginagu tunisassiornermi pingaaruteqaqisumik imermik, pilersorneqarnissamut ruujoreqanngitsoq aqquteqanngitsoq tassunga.
Siumut isumaqarpoq suliffeqarfissuit Namminersornerullutik Oqartussat piginneqataaffigisaat allallumi, sanaartugassatigut pilersaarusiorneranni sukumiinerusumik pisortat najukkamilu illoqarfiit pilersaarusiornerannik ingerlatsiffinnik qanimut suleqateqarluni ingerlanneqartariaqartut, aningaasanik atorluaanerunissaq siunertaralugu.
Siumumiit pingaartillugu oqaatigissavarput nunatsinni innuttaasut nunarsuarmioqatitsinnut allanut unammillersinnaanerat annertusarneqassappat, kalaallisut oqaatsitta ineriartortinneqarnerannut tapertaliullugu oqaatsit allat ilinniarneqarnissaat meeqqat inuusuttullu siunissarigaat.
Oqaatsinut pikkorissarfiup aammalu oqaatsinut allattoqarfiup qarasaasiallu atorlugit atuartitsinermi ineriartortitsinissamut ukiuni tullerni, aningaasaliissuteqartarnikkut innuttaasunik avammullu sullissinermi anguniakkat ikorfartorneqarnissaat isumalluarnartoqartipparput.
Ukiuni kingullerni nunatsinni ilinniagaqarfiit ikigisassaanngitsut pilersiortorsimavagut, ilinniarfiit piumaffigiuvarpagut amerlanerusunik ilinniartoqarlutik ingerlanissaannik. Siumut isumaqarpoq tamakkua atorluarneqarnerunissaat piumasarissagutsigu, tassunga ilanngullugu ullumikkut ajornartorsiutaasumut - tassalu ilinniagaqartut najugaqarfiinik amerlanerusunik - pilersitsisariaqartugut.
Illoqarfinni ilinniagaqarfiusuni ilinniagaqartut amerlaqaat INI A/S-ip inissiaataanik attartorluni najugaqartinneqartut, tamakkua innuttaasut inissaqartinniarnerinut ajornartorsiortitsipput, akilersornerilu Ilinniartitaanermut Pisortaqarfimmut aningaasatigut annertuumik nammakkersuutaallutik.
Tamanna aallaavigalugu Siumup Naalakkersuisunut inassutigissavaa, ukiuni tullernut sanaartugassat pilersaarusiorneranni, ilinniagaqartut ineqarfiinik sanaartornissaq aqqutissiuuteqqullugu, piginneqatigiilluni inissialiortitsinerilluunniit aqqutigalugit, isumaqarpugut taamatut aaqqiinerit aamma takornariaqarnermi aamma atorluarneqarsinnaasut.
Peqqinnissamut tunngasunik sulisussanik ajornartorsiuteqarnerit qaangerneqanngikkaluartut, paasisitsiniaanerit, ataatsimeersuartitsinerit immikkullu ilisimasalinnik sulisoqarluni katsorsaanerit Peqqinnissamut Naalakkersuisoqarfiup suliniutigimmagit Siumumiit nuannaarutigaarput, taamaattorli pingaartipparput inuup peqqissuunissamik akisussaaqataanera qiteralugu sullissineq ingerlanneqassasoq.
Ukiuni tullerni aningaasaliissutissaatigut takuneqarsinnaavoq imigassamik aalakoornartulimmik ajornartorsiuteqartut katsorsaaviannik Ilulissani sanasoqassasoq. Imerajuttunik katsorsaaviit amerlineqarnissaanut tunngatillugu Siumumiit inassutigeriissavarput, ikiaroornartumik ajornartorsiuteqartut katsorsarneqartarnissaannik periarfissarsiuussisoqassasoq.
Aningaasanut inatsisissami takuneqarsinnaavoq nuna tamakkerlugu meeqqanik inuusuttunillu paaqqinnittarfiit, ataatsimut aningaasartuutissaat amerlaninngortinneqarsimasut taamatullu utoqqaat najugaqarfiinik sanaartorneq pitsanngorsaanerlu annertusarneqartut.
Tamakkua takutippaat inuup inuunera qiteralugu nunatsinni inunnik isumaginninnermi ineriartortitsineq isumaliuutissiissutip ingerlannerani anguniarneqartoq.
Inunnik isumaginninnermi
ataatsimiititaliarsuup suliaasa tulleeriiarneqartumik saqqummiunneqarnissaat
amerlasuutigut inuuniarnikkut oqilisaassinernik siunnerfeqartussaasut
suleqataaffiginissaat qilanaaralugu aningaasatigut ilusilersueqqataanissaq
Siumumiit suleqataaffigissavarput.
Meeqqat, inuusuttut, utoqqaat, innarluutillit
ilaqutariillu atugarisaat annertuumik sammineqareerput. Aamma utoqqartatta
inuuniarnerisa oqilisaaffiginissaanut aningaasassaqarnissaq pingaartikkatsigu
aammalumi qujanartumik utoqqaat amerlanerujartuinnartut 60-ileereerlutik
peqqillutillu suli suligallarusussinnaasut iluatigalugit, Siumumiit
Naalakkersuisut qinnuigissavavut utoqqalinersiaqalersinnaanermut
ukiorititaasup sapinngisamik piaartumik aalajangiiffiginissaa pimooruteqqullugu.
Tassami ukiuni arlaqalersuni, aamma utoqqarpassuit akuersaagaannik,
utoqqalinersiaqalersinnanermut ukiorititaasup 60-iniit 63-imut
qaffanneqarnissaa noqqaassutigineqareernikuummat.
Siuliani utoqqarnut tunngasumik
oqaatigisatsinnut atatillugu erseqqissassavarput Siumumi
naatsorsuutigilluinnaratsigu Naalakkersuisut isumaginninnermut tunngasunik
inatsisitigut peqqussutitigullu aaqqiissutissanik Inatsisartut upernaaru
ataatsimiinnissaannut saqqummiussaqqarumaartut.
Ukiuni tulliuttussani marluni 1998-mi
aammalu 1999-mut miisingersuutini amigartoorutissat ukiuni siuliini
ingerlaatsimi periusiusartunut saniliullugit aarlerinartutut
isikkoqanngikkaluartut, Siumumiit Naalakkersuisut oqarnerattut
aningaasartuutinik tukernersimaartumik ingerlatsiniarniarnermi
iluaqtaasinnaasutut isigalugit inassutigeriissavarput siunissaq ungsinnerusoq
isigalugu Nunatta karsiani sillimmatit tutsuiginarnerusumik
inissisimasussanngorlugit pilersaarusiorfigissagaat, periarfissat makkua
ilanngullugit Naalakkersuisunut misissoqqussavagut:
Nunanit allanit aningaasat atukkat akilersornerisa
siammasinnerusumik taarsersornissat periarfissaqarnersoq mannakkut
akilersuinermi erniat innarlinngikkaluarlugit.
Piginneqatigiiffinnik
pilersitsisussaqartillugu selskabet Namminersornerullutik Oqartussanit
peqataaffigineqarutut pioreersullu atorneqarsinnaanerisa periarfissaqarnissaat
aamma ilanngullugu misissorneqassasut.
Sanaartornermi akit
akuersaarneqarsinnaasut nassaariniarneqarneranni sulisartoqarnermi
sulisorineqarsinnaasut innarlinngikkaluarlugit periarfissat allat soorlu nunat
sanilerisat suleqatigalugit sanaartornermi akit appasinnerusut
nassaariniarnissaat.
Naalakkersuisunut ilanngullugu
eqqarsaatigeqquarput illutoqqanik taarsersuineq pimooorunneqassappat nammineq
illuliassanut tigutsisissanik periarfissaqanngitsut illunut isertereernermi
akiligassanut naaferaasumik akilersuinissamik periarfissaliinissaq.
Piniarnermik nakkutilliisunik
atorfinitsitiornermi maannakkut Namminersornerullutik Oqartussani
tjenestemand-itut atoeqareersut aalisarnermik nakkutillisut fiskeribetjent-it
taasakkagut ilaasa atorneqarsinnaanerat suliffeqarfiannut akornutaanngitsumik
aamma ilanngullugu misissoqquarput.
Kiisalu Ammassallip kommuniani
qaleralinniarneq suliffissuarmilu suliassaqartitsineq siuarsarniarlugit
aalisariutinik kitaanik atorneqanngitsunik Kuummiunut aalisariartitsisinnaaneq
misissuiffegeqqullugu.
Nukissiuuteqarnermi seqerngup, erngup
anorillu nukingat atorlugit illoqarfinni nunaqarfinnilu piorsaanissamut
periarfissat pitsaasut illersorneqarsinnaasullu atorluarneqarnissaat
ingerlaqqittumik sulissutigeqqullugu aamma inassutigivarput.
Naggataatigut Naalakkersuisut
Siulittaasuata Jonathan Motzfeldt-ip aammaanersiornermi oqaasia Siumumiit
taperserparput tassalu inuuniarnikkut oqilisaassinermut atatillugu atuisut
atuinermi akiliutaasa appartikkiartuaarnerannut taarsiullugu, najugaqarfiit
oqorsarneqarnissaannik oqarnera Siumumiit isumaqatigaarput, nukissiuutit
eqqarsaatigalugit akinik appartitinerit kingunerisassaat allatigut
atorneqarsinnaaneri misissuiffegeqqullugit. Tamatumuunga ilanngullugu
nunatsinni sanaartortitsinermi illuliat oqorsarluakkat nunatsinni naleqquttut
nassaariniarnissaat. Naalakkersuisunullu alaatsinaareqquarput nunatsinni
nunatta atortussiaanik illuliaq soqutiginartoq SIKUBLOK Narsami Narsarsuarmilu
misiligutitut sananeqareersoq.
Siuliani oqaaserisagut aammalu
inatsisartunut ilaasortanik siunnersuutigalugit oqaluuserisassanngortitat
ilanngullugit 1998-imut Aningaasanik inatsisissaannut ilanngullugit
aningaasaliiffigineqarnissaata periarfissaqarnersut
aappassaaneerneqannginnerani aningaasaqarnermut ataatsimiititaliamit
misissoqquagut.
Peter
Ostermann, Atassut-ip oqaaseqartua:
Aningaasanut
inatsisissamut Naalakkersuisut siunnersuutaat saqqummiunneqartoq inuussutissarsiutinik
patajaallissaaniarluni aningaasartuutinillu annikillisaaniarluni politikkimik
nangitsineruvoq inuussutissarsiutinut innuttaasunullu iluaqutaasussaq.
Taamatut
anguniagaqarluni politikkeqarnermut Atassut tamakkiisumik isumaqataavoq, siusinnerusukkulli
oqareernitsitut Atassut-miit oqaatigeqqissavarput taama
amigartooruteqartigisumik siunnerfeqarneq toqqissisimanartinngilluinnaratsigu.
Naak aningaasanik tigoriaannakkanik sillimmateqarneq
toqqissisimanarluinnaraluartoq, taamaattoq silatusaartumik iliuuseqassaagut
ingerlatsinermilu aningaasartuutit qaffatsinnaveersaarutsigit.
Atassut-miili
assut toqqissaillannarpoq Naalakkersuisunngortut nutaat nammineq saqqummiussaminni
aningaasanik ingerlatsinerup sukanneqarnissaanik siunniussaqarmata. Atassut-mi
isumaqarpugut sukaammisitsinerup kinguerisariaqaraa 1998-imi
amigartoorutaasussat malunnaatilimmik appartinneqarnerat 1999-imilu
peerneqarnerat.
Inuuniarnitsinni
ajunngitsunik atugaqarnissatsinnut tunngavissat amerlanerpaat aningaasanut
inatsimmiikkajuttarput tunngavissat inunnut ataasiakkaanut ilaqatariinnullu
inuttut naleqassusermik misigilersitsisussat.
Taamaattumik
aningaasartuutinik nillisaaniarluni suliniuteqarnerit
ingerlatiinnartariaqarput. Inuit ataasiakkaat ilaqutariillu, pingaartumik
ilaqutariit meerartallit eqqarsaatigalugit inissianut attartortittakkanut
akiliutaasartoq akiliisinnaassusermut naleqqunnerusunngortittariaqalerput,
innuniarnermi atukkat malunnaatilimmik pitsanngorsarnissaannut
aqqutissatuaammat.
Isumaginninnermi
Ilinniartitaanermi Peqqinnisaqarnermilu sulissunneqarnitsinnik naammaginartumik
atugassaqartitaanerput inuiaqatigiiusugut tunngavigisatta pingaarnersaraat,
taamaakkaluartorli Atassut-mut naammaginanngeqaaq maanna ataatsimiinnermut,
pingaartumillu oqallisersatsinnut tunngatillugu, utoqqaat aningaasatigut
atugarisaannut pitsanngorsaatissanik saqqummiussaqartoqanngimmat, naak
isumaginninnermut ataatsimiititaliarsuup isumaliutissiissutaata
oqallisiginerani tamanna siunniunneqaraluartoq. Aamma siunniunneqaraluarpoq
inuttaasut isumagineqarnissamut assigiinnerusumik periarfissaqalissasut,
katuffisumimmik ilaasortaaneq apeqqutaatinnagu. Tamanna pillugu
Naalakkersuisunut ilaasortap nassuiaateqarniarnera Atassut-miit
utaqqimaassavarput.
Meeqqat
inuusuttullu atugarisaat pitsanngorsartuarniarlugit iliuuseqartoqartuarpoq
eqqaasinnavarput soorlu ungasinngitsukkut ini timersortarfeeraq
Illoqqortoormiuni atoqqaartinneqarpoq, Atassut-miillu neriuutigeqaarput meeqaat
inuusuttullu ulluinnarni inuunerannut pitsaasumik kinguneqassasoq,
eqqaamasavarpullu taama pisariaqartitsineq arlalinni suli annertummat.
Nassuerutigisariarqarparpulli
tamakkuninnga suliniuteqarneq kisimi naammanngimmat. Aarleritsannaqaaq meeqqat
ulluinnarni inuuniarnerminni ajornartorsiuteqartarnerat ilaatigut anertusiartortoq
tusartualerlugu.
Pissutsit
taamaaliartornerat Atassut-miit takussutissaatipparput naammattunik
ersarissunillu anguniagaqarfiusunik suliniutaasartut amigaataasut. Tamanna
tunngavigalugu Naalakkersuisunut kissaatigaarput Paarisap pilerseqqinninerani
meeqqanut inuusuttunullu immikkoortortaqarfimmik pilersitsineqaqqullugu,
allanik suliaqarani meeqqanut inuusuttunullu ersarissunik anguniagaqarfiusunik
suliqartussamik.
Inuussutissarsiutitigut
pitsaasunik periarfissaqartitaaneq patajaattumik aningaasaqarnermut
pissutaagajuttarpoq.
Ukiuni
qaangiuttuni Naalakkersuisut aatsitassarsiornermi, uuliasiornermi, aalisarnermi
takornariartitsinermilu assut pitsaasunik suliniuteqartarsimapput,
Atassut-miillu neriuutegaarput taama suliniuteqarnerit ukiuni aggersuni
kinguneqarluarumaartut, taamatummi pisoqarnissaanut takussutissaqalereerpugut.
Kisianni
soorluuna suliffiit nutaat naajoralernissaannut arlaannik amigaateqartugut,
Atassut-milu qularutiginngilluinnarparput amigaatigisarput tassaasoq
inuussutissarsiutunut ikittuinnarnuunngitsoq, tamanulli atugassarititaasut
pitsaasut.
Kallerup
inneranut imermullu inuutissasiutinut immikkut akeqartitsisinnaaneq
Atassut-miit oqaloqatiginnissutigerusupparput inuutssasiutinut
atugassarititaasut assigiit pilersikkumaneqarusuppata, pingaartumik
eqqussuiinnarnersuarmut killiliiniutaasut eqqarsaatigalugit. Aamma
piumasaraarput sanaartornermi nunatsinni atortussanik sanaartorneq
pimoorussamik pilersaarusiorlugu piaartumik aallartissasoq
oqallisigerusaaginnarnagu.
Pitsaasunik
assigiinnerusunillu periarfissaqartitsilernerup kingunerissavaa
inuussutissarsiutunut amerlanerusunut attuutssamik inatsiseqalerneq,
inuussutissarsiutut arlaqartut pilersiortulersinnaanerannut tunngaviusussaq.
1995-imi
- 96-imilu naatsorsuutit ersarissumik takutipaat sanaartornermut
aningaasaliissutit 600 mio. kr. inik amerlassusillit ukiumut
nammassinnaasarivut. Malunnarpoq aningaasaliissutit 600 mio-nit
amerlanerugaangata sanaartornermi kvadratmeter-imut akit qafakkiartulersartut
pilersaarutit tamaasa naammassinnaajunnanerannik kinguneqarajuttumik.
Maanna tamanna
aamma tb-2-mi saqqummiunneqartussami takusinnaalereerparput. Inissianik
sanaartornermi sanaassat arlaqartut sananngitsoorneqartussanngorput
kvadratmeter-imut akit qaffasippallaarnerat pissutaalluni, tamannalumi aamma
sanaartugassaqarpallaarnermut immaqa takussutissaasinnaavoq.
Allatut
oqaatigalugu, uagut suliassarput tassaasariaqassaaq sanaartugassanut
pilersaarutitta ukiumiit ukiumut assigiiaakannernissaat isumaginiassallugu,
taamaalillutalu kvadratmeter-imut akiusut ukiumiit ukiumut assigiiaakannertilerlugit
atuisunut iluaqtaasumik.
Taamaattumik
1998-imi sanaartugassanut pilersaarutaasut illersorneqarsinnaasumik appartilaartariaqassapput
sanaartugassaqarpallaalernissaq akillu qaffannissaat pinngitsoorniarlugit.
Sanaartukkat
annertoorsuit siunissamilu sunniuteqarluartussat tassaapput nunap immikkoortortaani
timmisartunut mittarfiliortiternerit. Aningaasarpassuarnik atuiffiusussaapput
aamma ukiuni missingersuusiorfiusuni. Taamaattumik mittarfinnut sammititanik
allanik annertuunillu ukiuni missingersuusiorfiusuni
aningaasaliissutissaqanngilagut.
Inissianik
sanaartorneq eqqarsaatigalugu Atassut-miit naammagisimaarlugu
oqaatigissarvarput 1998-imi pilersaarutineqarmat inissiat 320-it
sananeqassasut. Naammassisisinnanerpavummi ? Naammassissallugit aalajangissagutta,
inissaaleqinermi eqqarsaatigalugu tamanna kissaatiginarmat, kisianni taava
sanaartugassatigut allatigut tunuarsimaartariaqassaagut, taamaasiunngikkuttami
akit akuerisinnaanngisatsinnik qaffassapput, pilersaarutit
naammassinngitsoorlutik aningaasaliissutillu atunnngitsoorlutik.
Nunaqarfinni
arlaqartuni nammineq illuliassanut atortussat atunngitsuukkat asiuinnartut
pillugit Naalakkersuisut maanna qanoq iliorniarlutik ersarissumik
tusarliisariaqalerput.
Aaqqissuussineq
arlaqartuni atorluarneqarsinnaappat sooq allani taamaanngila? Kommuunit
pisuuppat, imaluunniit INI A/S pisuuva? Kina akisussaanersoq piaartumik
paasisariaqalerparput. Inissaaleqinermik oqaluttuartilluta
akuerisinnaanngilarput illuliassnut atortussat pisortanit aningaasaligaasut
asiuinartassasut. Tamakku pillugit maannakkut ersarissunik maleruagassaqartariaqalerpoq.
Nammineq
illuliarineqartartut aamma allani sanneqarsinaasariaqarneri aamma ila
arlaleriarluta eqqartortarparput, taamaalilluta nammineq pigisaqarnissaq aamma
siuarsassagatsigu, suliarli ataatsimiititaliat arlaanni maaniluunniit
oqaluttarfimmi ikkarlissimannguarsiarami tutsaqarneq ajorpoq.
Misissorneqarsimanerpa qanoq iliuuseqarfigineqarsinnaanersoq?
Aamma
taamaappoq illut bsu-kut sanatitat qimaannakkallu eqqartortakkavut pillugit.
Qaa, tassa aaqqiisoqarniarli, piiarlugit imaluunniit tunillugit.
Atuarfik
ataatsimut isigalugu tassaavoq inuunerup pitsaasortaanik ajortortaanillu
ilinniarfigisartagarput, aammali tassaavoq siunissami qanoq inuunissatsinnik
tunngaviliiffiugajuttoq. Atuarfiup tamatsinnut pingaaruteqarluinnarnera
tassaniippoq.
Arlaqartut
eqqartorneqarsinnaapput, Atassut-miilli marlussuit sammineruniarpavut.
Nunatsinni atuarfinnik pitsanngorsaaneq aallarteruttorpoq, suliassarli annertoqaaq,
ima annertutigaluni meeqqat inuusuttullu atuarfinni pitsaasuni
suliffissaqalersinnaanerat ukiorpaaluit aatsaat qaangiuppata
anguneqarsinnaalluni.
Tamanna
tunngavigalugu Atassut-miit siunnersuutigaarput Naalakkersuisut komuunit
suleqatigalugit komuunikkaartumik atuarfinnik nutarterinissaq
aserfallattaaliinissarlu piareersaasiussagaat suliassartaalu
suliffissaqartitsiniutitut ingerlanneqassasoq. Taama iliuuseqarnikkut atuarfiit
piffissami sivikikannersumi pitsanngorsarneqassapput suliffissaqartitsiviutigisumik.
Aappaa
tassaavoq qitiusumik illiniarfiusuni illiniartut inissaaleqiartuinnarnerat.
Naalakkersuisut qanoq ittunik pilersaaruteqarpat ? Sanaartusaagut
allatulluunniit iliorluni aaqqiiniartoqarsinnaava?
Peqqinnissaqarfimmut
tunngassuteqartut arlalissuusut annertunerusumik oqaaseqarfigissanngilavut,
nalunnginnatsigu suliniutaasut arlaqartut qullersaqarfimmi suliniutigineqartut,
aningaasaliissutaasulli qaffaalaarnissat siunnersuutigineqartoq
akuerissagutsigu napparsimavinni nunap immikkoortortaani sullissinerup
eqiteruffiusumik piorsaanissaq sunut killissimanersoq paaseqqaarussussavarput.
Kiisalu
Atassut-miit nalilersoqqussavarput napparsimsunik najugaqarfiup avataani
passussinermi kontot assigiinngitsut ataatsimut katikkaanni
pitsaanerusannginnersoq, taamaaliornikkummi sumi passussinissamik
aalajangiisussat eqaannerusumik aalajangiisinnaalissammata kontot ataasiakkaat
imaarunneri eqqarsaatiginagit.
Sisimiuni
kallerup inniliorfiup aserornera illoqarfiummiunut ajornartorsiortitseqaaq,
tamaat ataatsimut isigalugu immaqa ajunaarnersuartut isigineqarsinnaasoq,
aammali takutippaatigut qanoq imaannaanngitsigisumik inissisimasugut.
Ajunaarnersuaq
pillugu erseqqissumik ilisimatitsisoqassasoq Atassut-miit piumasaraarput.
Qanorpiaruna pisoqartoq, pinngitsoorneqarsimasinnaagaluarpa, aammalu
akisussaatitsisoqarsinnaava?
Nunatsinni
kallerup inniliorfinni tanami sillimaniarneq pillugu pissusiusunik tamanik
ilisimatitsissalluni Naalakkersuisunut ilaasortap neriorsuutaa
utaqqimaarniarparput, aammattaaq ataqqimaarniarparput erngup
nukiliorfiliortiernermi piorsaanissaq pillugu nunanit allamiunik isumaqatigiissutaasimasup
ilisimatitsissutiginissaa.
Kiisalu
ilaasortat assigiinngitsut siunnesuutaat ataasiakkaarnagit oqaaseqarfigissanngilagut,
aningaasaqarnermi ataatsimiititaliami sammineqarumaarmata, maluginiarparpulli
amerlanersaat tassaammata komuunit suliassaat.
Taama
oqaaseqarluta siunnersuutip aappassaaneerneqarnissaminut ingerlatinneqarnissaa
akuersaarparput, akuersaarlutiguttaaq tamanna pitinnagu Aningaasaqarnermut
ataatsimiititaliami suliarineqaqqaasasoq.
Josef
Motzfeldt, Inuit Ataqatigiit oqaaseqartuat:
Aningaasanut
1998-imut inatsisissatut siunnersuut quppernerit 1.000 angullugit
annertussusilik inatsisartuni ilaasortanut agguaanneqarpoq inatsisartut
ataatsimiinnerata aallartilivinnerani. Siusinnerusukkut inatsisartunit
ataatsimiinnissaq sioqqulluarlugu agguaanneqartarnissaanik kaammattuutaareersoq
Inuit Ataqatigiit eqqaasitsissutigeqqissavarput. Naalakkersuisut eqqaamasariaqarpaat
namminneq siunnersuutigiinnaramikku, inatsimmulli suliarinnillutik
akuersillutik atuuttunngortitsisussat tassaammata inatsisartut. Inatsisartuni
ilaasortat arlalissuit september-ip 17-ianni aatsaat tikerarnerat pisimammat,
aningaasanut inatsisissap, inatsisissatut allatulli, oqaluuserinninnissap
ullunik 14-inik sioqqutsilluni inatsisartuni ilaasortanut agguaanneqareersimanissaanut
piumasarineqartoq nammassineqarsinnaasimanngimmat inatsisartut siulittaasoqarfiata
immikkut akuersissuteqarneratigut ullumikkut oqaluuserisinnaalersimavarput,
naak kalaallisuua aatsaat september-ip 22-ani ullut arfineq pingasut matuma
siornagut ilaasortanut agguaanneqarsimasoq.
Aningaasanut
inatsisissaq inatsisartut sulinerinnaaniunngitsoq, kommunilli piareersarnerannut
innuttaasunullu atugassarititaasunut annertuumik pingaaruteqarmat tamanna
annertunerusumik eqqaassutigissutigisariaqanngikkaluarpoq.
Piumasareqqiinnassavarput tamatuma aappaagumut eqqaamaneqarnissaa.
Taama
anersaarulluteqalaareerluta aningaasanut inatsisissap inatsisartuni
saqqummiunneqarneranut atatillugu Naalakkersuisut saqqummiusinissaminnut
oqaatiriumasaasa septemberip arfineq sisamaani taamanikkut naalakkersuisuusunik
akuerineqarsimapput september-ip 24-ani ullulerneqarsimaskkut allamik
taarserneqarsimanera Inuit Ataqatigiit maluginiarpaat. Tassungalu atatillugu
inatsissatut siunnersuutip suliluunniit inatsisartuni oqaluuserineqanngitsup
naalakkersuisunit allnngortinniarneqalersaalereernera soorunami
maluginianngitsuunngilarput.
Saqqummiussinermi
matumani naalakkersuisunit oqaaserineqartut siullermik pilersaarutaasimagaluartumit
mianersorneroqisoq pissusissamisoortutut oqaatigierusuppagut. Naalakkersuisuni
siulittaasunngortoq siuliminut naleqqiulluni pissutsinik atuuttunik
toqqammaveqarniarnerusoq tamatumuuna malunniuppoq. Soorlumi aamma pissutsit
piffissap sivikitsup ingerlanerani annertuumik allanngupallassinnaanerannut
tusaaniarneruneranut tamanna takussutissaasurigipput. Saqqummiussinermili
Naalakkersuisunit oqaaserineqartut amerlasuutigut siunnerfigerusutanik
nalunaarnerinnaanerugallarput, suli aningaasatigut nassatarisassaat nalunartut,
tamanna ajortuinnaannanngilaq inatsisartut aningaasaqarnermut
ataatsimiititaliaani sulinissami isumalluarnarpoq. Nunattami aningaasatigut
killiffia imaannaanngitsoq malussajassutsimigullu isumannartoqartoq,
naalakkersuisuuteqartunut illuatungiliuttutut akisussaasseseqartumik
siunniuteqaqataaffigerusupparput, nunap immikkortuini naligiinnerusumik
ineriartortitsinissamik aammalu innuttaasut naligiinnerusumik
atugassaqartitaanissaannik siunnerfeqarluta.
Aningaasami
inatsisissami tamatumunna tunngatillugu oqaatigerusupparput kommuunit Namminersornerullutik
Oqartussanit sanaartugassatigut aningaasaliiffigineqarsimanerat assigiinngitsorussuummat,
Ittoqqortuumiuni 2,9 mio. kr. 1998-imi sanaartugassanut atugassaanngortinneqarsimapput,
taakkunannga 2,7 mio. kr. nerlerit inaannut mittarfimmut, illoqarfimmut tamaallaat
250.000-it, Qasigiannuani 3,6 mio. tamaallaat sanaartugassanut
illuartinneqarsimapput, naak kommuunit allat 100 mio. angungajallugit
aningaasaliiffigineqarsimasut.
Aningaasanut
inatsisissap suliarinerani landskarsip isertitassaattut ilimagineqartut
aningaasartuuteqarfissatut kissaatineqartunut oqimaaqatigiissinniagassaapput,
taanna tamani taamaappoq aamma ilaqutariit aningaasanik
annertusaariniartarnerini. Aningaasaliiffigineqartussatulli kissaatigisat
tamakkerlugit aningaasiviup matussutissaqartittanngimmagit pingaarnersiuilluni
tulleriiaarisariaqarneq pingartuuvoq. Tamatumanilu nunap immikkoortuini
innuttaasullu atugarisaasigut naligiissaarinissaq qitiusariaqartoq Inuit
Ataqatigiit pingaartipparput.
Assersuutigalugu
suna pingaarnerua? Kangerlussuarmi ilaasut tikittarfiata/aallartarfiata ukiuni
tulliuttuni pitsanngorsarnissaanut 52 mio. koruunit atorneqassanersut
imaluunniit suliffissarunnerup akiorneqarnerata annertusinissaa, atuarfiit
allilernisssaat nutarternissaallu, napparsimasut katsorsarneqarnissaminnut
utaqqisut ikilisinnissaat, meeqqat atuarfiini atortussaaleqinerup
iluarsiivigineqarnissaa imaluunniit nunaqarfinni sulisoqarniarnerup
tunisassiorfeqarnerullu aaqqiiviginissaat?
Nunanut
allanut akiitsut ukiuni kingullerni akiliigasuartarnikkut ilimagisamit
ikilisinneqapallassinnaasimanerat innersuussutigalugu ukiumut 185 mio
koruuninik akersuinerup annikillisillugu sivitsorneqarsinnaanera,
pisariqavissutut aaqqinneqartariaqartut iluarsiiviginissaannut aqqutaasinnaasut
ilagaat.
Naalakkersusut
saqqummiussinerminni oqaatigaat landskarsip ukiuni tullerni amigartooruteqarluni
ingerlanissaa iloraap tungaanut saatsinnialersaalersimagitsik. Tamatumunngalu
pingaarnertut tunngavilersuutigisimavaat nunani allat avatitsinniittunit
isigineqarnita kusanarnerumaarnissaa. Tamannami pisariaqaraluarpalluunniit
ukiuni kingullerni naalakkersuinikkut kukkuluttornertigut
aningaasarparujussuit inuiaqatigiit aningaasaataat milliardit qeqqi sinnerlugit
atulussinnarneqarsimasut eqqaanngitsoortariaqanngillat. KNI-mi
allanngortiterinerit torinngissutsimikkut aningaasanik piisaarfiusimapput.
Royal Arctic Line-mi umiarsuaatillit piginneqataasimasut ilaatigut
ingerlassivinnut naalakkersuinikkut killeqanngiusartumik akuliuttoqartarsimaneranik
pissuteqartumik peqataajumajunnaarsimapput, tamatumalu nassatarisimavaa
Namminersornerulluni Oqartussat piginneqataassutsinik 80 mio. koruunit
nalinginik pisisariaqalernerat. Ullumikkumullu umiarsuaatilinnik allanik
suleqatissarsiorneq, piginneqatissarsiorneq unittooqqavoq. Tamakkuluunniit
ilinniarfigisimasariaqarpavut. Soorunami kalaallit namminersatsinnik umiarsuaatileqarigiiuteqarnerput
tulluussimaarutissaavoq. Inuit Ataqatigiinnili isumaqarpugut umiarsuaatilinnik
alaanik, issittup imartaaniinnaanngitsoq ingerlatsisunik suleqateqarlernikkut
RAL aningaasanik isaatitsilernissaminut periarfissarissaarnerulersinnaasoq.
Nunatta
aningaasaqarnikkut inissisimalersimanera iluarsiiviginiarlugu Naalakkersuisut
allannguutissanik siunnersuuteqalersaarnerminni ingerlatsinermi
aningaasartuutinik ikilileriniarnerminnik nalunaarnerat, minnerunngitsumik
Namminersornerulluni Oqartussani taakkulu ingerlassiviini tamatigut
pisariaqarsorinanngitsumik allaffissornikkut annertusaanerit eqqarssatigalugit
Inuit Ataqatigiit peqataarusuppugut.
Namminersornerlluni
Oqartussani sulisoqarnikkut kallallit sulisorineqarnerulernissaat eqqaasitsissutigeqqikkusupparput.
Tassunga atatillugu nuna kangimut sanilerput, Island, isumassarsiorfissaqqippoq.
Namminersornerulluni Oqartussat allaffeqarfissuanni ilinniagartuunik, nammineq
nunatsinni suli naammattunik peqarfiginngisatsinnik sulisulersornersuaq ilumut
pisariaqarpa? Ilumut ukiut kingulliit tallimat ingerlaerini
naalakkersuisoqarfiit ataasiakkaat allaffeqarfiini sulisut amerliartorsimanerat
tamatigut suliassat amerlanerulersimanerannik tunngaveqarpa?
Inatsisartut
1998-imi ukiakkut ataatsimiinnissaannut naalakkersuisoqarfiit sulisumik sunik
suiaqarnerannik, qanorlu ilinniagaqarsimanerannik misissuisimanissaat
aallaavigalugu naalakkersuisut nalunaarusiussasut piumasaqaatigaarput. Tamanna
inatsisartut paasisaqarnerinnaanik kinguneqartussaanngilaq, aammali
atorfinitsisarnerni imminut killilersimaarnerulernermik kinguneqarsinnaavoq
soorlumi aamma taama nalunaarusiaasussakkut pisortqarfiit paasisimalissagaat
inatsisilerituunik, aningaasarsiornikkut allatigulllu ilinniagartuunik taama
atuitigineq ilumut pisariaqavinnersoq.
Aningaasanut
inatsit aningaasaliisoralugu 1998-imi sanaartugassnut aningaasaliissutit 646
mio koruuniunerariarlugit, tamanna pisuusaarnertutullusooq
nalunaarutiginiarlugu, naalakkersuisut sanaassatut aningaasartalersimasamik
ilaat piviusunngunnitsoornissaat ilimagereerlugu aningaasaliissutigisuusaakkanik
ikililerinissat siunnersuutigaat. Inatsisissatut siunnersuut misissorlugu taama
piviusunngortinneqanngitsoortussat naalakkersuisunit 130 mio koruunit
pallillugit aningaasartalerneqarsimasut paasivarput,
piviusunngortussaanngitsutut naalakkersuisunit takorloorneqareersoq.
Sanaassat
suut piviusunngortussaanngitsutut naalakkersuisunit pineqarnersut
oqaatigineqanngilaq. Sanaartornermi suliaqartut suut naatsorsuutigisinnaavaat?
Kommunit ilaatigut sanaassanik aningaasaleeqataasartut suut toqqammavigalugit
pilersaarusiussappat? Innuttaasut kikkut neriulussinnartinneqassappat? Taamatut
aningaasaliiiniarluni nalunaariarluni ikililerisariaqarnermik
aningaasartalersuereerluni periuserineqartoq inatsisatut tamarmiullutik
periutsimut akerliullutik isummereersimanerannik sumiginnaaneruvoq. Tamanna
naalakkersuisunit iluarsineqassasoq Inuit Ataqatigiit piumasaraat.
Naalakkersuisut
saqqummiinerminni inuussutissarsiutitigut ineriartortitsinermi sukat pingasut:
aalisarneq, takornariaqarneq aatsitassarsiornerlu suli aalajangiusimagamikkit
oqaatigeqqippaat. Aningaasaliunneqartussatullu siunnersuutaasimasut
misissoraanni, assersuutigalugu takornariartitsinerup ineriartotinnera
suliluunniit aallartilluanngitsoq, aammalu suli nunap immikkoortuisa ilaanni
annertunerusumik pisoqarfiunngitsoq, takornariartitsinermi suliniutnut
aningaasaliunneqartut tamkkerlutik annikillisaavigineqarsimapput. Greenland
Tourism ingerlaneranut aningaasaliunneqartut 11 mio koruunit missaannik ukioq
mannamiit aappaagumut annikillilerisoqarnissaa siunnersuutaavoq,
akunnittarfinnik annertusaanernut ukioq manna 15 mio kr. aningaasaliunneqartut,
siornalu naalakkersuisut ukiuni tulliuttuni annertusiartusiartuaartussatut
neriorsuutigisaat 1998-imi 3 mio koruuniinnanngorsimapput,
takornariartortitsinermilu nunaqarvissuunerustu siamasissumik peqataanerulernissaannut
tapiissutit ukioq manna 3 mio koruuniusimagaluartut 1998-imi
aningaasartalerneqarsimanngillat. Tamanna naalakkersuisut qanoq
nassuiaatissaqartippaat? Inuussutissarsiutitigut ineriartortitsiviusussatut
sukat pingajuannik taaneqartoq nunatta iluani tamakkiinerusumik
sunniuteqartissagaanni, nunap immikkoortuini suliniartut ullumikkornit
annertunerujussuarmik suleqatigineqartariaqarput.
Takornariaqarnerup
siuarsarneqarnissaanut ukiuni kingullerni nunatta nittarsaanniarneranut
aningaasaliissutigineqartarsimasut 100 mio koruunit sinnerlugit
amerlasssuseqartut eqqarsaatigigaanni angallannermi akiusutigut apparssanissaq
malinnaatinneqarsimanngimmat, tokoqusaarinermut aningaasalersuutaasimasut
manna tikillugu annertunerusumik sunniuteqarsimanngillat. Tamannalu
aaqqinneqajaanngippat, takoqusaarinermut aningaasaliunneqarsimasut annertunerusumik
siunniuteqarnissaat ilimagisariaqanngilaq.
Aatsitassanut
allattoqqarfik suliluunniit tigunagu ilaata aktieselskabinngortinneqarnissaanik
eqqarsarneq saqqummiussinermi oqaatigineqarlersaarsimagaluarpoq
peerneqarsimavoq. Aktieselskab-it sunut tamanut annertunerusumik
nalilersueqqqaarnani atorniarneqarnerat, ilumut angusaqaarnerunernut
innuttaasullu oqartussaaqataajunnaarsikkiartuaarneqarnerannut sanillilullugu
eqqarsaatigilluaqqaartariaqarmat Inuit Ataqatigiit aatsitassarsiornermi
takoqusaarinermut aatsitassarsioqatigiinnullu kiffartuussinernut
sullissisussamik aktieselskabilironissamut naalakkersuisut 10 mio koruuninik
immikkoortitsiniaraluarnerannut piffissaanngitsoq isumaqarpugut. Siornami
aatsitassarsioqatigiiffinnut kiffartuussinermi ingerlatsinissaq siunertaralugu
Nuna Oil A/S-ioreersup ataani ingerlatsivisiliornissamik siunnersuuterpu
itigarinneqarpoq tamanna namminersorlutik ingerlataqartut isumagissagaannik
naalakkersuisunit isumaqartoqarmat. Aammami A/S-inngortitsinissamik isuma
Aatsitassat pillugit Siunnersuisoqatigiilluunniit suli eqqartoneqarsimanngilaq.
Royal
Greenland A/S-ip suliffissuaatiminik peqassutsimut naleqqussaasariaqarnera
pisariaqavissoq upernaaq inatsisartuni akuerineqarpoq ukiunilu tulliuttuni
tallimani 270 mio koruunit pallillugit aningaasaliiffigineqarluni.
Atortutigulli killutitigullu naleqqussaaneq aallartisarneqariaraluartoa
suliassaq annertooq siulleq allanngortitsivisginiarleqalereerpoq.
Qasigiannguani suliffisuup 38,3 mio koruunit atorlugit nutaamik
taarserneqarnissaanik pilersarut inatsisartut akuersinerminnut
toqqammavigisimasaat, piviusunngortinneqassaguni fabrikkitaannaa 50 mio
koruuninik akeqassasoq Royal Greenland-imit kommunimut oqaatigineqarsimavoq,
taassumalu saniatigut sanaartorfissamut erngup aqqsiinissaq 10 mio
koruuneqassangatinneqartoq naalakkersuisunit puigorneqarsimavoq. Inatsisartut
aningaasaleeqataatinneqarnerat Royal Greenland-imut pisussaaffiliivoq asuli
piumasaarsorluni allanngortiterisarnissanik nassataqartinnaveersaartariaqartoq,
tamanna naalakkersuisut ingerlatsivissuarmut apuuttariaqarpaat.
Puisit
neqaannik kiisami nunanut allanut tunisassiulersinnaanermut ineriartortitsineq
Nanortalimmi ingerlanneqartussatut pilersaarutaasoq nangittumik 1998-imi
aningaasaliiffiginiarneqarmat qujanaqaaq. Ukiummi arlaqaleqaat puiserpassuit
pisarineqartartut tamakkiinerusumik atorneqarnissaannik oqaluuserinnilluta.
Ammit kisiisa pinnagit neqerpassuit orsumillu tunisassiaasinnaasut
tigussaasumik suliniutegineqarlersut nunatsinnut iluaqutaalernissaat kiisami
isumalluarnartoqalerpoq nunamut tamarmut iluaqutaalersussatut. Taama
miluumasunik imarmiunerusoq iluaquteqarneruniarnermi suliffiit nunami maani
pigineqareersut, soorlu Arsuk Fishing, Sisimiut Food, Neqi A/S INUILI
namminersorlutillu ingerlaniartut allat peqataatinneqarnerusariaqarput, soorlu
aallartisarnerini aningaasliinertigut tuniniaaqatigiinertigullu.
Inuussutissarsiutinik
tapersiisarnermi aningaasat atugassiissutigineqartartut qaffanneqarnissaannik
naalakkersuisut siunnersuutertik attatiinnassagaat Inuit Ataqatigiit
ilungersorluta inassutigerusupparput. Aningaasaliinerimmi taamaattut
ungasinnerusoq isigalugu aningaasaliinerupput, suliffissanik isumatuunik
pilersitsiniarnermi sakkussatsialaat. Pisariaqartitsineq annertummat 10 mio
koruuninik qaffaaniarnerup annertunerunissaanut Inuit Ataqatigiit
aningaasaqarnermut ataatsimiititami ilungersuuteqarniarpugut.
Suliffissanik
ataavartunik pilersitsiniarnermi qitiusumit ingerlatsinerup sanngeeqqutaattut
misilittakkavut annertoreeqaat. Taamaattumik kommunit peqataanerunissaminnut
aningsatigut periarfissaqarnerunissaat siunertaralugu nuna tamakkerlugu
akileraarutut ilaasa procentit pingasut tallimallu akornanni kommuninut
agguaanneqartalernissaat suli periarfissatsialaammat naalakkersuisunit siornali
misissorumaneqareersoq sumut killinnersoq apeqqutigeqqissavarput. Kommune-t qanimut pissutsinik
ilisimaarinninnertik atorlugu aningaasatigut periarfissaqaraangamik
naammassisinnaasaat amerlanertigut tutsuviginarnerupput, qitiusumik
ingerlanniarneqartaraluartuniit. Tassungalu sanilliussassaqqippoq kommune-t
akileraarutitigut qaffatsaaliuinissaannut Naalakkersuisut ukiumut 5 mio.
koruuninik tapiissuteqalersaarlutik aningaasaliinissamut siunnersuutaat.
Oqarutta kommune-t nunatsinni 18-sut ilaat 15-it taakkunannga ikiorserneqassasut,
kommune-p ataatsip ukiumut pissarsiassai agguaqatigiissitsinikkut 300.000
koruunut qaangilaaginnarlugit amerlassuseqarput. Taama Naalakkersuisut
siunnersuuteqarnertik Kommune-t kattuffiannut oqaloqatiginnissutigereersimaneraat
paaserusunnarpoq. Taamami kuseriarnikkaartumik tunioraaneq nipaallisaatinik
iisartagartortitsinermut assinguneruvoq, taama iliornikkummi katsorsartarialik
iluarsineqarneq ajorpoq. KANUKOKA-p ilaasortani sinnerlugit
isumaqatiginninniartarnerni sanngiissutsi qimattariaqalerpaa
illuatungerigaluarutsiguluunniit taama oqaatigisariaqarparput. Kommune-nummi
tapiissutaasartut ilarpassui naatsorsorneqarsimapput pissutsit ukiut qulit
matuma siorna atuuttut toqqammavigalugit. Aammalu KANUKOKA-p
ingerlanneqarneranut kommune-t akiliutigisartakkamik nalingannut pissarsisarnerlutik
nalilertariaqalerpaat.
Ineqarnermut akit
qaffatsaaliorniarlugit ukiumut tapiissutaasartut ilumut
pisariaqartuarsinnarput. Akinilli eqqortunik akilersuisitsisarnissamik
naalakkersuisooqatigiit oqarluartaarutaannik tamanna naleqqutinngilaq. Ilumut
sanaartornermi akit qaffasinnerujussuisa sorsuffiginissaat oqaasiinnarmiikkunnaartariaqarpoq,
inatsisartut tamarmik isumagaat, sanaartornermit akit
ingasattajaartorujussuarmik qaffasitsinneqartut sanaartornermik
ingerlataqartunit, tamannalu inatsisartut isumaat malillugu Naalakkersuisut
aaqqiissuteqarniartariaqarput. Taamaattumik Inuit Ataqatigiit sanaartornermik
kvadratmeter-imut akigitinneqartup qaffasinnerpaaffilerneqarnissaannut
inassuteqaataannut partiit allat isumaat tusarusunnarpoq.
Innaallagissap kilowatt-simut akiata
appartinneqarnissaanut siunnerfik ilalernaraluarluni, ilaqutariinnut qaammammut
sunniutissaanik 50 koruunit missaaniittumut sanilliullugu landskasse-mut
ukiumut 33 mio. koruuninik naleqarnera eqqarsarnartoqartikkatsigu ammaanermi
Naalakkersuisut siulittaasuata oqalugiaataanut atasumi oqallinnermi
oqaatigereerparput. Sisimiuni qanittukkut pisimasoq eqqarsaatigalugu
Nukissiorfiit immineertussaanerat mianerisariaqarpoq pingaartillugu
Naalakkersuisut oqalunnerat Nukissiorfiit qanimut ilisimasatik najoqqutaralugit
aserfallatsaaliinissamut nutarterisariaqarnernullu pisariaqartitaannik
pissutsinik kusassaaniaannarlutik naalakkersuisut akikillileriniassagunik
tamanna uungaaraannaq isiginerusoq, Inuit Ataqatigiit isumaqarput.
Nukissiorfiit Namminersornerullutik Oqartussanut milliard-it pallillugit
akiitsoqarput, taakkulu erniaanuinnaq 1998-mi akiliutissat 84 mio. koruuniupput
landskasse-mit attartornermut taarsiullugu Nukissiorfiit aningaaserivinni erniakinnerusumik
attartorsinnaanerat ammaanneqartariaqarpoq tamatumanili nunatsinni
aningaaserivituanngortoq Grønlandsbanken sassartaarnerusariaqarpoq,
inuussutissarsiutinik aallartitsiniartut ingerlataqareersullu taarsigassarsigaangamik
17% angullugu ullumikkut ernianut akilersuisinneqartarput illuatungaatigullu
ileqqaagaqarniarutta taakku erniaqartinneqartarput allisitsiuserluni aatsaat
takuneqarsinnaasunik inatsisartut erniatigut tapersiinngippata
ikiuutinngippata, aningaaserivik kisermaassisoq peqataanerusariaqarpoq.
Nukissiorfiillu namminneerlutik
aserfallatsaaliinissamut nutaaliornissamullu aningaasassaqarniarsarisut KNI-p
orsussaarniarfiani solar-isisarput liter-imut allatulli kr. 1,98-lerlugu, uffa
ukiumut 40 mio. liter-inik pisisarnermigut KNI-p orsussaarniarfianut
napatitsisutut oqaatigineqarsinnaasoq. Tamanna Naalakkersuisut
pissusissamisoortutut isiginerpaat? Inuit Ataqatigiit oqimaaqatigiinnerpaamik
ingerlatsivinnut aaqqiisoqarsinnaanera misissoqquarput.
Meeqqat atuarfiini nuna tamakkerlugu
qarasaasialersuinissamik taasaminnut naalakkersuisut ukiut tamaasa 5 mio.
koruuninik aningaasaliilersaarnertik eqqarsaatigeqqinniarsimagaat paasilluarsinnaavarput,
tamakkunatigummi malinnaasariaqarnitta pingaassusia ilaleraluaraanniluunniit
attaveqarnikkut aningaasaqarnikkullu kommune-t tamakkerlutik
peqataasinnaannginnerat aammalu atuarfippassuit aserfallassimanerujussui
atuartitsinermi atortussanik nalinginnaasunik amigaateqarnerujussuaq
ilinniartitsisunillu amigaateqarneq isiginngitsuusaartariaqanngitsut Inuit
Ataqatigiit isumaqarput.
Inuulluarniutinik atuinerup
akiorniarneranut katsorsaaviup Qaqiffiup immikkoortortaqalernissaanut isuma
piviusunngortinneqassaguni avataanit aningaasannanniutitut ingerlanneqarani
nunatsinnit oqartussaaffigilernissaa isumaliutigeqquarput aammalu
ullumikkumut atorneqartoq Minesota-mik pineqartartoq ilumut kisiat
uissunneqassanersoq nalilersorneqaqquarput, atornerluinernulli akiuiniarnermi
pingaarnerusoq suli tassaavoq suliffissaqartitsineq, illussaqarneq aneersaakkullu
nukittorsaqatigiinnermik uummarissaaneq.
Nunanut allanut sammisunit suliap
annertusiartortinneqarnerani kattuffiit pingaaruteqartut soorlu ICC aamma KNAPK
qanimut peqatigineqartariaqartut isumaqarpugut, nunanullu allanut
oqartussaanerup annertunerujartornera dansk-it naalakkersuisuinut ersarissumik
pisussaaffinnik killilersuiffiusoq pisariaqarpoq pisariaqarfiatigut
naalagaaffiup aningaasaleeqataaffiginerusariaqagaa. Nunatsinni assartuinermi
akit qaffasinnerujussuat inuussutissarsiutitigut piorsaaniarnermut aporfiit
annersaraat, tamatuminnga pissuteqarlutik nammineerlutik aallartinniaraluartut
unittoortartillugit nunatta iluani niueqatigiinnerup nunanillu allanit
eqqussuinerup killilersimaarnissaa piviusunngornavianngimmata assartuinermi akiusut
tapiissutaanngitsutigut ingerlatsilluarnikkulli appartinniartariaqarput
tamannami aamma container-ilersorluni assartuinissap
atuutsinniarneqalernerani tusarnersumik kalerriunneqarnikooreerpoq.
Ammaanermi oqallinnermut atatillugu
Naalakkersuisut nalunaarutigaat nunaqarfinni tunisassiorfiit
piorsaqqinniarlugit. Tamatumani periarfissat allat Royal Greenland A/S-imik
isumaqatigiissuteqarnerup saniatigut ammaffigilluinnarlugit
periuseqartoqassasoq Inuit Ataqatigiit kaammattuutigaat, aammalu
iluarsiiniarnerni nunaqarfinni kommune-nilu oqartussaasut qanimut pissutsinik
ilisimasaqartut peqataatinneqarnerunissaat pissusissamisoortutut
isumaqarfigaarput. Nunaqarfinnit nunaqarfinnullu assartuinerup allanngortinneqarneranut
naalakkersuisooqatigiit nunaqarfiit akuttunerusumik tikinneqartarnissaat
siunnerfigiuarsinnaraat paasivarput, tamanna pissutsit a-jornerulernerannik
kinguneqanngitsoortussaanngilaq, kinguneqarnerlulereerlunilumi.
Tunisassiornerlu eqqarsaatigalugit
nunaqarfinni tunisassiorfinnik ullutsinnut naleqqunnerusunik atortulersornissaq
kingunerinngitsoortussaanngikkaa Inuit Ataqatigiit eqqaamaqquaat, soorlu
qerititsivilersornertigut nillataartitsivilersornertigut
sikuliorfilersuinertigullu. Ullumikkummi nutaatut aaqqissuussineq
najoqqutaralugu nunarfiit ullut aqqanillit aqqaneq marlukkaarlugit aatsaat
pajuttunit aallertunillu tikinneqartartussaapput.
Ullumikkut nunaqarfinni tunitsiviit
amerlanerpaartaat tarajortikkanik tunisassiorsinnaanermut akuersissummik
peqarput, sooq periarfissaq tamanna atorniarneqanngila naalakkersuisut Royal
Greenland A/S-imut isumaqatigiissummik nutarterineranni tamanna
eqqumaffigisariaqarpaat. Assersuutigalugumi Island-imi savalimmiunilu
tunisassiat taamaattut tarajortikkat aalisakkat Europa-p kujataamiuinit
piumaneqaqimmata atorluarneqarput nunami suliffissaqartitsiviulluarlutik.
Naggataatigut nunatta
namminersornerulernissaa eqqarsaatigalugu nunatsinni ilinniartitsinerit
pingaartillugit oqaluutigalutik naalakkersuisut ilinniartitaanermi
ilinniartitsinermi annertusaanissanut pilersaaruteqannginnerat
uparuartariaqarparput. Nunaqarfinni peqqinnissaqarfiup atuartitaanerullu
sulisussaaleqineri kisiisa eqqarsaatiginngilagut aammali nunaqavissut ullumikkornit
sulisorineqarnerisa annertusarnissaat pissusissamisoortuuniaraluartoq
pikkorissaaqqinnertigut annertusaqqinneqartariaqaraluartoq eqqarsaatigilluinnarparput.
Inunnik isumaginninnermi
atugassarititaasut meeqqaniit utoqqarnut iluarsiivigineqarnissaat
pisariaqaqimmat ukiut marluk sulipallareerluni iluarsaaqqinnissamut
ataatsimiititaliaq upernaaq isumaliutissiissumminik annertuumik
saqqummiussaqarpoq inatsisartunit tunngaviusumik akuersaarneqartumik
tamatumali malitsissaanik annertunerusumik naalakkersuisut suli pilersaaruteqannginnerat
ajuusaarnarpoq iluarsiivigineqarnissamik pisariaqartitsisut utoqqaat inuusuttut
ilaqutariit meerallit innarluutillit suliffissaqanngitsullu nukinginnartumik
aaqqiiviginiarnerini kommune-ni oqartussat kattuffiillu peqataatinneqarnissat
pingaaruteqarpoq suliassamili siuttuusariaqartut tassaapput naalakkersuisut
inatsisartunit suliassinneqareersut.
Inatsisartuni ilaasortat
oqaluuserisassami matumunnga atatillugu siunnersuutaat aningaasaqarnermi
ataatsimiititami peqataaffigissavagut paasilluarsinnaallugit taamatullu
oqaaseqarluta aningaasanut inatsisissami naalakkersuisoqarfiit
ataasiakkaarlugit oqaaseqanngikkallarluta taama tamakkiinerusumik
oqaaseqarpugut inatsisissalli suliarinerani peqataanissatsinnut piareersarluarsimalluta
peqataassagatta oqaatigiinnassallugu.
Bjarne Kreutzmann, Akulliit Partiiat:
Pisarnittut assut soqutigalugu
atuarsimavara 1998-mi inatsisartut aningaasanut inatsisissaannut
Naalakkersuisut siunnersuutaat.
Naatsorsuutigisimagaluarpara aningaasanut
politikkikkut oqilisaassikanninnermik takusassaqassallunga, eqqarsaatigalugu
inatsisartunut qinersinissamut qaammatit 18-iinnanngormata kisianni
atuakkannik pakatsisilluinnarneqarsimavunga tassa aningaasaqarnikkut politik-i
akisussaassuseqakannersoq maannakkut naalakkersuisoqatigiit takutissimasaat
taarserneqarsimavoq siunertaqanngitsumik aningaasanik
"paggatsitsinermik". Siunertaqanngitsumik oqassalluni immaqa
sakkortuallaalaaraluarpoq, kisianni tassani siunertaq erseqqippoq tulliani
qinersinissaq qaamatinik 18-nik sioqqullugu aningaasaqarnikkut politik-imi
taamarsuaq annertusaanikkut naalakkersuisut neriuutigisimagunarpaat,
maannakkut naalakkersuisoqatigiinnut, innuttaasut nuannarinninnerat
iluarinninnerallu ima annertutigilersimassasoq qinigaaqqinnissamut
naatsorsuuteqassalluni.
Siornatigut oqaatigereernikuuara maannakkut
oqaatigeqqissavara, aningaasanik atuipilunnissaq ajornanngittaqaaq, taavalu
aningaasassaqanngikkaanni taarsigassarsineq ajornarneq ajorpoq, kisianni
piffissakkut sukkulluunniit akiligassat takkukkumaarput. Maannakkullu iliuuseriniarneqartoq
kingulissatta nuannarissanngilaat, tassami taakku tassaapput uagut
soraarninngorutta inuiaqatigiinnilu pilersorneqalerutta akiligassanik akiliisariaqarumaartut.
Aningaasanik atuinerput annertusiartortillugu kingulissagut
kiffaanngissutsikkut periarfissakilligaluttuinnar-tussaassapput suliniutinik
nutaanik aallartitsisinnaanissaq pakkersimaarneqartuassaaq, piisaarutitta
akilersornerinit, ilumut taamaasiortuaannarsinnaanerpugut?
Ukiuni 18-ini namminersornerunitsinni
takusinnaavarput isertitatsinnit amerlanerungaartunit
aningaasartuuteqartarsimasugut taamaattumik nunanit allanit
taarsigassarsiortortariaqarsimavugut, isornartoqanngilaq taarsigassarsissagaanni
aamma aningaasanik amerlasuunik taarsigassarsiat inuiaqatigiit
siumukarnissaannut ineriartornissaannulluunniit atorneqarpata, tassa siunissami
aningaasarsiornikkut tunngavissiuunneqassappata tassa aningaasaliissuteqarnikkut.
Kisianni aningaasat atorneqarpata, atuineq
annertusiniaannarlugu taava sumilluunniit pilersitsinermik
kinguneqassanngilaq angusarli tassatuaassalluni sivikitsumik nuannaarneq
taavalu regning takkukkumaarpoq tassami aningaasarsiat akilerneqartussaapput,
ernialerlugit sulilu aamma qalleqqiummik ernialerlugit.
Ingerlatsinermut sanaartornermullu
aningaasartuutissanut, tassa DAO-mik taaneqartunik, missingersuutinik
sinneqartooruteqarsimavugut. taama oqaatigineqarpoq, allaammi amerlasuunik
sinneqartooruteqarsimalluta taamaattumik maannakkut amerlasuunik atuinissaq
isornaatissaqanngilaq, naalakkersuisut oqarput. Kisianni pissutsit piviusut
silarsuaat qanoq isikkoqarpa? Ingerlatsinermut sanaartornermullu
aningaasartuutissani taama sinneqartooruteqartiginermut patsisaaginnarpoq
sulliviit Namminersornerullutik Oqartussat 100%-mik pigineqartut ilaat
landkasse-mut utertillugit akiliisimammata, illuatungiinilli sulliviit
Namminersornerullutik oqartussanit pigineqartut minnerpaamik taakkua
amerlaqataannik nunanit allanit taarsigassarsipput.
Taava oqartoqarsinnaava inuiaqatigiit
pisuunngornerusut, naamerluinnaq. Kasse-miit kasse-mut allamut
nuussisoqaannarpoq, kisianni taakku aningaasanut inatsisissamik takussaajunnaarput
imaanngilarlu utertillugit akilerneqartussaanngitsut.
Inuiaqatigiit aningaasaqarnikkut
inissisimanerat piviusoq takusinnaajumallugu kissaatigissavara Naalakkersuisut
nassuiaateqassasut akiitsut tamarmiusut Namminersornerullutik Oqartussanit
akuuffigineqartut pillugit tassa landskasse-mi sullivimmi ilanngaatissat
ilanngaatigereerlugit ingerlanneqartuni - A/S-nik Namminersornerullutik
Oqartussat 100%-mik pigineqartuni tamani selskab-inilu allani tamani
Namminersornerullutik Oqartussanit annerusukkut oqartussaaffigineqartuni.
Nassuiaat taanna imaqassaq ukiuni kingullerni tallimani aningaasat
kisitsisitaannik paasissutissatut pisariaqartitanik, kiisalu ullumikkut sumut
killinnitsinnik paasissutissanik.
Naalakkersuisunut imaannarsuaq
pisariussagunanngilaq taamatut nalunaarusiornissaq taamaattumik
kissaatiginassaaq aningaasanut inatsisissap matuma aappassaaneernissa
sioqqutingaatsiarlugu nassuiaasup taassuma pissarsiarinissaa. Siornatigut
Inatsisartut aningaasanut inatsisissaannut siunnersuutinut aamma inatsisartut
ilassutitut aningaasaliissutinut inatsisissaannut siunnersuutinut atatillugu
oqallinnermi uparuartortarsimavakka - kisitsisit takussanngitsut - matumalu
siuliini pineqartoq taamaattunut assersuutissaalluarpoq.
Taamaattormi ukiut ingerlaneranni
kisitsisit toqqoqqasut taamaattut arlaqartut saqqumisunngortittarsimavakka
uumalu nassuiaatissatut kissaatigisama aamma takussaanngitsut takussaasunngortissinnaassavai
kisianni kisitsisit tamakku toqqortaasariaqanngikkaluarput
saqqumiuarta-riaqaraluarlutillu.
Naalakkersuisooqatigiit ukua siuliisa
nalaanni taamanikkullu naalakkersuisunut siulittaasup nalaani
nalunaarutigineqarpoq Namminersornerullutik Oqartussat ukiut tallimat ingerlaneranni
allaffissornikkut konto-ni sipaaruteqarnissaq tamanna qanoq ingerlanersoq
tusarsimanngisaannarparput, pissutaanerpoq iluatsissimanngimmat.
Taamaakkaluartoq isuma ajunngilluinnarpoq taamaattumillu sakkortuumik
kaammattuutigissavara maannakkummi taamatut suliniuteqartoqaqqinnissaa
pasitsaassimanarpoq allaffeqarfik alligaluttuinnartoq tassungalu
peqatigitillugu malunnarluni atorfiit piukkunnartunik
inuttassaaleqissunneqartut tassami pisariaqarsimammat 5 mio. koruuninik
konto 20.10.16-mi immikkoortitsinissaq
sulisussarsiornermut atugassanik. Eqqarsaatigisariaqannginnerluni sulisut
ikilinissaat aappaatigullu sulisooreersut pitsaanerusumik akissarsiaqartilerlugit,
tamanna eqqaavara tjenestemand-eqarneq pillugu issannguaq oqallinnitsinnut
atatillugu. Taamatut nalinginnaasumik oqaaseqareerlunga missingersuutinut
ilanngussatut nassiunneqarsimasut ataasiakkaat oqaaseqarfigissavakka.
Missingersuutinut ilanngussanut 98´mik
naggatilinnut tassa missingersuutinut aaqqiissutit tamanut tunngatillugu
oqassaanga akuersaarnartinnginnakku taakku allassimanerat piumasaralugulu
maannangaaq ilanngunneqarnissaat pilersaarutigineqartutut inatsisartut
1998-imi ilassutitut aningaasaliissutitut inatsisissaannut nr. 1-mut
utaqqinnagit. Konto 10.01.04-mut tunngatillugu tassa oqaatsinut allattoqarfik
oqaatigissavara tamanna isumassarsialattut isigigakku taamaattorli paarlattua
aamma isiginiartariaqartutut isumaqarfigalugu tassa nunatsinni aamma
qallunaatuinnaq oqaaseqartoqarmat tassanilu tikisitat kisiisa
eqqarsaatiginngilakka.
Konto-mut pingaarnermut 10.13-mut tassa
inuussutissarsiorneq tassunga tunngatillugu anguniakkatut oqaatigineqartut
iluarinartilluinnarpakka, nuannaarutigaaralu suliniutissat maanna piffissalersorneqarsimammata
pingaartumik assigiimmik akeqartitsineq eqqarsaatigalugu kisianni kissaatigaara
iliuusissamik pilersaarutit nassuiaatit taamatullu aalajangiinermi
tunngaviusut tamarmik Inatsisartunut ingerlatinneqassasut taakkumi tassaammata
nunatsinni pisortat aalajangiisartut tassaallutillu naalakkersuisut.
Taakkumi tassaanngimmata inatsisartut
inatsisartunit atorfinitsitat inatsisartut aalajangiinermikkut suliassiissutaannik
isumaginnittussat. Immikkoorut taanna naalakkersuisunit puigorneqaqqajaasarpoq.
Konto 10.13.13 tassa aktie-nik pisineq isumaqarfigaara aningaasanut inatsisissamik matumani
suliniutit isumatuut ajoraluartumik ikippallaartut ilaattut matumani aningaasaliissuteqartoqarpoq
kingusinnerusukkut iluanaaruteqarfiginissaa anguniarlugu taamaattumik assut
tapersersornartippara.
Konto 10.14.01-mut tassa nunanut allanut
tunngasunut allaffik, allaffissorneq tunngatillugu ujartorpara
allaffissornermut aningaasaliissutit sorpiamut atorneqarnissaat,
aningaasarpassuupput taamaattumik konto-ni nalinginnaasuni erseqqinnerusumik
takussutissaqarsimanissaa kissaatiginaraluarpoq, suliniutissamut
taaneqartumut naleqqiussinissaq pingaaruteqassammat taamatut aamma
oqaatigisariaqarput 01 kontut allat tamarmik - allaffissornermut tunngasut.
Konto 20.05-mut tunngasumik tassa
tapiissutit ataatsimoortumillu tapiissutinut tunngatillugu nuannaarutigaara
missingersersuutinut ilanngussat taamatut inissitsiterneqarsimammata tunngavigisat
assigiinngitsut allallugit. Taamaattoq amigaatigaara konto 20-05-28-mi
inuttaasut katitigaanerisa aningaasaqarniarnerullu ineriartornerinut
iluarsiissutit siunertap suunera erseqqinnerusumik nassuiarneqarnissaa, tassa
siunertap suunerata erseqqinnerusumik nassuiarneqarnissaa.
Konto 20.10.33-mut tunngatillugu tassa
qitiusumik iluarsaassinerit, tassunga tunngatillugu isumaqarpunga
silatusaarnerusoq aserfallatsaaliinermut ajornartorsiut imaannaanngeqisoq qanoq
iluuseqarfigineqalermat, soorlu allanut tunngatillugu siornatigut
pinaveersaartitsineq katsorsaanermik pingaarnerungaarpoq.
Aamma ataatsimoortumik tapiissutinut
iluarsaassinermullu tunngatillugu isumaqarpunga ajunngitsoq Naalakkersuisut
Siulittaasuat Danmarkimukassappat, tappavani Naalakkersuisut
oqaloqatigiartorlugit
tapiissuteqaqqinnissaq pillugu. Folketingimut qineqqusaarnermut
atatillugu oqaatigaara siunissaq ungasinnerusoq eqqarsaatigalugu
pinngitsoorsinnaagunanngikkipput ataatsimoortumik tapiissutip annertussusiisa
oqaluuserinissaat, tassami ukiut marlussunnguit qaangiuppata iluarsagassat
assigiinngitsut amerlasoorpassuit annertuullu takkuttussaammata, tassanili
eqqarsaatigiinnanngilara konto 20.10.33-miittut sumut atorneqarsinnaanerat
aammattaarli eqqarsaatigalugit innaallagissiorfiit, inissiarsuit il.il..
Kisianni aningaasanik qinnuulooqqinnissaq tulluanngilaq, aamma aningaasaqarnikkut
"ingerlalluartiginermik" aamma akileraarutip procentiata
qaffattariaqqinnginnerannut oqallinnermik.
Konto 20.10.34-mut tunngasumik tassa
inuussutissarsiornermik siuarsaaneq, tassunga tunngatillugu aningaasartai
ikippallaarujussuartutut isumaqarfigaakka, ilaatigut eqqarsaatigalugu tassaammat
nunatta siunissami aningaasaqarnikkut piginnaassuseqarnissaanut aallaaviusussaq
" paggatsitsisoqassappat" taamaasiortoqartariaqarpoq
inuussutissarsiutitigut
aaqqissuussinerit isumatuut piorsarnerisigut soorlu tunisassiorfiit,
aamma takornariartitsinermut tunngasut, tassa hotellit, sarfamut akiulitaasa
apparnerisigut.
Konto 22.01.10-mut tunngasumik tassa
isumakkeerinniinnartarnerit aamma taamatut isumakkeerinninneq ataatsimut
siornatigut arlaleriaqalunga oqartarnittut oqaannassaanga - assut pitsaanngitutut
isumaqarfigigakku inuiaqatigiinnut unneqqarissumik akiligassanik akilersuisut
unneqqarinngitsut akiuliuttariaqartarmatigit. Assersuutit siornatigut
taareernikuuvakka - soraarnerussutisiallit akisussaassutsimik
misigisimalluarlutik sipaaqqissaartariaqartarmata inuuniarnertik
ajornartorsiuteqartunngorlugu, nukillaarnanngitsoornavianngilarmi takullugit
illorisimaarnissamut atortussanik sanilimi eqqussuiuarnerat imigassamillu
atornerluineq akiligassat kingulliutillugit.
Tassunga tunngatillugu ujartorpakka suliniutit inuttaasut
akisussaassuseqarnerusumik pissuseqarnernerulernissaannut kaammattuutaasut
oqareernittummi pinaveersaartitsineq pitsaanerpaammat.
Konto 60.01.01-mut tunngasumik tassa
Peqqinnissamut Ilisimatusarnermullu Pisortaqarfik allaffissornermut
tunngatillugu missingersuutinut ilanngussani takussutissaqartinngilara sooq
qaffariarneq taama annertuginersoq, taamaattumillu kissaatigaara
erseqqinnerusumik nassuiaasoqarnissaa.
Konto-mut pingaarnermut 60.12-mut
tunngasumik tassa najukkani peqqinnissaqarfiit kigutigissaaneq ulluni
makkunani sinerissamiinnaanngitsoq aammattaarli Nuummi pissutsit eqqarsaatigalugit
isumaqarpunga immikkoortoq taanna aningaasaliinissatiguttaaq salliutitanut
ilaatinneqartariaqartoq.
Naggataatigut kissaatigissavara
suliassaqarfimmi 70-mi tassa Inuussutissarsiornermut, Angallannermut
Pilersuinermullu Pisortaqarfik oqaasertaliussami nr. 4-mi taaneqartup tassa
sullissinerit pillugit killiliusatut isumaqatigiissuteqartoqarneq, taassumap
erseqqinnerusumik nassuiarneqarnissaa
kissaatigaara, isummerfigisassammi suunera paaserusunnartarpoq.
Naggataatigut minnerunngitsumilli
iluarinanngilluinnartutut isigaara Naalakkersuisut Inatsisartut Aningaasanut
Inatsisissaatut siunnersuummik saqqummiussinerminni saqqummiussissummi
allakkiami oqaatigimmassut siunnersuummi saqqummiunneqartoq tassaanngivissoq
Naalakkersuisut politikkiat. Naalakkersuisut qanoq-una isumaqartut?
Aningaasanut Inatsisissaq pingasoriarlugu
oqaluuserineqartussaavoq unalu siullermeerinninneq asuli
saqqummiussissuusaarutaaginnarunarpoq, tassami nalunaarutigineqarmat ima
annertutigisumik allannguuteqassasoq allaat oqartoqarsinnaallu Aningaasanut
Inatsisissamut siunnersuuteqassasoq nutaamik. Taamaattumik Inatsisartunut
inassutigissavara piumasareqqullugu Naalakkersuisut qanoq isumaqarnertik
paasippassut taava Aningaasanut Inatsisissamut siunnersuut allanngortitigaq
nutaaq aammaarluni siullermeerlugu oqaluuserineqassasoq.
Anthon Frederiksen, Kattusseqatigiit:
Aningaasaqarnermut Naalakkersuisup
saqqummiussinermini aallaqqaataani 1998-mi aammalu 1999-mut aningaasartuutissat
malunnartumik appartinniarlugit kiisalu ukiut missingersuusiorfiusut
sapinngisamik piaarnerpaamik sinneqartoorfiginissaat qulakkeerniarlugu
aningaasaqarnikkut sukaterinissaq
pisariaqartissinnarlugu 1998-mut Aningaasanut Inatsisissaq
eqqartuliinnarlugu aningaasatigut ingerlatsinerup qasukkaallanneqarnissaa
eqqartulereerpaa, taamaattumik pisariaqarluinnarpoq Aningaasaqarnermut
Ataatsimiititalimi minnerunngitsumik Inatsisartuni sulinermi nunatta
aningaasaqarnikkut ingerlanneqarnerata patajaatsumik tatiginartumillu ingerlanneqarnissaa eqqumaffigissallugu.
Kiisalu pisariaqarluinnarnerpaanut salliutinneqartariaqartunullu
ilaaluinnartariaqartut tassaapput inuit nunatsinni aningaasarli
sinnattorineqanngikkallarmat nunami maani ilaatigut inuuniarfigissallugu
peqqarneeqqisumi napatitsisuusut , taakku tulleriiaarinermi sutigut tamatigut
salliutinneqarnissaat maannakkut kinguaattoorutigeqisarput anguniartariaqarpoq
iluarsillugulugu, tassalu ullutsinni nutaanngorsagaasuni ineriartornermilillu
sukkaqisumik nalaanneqarfitsinni inuussutissarsiutitigut namminersortut
ingerlataatigut periarfissani pitsanngorsaanikkut.
Assersuutigalugu aalisariutitigut piorsaanikkut nunaqarfinni tunisassiorfiit
naleqqussarlugit piorsarnerisigut, pisiniarfiutillit allallu namminersorlutik
ingerlatallit pisortat ingerlataannik unammillerneqarunnaarnerisigut,
allarpaasuartigullu taagorneqarsinnaagaluartutigut piorsaanikkut. Naatsumik
oqaatigalugu namminersortunit ingerlanneqarsinnaasut taakkuninnga
ingerlanneqarlik, pisortat ingerlataannik unammillerneqanngitsumik
inuiaqatigiinimi suliassarpassuit pisussaaffiillu ilaat ullumikkut
namminersortuni ingerlanneqareerput, taamaattumik namminersortut ingerlassinnaasaat
taakkuninnga ingerlanneqarniarlik.
Taamaaliornikkummi pisortat ingerlataasa
ingerlatsinermut allarpassuarnullu aningaasartuutissaralui inuiaqatigiinni
pisariaqartinneqartunut ajunnginnerusumik atorneqalersinnaanerat
anguneqarsinnaassammat, allanullu pisariaqartinneqartunut nunatta karsia
taamaalilluni nukissaqarnerulissagaluarmat.
Ilaqutariit ataasiakkaat ineqarnikkut
naammaginartumik atugassaqarnissaat
ilaatigut naalakkersuisunit qulakkeerniarneqartoq saqqummiussinermi
eqqaaneqarpoq. Siunertap ajunngissusia.
Tassami Inatsisartut upernaaq
ataatsimiinnerminni ilaatigut Isumaginninnermut Iluarsaaqqinnissamut
Ataatsimiititaliarsuup isumaliutissiissutaa
saqqummiunneqarpoq, ilaatigullu ineqarnermut tapiissarnermi aningaasarsianut
killissaritinneqartut 128 tusinde-it koruuniusut qaffanneqarnissaat
pisariaqartinneqartoq takusinnaavarput, taamaattumik Aningaasanut Inatsisissap
suliarineqarnerani aammalu ilaqutariit ataasiakkaat ineqarnikkut
naammaginartumik atugassaqassappata, ineqarnermut tapiissutit 1998-mi qaffaanissaq piareersimaffigineqartariaqartoq Kattusseqatigiit kaammattuutigissavarput, tassami
naluneqanngitsutut ilaqutariippassuit ineqarnermut ilaatigut nammineq
pisuussutiginngikkaluarlugu ineqarnermut akiligassaminnut
malinnaasinnaajunnarsimasut amerlaqaat, aammalu inigisaminniit anisitaasartut
anisitaasussallu ikinngeqaat, taamaattumik pisariaqarpoq taassuma tungaa sillimaffigissallugu,
minnerunngitsumillu pingaartumik boligstøtte aqqutigalugu illutaarsimasut,
assigiinngitsutigullu ajornartorsiuteqarneq pissutigalugu akiligassanik
kinguaattoooruteqarsimasut, akiligassanut malinnaaqqissinnaanerat anguniarlugu
pillaammik ernialiisarnerup atorunnaarsinneqarnissaata eqqartoqqinneqarnissaa
Kattusseqatigiinniit ilanngullugu kaammatuutigissavara.
Royal Greenland-mi naleqqussaanermut
ilanngullugu nunaqarfinni tunisassiorfiit ataatsimut isigalugu maannamut ajorluinnartumik
ingerlanneqartut - ilaatigullu tunissassiorsinnaanermut periarfissaqartut
pitsaanerusumik atorneqarlernissaat anguniarlugu pitsanngorsaasoqartariaqarpoq,
tamakkuuppummi ilaatigut suliffissaaleqnermik millisitsiniarnermut
aningaasaqarnerullu pitsaanerulersinneqarnissaanut aqqutissat, taamaattumik
suliffissaqartitsiniarnermut iluaqutaasussanik 61 mio koruuninik
aningaasaliiniarneq Kattusseqatigiinniit isumaqatigilluinnarpara.
Qasigiannguani Qeqertarsuarmilu raajanik
tunisassiornerup pitsanngorsaavigineqarnissaat pisariaqarluinnarput,
minnerunngitsumik kommunini taakkunani aalisartut, sulisartullu ukiorpassuarni
taamatut inuussutissarsiuteqartut ingerlaqqinnissaat eqqarsaatigalugu,
minnerunngitsumik kommunini taakkunani aalisartut sulisartullu ukiorpassuarni
taamatut inuussutissarsiuteqartut ingerlaqqinnissaat eqqarsaatigalugu,
taamaattumik Kattusseqatigiinniit Naalakkersuisunut kaammattuutigissavara
kommunit pineqartut paaseqatigalugit suliassat ingerlanneqarnissaat
qulakkeerniaqqullugit.
Nanortalimmi tunisassiassanik
ineriartortisinerup 1998 -mi ingerlateqqinneqarnissaa Kattusseqatigiinniit
pissusissamisoortutut isigaara, tassungalu tunngatillugu soqutiginassaaq
paasissallugu suliniutit sumut killinnersut, tassami 1997.-mi 4 mio-nit maannalu
1998-mi 10 mio-nit eqqartorneqarmata.
Kiisalu kalaaliminernik tunisassiat
ineriartortinneqarnissaat aammalu siusinnerusukkut Inatsisartuni
oqallittarnerit tunngavigalugit kommunini allani, minnerunngitsumik
nunaqarfinni taamatut ineriartortitsinissap aallartisarneqarnissaa ilanngullugu
kaammattuutigissavarput, tassami nunaqarfinni tunisassiorfippassuit ilaatigut
suliffissaqartitsisinnaagaluartut atorneqaratik imaluunniit amigartumik
atorneqarlutik ingerlapalaarput uningaallutilluunniit inuiaqatigiinnut
akisoqisumik.
Sanaartornermut tunngatillugu Inatsisartut
qinersivimmi matumani atuuttumi ukiut tamaasa
Aningaasanut Inatsisissap suliarineqarnerani sanaartornermut tunngasut
kinguaattoorutit ilaasortanit maalaarutigineqartuarput aammalu Naalakkersuisut piumaffigineqartuarput taamatut
kinguaattoortoqartarnerup iluarsineqarnissaa suliniutigineartariaqartoq,
kisiannili ajornartorsiut ukiut tamaasa
uteqattaartuarpoq. Naalakkersuisut Inatsisartut suliakkiissutaat
soqutigisimanngeqineramikkit imaluunniit suliassap taassuma iluarsinissaa
sapersimaneramikku? Taamattumik tupinnanngitsumik sanaartugassanulluunniit
sillimmatissanik immikkoortitsisoqassaarpoq. Aammalu sanaartornermut
tunngatillugu akikillisaaneq eqqartorneqartuarpoq, pingaartumik sanaartornermi
atortussanik assartuinermut akit qaffasinnerat ilanngulllgu
eqqartorneqartarluni, taamaattumik nunatsinni sanaartornermi
soqutiginarluinnartoq ukiorli februari-mi ilaatigut Ineqarnermut
Naalakkersuisup peqataaffigisaanik atoqqaartitsinermi takutinneqartoq, tassalu
Narsarsuarmi SIKU-blokkimik taallugu nunatsinni illulioriaaseq nutaaq nunatta
pisuussutai atorlugit sananeqarsimasoq, sanaartornermilu
qularnanngilluinnartumik siunissami akikillisaataasinnaasoq Naalakkersuisut
tungaaniit qanoq iliuuseqarfigineqarniarnersoq ilanngullugu paaserusuppara.
Kommunit aningaasaqarnikkut
suliffissaqartitsiniarnikkullu ajornartorsiuteqartut soorlu Kangaatsiap
kommunianut tungaatillugu naalakkersuinikkut immikkut ittumik qanoq
iliuuseqarsinnaaneq eqqartorneqartariaqartoq Kattusseqatigiinniit
piumasarissavara, tassami naluneqanngitsutut Kangaatsiap kommunia piffissami
sivisuumi aningaasatigut annertuumik ajornartorsiuteqarpoq, tamannalu
tunngavigalugu aasap ingerlanerani kommuni pineqartoq Aningaasaqarnermut
Naalakkersuisumut ; Namminersornerullutik Oqartussanut akiligassat erniaasalu
piffissami aalajangersimami unitsinneqarallarsinnaanerat pillugu
qinnuteqaateqarsimavoq kisiannili tamatuminnga itigartinneqarsimalluni.
Allakkatigut saaffiginnissutit paasinarluartunik tunngavilersuutitallit
pigineqareerput, taamaattumik Inatsisartut Naalakkersuisullu aammalu Aningaasaqarnermut
Ataatsimiititaliaq ilungersortumik qinnuigissavakka suliap qaqinneqaqqinnissaa,
nalilersuileqaqqinnissaalu suliniutigeqqullugit.
Kommuni pineqartoq aningaasatigut
ajornartorsiornerani sanaartornermut atatillugu, minnerunngitsumillu
peqqinnissaqarnermut tunngatillugu Iginniarfimmi imeqarniarnerup ukiorpassuarni
ajornartoriutaanerata piaartumik qaangierneqarnissaa siunertaralugu,
sanaartugassat Iginniarfimmi siuartinneqarnissaat ilanngullugu kattusseqatigiinnit nalilersorqqinneqarnissaa
piumasarissavara.
Kiisalu meeqqat inuusuttut, utoqqaat
allallu sungiffimmi sammisassaqartinneqarnissaat eqqarsaatigalugu Kangaatsiap
kommuniani aamma tamatumuunakkut ajornartorsiuteqarpoq annertuumik,
taamaattumik kommunimit kissaatigineqartuartup, tassalu Minihalitaarnissap
aningaasanut inatsisisssamut siunnersuummit peerneqarsimanerata
nassuiaateqarfigineqarnissaa piumasaraara, tassami siusinnerusukkut ilaatigut
eqartorneqartarmat tipserluni eqquiniaanermi aningaasat nunatsinnit
pissarsiarineqartartut ilaannit, taamatut pilersitsiniarnermi atorneqarsinnaanerat
piriarfissaqartinneqartoq, taamaattumik paaserusunnarpoq suliap taassuma sumut
killinnera.
Aasimmiaasit oqararaagut meeqqat
inuusuttullu siunissaraagut, kisiannili aningaasartai tikikkaagatsigit
oqaatsit taakkua puigorluinnarneqartarput, tassani ulluinnarni meeqqat
"suliffii" tassalu atuarfiit illoqarfinni nunaqarfinnilu
annertoorujussuarmik iluarsaanneqarnissaminnut pisariaqartitseqisut meeqqanut
ajunngitsumik pitsaasumillu ineriartorfiullutillu angusaqarfiussappata,
inatsisartuni aalajangertariaqalerpugut ajornartorsiutit tamakku ukiuni
aalajangersimasuni, assersuutigalugu ukiuni tallimani tamaasa iluarsillugit
suliarisariaqartut, tassami imaaliallaannaq timmisartoqarfinnut 1,5 milliard-it
ukiuni tallimani atorneqarsinnaappata aamma atuarfeqarfinnut taamatut
aningaasaliinissaq, siunissami aningaasaliinerussaaq pitsaasoq.
Inuusuttortavut piumaffigaagut
ilinniagaqassasut aammami tamanna ajunngitsumik siunertaqarpoq, kisianni
ilinniartut ilinniarnerminnik taamaatitsiinnartartut suli amerlavallaaqaat,
tamannalu qularnanngitsumik nassuiaatissaqarpoq, soorlu ilinniartut
ineqarnerannut tunngasunik, ilinniartuunersiutit ukiuni kingullerni
arfinilinni nikisinngitsoorneqarsimanerannik allanillu taamaattumik
kattusseqatigiinniit sakkortuumik piumasaqaatigissavara, ilinniartut atugaasa
ineqarnikkut aningaasatigullu pitsanngorsaavigineqarnissaat piaartumik
iluarsiivigineqartariaqartoq.
Kuuffiit taarsersorneqarnerat
pisariaqarluinnartoq ilaatigut qujanartumik ingerlanneqaleruttorpoq, kisianni
suliami kikkut nakkutilliisuuppat? tassami assersuutigalugu Ilulissani
aningaasat tamatumunnga atorneqassapput 3,1 mio. kr.-nit. Aasallu ingerlanerani
assaanerujussuaq ingerlanneqarpoq, aammalu kuuffiit taarsigassat
taarsersorneqarput, tassa kuuffiit erngup aqqutaasa eqqaaniittut, tamanna
ajunngilaq kisianni tusaleriallaripput; kuuffiinngooq taarsersorsinnarlugit
matoorneqaqqissapput soorunami tamanna pissusissamisuussaaq, kisianni aamma
aappaagu taamatorpiaq taakkorpiaat piffinni taakkunani assanneqaqqissapput,
tassagooq erngup aqqutai taarsersorneqarssammata, akitsorsaat tassami
aningaasarpassuit allanut aamma pisariaqartitanut atorneqartussaagaluit,
taamaasillutik atornerlunneqassapput, soormi ataasiaannarluni assaanermi
taarsersugassat ataatsikkut taarserneqanngillat.
Sipaarniarneq aningaasallu atorluarneqarnissaat
eqqarsaatigalugu taamatut atuipilunneq akuersaarneqarsinnaanngilaq,
pissutsillu taamaattut iluarsineqartariaqartut Naalakkersuisut isumagisariaqarpaat.
Kommunini sunalunniit Naalakkersuisumit
neriorsorneqarsimaguni, soorunami aningaasanut tunngasunik pilersaarusionermi,
taamatut neriorsorneqarsimaneq ilanngullugu sillimaffigisarpaa, taamaappoq
Ilulissat kommuniat 1998-imut aningaasatigut missingersuusiornermini aamma
taamaaliorsimasoq, tassa Kultureqarnermut, Ilinniartitaanermut Ilageeqarnermullu
Naalakkersuisup upernaap ilaatigut Ilulissaniinnermini, Umiartornermut
ilinniarfiup Paamiunut nuunneqarnissaanut atatillugu Ilulissat kommuniat
neriorsormagu; taamatut nuussinermut taarsiullugu Ilulissani maannakkut
ajornartorsiutaaqisup, tassalu ilinniartut inissaqartinniarneqarnerisa
iluarsiivigineqarnissaat, kollegieliortitsinikkut qaangerneqassasoq
neriorsuutigimmagu, taamaattumi maanna paaserusunnarpoq neriorsuineq taanna
sumut pisimanersoq.
Qujanartumik Ilimanap tunisassiorfeqalernissaa
siunniunneqarpoq, Naalakkersuisunullu kaammattuutigissavara, nunaqarfimmi
suliffissaqartitsineq siunertaralugu pilersinniakkap tunitsiviinnartut
atorneqannginnissaa anguniaqqullugu, tassami minnerpaamik qullukkerivittariaqarpoq.
Ilageeqarnermut tunngatillugu
kattusseqatigiinnit assut pakatsivunga 1998-imut aningaasanut inatsisissap
siunnersuutigineqarnerani ilageeqarnermut aningaasaliissutinut tunngasut
ataatsimut katinneranni 1997-imut naleqqiullugu aningaasaliissutit 1 mio.
kr.-nit missaanni ikileriarsimammata, inatsisartuni ilageeqarneq pillugu
oqallikkaangata ilaasortat amerlanerit ilageeqarnerup pitsaanerusumik
ajunnginerusumillu ingerlanneqarnissaa isumaqataaffigineqartartoq, taamaattumik
oqaluuserisat tapersersukutsooriarlugit illuatungaanullusooq saakkaanni
tamarmik puigorneqartarnerat qaangerneqartariaqarpoq.
Nunaqarfinni helikopterinut mittarfiit
ukioq 2002-mi tamarmik piorsarneqarsimassasut siunniunneqarpoq. Taakkununngalu
tunngatillugu Akunnaami Niaqornaarsummilu helistop-it inuusuttut
arsaattarfiiniittut ilanngullugit iluarsiivigineqarnissaat
kaammattuutigissarvarput, aammalu taamatut helikopterinut mittarfeqarnermi,
amerlanertigut ukiukkuunerusoq, tassa avannaa sikusartoq eqqarsaatigalugu
ingerlanneqartarpoq, taamaattumik illut helikopterinut mittarfiit
eqqaaniittussat, utaqqisarfiit nassatanullu inissiisarfiit
pisariaqartinneqarmata ilanngullugu eqqarsaatitsissutigissavara.
Kiisalu ilanngullugu piumasarissavara
Danmark-imut peqqissariartinneqartartut, pingaartumik ilaatigut napparsimasut
ukiuni arlalinni Danmark-imiittariaqartartut atugarisaasa misissuiffigineqarnissaat,
aningaasatigut ilaqutariinnut napparsimasumullu qanoq sunniuteqartarnersoq
paasiniaqqullugu, tassami qularnanngilluinnarmat taakkunani pisariaqartitsineq
annertoqisoq, tamannalu ilaatigut uanga nammineerlunga aasap ilaatigut
napparsimasunik Københavnimi kalaallit uninngasunik ataatsimiistitsininni
paasisimavara. Pissutsimmi ilaatigut ajorluinnarput, napparsimasunullu
akuersaaruminaallutik.
Naggataatigut Naalakkersuisunut
eqqaasitsissutigissavara apeqqutigissallugulu, inatsisartuni siusinnerusukkut
oqaluuserisassatut siunnersuutigisimasama ilaat tassa Naalakkersuisunit qanoq
isumaliutersuutigineqarsimanersoq paaserusunnarmat, tassalu Ilulissaniit
Ilulissat kangerluanut ukiukkut qimussimik aalisartut aqqutaata
iluarsaaneqarnissaanut tunngasoq, tassami Ilulissani aallisartorpassuummata
ukiukkut aqqummit tassannga ilungersunaqisumik atuisartut, aammalu nunatta
sinneranut naleqqiullugu assigiinngissitsineq annertuallaaqimmat,
assersuutigissagaanni nunatta kujataani savaatilinnut aqqusinniornerit
ingerlanneqartarput, ukioq mannalu 700.000 sinneqartut 1998-imilu 500.000
kr.-it taakkununnga immikkoortinneqarmata, taamaattumik inuussutissarsiutinik ingerlatsinermi
oqilisaanissaq eqqarsaatigalugu qularnanngitsumik sinerissami qimussit
aqqutaasa ilungersunarnerit ilaata iluarsaanneqarnissaa pisariaqarmat taamatut
paasinnikkusuppunga.
Taamatut oqaaseqarlunga Aningaasaqarnermut
Ataatsimiititaliaq sulilluarnissaanik kissaallugu, inatsisartut siunnersuutip
aappassaaneerneqannginnermini sukumiisumik tassani oqaluuserineqarnissaa
innersuussutigaara.
Daniel Skifte, Aningaasaqarnermut Ineqarnermut Naalakkersuisoq:
Siullermik partiit tamarmik
oqaaseqartuinut qujavunga, aammalu maluginiarlugu partiit saqqummiussaat,
kiisalu inatsisartuni ilaasortat ataasiakkaat saqqummiussaat, oqareernittut
suli annertunerusumik misissuiffigalugit, nalilersorneqarsammata
aningaasaqarnermut ataatsimiititaliani, taamaattumik mikisualuttortai
maannakkut pulaffiginaversaarlugit partiit oqaaseqartuinut oqaaseqalaassaanga,
aamma tassannga ingerlaqqitsinnanga oqassaanga soorunami pisariaqartitsineq
aallaavigalugu Naalakkersuisut ataasiakkaat naalakkersuisoqarfiit pisarnertut
apeqqutinut aalajangersimasunut imaluunnit qulequtanut qaffatsinneqartunut
akissuteqartarnissaat aamma taanna aallaavigalugu oqaaseqassagama.
Siumup oqariartuutigaa maannakkut
aningaasanut inatsisissap qaffatsinnera taamatut isikkoqarluni
ingerlaannartumik akuersaarniarnagu allatut oqaatigalugu allanngortitsineqassappat
taanna piareersimaffigalugu, kissaatigalugu kaammattuutigalugu
nalilersueqqissaarnissaq, taanna oqariartuut paasilluarparput, isumaqarpugullu
aamma neriorsuutigeriissallugu soorlu partiit allat taamatut aamma
oqariartuuteqartut, aammalu taaneqareerpoq saqqummiinermi tullianik 21-iani
aningaasanik inatsisissaq pineqarlerpat taassuma tungaanut Naalakkersuisut
aamma allannguutissatut saqqummiussassaat qaffatsinneqarumaarmata.
Aamma maluginiarpara Siumup
kissaatigimmagu Nunatsinni illugissaaneq aamma nunaqarfinni taamaattumillu
periarfissanik tikkuussilluni taanna Naalakkersuisut siunnerfiannut
naleqquttuuvoq, iseqqissartariaqarlunilu aamma taanna ingerlatissappat
najukkani assigiinngitsuni kommunit peqatigilluinnarlugit taanna
aaqqinneqartariaqarmat, tassami allatut oqaatigissagaanni imatut
isumaliortoqarsinnaanngilaq, kommunit nalaatsortumik assersuutigisassakka
tassaapput assersuutigalugu kommunit Nanortalimmi iluarsisassat
Qasigiannguarmiut susassarinngilaat, Nanortalimmiut iluarsissavaat, tassani
kommunini suleqateqarneq eqqarsaatigaara.
Maluginiarpara aamma Naalakkersuisut
ajunngitsut ilaannik oqariartorfigineqarmata tamanna nuannaarutigaarput tassa pingaartumillu
aasap ingerlanerani ukiorparujussuarnilu oqallisigineqartuartoq imarpik
qulaallugu timmisartitsinermik akit taamannak appariartinneqarnerat pilluaqqussutigineqarmat
soorunami nuannerpoq qutsatigissallugu.
Aamma kissaatigineqarpoq Siumuminngaanniik
utoqqarnut tunngasumik eqqartuinerminnik tassa peqqussutit aaqqissutissallu
taakkua upernaamut inatsisitigut malitseqassasut, taanna qularinngilara
Naalakkersuisut naammassiniassagaat taamatut siunnerfeqarneq, taamalu kissaateqarneq
taannalumi aamma siunnerfigaarput.
Aamma Siumup kissatai misissoqqullugit
immikkoortut arfinillit taakkua tamaasa taagussanngilakka, kisianni
maluginiarpara oqaasiisa ilaat tassaasoq nunani allanit aningaasat atukkat
akilersorneri immaqa siammaamillugit iliuuseqartuugutta, taava periarfissarput
allissasoq. Taanna pillugu imatut oqaaseqassaanga suliassaq taanna taamatut
ingerlavoq Naalakkersuisut ukua siuliisa allaffeqarfik aqqutigalugu
peqqusimavaat aningaasat nunanit allanit atukkavut taakkua misissuiffigineqarsasut
taamaalillutik atukkavut amerlinngikkaluartut siammarlugit iliuusissamik
nassaarniartoqaqqullugu, suliassaq taanna maannakkut ingerlanneqarpoq, taamaattumik
nuanniinnarpoq taamatut kaammattuutigineqarmat, unali qularnaappoq isumaqatigiissutit
malillugit ukiumut akilitissagut allanngortinneqarsinnaanngillat nutaamik
isumaqatigiissuteqartinnagita, tassa taakku pisussaaffigaavut, soorlu ukiumut
atukkavut erniaallu taarsissagaluarutsigit immaqa allanut atorniassagatsigit
taarsissagaluarutsigit aalajangersimasumik amerlassuseqartussaapput, tassa
isumaqatigiissutip tunngavia, taakkulu allanngortissagutsigit atsaat isumaqatigiinniarnikkut
naammassineqassaaq, saanaartornermi akit eqqartorneqarmata kingusinnerulaartukkut
taakkua tikissavakka.
Atassutip oqaaseqartuanut oqaaseqartuanut
oqaatigissavara, maannakkut taamatut siunnerfeqaraluarneq
toqissisimanartinneqanngimmat taanna oqareernittut Naalakkersuisut nutaat
toqissisimanerunissaq ilaatigut eqqarsaatigalugu siunnerfigaat aningaasanik
ingerlatsineq sukanganerusoq ingerlateriaqqissagipput, taamaattumik
ilimanarpoq soorlulimi aamma Naalakkersuisut siulittaasuata nammineq
oqaluttarfimmit maanngaanniit ammaanersiornermi oqaatigigaa,
amingartoorutaasussat saqqummiutaqartut malunnaatilimmik appartinneqartariaqartut,
taanna atassutip oqariartuutaa taamatut akissuteqarfigaara, aamma
ilimanartussaassaaq 1999-imi amigartoorutissat nullunngorsimanissaat
peerneqarsinnaanissaat. Kisianni tassa piaarpallaarpoq ullumikkut
oqaatigissallu taamaattoqassanersoq.
Sanaartornermi
kvadratmeterimut akit qaffasippallaarnerujussuat aamma tikkuarneqarpoq
soorlulimi aamma taanna Siumup eqqaagaa, imatut oqaatigissavara, taanna
Naalakkersuisut pingaartippaat akit qaffasippallaarujussuarnerat
appartinniarsarissallugu, taamaaliortariaqarsimavugullu pingaartumik ukioq
kingulleq taamaaliorsimavugut ialaatigut Kalaallit Nunaanni Sulisitsisut
Peqatigiiffiat ataatsimeeqatigisarlugu. Tassami aamma taakkua
soqutigisariaqassavaat ilaasortamik suliassaqartuaannarnissaat eqqarsaatigissappat
iluaqutaanngitsoq suut tamarmik taamannarujussuaq akeqassappata, taanna
partiit amerlanerpaartaasa tikimmassuk taamatut akissuteqarfigaara
qularnanngilarlu tikeqqilaartussaassallugu.
Atassutip
oqariartuutaasa ilagaat eqqarsaat nutaaq tassaasoq Naalakkersuisut Kommuunit
suleqatigalugit Kommuunikkaartumik atuarfinik nutarterinissaq
aserfallatsaaliinissarlu sulissutigissagaat, taamatut eqqarsaat soorunami
nalilersorluassavarput tassani atorfinitsitsisarsinnaaneq eqqarsaatigineqarpoq,
taannali suliassaq aatsaat Kommuunit assigiinngitsut peqatigalugit
naammassiniarneqarsinnaavoq.
Inuit
Ataqatigiit paasilluarpakka ilaatigut qangaanilli kaammattuutigisartagartik
qaffatseqqimmassuk tassaasoq, Inatsisartut atugassaat maani oqallinnermi
soorlu uani aningaasanut inatsisissaq siusinnerusukkut
agguaanneqartariaqartoq, taamatut anersaaruluutersi paasilluarpara isumaqarpunga
aamma taanna suli maannakkumut pitsaanerusumik naammassiniarneqarsinnaasoq,
tassami aasaq naqitertussanngormat misissoqqissaarnermi suliassaq februaarimi
aallartittoq apriilimi qaffatseqqinneqartoq maajimi Naalakkersuisuni
eqqartorneqartoq junimilu nalilersoqqinneqartoq kiisalu pernaataasumik ukioq
manna partiit Naalakkersuisuutitaqartut ataatsimorlutik aama Landstinngimut
ilasortaasut periarfissaqartut peqatigalugit ingerlanneqarsimasoq, pissusissaa
pilersaarutillu aallaavigalugit ingerlanneqarsimavoq. Kisianni tassa
kalaallisuunngortinnera kinguarsimavoq tamanna utoqqatsissutigineqassaaq,
kisiannilæi tassa oqariartuutersi paasilluarakku matumuuna oqaatigaara.
Inuit
Ataqatigiit aamma eqqaasaasa ilagaat sulisunik sunik suliaqarnerannik
nalunaarusiorneqarnissaq inassutigineqartoq, isumaqarpunga taanna aamma
ajunngitsutut tigusariaqartoq, Nalakkersuisullu qanoq iliorfigisinnaanerlugu
nalilersortariaqaraat.
Inuit
Ataqatigiit aamma sanaassat suut piviusunngortinneqassanersut Naalakkersuisuni
pineqarnersut oqaatigineqanngimmat taanna ujartorpaat, kisianni tassunga
tunngatillugu oqaatigissavara, isumaqarpunga tassani Inuit Ataqatigiit imminnut
akrlilerlutillusooq oqartut tassami Naalakkersuisut sanaassat suut
piviusunngortinneqarsinnaannginnrsut nalilersortuarpaat peqqutigalugu,
kvadratmeterimut akit qaffasippallaarujussuarnerat tassani tunngaviusarmat
piffiit ilaanni kvadratmeterimut akit ima annrtutigisussatut
neqeroorutigineqartarput, allaat atuisussat innuttasut inissianut
akiliutissaat qaffattussaallutik aningaasanut pissaritinneqartunut
naleqqutinngitsunik imalunniit akissaanut naleqqutinngitsunik.
Taamaattumik
tassani Naalakkersuisut malinnaaffigeqqissaarpaat kvadratmeterimut akit qaffasippallaannginnissaat,
maannakkumulu taamatut periaaseqarneq qularnanngitsumik imatut
kinguneqartussaavoq, 1997-p naanerani silap ajorneranut peqquteqaannanngitsumik
aammali akit qaffasippallaarneranik peqquteqartumik kinguartoornerit
ersarissiumaartut. Taamaattumik saqqummiussininni oqarpunga aningaasanut
tapiissutissat eqqartoqqilerutsigit taanna apeqqut qaffatsinneqarumaartoq.
IA-p
kissaatigaa aamma takornariartitsinermut tunngasumik 1998-mut tunngasumik
aningaasalissartalerneqarsimanngimmat, kisianni tassunga tunngasumik
oqaatigissavara aningaasartalerneqarsimavoq kontoa taamaallaat allaaginnarpoq,
maannakkorpiaq pappialaalussuit akornanni nassaarisinnaanngikkukku
oqaatigissavara taanna, jo, aningaasartalerneqarpoq taanna IA-p ujartugaa,
tassa konto-mi 20.10.34.-mi tassani inuussutissarsiornermut tunngasumik
aningaasaliinermi ilangunneqarsimammat, taamaattumik
aningaasartalerneqarsimavoq.
Uani
nipi oqaaseqarfigilaassavara aamma aalajangersimasumik soorlu eqqartorneqarmat
KANUKOKA-mut tunngatillugu ilaatigut oqaatigineqarpoq: ATaavami
kuseriarnikkaartumik tunioraaneq nipaallisaatinik iisartagartortitsinrmut
assiguneruvoq, taamaaliornikkummi katsorsartariavik iluarsineqarneq ajorpoq,
taanna oqaatigissavara aap taamaappoq katsorsaaniaqataavugut, tassani KANUKOKA
suleqatigilluinnarlugu kvadratmeterimut akit apparnerunissaat anguniarlugu
iliuuseqarpugut, aammalu taanna ersersinneqassaaq sapaatit akunnerini qaninnerpaani
Kommuunit Namminersornerusuninngaanniit tapiissutisiassaat
isumaqatigiinniutaasimasoq piffissami sivisuumi naammassineqartussanngortut
naammasseriarpata nalunaaruteqarnitsigut, taanna nipaallisaatitortitsineq
nungussimasussaassaaq ajorunnaarsimasussatut naatsorsuutigaarput, tassami
tassani Naalakkersuisut naalagaanngillat kisianni KANUKOKA Namminersornerullutillu
Oqartussat isumaqatigiillutik Kommuunit Bloktiskudessaat
naammassiliivimmatigit, taanna suliassaq qularnatsumik oqaatigineqassaaq.
Akulliit
Partiiata oqaasii neriullunga nikassaanertut nipeqartumik paasineqassananga
imatut oqassaanga. Quppernerit siulliit pingasut - sisamat tusarnasarakkit
allamik isumaliunngilanga soorlu saqqummiussaq siulleq kisiat aallaavigalugu oqaaseqartut,taanna
tunuartitaq saqqummiussaq. Taamatut oqariarlunga apeqqutit arlalissuit
qaffatsinneqartut oqaaseqarfigilaarusuppakka.
Soorlu
apeqqutigineqarpoq Naalakkersuisut nassuiaateqarsinnaannginnersut kalaallit
Nunaata akiitsui tassa Namminersornerullutik Oqartussat kiisalu aamma
suliffissuaqarfiit 100%-mik Namminersornerusunit pigineqartut aap
ajornanngitsuararsuarmik nassuiaatigineqassapput aamma allaganngorlugit
tunniunneqarsinnaapput.
22.
september 1997-mi Namminersornerullutik Oqartussat akiitsui nunanut allanut
tassaapput 993.110.815 kr., tassa ullut qulingiluat matuma siornatigut. Taakkua
nakkutigeqqissaarneqarput taamaattumik ajornanngitsumik taakku
pineqarsinnaapput. Taassuma saniatigut aamma Namminersornerullutik Oqartussat
akiitsui allaaserineqarput Finanslov-imi qupp. 121-mi qallunaatuuani, tassani
Namminersornerullutik Oqartussat selskabiutaasa ukiup naanerani 1996-mi
akiitsui 3 mia. 70 kr.-niupput. Taamaatumik taasuma tungaa sukkasuumik
ajornartorsiuteqanngitsumillu akineqarsinnaavoq, neriuppunga taanna akissut
aamma naammagineqassasoq.
Ilaatigut
aamma Akulliit Partiianinngaanniit eqqartorneqarpoq allaffissornikkut kontonit
sipaaruteqarnissaq taannagooq ilaatigut apeqquserneqarluni allaat, immaqagooq
taanna siunnerfik iluatsissimanngimmat, naagga, isumaqarpunga maannamut
iluatsikkiartortoq. Tassami 1995-mi siullermik 5 %- mik allaffissornikkut
sipaarniarneq 1996-mut finanslov-imut inissinneqarpoq, taassuma saniatigut
ingerlaqqinnermi aamma pisortaqarfiit ataasiukkaat, taamaallaat Peqqinnissaqarfik
pinnagu, 2 %-mik aamma suli sipaarfigineqaqqillutik. Taamaatumik
Naaalakkersuisut nutaanngitsut aammalu maannakkut nutaat nukissaqarfigaat
eqaallisaarineq allaffissornikkullu pitsaanerusumik aqutsineq anguniarlugu,
taamaattumik uanga isumaqarpunga taamaaliorneq iluatsissimasoq.
Aamma
nassuiallaquneqarpoq inuit katitigaanerat eqqarsaatigalugu
erseqqinnerusuminngooq taanna paasinanngimmat. Oqassaanga aatsaat
pernaataasumik inuit katitigaanerata aningaasaqarnermut sunniutai ukioq manna
ersarissisinneqartussaammata, tassami tusartuartarparput meeqqat amerliartortut
aningaasartorfissat, taassumalu saniatigut utoqqartagut amerliartortut aamma
aningaasartorfissat, illua tungaatigulli isertitsisussat akunnassisut illissi
uagullu ikiliartortut. Taamaattumik taassuma tungaa nalilersoqqissaarneqarpoq,
aamma KANUKOKA peqatigalugu, tassa Kommuunit Kattuffiat peqatigalugu.
Assersuutigalugu
taassavara Kommuunit kissaatigiuartagaat ukiorpaalussuarni ukioq manna
naammassineqartusanngormat. Isumaqatigiissutigineqarmat Kommuunit tapisiassaat
Namminersornerusuninngaanniit 1998-miit januarip aallaqqaataaninngaaniik.
Inuit katitigaanerat aallaavigalugu aaqqiissuteqarnissamik siunnerfeqarmat,
taannalu KANUKOKA-mit Namminersornerullutillu Oqartussanit isumaqatigineqarpoq
aammalu piviusunngortussatut naatsorsuutigaarput.
Kattusseqatigiit
apeqqutitaasa ilagaat qaffatsitaasa ilagaat Nanortalimmi tunisassiassanik
ineriartortitsineq aammalu paaserusullugu suliniut taanna killinnersoq. Taanna
pilersaarut pissusissamisut ingerlavoq, taamaattumillu Naalakkersuisut aamma
nutaat kissatigaat taanna ingerlaqqittariaqartoq. Taamaattumillu
aningaasaliissutissanik 1998-mut aamma immikkoortitsipput. Taanna sammitillugu
oqaatigissavara maannamut misiligaanerit ilisimatinneqarnerput aallaavigalugu,
pitsaalluartumik ajunngitsumik siunissaqarlartumillu ingerlammata, kisianni
tassunga tunngasumik Naalakkersuisoq alla uannit ilisimasaqarneruvoq.
Sanaartornermut tunngatillugu
kissaatigineqartut ilagaat suli Naalakkersuisut immaqa aningaasaliinerusariaqaraluartut
sanaartomermut atugassanik. Kisianni taanna oqaatigissavara erseqqissaqqillugulu
maannamut misissuinerit ukiut kingulliit 1993 ‑ 94 ‑ 95 ‑ 96,
taakkua ukiut qaangiuttut ersersippaat Kalaallit Nunaata iluani
sanaartomeqarsinnaasut milliartinilluunniit amerligaluarutsigit
inemeqarsinnaanngitsut suli amerlavallaartut. Inemeqarsinnaalissapput aatsaat
avataanin-ngaanniit tikerartitsigutta sulisussanik. Taannalu Naalakkersuisut
angunianngilaat.
Isumaqarpugut nunatsinni sulisinnaasut
naammassisinnaasaallu aallaavigalugit qanoq iliuuseqamiartariaqartugut.
Taamaalinngippat akit qaffarujussuamerannik kinguneqarsinnaavoq, soorlu
inissialiomermut kvadratmeterimut akit qaffappallaassapput, taamaalippallu
akiliisut tassaassapput atuisartut.
SIKU BLOK-i pillugu arlallit apeqqutaat
amma Kattusseqatigiit aamma eqqaamanerlunngik-kukku Inuit Ataqatigiit, taanna
nalileqqissavarput. Nalunaarusiortoqarsimavoq nalunaarusiarlu taanna
Inatsisartut Aningaasaqamermut Ataatsimiititaliaannut agguaanneqamikuuvoq,
isumaqarpungalu Kattusseqatigiit aamma neriorsorsinnaassallugit tasstmga
tunngasumik nalunaarusiaq aamma ilissinnut pissusissamisoortoq apuutissagukku.
Taamatut iliornikkut oqanngilanga taava
SIKU BLOK-imut tunngasut matupput, naagga, paasissutissat pitsaasut piffissaq
manna atorlugu anikkusunngisakka nassuiaat takisuujusussaammat, taamatut
oqaaseqarfigaara.
Kangaatsiap Kommuunianut tunngasumik
oqaaseqarnissinni oqaatigissavara tassani aningaasanut inatsisissami aamma
qupperneq aalajangersimasumi aningaasalerneqarmat, aningaasalerneqartussatut
siunnersuutigineqarmat aningaasartai million kr.‑niullutik. Taamaattumik
taanna qaffatsitat taamatut akissuteqarfigaara.
Mikisuarsunnut pulanianngikkaluarlunga
naggataatigut mikisut ilaat ataaseq pulaffigissavara.
Tassalu kuuffiit taarsersomeqamerat
pillugu annertuumik nassuiaateqamerit, nassuiaateqamerit
erseqqippoq pitsaavoq. Tassunga
tunngasumik imatut akissuteqassaanga. Tassami illit apeqqutigigakku suliami
tassani kikkut nakkutilliinersut. Oqartussaaffik akisussaaffillu eqqartukkannut
tunngasoq Namminersornerullutik Oqartussaniippoq. Oqartussaaffik taanna
KANUKOKA isumaqatigalugu kommunalreformkommissionillu siunnersuutaa
aallaavigalugu januaarip aallaqqaataaniit 1998‑mi Kommuuninut
tunniunniameqarpoq, aningaasartaalu taakkua aamma isumaqatigiissummi
inissinniameqarlutik.
Taamaattumik maannamut suliat
assigiinngitsut piffinni aalajangersimasuni pitsaanerusumik aqunneqamissaat
siunertaralugu Kommunalreformkommissionip peqqusinera aallaavigalugu,
maannakkut suliassaq tassunga killippoq, naatsorsuutigaarput januaarip
aallaqqaataaninngaanniik oqartussaaffik kommuuninut tunniunneqassasoq
aningaasartaalu soorunami malinnaatillugit.
Taamatut oqaaseqarallarpunga
oqaatigeqqissallungulu konto‑t assigiinngitsualussuit
qaffatsi-terneqartut soorlu assersuutigalugu Akulliit Partiianinngaanniit,
maannakkut soorunami oqaaseqarfiginngikkallagassannik suliassaq
ataatsimiititaliamit ingerlanneqartussaammat, qujanaq.
Jonathan Motzfeldt, Naalakkersuisut Siulittaasuat:
Aningaasaqamermut Naalakkersuisup
oqaaserisaanut ilalliullugu oqaatigissavara, partiit oqaaseqartut tamarmik,
immaqa marlussuit kisimik pinnatik, tamatumani soorunalumi Naalakkersuisut
partiivi aammalu Inuit Ataqatigiit matumani suliassiissutaat aammalu
tikkuartugaat isumaqatigiinniamermi peqataffigisinnaallugit isumaqarpunga
suleqqinnissatsinni Naalakkersuisuni minnerunngitsumillu Aningaasaqamermut
Ataatsimiititaliami soqutiginarput, naaperiarfissaqarpoq isumaga
najoqqutaralugu.
Sipaarutaasinnaasunik uanittaaq
taasisoqarpoq misissoqquneqartunik, tamatumani allaat ilan-ngullugu
kilowattimut akit qaffanneqarnissaanut taarsiullugu iliuuserineqarsinnaasut
misissoqquneqartut misissorneqassapput.
Hjemmestyrep selskabinik pilersitsiuarneri
pinngikkaluarlugit selskabit atoreersut atorneqarsinnaaneri aamma taaneqartut
tassani periarfissaapput. Illua tungiliuttuninngaanniit taaneqartut
misissugassat ersinartunik oqaaseqarunanngillat, kisiannili aamma Inuit
Ataqatigiit namminneq oqaatigaat akisussassuseqartumik oqaloqatigiinnermi
peqataaniarnermut ilaapput.
Allaat attartukkat 185 mio. kr.‑nit
akilemeqartartut siammamerusumik taarsersomeqamissaat misissomeqarsinnaaneri,
aamma tamakkua misissorneqarsinnaapput.
Soorunami akiligassaqarnani nunap
ingerlanissaa tamanit piuminamerpaavoq aamma taanna siunertaavoq. Aammalu
ilisimavarput nunat kikkulluunniit pingaartumik inuussutisarsiornermikkut
periarfissatik pitsanngorsarniaraangamikkit aamma aningaasanik aamma
attartorsinnaanertik
periarfissanut ilaatittuarpaat, Kalaallit
Ntmaat tassani immikkut isiginiarneqarsinnaanngilaq.
Taavalu aamma uani oqallinnermi
taamaallaat aajuna amigaatigisara aningaasat ilaatigut annertoqisut
atorneqartussaammata, ilaatigut sumit sumingaanniit aamma aallerniartoqarsinnaava,
karsimi aningaasat maannakkut sillimmatigisat oqaraanni ukua qaangerlugit
atuisoqassanngilaq, sillimmatit ima amerlatigissapput, tassa inerpoq
attoqqinneqassanngillat. Taava taanna pissappat taava aamma suminngaanniit
aningaasanik taava aallerniartoqarsinnaava? Taanna annertunerusumik ullumikkut
pulaffigineqanngilaq. Ilisimavarpummi aallerfissatuaq tassa akileraarutit
akitsuutit, taamaattumillu taakkua ullumikkut tikinneqangillat, tassa imaappoq
allamik aallerniartoqanngilaq akileraarutit tungaatigut. Kisianni
taakkualuunniit iluanni aamma
periaatsit allanngortinneqarsinnaasut mianersuutigeqquneqartut
arlaliupput. Aningaasanik atuinermi aamma tapiissutit atomeqartut Nunatsinni
angereeqaat.
Naalakkersuisut neriorsuutigereerpaat
ammaanermilu inunnik isumaginninnermi aaqqitassat 1998‑mi upemaakkut
saqqummiussiffigineqassasut taanna naammassiniameqassaaq. Utaqqisut
ilumoorpoq arlalissuupput tassani.
Utoqqaat immikkut taaneqarput ilumoorpoq, meeqqanut tapisiat, illoqamikkut
aaqqissuussinermi tapisiat allallu. Taamaattumik upemaamut pinngitsoorani
tamakkua naammassinninniarfiusumik saqqummiiviginissaat Naalakkersuisunit
suliarineqassaaq.
Tapiissutit eqqartorneqarnerini tapiissutit
tassaapput aamma sapinngisamik nungukkiartortitassat. Nuna
karseqarsinnaanngilaq tapiissutinik sanaartortuartumik. Taamaattumik aamma
nipaallisaatinik Inuit Ataqatigiit oqalunnerat aamma maluginiarpara. Tassami
aamma Kalaallit oqatarpugut ullut tamaasa paarput allangortissinnaanngilarput,
taanna aamma oqaaseq atorsinnaavarput. Tapiissutit pillugit aalajangersimanigut
aalajangersimalluinnartunik tunngasunik aallaaveqartarput.
Inuit Ataqatigiit Kommuuninut tapiissutaasinnaasut
nipaallisaatinik taaneqartut uparuagaat imaassinnaavoq aamma
misissortariaqartut. Tapeeriaaseq nutaaq taamaattoq maanaannakkut
eqqunneqassava? Imaluunniit piffissaava aamma siunissami atorsinnaava taama
ittoq? Taanna
aamma aningaasaqamiameq
nalilemiartariaqarpoq. Taamaattumik nipaallisaammik oqameq Inuit
Ataqatigiinniit suliassiissummik aamma
imaqarpoq.
Uanga isumaga tassa taama oqaatigaara
Naalakkersuisut sinnerlugit maani oqaatigineqartut ukua
siunnersuutit ilaasortat ataasiakkaat saqqummiussaat
udvalgini misissorneqarnissaat, aamma Aningaasaqamermut Naalakkersuisup
innersuussutigisaa taanna isumaqatigaarput. Uanili allami
suliassami ullumikkut suliassiissutit
pilerinarput taama oqaraanni pitsaaneruvoq, pilerinarput naammassiniassallugit
Kalaallit Nunaani ataatsimut aningaasaqamermut aappaagu ingerlalluarnissaq
naniniarlugu, qujanaq.
Peter Grønvold Samuelsen: Takornariaqamermut Angallannermut
Niuernermut Attaveqa-qatigiinnermullu Naalakkersuisoq:
Pingasut oqaaseqarfigissuakka. Siullermik
Akulliit Partiiata apeqqutigisaa tassa oqaasertaliussani
konto 70‑p ataani oqaasertaliussaq
nr. 4‑ra qanoq paasineqassanersoq. Tassa pineqartoq tassaavoq KNI
Pilersuisoq Namminersomerullutik Oqartussat akomanni isumaqatigiissutaasa,
tassa
Servicekontraktimik ulluinnami taagukkatta
imarisaa nioqqutissanik pilersuineq, siullermik.
Aappaatullu angallassineq. Tassa taakku
immikkoortut marluk KNI‑lu isumaqatigiissuteqarfigaagut. Taakkulu
isumaginniffissat allanngussangaluarpata soorlu aasaq manna pisoqartoq, Royal
Arctic Line‑mut usinik angallassineq nuutsinneqarluni. Taava tassa
taamatut pisoqarnissaa siunissamut upalungaarsimaffiginiarlugu oqaasertaliusaq
taanna siunnersuutigineqarpoq Naalakkersuisut siunisami piginnaatinneqassasut
taamaattoqartillugu akuersisinnaanissamut. Soorunami aningaasat
immikkoortinneqarsimasut iluini.
Aappaatut apeqqutit marluk Inuit
Ataqatigiinninngaanniit
saqqummiunneqartut oqaaseqarfigitsiassuakka, siullermik Kangerlussuaq.
Ammaanermi oqallinnermi tamatumalu kingoma Kangerlussuup siunissami Kommuunit
avataani inissisimaannarnissaanut apeqqut maani oqaluuserineqarmat,
Kangerlussuaq oqaluuserineqangaatsiaqaaq maani Inatsisartuni. Uanga
eqqarsarpunga ilumut inuit 300‑400 missaanni Kangerlussuarmi najugaqartut
maanna tusarnersunnguamik tusamissaminnut pisariaqartitsilersimassasut.
Inatsisartut ippassaaniinnaq aalajangerpugut Kangerlussuup inissisimanera
ullumikkut kaanngartinnagu ukiuni tallimani ingerlaqqissasoq. Inuit taakku
taakani sulisut ukiumut 30 mio.kr.onit sinnerlugit landskarsimut
akileraartuupput. Eqqaamassuarput tassuma saniatigut aamma 1992‑mi
Kangerlussuaq Namminersomerullutik Oqartussanut nuunneqarmat
Naalagaaffimminngaanniit aningaasanik malitseqartinneqarpoq 60 mio. kr.‑nik,
taakkulu bloktilskuddikkoortillugit ulloq manna tikillugu tigusarpagut.
Taamaalilluta inuiaqatigiinnut Kangerlussuup aningaasatigut tunniussai 60 mio
+ 30 mio. 90 mio. kr.‑niupput.
Qanoq aningaasartuutigaarput? 1992‑mi
Kangerlussuup ingerlanneqarnera 70 mio. kr.‑ninik amigartoorutaalluni
ingerlavoq. Ullumikkut amigartoomtit taakkua apparsameqarsimapput
ingerlatseriaaseq nutaaq eqqunneqarsimavoq. Assigiinngitsutigut
piorsaasoqarsimavoq, kisianni
taakkua kinguneraat aningaasartuutit
annikillerujussuarsimanerat aliaat 10 mio. kr.‑nit ataallugit.
Naatsorsuutillu qissimikkaanni aappaagu
aappaaguaguluunniit amigartoomtit taakkua nungulluinnarsimassapput.
Taamaattumik sulisut atungarisaasa aaamma pitsanngorsamissaat tassani
tunuarsimaarfigisariaqanngi1aq.
Uanilu uparuartomeqartut annersaraat 1998‑mitmngitsoq,
kisianni 1999‑mi ukiorlu 2000‑mi
tikittarfiup nutaamik
iluarsaanneqamissaanut tunngassuteqartoq. Taanna 1998‑mut tunngassuteqanngilaq.
Aamma piareersimavunga soorunami isumaqatigiinniaqataanissannut Naalakkersuisuni
Inatsisartuni Aningaasanullu Ataatsimiititaliami. Aamma taanna oqallinneq
aallartimmalli piareersarsimavunga
Aningasaqamermut Ataatsimiititaliamut ilisimatitsissuteqassallunga, aamma
Kangerlussuup Kommuunit avataani inissisimanera pillugu oqaluserineqarmat Inuit
Ataqatigiinninngaanniit apeqqutigineqarmat taavami mittarfiunerata saniatigut
siunissami inuutisarsiutitigut periarfissat sum qissimigaameqarsimappat.
Taanna allagaq ulluni qaninnemi Aningaasaqamermut
Ataatsimiititaliamut ingerlajumaarpoq. Tassungalu aamma ilanngullugu
oqaatigissuara 1999‑mi missingersuusiorfimmi ukiorlu 2000‑mi
taakku eqqaariikkakka aningaasat 52
mio.kr.‑nit, imaaliinnarlugit ersigunnaarsinnginnerini nalilersuinerit Angallannermut
Ataatsimiititaliami,Aningaasaqamermut Ataatsimiititaliami, amma
suliarineqarumaarnissaat ilaatigut makkua paasissutissat Aningaasaqarnermut
ataatsimiititaliami allakkiatsinni ersersinneqarmata, Kangerlussuup ukiuni
kingullemi angallattunik atorneqarnera eqqarsaatigalugu, soorlu assersuutitut
taasinnaavakka 1994‑mi timmisartut Kangerlussuarmit aallarsimapput 3802‑t
ilaasoralugit ilaasut 79105‑t. Ukiut marluk qaangiummata 1996‑mi
kisitsisit taakkua nikeriangaatsiarsimapput, tassa timmisartut aallartut 5258‑nngorsimapput
ilaasut 101847‑nngorsimallutik.
Taakkua nalilersullaqquakka aamma
allakkiami uani pineqartumi aamma angallannermut Ataatsimiititaliamut
tulluarsorinartuni paasissutissat assigiinngitsut tikkuartomeqartut sulinerup
ingerlaqqinnissaani
isumassarsiorfiusinnaammata. Naggataatigullu tassunga atatillugu oqaatigissallugu
Kangerlussuarmut aamma tunngassuteqarluarsinnaalluartoq, tassalu Nuummi
mittarfissuassap kinguartinneranut atatillugu Naalakkersuisut
isummersimanerat. Tassalu novemberip naalemerani sukumiisumik
isumasioqatigiissitsinissaq maannakkut pilersaarusiorlugu aallarteriingarput, tassani nalilersuinerit
timmisartortitseqatigiit siunissami qanoq takorluugaqarnersut, mittarfiit
arfineq marluk sinerissami atulerpata qanoq timmisartomiamerlutik.
Tassanilu aamma isumasioqatigiinnermi
peqataasussaammata nunap immikkoortuini Angallannermut Ataatsimiititaliani
ilaasortat, Inatsisartut Angallannermut Ataatsimiititaliaani ilaasortat aammalu
angallassisartut selskabit timmisartuussisartut allallu.
Aappaatut oqaaseqarfigisassara tassa
Takomariartitsinermut ingerlatseqatigiiffitsinni Greenland
Tourismemut tapiissutit Josef Motzfeldtip
saqqummiussinera najoqqutaralugu 1997-inngaaanniit
1998‑mut ilanngarniarneqartut,
tassani erseqqissaatigissuara kisitsisit nikinganerujussuanut pissutaammat,
Nissimaap suliffianut tassani Santa‑mut aningaasaliiffittut 6,5 mio. kr.
tassani quppernerit tulliiniimmata. Kisianni ilumoorpoq pingaamersiuinitsinni
aningaasat taakkua ilaatigut 4 mio. kr.‑nit missaat
ikilisittariaqarsimavagut.
Kisianni nuannaarutigaara Inuit
Ataqatigiit tungaanninngaanniit taanna erseqqissameqarmat. Maani inimi
pingaarteqalutigu inuussutissarsiutit siuarsameqarnissaannut aalisamerup
saniatigut,
aatsitassarsiomerup saniatigut
takomariartitsineq napaniutissatta pingaamerpaarpaat pingajuattut
oqaluuseralutigu, taamaattumik maannakkut
aallarteriarata suli aningaasaliisutinik tamatumani
ikililerisoqannginnissaa
sillimaffigisariaqarparput aamma Takomariartitsinermut Ataatsimiititaliami
Aningasaqamermut Ataatsimiititaliami tamakkua isummersorfiginissaat
qilanaarara, aamma uanga suleqataanissannut tassani piareersimagama.
Aningaasaqarnermut Naalakkersuisup taanna
eqqaasitsissutigaa komo 20.10.34. soorunami aningaasat tassaniikkaluarput,
kisiannili oqartoqarsinnaagaluarpoq aamma inissaviinut inissereersimaneqarsinnaagaluartut,
uanga taanna isummattut anippara.
Kisianni tassa takomariartitsinermut
peqatigitillugu timmisartuussinikkut akit malinnaatinneqarsimannginnerat aamma
Tuusip tikippaa. Tassunga atatillugu oqaatigissuara Greenland Tourism ukiut
arlallit SAS‑imut isumaqatigiissuteqartarmat takomariat akinik allanik
inissat aalajangersimasut eqqarsaatigalugit isumaqatigissuteqarfigisarlugu,
aammalu takomariartitsisartut allat nunani allaniittut angalanemik
ataatsimoortunik akikillisakkanillu isumaqatigiissuteqarfigineqartarsimammata.
Taassuma saniatigut maannakkut pigaluttuartut ilaatigut aamma Kangerlussuarmut
tunngassuteqarsinnaasut, arfininngormat SAS‑ip direktøriata soraartup
nalunaarutaa, tassalu imarpik qulaallugu timmisartuussinerup
unammillerfiugaluttuamerata ersersinnera manna tikillugu ersarinnerpaaq.
Tassaasoq SAS‑ip nalunnginnamiuk
unammillerteqartussaassalluni,
taava suliniutinik pilerinartunik saqqummiussisaqattaalerpoq. Soorlu KNI‑mut
isumaqatigiissut aasarumiit atulersussaq akit takusimanngisaannakkagut
atulerfissaat. Taassuma saniatigut saniatigut aamma takusimanngisaannagarput
SAS-igooq timmisaartuussisassaaq sapaatip akunneranut
tallimariaannarnani, arfinileriaannarnani Kangerlussuarmiit Købemhavnimut
arfineq pingasoriarluni. Aamma tusarsimanngisaannangarput
Narsarsuarminngaanniit Københavnimut marloriaannarnani kisianni
pingasoriarlunigooq sisamarianngikkuni. Tassa imaappoq Nunatsinniit Nunatsinnullu
ilaasunik angallassineq annertuumik pisoqarfiussaaq. Aali SAS kisiat massakkut
oqaluuseringipput. Novemberimi maannakkut pilersaarusiorlugu aallartereerpoq,
aalajangernissaq decemberimi pisussatut siunnerfigalugu Angallannermut
Naalakkersuisoqarfik Ministereqarfik peqatigalugu unammillertitsinissaq
maannakkut pilersaarusiorpaat.
Taasuma
kingunissai tasani takusassagut aamma soqutginartorujussuusussaapput, tassanilu
ilaatigut qulaareersinnaasara tassaavoq Naalakkersuisuninngaanniit taamatut
suliariumannittussarsiuussinissami piumasarissagatsigu kangerlussuup
Narsarsuullu ukioq kaajallugu toqqaannartumik aallarfigalugulu
tikiffigisarnissaa taanna piumasarissangatsigu neqeroortussanut kikkuungaluarnersunut.
Akitigut
unammillerneq aallartippoq taamaalillunilu aamma takornariartitsinerup
tungaatigut aqqutissat putsanngoriarnissaa tassani neriuutigissuarput
naatsorsuutigalugulu. Taamaalilluta Tuusip oqarneratuut ussassaarineq annertooq
akisoorlu maannakkut pilliutigereersimasatta naasussartai sikkersussartaalu
takornariartitsinerup iluani ukiuni tullittuni takusinnaalissagatsigit.
Takornariartitsinermut
aningaasaliissutit akunnittarfiliortiternermut aammalu aallarnisaasunut aningaasaliissutit,
taakkua allaat atuutilrput suliluunniit qaammatit arfinilinngunngillat taakku
atuutilermata. Kisianni akunnitsinni allaat oqartoqarpoq aperisoqarlunilu
naanguku taakkua aningaasaliissutigut 15 mio. kr.-nit akunnittarfiliornermut 3
mio.kr.-nit aallarnisaasunut. Isumaqarpunga aamma Inatsisartuni taamatut
aallartitsigaangatta ungasissoq eqqarsaatigalugu iluaqutissartai
takkukkumaartut, qaammatit tallimat ingerlanerini sumik pisoqarnissaanik soorlu
noqqaasoqartartoq, tassani imaattoq eqqaamasariaqarpoq suliat taamaattut tassa
ingerlapput.
Soorlu
akunnittarfiit eqqarsaatigalugit qinnuteqarfissaq siulleq aallaavigalugu
maannakkut Uummannami, Ilulissani, Alluitsup Paani, Kulusummi akunnittarfiit
pioreersut allillutilluunniit nutaanik sanasoqarpoq. Aappaagumut maannakkut
qinnuteqaatit takkussuutereersimasut kisiisa eqqarsaatigiinnarlugilluunniit,
aningaasat 32 mio. kr.-nit tungaanut noqqaassutigineqarput qinnutigineqartunit
makkunannga soorlu, Aasianni, Ammassalimmi, Ilulissani, Nanortalimmi, Narsami,
Nuummi, Qeqertarsuarmi, Qaqortumi, Qasigiannguani, Sisimiuni, Upernavimmi.
Taamaattumik taakkua aallartissimasagut soqutiginilerujussuupput. Taamaattumik
aamma uani aningaasanut inatsisip suliarineqarnerani tamakkua tamaasa soorunami
piareersimaffigissuagut, Ataatsimiititaliani piumasuni noqqaasoqarpat taava
taakkua apuukkumaarpagut piumasunut.
Mikael
Petersen, Isumaginninnermut, Suliffeqarnermut, Pisortallu Suliassaqarfiutaannut
Naalakkersuisoq:
Quajanaq.
Siullermik aallarniutigalugu nunaqarfinni tunisassiorfiit eqqaalaarniarpakka.
Tassani tupigineqassanngilaq sulisoqarnermut aammalu pisortat
sulisissaqarfiutaannut ilanngullugu Naalakkersuisoqarfiga ilaneqarsimammat.
Nunaqarfinni
tunisassiorfiit pillugit ukiuni kingullerni arlaqalersuni Inatsisartut
annertuumik isumaqatigiissuteqartarsimapput, aammalu nunaqarfinni
tunisassiorfiit piorsaqqissallugit anguniagassanmik tikkuussisarsimallutik.
Kisianni taamakkaluartoq uanga nammineerlunga aasaq, eqqaamaneqassooq
aasaanerani sakkortuuliorsimavunga Royal Greenlandimi isumaginninneq
nunaqarfiit eqqarsaatigalugit annertuumik uparuarlugu. Aamma tamatuma
siornatigut uanga nammineerlunga nunaqarfinni qerititsiviit nillataartitsiviit
tunitsiveqarfiit piorsarneqarnissaannik annertuumik nilliassuteqartarsimavunga.
Minnerunngitsumik aalisagaqarfinni, paasillugu aalisagaqarfinni.
Aalisagaqanngitsumi tamakkuninnga sanaartorneq imminut akilersinnaanaviangimmat.
Taamaattumik
avannaani nunaqarfinni piorsaanissaq suli annertuvoq, aamma Inatsisartut
tamanna paasisariaqarpaat. Nunaqarfinni ataatsimiititaliap aammalu
inuussutissarsiornrmut tunngassuteqartunik suliaqartut tamarmik
illersortariaqalerpat assortortuusaarunnaarlugu. Ukiut marluk matuma
siornatigut siunnersuutiga itigartinneqarpoq, soorooq, nalilersuisoqassammanngooq.
Nalilersuineq taanna inernerluni Nunaqarfinni Ataatsimiititaliami. Taamatut
uparuaanissara pisariaqartippara pissutigalugu, pisuusaarneq maani inimi
tassunga tunngatillugu annertuallaalermat. Sakkortujaamik oqaluppunga nunaqarfinni
pissutsit taamaattut aaqqittariaqalermata.
Nukissiorfiit
pillugit Atassutip oqaluttuata nassuiaassuteqarnissara kissaatigivaa. Sisimiuni
el-værkip ajunaarnersua, taamatut taavara uangattaaq taarusuppara
ajunaarnersuuvoq imaannaanngitsoq apeqqut sakkortuumik tigusariaqartoq. Aamma
tamanna pillugu ataasianngormat Inatsisartunut ilaasortanut allakkatigut
nassuiaatiga agguaatereerpoq, arajutsineqarsimappat innersuussutigeqqissavara.
Soorunami taanna naammanngilaq, aamma Nukissiuutit pillugit Ataatsimiititaliaq
nassuiaakkumaarpara ataatsimiilerpat, suli ataatsimiinngilaq aamma
sillimaffigereerpara naapinnissaat. Aammalu nukissiuutit pillugit
nassuiaassuteqarnissara taakkununnga qularutigineqassanngilaq.
Kiisalu
aamma Atassutip oqaluttuata piumasaraa pitsaassutsip isumannaassutsip
kingusinnerusukkut sammineqarnissaa qularutiginagu. Tamanna pillugu aamma
Naalakkersuisoqarfimminngaanniik takkuttoqarumaarpoq, kisianni
nukissiuuteqarfiit aamma taassuminnga nalilersuinerat tiguneqariarpat soorunami
Inatsisartunut aamma ingerlateqqinneqarsinnaajumaassaaq. Kisianni
erseqqissaatigissavara Sisimiuni massakkut pitsaanerulersimaqimmata, aammalu
ulluinnarni inuuneq qangatut ingerlaqqinnissaminut
periarfissinneqarnerulersimammat. Kisianni el-værkimi nukissiorfimmi
nutarterinissaq annertooq taanna tikinneqarumaarpoq aamma naammassiniarneqarumaarpoq.
Sulisoqarneq
Inuit Ataqatigiit oqaluttuata ilanngullugu taavaa, Namminersornerusuni
soorunami suliffeqarfinni tamani kalaallit sulisorineqarnerunissaat pillugu oqariartuuteqartoqarluni.
Tamanna tupinnanngilluinnarpoq aamma ukiat tamaasa oqallinnermi taanna
tikinneqartuartarmat. Nalakkersuisoqarfinni nutaamik aallariartumi taama
oqassaanga, erseqqissareersimavara sulisoqarnikkut suliffeqarnikkut pissutsit
annertunerusumik sammineqartariaqalersut. Massakkut finanslov-imut siunnersuut
qiviarutsigu, tassani Naalakkersuisoqarfimmi inunnik isumaginninnerup
tungaatigut sulisoqarnikkullu aningaasaliissutit 950 mio. kr.-niusut,
taakkunannga taamaallaat 16,4 mio. kr.-nit sulisoqarnermut tunngassuteqarmata.
Tassuuna
takuneqarsinnaavoq ukiuni kingullerni aammalu aningaasalersueriaatsini
sulisoqarnermut suliffissaqartitsiniarnermullu tunngasut qanoq
annikitsigisumik isiginiarneqartarsimanerat, naak oqaatsit imaannaanngitsut
atorneqartaraluartoq, aamma tassaniippoq pisuusaarneq. Ataatigut titaqqillara
piviusorsiortumik aallaaveqartumik kinguneqartitsissagutta sulisoqarnikkut
pissutsit aammalu suliffissaqartitsiniarnikkut pissutsit
tunngavissaqarnerusumik inissittariaqalerput. Ullumikkut nunatsinni
sulisoqarnerput pillugu inatsipput ataasiinnaavoq, tassalu qanga inatsit nr.
1-mik taasagarput. Kingusinnerusukkut allannguallatsilaartarneqarsimasoq,
tassalu tassatuaavoq nunatsinni sulisunik illersuisussaatitaasoq.
Taamaattumik
oqaatigilara anguniartariaqarparput aamma neriuppunga Naalakkersuisutut
peqataassallunga alloriartitsinissamut, nunami maani sulisoqarneq pillugu
inatsiseqarnerup nutaamik naliliffigineqarnissaanut
ilusilersoqqinneqarnissaanut, nunami maani najungaqavissup suliffissamigut
sulisinnaassutsimigullu illersorneqarneranik siunertaqartumik. Tamanna pillugu
ataatsimeersuartitsinissaq avaqqukkuminaappoq, sulisitsisut, sulisartut,
pisortat, ilami Danmarkimi arbejdsministeeriaqarfiup peqataaffigisaanik
oqallinnik annertooq Nunatsinni ingerlattariaqalerpoq. Tamanna anguniarlugu
sulissaanga aamma neriuppunga alloriarfiusinnaasumik tikkuussinertalimmik
naammassisaqarfigisinnaajumaassallugu.
Inunnik
isumaginninneq pillugu akissuteqareerput Aningaasaqarnermut Naalakkersuisoq
aamma Naalakkersuisut Siulittaasuat, kisianni erseqqissaatigissavara uangattaaq
ajuusaarutigigakku massakkut uani Inatsisartut ataatsimiineranni, inunnik
isumaginninnermut aammalu iluarsaaqqinnissamut ataatsimiititaliarsuup ataasiinnarmilluunniit
massakkut Naalakkersuisuniit saqqummiussisinnaannginnatta.
Kisianni
erseqqissarlara peqqissaarluinnartumik taanna suliassaammat kommuunit allallu
susassaqartut inunnik isumaginninnikkut tunngaviusut inatsisit
allangortinneqassappata suliassaq ingerlanneqartariaqarmat, taamaattumik
upernaamut 98-mi upernaakkut ataatsimiinnissatsinni saqqummiinissara naatsorsuutigaara, tunngaviusumik inatsisit
inunnik isumaginninnermut tunngassuteqartut ilanngullugit
saqqummiunneqartarumaarmata. Minnerunngitsumik meeqqanut inuusuttunut
utoqqarnullu tunngassuteqartut pingaartillugit naammassiniarneqarumaarmata.
Erseqqissatigilaarlara
naggataatigut ullumikkut inatsisit atuuttut atuutereersut aallaavigalugit inunnik
isumaginninnerup periarfissarititaasigut kommuunit suleqatigalugit, utoqqaat
pitsaanerusumik sullinneqarsinnaanerat angusinnaagutsigu aamma assut
nuannaarutigissagakku. Tamannalu eqqarsaatigalugu kommuunit /KANUKOKA
saaffigiumaarparput ullumikkut periarfissaatitaareersut iluini sinerissami
Kommuunit akornini, utoqqaat assigiiaarnerusumik pineqarnissaat isumaqarpunga
anguneqarsinnaassasoq, uani piffissami qanittumi.
Naatsumik
oqaatigalugu inatsisit atuuttut periarfissarititaat naapertorlugit utoqqarnut
aammalu meeqqanut inuusuttunullu sullissinerup pitsaanerulersissinnaanera
ilanngullugu misissuataarumarparput.
Paaviaaraq
Heilmann, Inuussutissarsiornermut, Aalisarnermut, Piniarnermut Nunalerinermullu
Naalakkersuisoq:
Naatsorsuutigisimanngikkaluarpara
maannakkut oqaaseqarnissara, kisianni oqaaseqartoq kingulleq pisariaqartitsivoq
oqaaseqarnissannut. Tupinnalaarpoq Naalakkersuisoq Inatsisartunut ilaasortat
uparuarmagit pisuusaarnerarlugit nunaqarfinni tunitsiviit pillugit oqaaseqarnermini.
Uanga Aalisarnermut Naalakkersuisutut tassa aammalu akisussaaffikka
eqqarsaatigalugit nunaqarfinni tunitsiviit eqqarsaatigalugit akisussaasutut
taakkununnga. Aalisarnermut Inatsisartut Ataatsimiititaliaat aammalu
Inatsisartut Nunaqarfiit pillugit Ataatsimiititaliaat pisuusaartutut
isiginnginnakkit.
Marianne
Jensen, Peqqinnissamut, Avatangiisinut Ilisimatusarnermullu Naalakkersuisoq:
Uanga
aamma suliniutinut assigiinngitsunut Naalakkersuisoqarfimma ataani suliassanut
oqaluttut tapersersuinerannut qujassuteqarusuppunga, naatsunnguamillu
oqaaseqassallunga. Siumut oqaluttuaninngaanniit kissaatigineqarpoq
imerajuttunut katsorsaaviit amerlineqarnissaanut tunngatillugu aamma siunissami
Naalakkersuisut inanneqarput ikiaroornartumik ajornatorsiuteqartut
ilanngullugit katsorsarneqartarnissaannut Naalakkersuisut
suliniuteqarneroqqullugit.
Tamannarpiaq
aamma Naalakkersuisuni siunnerfigivarput aamma qujassutigissavara taamatut
kaammattuineq erseqqissoq massakkut saqqummiunneqarmat. Oqaatigissallugulu Aningaasaqarnermut
Ataatsimiititaliaq neriorsorsimagakku PAARISAp qanittukkut
pilersinneqaqqammer- sup suliai aamma
suliassai pillugit, upernaamut Inatsisartut ataatsimiinneranut Naalakkersuisut
nassuiaateqarumaartut, aammalu tassunga ilaangullugu ikiaroornartunik allanillu
atuinerlunnernik, qanoq iliornikkut
annertunerusumik suliniuteqarsinnaaneq ilanngullugu tassani nassuiaateqarfigisinnaasavarput.
Neriuppunga tamanna taamanikkussamut aamma annertunerusumik
oqallisigineqarsinnaajumaartoq.
Atassutip
oqaluttuaninngaanniit soqutiginartunik assigiinngitsunik aningaasaqarnermut
tun-ngasunik kontonik inissiinermut siunnersuuteqartoqarpoq, aamma tamakku
Naalakkersuisuni soqutigalugit misissuataarumaarpagut. Kiisalu aamma nunap
immikkoortortaani sullissinerup eqiteruffiusumik ingerlanneqalersinnaaneranut
tunngasunik Atassumminngaanniik paasisaqartoqarusuppoq. Tassunga tunngatillugu
oqaatigissavara suliaq taanna imaannaanngitsuuvoq annertuvoq, aammalu apeqqutit
tassani qulaajagassat amerlapput.
Taamaattumik
naatsorsuutigivarput aamma ukiup affaata missaata qaangiunneratigut
Naalak-kersuisoqarfimminngaanniit erseqqarinnerusunik tamanna pillugu
siunnersuuteqarsinnaajumaassalluta. Uanga nammineerlunga Naalakkersuisutut
tassani aammalu naalakkersuisuni pingaar-tipparput suliap taassuma
ingerlanerani, napparsimmaveqarfiit ataasiakkaat, aammalu Kommuunit kiisalu
minerunngitsumik aamma Inatsisartuni Peqqinnissamut Ataatsimiititaliaq, taakkua
tamarmik qanimut suleqatigalugit oqaloqatigalugit isumasiortarlugillu suliaq
taanna ingerlanneqarumaartoq. Kisianni Naalakkersuisuni aamma suliaq taanna
pingaartipparput, taamaattumillu aamma neriulluta ukiup affaata missaata
qaangiunneratigut tamanna erseqqarinnerusumik siunnersuuteqarfigisinnaajumaassallugu.
Inuit
Ataqatigiinninngaannit aamma Qaqiffiup Ilulissani immikkoortortaqalernissaanut
tunngasumik isumaliutigeqquneqarpoq Naalakkersuisunut, nunatsinninngaanniit
taassuma ingerlanneqarnerata oqartussaaffigineqalersinnaanissaa. Tassunga erseqqissaatigissavara
tassa oqartussaaffik Nunatsinni taanna tigummivarput massakkut. Kisiannili
suleqatigiinnermut isumaqatigiissuteqarnikkut taanna allanut aamma
suliakkiissutigisimallutigu, imaluunniit suleqateqarluta. Soorlu aamma
Rigshospitaali napparsimmavissuaq aamma Hamlet Storstrøms Amt, tassa
tarnimikkut nappaateqartut sullinneqartarnerat sullinneqartarfiat. Tamakkua
aamma isumaqatigiissusiornikkut aamma suleqatigigigut, taamatuttaaq aamma
Frederiksberg Center isumaqatigiissuteqarfigalugu suleqatigivagut, kisianni
oqartussaaffik Namminersornerullutik Oqartussat taanna tigummivaat.
Tassunga
tunngatillugu erseqqissaatigilaassavara tassa maannamut ukiumut 100-t
sinnerlugit katsorsarneqartarmata Qaqiffimmi, massakkullu utaqqisoqalermat
allaat Avanaani pilersitsinissaq taanna siunertarineqarluni. Ulloq manna
tikillugu ukiut marluk sinnilaarlugit ingerlareer-nerani, ukiumut
Namminersornerusunut soorlu finanslov-imi takuneqarsinnaasoq, Aningaasanut
Inatsimmut siunnersuummi takuneqarsinnaasoq, inuiaqatigiit
landskarsiminngaanniit aningaasartuutigisassaattut siunnersuutigineqarpoq 1,6
mio. kr.-nit missaat. Taannalu soorunalimi oqallisigineqarsinnaavoq
annertoqinersoq, kisianni uanga nammineerlunga isumaqarpunga inunnut taama
amerlatigisunut pingaarutilimmillu iluaqutaasumik sullissineq 1,6 mio-nit
ukiumut annertugisassaanngitsut.
Minnesota
model-li taanna atorneqartuassanersoq massakkuugallartoq naluarput.
Aallartikkat- ta ukiut marluk matuma siornatigut nunatsinni
misilittagaqanngilagut katsorsaanerup tamatu-map tungaatigut, taamaattumik
misilittagaqareersut nalunngisaqareersut suleqatiserisimavagut, kisannili
siunertaalluinnarpoq nunatsinni misilittagaqaleriartornerput ilutigalugu, aamma
katsorsaariaaseq qanoq ittoq nunatsinnut naleqqunnerpaasoq nalilersortuassallutigu.
Taamatut
oqareerlunga aamma naggataarutigalugu oqaatigisavara Inuit Ataqatigiit aamma
una oqaatigisaat isumaqatigilluinnarakku aammalu taanna oqallinnitsinni tamani
erseqqissartuartariaqartarmat, Peqqinnissaqarfiup kisimi ilaatigut akisussaafiginngimmagit.
Kisianni aamma inuup peqqissutut misigisimanissaanut nukissaqarluartutullu
misiginissaanut suliffissaqarneq, illussaqarneq, anersaakkullu nukituneq
taanna aamma peqqissutsimut tamakku aamma pingaaruteqaqimmata, tassuunakkut
Inuit Ataqatigiit oqaaseqarnerat ilalilaaginnarusuppara.
Kattusseqatigiinninngaanniit
Anthon Frederiksen-nip Danmarkimi napparsimasut Kalaallit Illuanni
sullinneqartarnerannut tunngasut tikippai, kisianni tassunga innersuussutigissavara
sisamangornermi apeqquteqaatini taanna tikikkumaaratsigu Anthon Frederiksen-nip
tamannarpiaq pillugu apeqquteqarmat, taannalu sisamanngorpat
erseqqarinnerusumik akiumaarpara, qujanaq.
Johan
Lund Olsen,Inuit Ataqatigiit:
Erseqqissaatigiinnassavara
tassa Inuit Ataqatigiinni oqaaseqartutta saniatigut uanga oqaaseqarama,
partiit avataatigut oqaaseqanginnama.
Uani
oqaaseqarnissanni assigiinngitsualuit ilaatigut oqaaseqartutta aamma
tikittareersimasai ilaqqillugit erseqqissaatiginiarlugillu
oqaaseqarfigitsiassavakka, kisianni pingaartumik Naalakkersuisooqatigiit
aapparisaat tassa Atassutip saqqummiussai arlallit aamma
oqaaseqarfigissa-gakkit.
Siullermik
una oqaatigissavara tassa una Aningaasanut Inatsisissaq Inatsisartunut
agguaanneqarmat atuakkat ukua sisamat, tassa soorunami ima
paasisariaqartussaagaluarpoq tassa Naalakkersuisooqatigiit tassa
siunnersuutaat. Tassa taanna aallaavigisussaavarput aamma Inatsisartunut
agguaanneqarmat maanilu suliassaalluni.
Kisianni
tassa tupaallaatigeqisannik ullumi raatiu aviisip ullup qeqqariitsiartoq
aallakaatitsimat, paasinarsivoq allatut Naalakkersuisooqatigiit
eqqarsalersimasut, allaallu maannakkut tassa oqaluttoqarpoq siunnersuut
nammineq suliarisimasaraluartik tunuartiinnariarlugu taava oqaluttoqalerluni
isertitat aningaasartuutillu oqimaaqatigiisinniarneqartariaqartut. Kisianni
aajuna eqqaamasassaq taamaattoqassappat, oqimaaqatigiisitsiniartoqassappat
taava 145 mio. kr.-nit nalinginik Inatsisartut nassaarniartariaqassapput
sipaarniartariaqassapput, allanik isertitassanik soorlu Naalakkersuisut
Siulittaasunngortup aatsaaginnaq oqaatigisaatuut, allanik isertitassatsinnik
nassaarsinnaanngikkutta. Tassami ilisimavarput Naalakkersuisoqatigiit
pingaartikkaat akileraarutit qaffanneqassanngitsut, akitsuutit
qaffanneqassanngitsut. Taamaattumik oqimaaqatigiisitsinissami finanslov-i una
inerneqassappat tassa avaqqukkuminaattorujussuuvoq 145 mio.-nik - ingerlassineq
assigiinngitsorpassuarninngaanniit sipaarniartoqartariaqassammat.
Kisianni
tassa aamma taanna eqqumiilluinnartuuvoq, tassami ukiut kingulliit pingaartumik
ukua Naalakkersuisooqatigiit ingerlaneranni allaat aningaasanut inatsit
saqqummiunneqaqqaarmat oqaatigineqarpoq, landskarsip aningaasaatai ima
isumannanngingaaramik tassa imatut amigar-tooruteqartumik
saqqummiussisinnaallutik. Allaammi oqaatigineqartarpoq tigoriaannarninngooq
aningaasaateqarpugut ima annertutigisunik 1,4 mia.-rtit oqaatigineqartarlutik
1,6 mia.-rtit oqaatigineqartarlutik taava atorniartigit taamatut
oqaluttoqarluni. Kisianni maannakkut qanoruna pisut, killup tungerluinnaanut
oqalulerput, allatullu ajornartumik tassa 145 mio.-ninik
ilanngar-titerisariaqarput taakkua nassaariniartariaqaramikkit.
Taava
aamma uani uparuanngitsoorusunngilara tassa Atassutip oqaaseqarnermini
sanaartortitsinermi akit qaffatsaaliorneqarnissaat sammigamikkit oqaatigivaat,
tassa aqqutissatuarigipput sanaartugassat aningaasaliussassat
qaffatsinnaveersaarnissaat, tassa 600 mio.-nit missaaniitikkutsigit
pitsaanerpaajussaaq oqaatiginiarneqarpoq. Kisianni aajuna eqqaamasassarput,
kikkunuku Nunatsinni annerusumik aningaasalersuillutik sanaartortitsisuusut
tassa Inatsisartut Naalakkersuisut Namminersornerullutik Oqartussat. Akit
qaffariapiloorsimanerannut suut patsisaappat, taanna misissoraanni aajuna
immaqa aamma ilanngussassaangaluartoq, tassa sanasut entrepenør-it allallu akit
qaffasitsippallaarujussuarsimagamikkit. Imaattussaangaluartoruna 1992-mi
suliariumannittussarsiuussisarnermut inatsit Inatsisartut inatsisiliarput
nammineq suliarigatsi- gu taamani
siunertarivarput, akit qaffatsaaliorneqassasut - apparsarneqassasut.
Taamaattuminguna
aamma Inuit Ataqatigiinninngaanniit saqqummiussisutta oqaatigigaa akit
qaffatsaaliorneqarnissaat eqqarsaatigalugu akiusut qummut qaffasinnerpaaffissaannik
aaqqissuussisoqartariaqartoq. Taanna eqqarsaatigalugu taamaattumik aamma una
licitationslov-i 19- 92-imeersoq isumaqarpugut qimerlooqqinneqartariaqartoq.
Tassami ukiut kingulliit aamma sulisartut akissarsiaat
qaffatsaaliorneqarsimapput, tassa imaappoq entrepenørit sulisartuminnut
akissarsiarititaat appasitsinneqarput. SIK-p tamanna aamma
peqataaffigisarsimavaa, kisianni kikkunuku iluanaaruteqartut taava,
sanaartukkat taamatut akimikkut qaffasinnerujussuatigut tassa entrepenørit
allallu sanaartornermik ingerlatsisut. Taakkua tassa iluanaarut anneq
tigummiarpaat taamaattumillu aamma isumaqarpunga killilerneqartariaqartut.
Aqqutissatuarivarput taamaaliornissatsinnut tassa una: nammineq Inatsisartuni
inatsisiliarisimasarput, tassa suliariumannittussarsiuussisarnermut
Inatsisartut inatsisaat - taava qimerlooqqissaartariaqarparput.
Alla
aamma oqaasearfigerusutara tassaavoq aamma Naalakkersuisut Siulittaasortaavata
oqaatisaa, tassa isertitassagut landskarsip isertitassai taakkua aamma
qissimittarlugit eqqarsartariaqarpugut. Ukiuni makkunani landskarsip
aningaasatigut ingerlatsinermini isaatitsisorivai aalisartut aalisarnermillu
inuussutissarsiuteqartut. Taakkua nunamut suliffissuarnut tulaassugaat
tunisassiarineqarlutillu nunatta avataanut niuffatigineqarneratigut soorunami
nunarput aningaasanik isaatitsivoq. Aatsitassarsiornikkut suli
isaatitsilinngilagut, takornariartitsinikkut siuarsaaniarluta
aningaasalersuereeraluarluta, suli annerusumik aamma isaatitsilinngilagut.
Taamaattumik aningaasanut inatsit una qimerlooraanni siunnersuut
amigaateqarpoq, aalisarnermik inuussutissarsiuteqartut oqinnerusumik
atugaqarnissaannik pitsanngorsaanissamik. Tassami aalisarnikkut periarfissagut
taakkuupput nunatta aningaasatigut isaatitsinerani annerusumik aallerfigisinnaasagut.
Taamaattumik
pakatsinakujuppoq soorlu ukiuni makkunani raajat tunisassiarineqarnerisa
saniatigut saattuarniarnikkut aallussiniarnerput uani aningaasanut inatsimmi
siuarsaaviginiarneqanngimmat, ukua angallatitaarniarnissat saniatigut. Tassami
eqqaamaneqassajunnarsivoq 1997-mut atatillugu aningaasanut inatsit
suliarineqarmat, pullatinut piniutissanut nutaanut immikkut
aningaasaliissuteqartarsimavugut 4,5 mio.-nik amerlassusilinnik. Uani
naalakkersuisut siunnersuutigisaanni misissuigaluaraanni
ataasinnguamilluunniit imaluunniit saattuarniartussat nunatsinni aningaasanik
isaatitsisussat annerusumik tapersersorneqanngillat. Aamma saattuarniarneq
eqqarsaatigalugu oqaatiginngitsoorusunngilara saattualeriffiit tassa nunatsinni
pingasuummata, Aasianni, Sisimiuni taavalu maani nuummi. Taasara kingulleq
maani nuummiittoq uninngavoq tulaassuisoqanngimmat, maanigooq Nuup eqqaani
assagiarsoqanngimmat. Kisianili Paamiuni paamiullu eqqaanni saattuaqarpoq,
taamaattumik eqqarsaatiginiarli maani nuummiittoq uninngaannartoq aamm
Paamiunut nuunneqarsinnaanissaa.
Konrad
Steenholdt, Kultureqarnermut, Ilinniartitaanermut Ilageeqarnermullu
Naalakkersuisoq:
Naatsuararsuarmik
una oqaatigerusuinnarpara maluginiarakku oqaluttut tamarmik ilinniariartorlutik
nunaminnik qimatsisariaqartut illoqarfinnut allanut aallarlutik, taakkua
inissaqarniarnerat tappiffiginiarsaringaat. Assut taanna takullugu
nuannaajallannarpoq.
Tassa
1995-mi naatsorsuutit piareermata tassani takusinnaasimavarput, 50.000 kr.-nik
atuivallaartoorsimalluta aningaasat atugassatut tunniunneqartut
eqqarsaatigalugit. uanili kisitsisit erseqqarinnerusut pissarsiaraagut
takusinnaaleratsigu, 1996-mi aammalu 1997-p qiteqqunnerata tungaannaanut allaat
aningaasanik 3 mio.-nit angullugit atuisariaqarluta inissaqartitsiniarneq
aaqqiiviginiarlutigu. Taamaattumik oqaluttuninngaanniit una nalilersorneqartoq
ilumoorpoq, sumi arlaanut inissiigaangatta ilinniartussanik, soorlu illoqarfiit
anginerusut ilinniarfinnik katersuuffineqartut imaluunniit ilinniartunik
katersuuffigineqartut assersuutigissagutsigit, tassa taakkunani ajornartumik
pissutsit ullumikkut imaalersimapput. INI A/S-ip inaatai ilaatigut
ilinniartunut inissatuut aaqqissuutariaqalersimallutik.
Aasianni
pissutsit imaapput ilinniarniarlutik nalunaartut 100-gaangata taava uagut
pisussaaffigisarparput kollegiat inissat 75-it piareersimatissallutigit.
Kommuunit kisimiillutik taamatut aaqqissuussiniarlutik saperpaat. Taamaattuminguna
pisariaqalersoq massakkut nalilersuissallu- ta ilinniartut inissaanik
kollegianik taanneqartartunik pilersitsiniarnissatsinnut.
Manna
tikillugu ilinniartitaaneq pillugu oqallittarnitsinni inimi maani issiasunit
tamanit tapersersorneqarpoq ilinniartitaaneq aammalu ilinniartitaaneq
ingerlanneqartuartariaqartoq. Kisianni ullumikkut takussutissaqareerpugut
erseqqissunik, taamaattuminguna aamma suliniutigigipput kollegiaqarnerup
tungaatigut sanaartugassanik pilersitsiniarnissaq taannalu aamma sulissutigaarput.
Tassunga aamma ilanngullugu oqaatigilaarlara Nuummi ilaatigut Kommuuni
suleqatigalugu annertoorujussuarmik pilersaaruteqarpugut, ineqarniarnikkut
ilinniartitaanikkullu periarfissanik siunnersuuteqarluta. Kisianni tassani
siunnersuuteqarnitsinni oqanngilagut aqagu taanna piariissasoq, kisianni
pilersaarusiorneq pisariaqarpoq siunissaq ungasinnerusoq eqqarsaatigalugu
piareersimaniassagatta.
Taamaattumik
nuannaajallannarpoq oqaaseqartut maani maluginiarakkit ukiumut tullermut
aningaasanut pilersaarusiornermi eqqaamaniarneqaqqullugu taanna
uparuartormassuk, neriuppungalu pitsaasumik tassani angusaqarumaarluta.
Taava
Anthon Frederiksen-nimuna oqaatigimmagu ilageeqarnermut tunngatillugu
aningaasat atugassat ikinnerulersimasut. Ilumoorpoq kisitsisitaat tamaviisa
eqqarsaatigissagutsigit tassani nikingalaartoqarpoq, tamatumani pissutaavoq
sanaartornermi aningaasat ukiuni siullerni marlunni atorsimasagut, taavalu
aamma oqaluffinnut, soorlu ilaatigut Niaqornaarsummi oqaluffilior-nikkut
taavalu aamma ilaatigut Tunumi oqaluffiup taassuma nutaarsuugaluartup ilaatigut
qarmarnera, qarmaasa ilaat siallereernerata kingornatigut qerineratigut qarmaat
ajortittalersimasut aaqqiiniarnermut tamakkua ilaatigut aningaasaliissutit
tassaniipput.
Kisiannili
misissorluarukku takusinnaassavatit ilageeqarnermi ingerlatsinermut aningaasat
atugassat, tassa ingerlatsinermut atugassat, taakkua qaffariaateqarmata.
Kisianni tassa sanaartornermut suliat piareersimasut imaluunniit inerlugit
suliarineqarsimasut pissutigalugit aningaasartaat ataatsimut isigissagutsigit,
ukiumi siullermik appasinnerulaartoqarpoq misissorluaraanni taakkua
kimilluunnit takuneqarsinnaapput, taanna naqqiissutigilaarpara aasinaasit
avoqqaariniarneqalissagama ilisimareeraluarlugugooq oqaatiginngitsoorsimagiga.
Jonathan
Motzfeldt, Naalakkersuisut Siulittaasuat:
Johan
Lund Olsen-nimununa tunngatillugu naatsumik oqaatiginiariga aningaasaqarnermut
tunngasumik saqqummiussassaq una partiit Naalakkersuisooqatigiit sivisuumik
oqaloqatigiissutigisimavaat ilumoorpoq, aammalu tassani oqaloqatigiinnermi
aningaasat maannakkut toqqortarineqartut aamma ilaatigut eqqaaneqarput.
Taamaattumik
aamma aningaasanik atuinissami immikkoortinneqarsinnaasut makkua aamma
ilisimaneqarput, aningaasanik tassani toqqortanik atugaqarnikkut maannakkut
aallartinniakkat, ilaatigut aamma imaappoq landskarsi aamma bankiunngimmat
eqqaamassavarput. Imaattoq inuiaqatigiit sukkulluunniit attartorfigalugu
orneqattaagassaatut isigineqartariaqartoq. Landskarsi inuiaqatigiit
aningaasiviat aamma tassaavoq inuiaqatigiit isumalluutaat
sillimmateqartuartariaqartoq.
Taamaakkamilu
aamma sillimmatigisai miliartiuppata imaluunniit miliartit sinneqarpata,
sillimmatitut isigisariaqarput pinngitsoorani aamma inoqutigiit kikkulluunniit
illumi ingerlan-neqarneranut aamma sillimmateqarnissartik pingaartittarpaat,
tamannalu aamma inuiaqatigiinni maani pingaaruteqarpoq.
Taagorneqartut
ilaatigut amerlaqisut aningaasaliiffissat tikinneqaraangata, soorlu aamma Johan
Lund Olsen-nip taavai krabbit tungaatigut aalisarnerit, taakkua kalaallisut
qanoq taasarnerpaat, taakkunani aalisarnissaq aallartinneqarpat
tunisassiorneqalerpat, taava paasinarsisarpoq aamma malitsigisaanik
aningaasartuutissat allarparujussuit saqqummerartartut. Qasigiannguit taanna
takussutissaagunarpoq aamma tassuunakkut erniinnarluinnaq imeq allallu aamma
tamakku nalunaarutissat saqqummersarmata, qalerallilluunniit
tunisassiarineqarneranni imaluunniit krabbit tungaatigut tunisassiorneq
pineqaleraangat. Unali tunngavigissavarput tamakkunatigut tunisassiornerit
tungaatigut, inuit tamakkuninnga paasisimasaqartut tassalu
toqqammavigine-qarput Royal Greenlandip manna tikillugu toqqammaviunera,
Naalakkersuisuninngaanniit aamma ingerlateqqinneqassammat. Taakkuummata
tunisassiornermik avammut aammalu aallartitsinrmi avammullu tunisassiornermi
paasisimasaqartutut angisuutut isigisariaqartut.
Aamma
una Johan Lund Olsen-nimut oqaatigilaarlara Kalaallit Nunaani maannakkut
aalisarnikkut aallartitsiniarnerit ingerlanniarneqartullu qiviaraanni, Royal
Greenlandip avaqqukkuminaassusia eqqarsaatigalugu nunaqarfinni ingerlatsinerit
tamarluinnangajaasa imaluunniimmi imma- qa tamaasa aamma Royal Greenlandi
suleqatigalugu ingerlassassatut innersuussutigineqareer-simammata aamma
siornatigullu aallartitsiniarnerit eqqarsaatigalugit. Imaappoq tunisassiornerup
tungaa eqqarsaatigalugu aammalu krabbinik aalisarneq eqqarsaatigalugu, tassani
Royal Greenlandip siulersuisui ippassaaniinnaq aamma saqqummiussaqarput
namminneerlutik, taakkulu najoqqutaralugit taakkulu tusarnaarlugit,
pilersaarusiat taakkua ingerlanneqarnerat maannakkut suliarineqartoq
oqaatigineqarsinnaavoq.
Naggaterpiaatigut
una oqaatigilaarlara Naalakkersuisooqatigiit nalunngilluinnarpaat akisussaaffigissallugu
una aappaagumut aningaasat qanoq isikkoqarlutik saqqummernissaat,
akisussaaffi-gissavarput taanna. Kisianni ullumikkut oqaaserineqartut
najoqqutaralugit aamma oqaatigissavara, pissanganartutut nuannersutullu
isgigakku amerlaqisutigut aamma illua tungiliuttunit naaperiarfissatsinik
isumaqarama ullumikkut oqartoqartoq. Aaammlu taakkua tunngavigalugit, naak
amerlanerussuterput erseqqilluinnaraluartoq maani taama oqaatigissavara aamma,
taanna atorumanngilarput kisiannili eqqarsaatissanik kusanartunik aamma illua
tunitsinniit oqaluffigineqarnerput ilanngullugu aamma taanna
naammassiniassavarput, siunnersuutinik allannguutinik aappassaaneernerani
naammassinniarnissarput.
Josef
Motzfeldt, Inuit Ataqatigiit:
Partiit
ataasiakkaat oqaasii naatsunnguamik oqaaseqarfigeriarlugit Naalakkersuisut
ataasiak- kaat oqaaserisaat
oqaaseqarfigilaassavagut. Siullermik inuussutissarsiutit ineriartortinnerini
assagissat siuarsarneqaruttulrfiisa nalaani akitigut nunarsuarmi akiusut
massakkut apparujussuarsimanerat eqqarsaatigissagaanni, eqqarsaatigeqqunarpoq
Naalakkersuisut tassaammata Royal Greenlandikkunnik ataatsimeersuarnermi
piginnittut sinnerlugit najuuttartut, aammaarlugu misileqqeqqullugu soorlu
saattuaqarfiit assagiaqarfiit nunat eqqarsaatigalugit Canadap nunattalu nunarsuarmi
tuniniaanermi tuniniaaveqatigiinnermikkut akinik pitsaanerusunik
angusaqarsinnaanerat misilinneqaqqeqqullugu.
Taassuma
saniatigut Siumup oqaaseqartuata nunanut allanut taarsersukkat siaarnerullugit
taava-lu aamma sanaartornermi kvadratmeterimut akigitinneqartut killilernisaat
eqqarsaatigalugu, oqaaserisatsinnut aamma ammaanermut atatillugu oqallinnermi
oqaaserisatsinnut isumaqataanerat nuannaarutigalugu maluginiarparput.
Atassutip oqaaseqartuanut, inuuneq ilorleq anersaakkut inuuneq
soqutiginartutut annertunerusumik siusinnerusukkut eqqaaneqartarsimanngikkaluartoq
Atassumminngaanniit, massakkut eqqaaneqarmat Inuit Ataqatigiinninngaanniit
nuannaa-rutigaarput, kulturi kulturikkut siuarsaanerit, angerlarsimaffiit
nukissaqarnissaannik suliniutit tassaapput PAARISA kisiat PAARISAp
pilersinneqarnissaa PAARISA kisiat annaffittut isiginagu aamma
suliniutaasinnaasut qujanartumik aamma Atassutip malugilersimasai.
Kiisalu
sanaartugassat ukiumiik ukiumut assigiissaarlugit inissitsiternissaat tassani
akigitinne-qartut naalagaliullugit ingerlatsiniarnermi Atassutip oqariartuutaa
ajuusaarutigaarput. Pisariaqartitsinermummi ullumikkut
malinnaasinnaannginnerput inatsisiliortutut unikaallatsissinnaagatsi-gu
sanaartugassat akisoqimmata kinguartiterinata, kisianni inatsiliornikkut
isumaqarpunga periarfissaasoq, ilaatigut aamma Johan Lund Olsen-nip
oqaatigeriigai.
Akulliit
Partiiata oqaatigisaa ataaseq isumaqatiginartutut misissorneqartussatut Inuit
Ataqatigiinninngaanniit aamma eqqarsaatigereersimasarput tassaavoq, massakkut
1997-mi aallartittumik sulisunik peqqinnissaqarfimmiunerusoq sulisunik
uninngatitisiniarluni sulisunillu ussassaarini-arluni miliuuninik tallimanik
akuersisamik aningaasaliinermut illua tungiliullugu taartaasartunut aningaasartuuterparujussuit
taakku sanilliullugit, akissarsianik qaffaasinnaanermut isuma aamma
Peqqinnissamut Ataatsimiititami ilaasortaatitatta tusagassiutitigut
oqaaseqarfigeriigaa, isumaqarpunga Naalakkersuisutnut assut
suliassaqqissuusoq.
Kiisalu
taamaakkaluartoq Akulliit Partiianut isumaqataanerput tassunga killeqarpoq,
tassa oqaatsip pillugit allattoqarfeqalernissaanik siunnersuummut
isumaqataapajaartutut oqariarluni qallunaatut oqaaseqartut eqaavai. Uani
kalaallit oqaasii oqaasiisa allaffeqarfitsigut nukitsorsarneqarnissaat
illersorneqarnissaat atorneqarnerisa pisortigoortumik akuerineqartumik
aqunneqarnissaat aamma pineqarpoq. Aamma Danmarmiki danskit oqaasii pillugit
illersuinissamut tamatumunnga allaffeqarfeqarmat suliniaqatigeeqarlunilu
eqqaasitsissutigiinnassavarput.
Kiisalu
Pisortat aktie-nik pisisinnaanissaannut Bjarne Kreutzmann-nip qujarusinera
assorujus-suaq tupigaarput, kisianni taanna nammineq soorunami
akisussaaffigissavaa. Pisortat namminersortunik ingiarsimaarinninnerat
uparuartuutigalugulu, pisortat aktie-nik pisinissaannuk aningaasaliisoqarsimanera
qujarummagu pujorsuup iluaniippugut.
Kattusseqatigiit
oqaasetartuannut Kalaallit Illuat Københavnimiittoq Inuit Ataqatigiinni
eqqartorsimavarput, tassanimi ilaatigut nappaammik kræftimik eqqorneqarsimasut
ilaqutsisarlutik ilaannikkut sivisoorsuarmik tappavani najugaqariartortarmata,
ilumoorpoq angerlarsimaffippalaarnerusumik taassuma aaqqiivigineqarnisaa
arajutsinaveersaartariaqaleratsigu, imarpissuarluunniit Atlantikoq
avissaarutigigaluarutsigu.
Taavalu
Aningaasaqarnermut Naalakkersuisup oqaaseqarneranut. Isumaqarpugut aningaasanut
inatsisissaq atuagavissuanngorlugu naammassineqanngikkaluartorluuniit
Inatsisartunut ilaasortanut taanna periarfissat ilaattut tikkuarneqartariaqartoq
uagutsinninngaanniit. Naalakkersuisuutitaqartummi kisimik oqa
rtussaaffiginngilaat aningaasanut inatsisissatut siunnersuut. Isumaqarpu-nga
Naalakkersuisooqatigiit sanngisuumik ingerlatsinerannu patajaallisaataasussatut
oqaatigineqarsinnaasoq tassaasoq illua tungiliuttut aamma peqatigalugit
suliniarnerup ingerlanneqarnera.
Aningaasaqarnermut
Naalakkersuisoq oqaluttarfimmi maanngaanniik silassamik silallu qanoq inneranik
nalunaarniartarmat taanna takornartaanngilaq, upernaaq silaginnerarlugu silamut
qiviarmat, ilami aamma taamani silageqimmat oqaaseqarmat. Massakkut
sanaartugassat ikililerniarneqartariaqarneranni aappaagumut oqalunnini
ilaatigut paatsuunngikkukku oqaasertalerpaa, 1998-migooq aatsaat taama
silarlunniarpoq eqqanaraluttuaq.
Kiisalu
angallannermut Naalakkersuisup angallannikkut pissutsinik nassuiaatai qujalluta
nuannaajallallutalu tusarpagut. Qujanaqaaq suliniarnerit manna tikillugu
annertunerusumik ersittutit oqaatigineqartarsimanngitsut taamannarujussuaq
killiffeqarsimammata. Kangerlussuarmulli tunngatillugu oqarpugut,
Kangerlussuup ukiuni tullerni, imaanngilaq ukiumi tullermi, ukiuni tullerni 52
mio.-nit angullugit tikittunut aallartussanullu atortutigut inaatitigut
pitsanngorsaavigineqarnissaa 52 mio.-nik aningaasartaqarpoq. Tassunga
sanilliullugit atuarfitsigut allatigullu pitsanngorsaanissat.
Kangerlussuup
oqaluttuassartaa ilisimavarput aammalu tikittussat aallartussallu
qangatserfeqarnissaat eqqarsaatigigaanni Kangerlussuami nunaqartut atugarisaannut
toqqaannartumik attuumassuteqanngilaq. Kisiannili angallannermut
Naalakkersuisunut ilaasortap angallannermut Naalakkersuisup ilaatigut
oqaatigisaa ilumoorpoq, Kangerlussuarmi ineriartortitsineq Nuummi Avannaanilu
mittarsualiorneqartoqarsinnaaneranut sanilliullugu naliligasaapput.
Kiisalu
sulisoqarnermut Naalakkersuisup oqaasiinut oqassuugut, Danmarkimi
arbejdsministeri allaat peqatigalugu suliffissaqartitsineq
ataatsimeersuartitsissutiginiarsimagaa, Danmarkimi ministeriaqarfik
qularnanngilarmi isumasarsiorfissaasinnaasunik peqassooq,
ataatsimeersuar-titsinerillu ataatsimut kingunerisartagai ilaanni
sullunartarmata, tamanna Naalakkersuisumut nutaamut eqqaamaqqussavarput.
Nunaqarfinni
aalisagaqartuni piorsaanissaq aalisakkerivitsigut Naalakkersuisup ilaasortap
ilalerpaa. Tassunga atatillugu apeqqutigerusupparput, aalisagaqanngitsummi
imaluunniit qaqugukkut nunarfiit taassumalu eqqaa aalisagaqanngitsutut
oqaatigineqarsinnaava. Naalakkersuisut nutaamik ilasimaneratigut oqaaseq
nutaaq pisuusarneq pisuusarnermik oqariartuutilik inimut maanga apuunneqarpoq.
Pisuusarnerua nunaqarfinni tarajorterisinnaaneq ujartoratsigu, pisuusaarnerua
aalisartut pisaasa assartuisoqannginneranik, qerititsiveqannginneranik,
nilla-taartitsiveqannginneranik sikuliorfeqannginneranillu patsiseqartumik
eqqarneqaannartarnerat uparuaratsigu, kikkunuku pisuusaartut.
Periarfissat
pitsaasut ataatsimoorullugit nunaqarfinni
atugarliuutinut qaangiiniarnitsinni peqataarusukkatta assak
isaapparput, pisuusaarneq matumani pineqanngilaq, nunaqarfinni pissutsit
piviusut eqqartorneqarput. Taamaattumik qitiusumik ingerlatsineq
annertunerusumik toqqammaviginagu, siamasissumik ingerlatsineq nunap
immikkoortuinut oqartussaasut peqatigalugit ineriartortinneqaqqissasoq Inuit
Ataqatigiit pingaartutut oqariartuutigaarput. Assersuutigisinnaavarput siorna
ukioq mannalu Ammassallup Kommuuniani Ittoqqortoormiullu Kommuunianni,
inuussutissarsiutitigut siuarsaanissamik suliniuteqartoqarnissaa
aningaasaliiffigisimagatsigu. Tamatuma kingunera suua 1998-mi een
øre/milluunnit inuussutissarsiutitigut ineriartortitsinermi Kommuunini
taakkuani marlunni aningaasaliisoqanngilaq. Qitiusumik ingerlatsinerup tamassa
equngaqutigisinnaasai, taamaattumik ajunngilaq qitiusumik Kommuunillu suleqatigiinniarta.
Peter
Ostermann, Atassut:
Qujanaq.
Siullermik kingullermik oqaaserineqartut nutaaneranni IA-armiut
oqaaseqarfigilaas-suakka naatsunnguussaaq. Uagut Atassumminngaanniit
eqqumiiginngilluinnarparput massakkut Naalakkersuisut nutaanik ilaatigut
inuttaqartut nutaamik saqqummiussaqarmata. Naak soorunami pilersaarusiaq
pisoqaq aallaavigalugu. Minnerpaamilluunniit taanna
eqqumiigineqarsinnaan-ngilaq. Inuit allat massakkut sulilerput allatut aamma
naliliisinnaassusillit aammalu naliliisinnaassuseqartariaqartut. Taamaattumik
piffissaq tassunga atorneqarsimavoq.
Uagut
oqanngilagut 145 mio.-nit aappaagumut amigartoorutissatut siunniussat tamarmik
tassa sipaarneqassasut. Uagut ersarissumik oqarpugut aamma Naalakkersuisuni
oqaatigineqartoq tusaavarput, sipaarniassuugut sapinngisamik
amigartoorutissagut minnerpaatinniarsaralugit tas-sa oqariartuterput. Kisianni
amigartooraluarutta aarlerinarpallaanngilaq aningaassivipput aam- ma
imaqartussaammat sillimmatitsinnik. Soorlu ukioq manna tamaattoq, ukioq manna amigartuussuugut
immaqa ilimagisamit amerlatiginngitsunik neriussaagut. Kisianni aningasivik
imaqarpoq IA-mut taanna oqaatigisariaqarpoq. Naami taamani ilissi
peqataagallarassi suna tamaat nungullugu.
Uagut
assut pingaartipparput naatsorsuutit misissortaratsigit IA-armiunut taanna
oqaatigisa-riaqarpoq, soorlu 95-mi sanaartugassanut pilersaarutit
aningaasalikkagut akuerisagut aningaa-sanut inatsisikkut 800 mio.-ningajaapput
taama amerlatigipput. Kisianni naammassisagut 600 mio.-nit missarpiaaniipput
qaangilaalaarlugu. Uffa sanaartugassat ilaat naammassinngitsoorlu- git
kinguartikkigut pingaartumik kvadratmeterimut akit qaffasippallaarmat.
96-mi
aamma taamaappoq. Aningaasaliissutigut 95-mut saneqqiullugit minnerulaarput,
kisianni-li 600 mio.-nit angunagillunniit naammassivagut, tassa uagut
Nunatsinni naammassisinnaasagut, erseqqittorujussuuvoq taanna imaanngitsoq
sanaartugassanut pilersaarutit millisarniinnarlugit. Kisianni
erseqqiiveqqissaarpoq pisinnaasagut sumiittut pisinnaasagullu taakku
naammassisin-naagutsigit kvadratmeterimut akit appasitsissavagut, erseqqippoq
taanna. Soorunami oqalliseqataaffigisinnaavarput saqqummiussarsi
kvadratmeterimut akit qaffasinnerpaaffissannik sumik aaqqiisoqarsinnaasoq
mersoqataaffigisinnaavarput?, kisianni aamma taamaattuassaaq
akisu-titsivallaarpata killigititaasorlu inatsisitigut qangerneqarsimappat,
taava sanaartugassat unissapput sananeqarsinnaanngillat. Tassalu taanna
qaangerniagassarput, amerlavallaanik sanaartugas-sanik akuersigaangatta taava unammillerunnaarlutik
sanaartortitsisut akit qaffattarput erseqqippoq taanna.
Sananngitsooraangattalu immaqa allanut atorsinnaasarigaluagut. Uagut
pisinnaa-satsinnut naleqqunnerusunik pilersaarusiornitsigut allanut immaqa
atorsinnaasaraluagut unitsittarpagut, ukiumullu sinneranut ilaatigut
nuuttarluni. Taanna uagut pinngitsoorusukkaluaripput pisinnaasagut
naapertorlugit sanaartorneq aaqqissinnaagutsigu akit patajaattut, aammalu
atui- sut atorsinnaasaat pissarsiarissagaluarpagut.
Una
ilaatigut Johan Lund Olsen-nip oqaatigisaa aamma soorlu aalisartunut
sulisartunut oqilisaatasinnaasumik qanoq iliortoqanngitsoq. Piviusut pisut
isiginngitsuusaarlugit oqarnertut uanga taanna nalilerusuppara. Ulloq manna
tikillugu Naalakkersuisut qanoq iliorpat akileraarutit qaffatsinnaveersaarlugit,
akitsuutit qaffatsinnaveersaarlugit allallu kallerup inneranut akit imermut
akit qaffatsinnaveersaarlugit, aammalu massakkut ilaatigut siunnrsuuteqarluni
appar-titsisoqarsinnaasoq. Tassa tamakkuupput suliniutaasut ulluinnarni inuunitsini
oqilisaataasut IA-p takusimanngisai. Aamma uagut Atassuumi qasseriarlutamita
aamma uani massakkut oqaaseqarnitsinni oqaatigaarput, aajuna uagut
politikkikkut sunniuteqarfigisinnaasarput inissianut attar-tortittakkani
akiliutaasartoq. Inatsimmi allassimasarpoq una inatsit saqqummiussaq akuerigussiuk
aamma akuerissavarsi, inissiani attartortittakkani qanoq akiliisoqassasoq,
tassa taanna ua-gut politikkikkut sunniuteqarfigisinnaasarput. Kallerup inneri
imeq allallu nunarsuarmik pissut-sit assigiinngitsut pissutaallutik
qaffassinnaapput politikkikkut toqqaannartumik uagut
sunniu-teqarfigisinnaanngisagut. Ineqarnermut akiliuteqartarnermi
akiliisinnaassuseq eqqukkutsigu malunnartumik iliuuseqassaagut.
Soorunami
ussernatorsiornartarsimagaluarpoq massakkut siullermeerinnilluni oqaaseqarnermi
sutigut sipaarsinnaaneq tikkuartussallugu ussernartorsiornarsimagaluarpoq.
Kisianni uagut tamakkiinerusumik oqarsimavugut tamakkiinerusumik oqarnissarput
pingaartissimavarput partiitut Inatsisartunut nalunaarutigaarput,
piareersimavugut sipaarnissamut amigartoorutit siunniussaasut sapinngisamik
malunnaateqartumik appartinnissat IA-lluunniit suminngaanniit suminngaanniit
sinneqartooruteqartalernissarput - taanna uagut partiitut
suleqataaffigiumavarput piareersimavugut.
Josef
Motzfeldtip aamma oqaatigisaa siullermeernermini tupigikulutara tassa unaavoq,
angal-lannikkut pissutsit oqaaseqarfigigamigit imatut isumalimmik oqarmat,
imatut annerusumik akikillisaaniarluni suliniartoqanngitsoq. Mittarfiliarsuarsuagummi
taakkua suna siunertaraat, tassa akikinnerusumik angalasinnaalernissarput.
Aammalu soorlu Angallanermut Naalakkersuisup Peter Grønvold Samuelsen-ip
ersariivissumik nassuiagai massakkut pisut aamma IA-kkut nalunngisaat
tupinnarpoq, maani oqaluttarfimminngaanniit oqartoqarsinnaammat qanoq pisoqanngitsoq
uffalu pisut pigaluttuartut, imaluunniit aallartereersut taama ersaritsigisut
isiginiarneqanngimmata assut tupinnarpoq.
Una
nunanut allanut attartukkatta immikkukajaaq annerulaartumik akilersuinitsigut
sunaana anguniaripput?
Anguniagarput ersarissoq aana, ukiuni aggersuni erniatigut nammakkersorneqarpallaannginnissarput,
tassa anguniagarput., soorunami misissorneqarniarli isumaqatigiissutaasut
naapertorlugit akilersugassagut akilersorutsigit, taavalu akiliutigisartakkavut
allamut atorlugit, taava qanoq kinguneqassava? Uagut takusinnaareerparput aana
ersarissoq, erniatigut akiligassagut artornarsiartussapput, akilersugassavut
ikilisannginnatsigit, tassa taanna uagut assut perusunngikkaluarparput, ukiut
2000-nut nikilerneranni, ikilisanngikkutsigit assut erniatigut
ma-lunnarsisussaagami erniatigut
akiliutit, kisianni ajunngilaq, misissorneqarniarli taava takussavarput
qanoq isikkoqarsinnaanersoq.
Saqqummiussinitsinni pingaartillugu taavarput
immikkullu isummerfigalugu meeqqanut pingaartumik meeqqanut inuusuttuaqqanullu
PAARISA-p pilersinnerani immikkoortortaqarta-riaqalersoq, allamik suliaqaratik,
taakkununnga sammisunik suliaqartussanik. Soorunami PAARISA-p aaqqissuussaanerani aammalu suliassaasa suunerani ukiuni
aggersuni pilersaarutini assigiinngitsorpasssuit taakkartorneqarsimapput,
aamma ilaatigut meeqqanut sammitinneqartut, kisianni uagut isumaqarpugut
aammalu oqarsinnaasoraanga sakkortuumik aalajangiusimavarput, soorlu aamma
taannarpiaq siusinnerusukkut saqqummiunneqareersimasoq meeqqanut
aalajangersimasumik sammisumik immikkoortortaqalernissaq, taanna
avaqqussinnaajunnaarparput. Ullumikkut pissutsit aarlerinarput, soorunami
siusinnerusukkulli tamakku takusarpavut, aatsaat takulinngilavut, tamanna
oqaatigisariaqarpoq, kisiannili aningaasatigut periarfissavut killeqartarmata,
taakkulu assorujussuaq killiliisuusarlutik, taanna tamatta uniffigisarparput.
SANA pillugu oqaaseqarnitsinni aana
isumarput. Massakkut kontut
pingasuupput taasinnaasagut, SANA-mut nammineq konto taavalu Danmarkimut
suliaritikkiartornermut konto taavalu aamma alla immikkut ilisimasalinnik
nunatsinnukartitsilluni arlaannik suliarinninneq. Massak-kut pissutsit
ilisimasavut imaapput, soorlu Danmarkiminngaanniit tikisitsilluni konto
imaaruppat taava tassa napparsimasut Danmarkimut nassiussorneqalissapput,
akisoorujorujussuarlu tassani atulertarluni, taakku tamaasa ataatsimut
katikkaanni ataasinngorlugu konto soorunami siunertaa erseqqissarlugu, taava
aalajangersagaqarput una nassiunneqassava Danmarkimut? Imaluunniit immikkut
ilisimassalimmik tikisitsissaaguut? Taava taakku
periarfissarissaarnerulissapput, suna akilersinnaaneruva ingerlatissallugu.
Uagut assut pingaartipparput nunap immikkoortortaanni napparsimaviusut
pioreersut atorlugit immikkut suliaqartarnissamut aaqqissuussinissaq, suliat
assigiinngitsut tassunga eqiterlugit, soorlu aasaq uanga takusara assut
nuannariva Qaqortumi tappingingajassimasut isaat suliarineqarmata sinerissaminngaanniit
tamanit tikerartillugit Qaqortumi suliarineqarput aammalu iluatsilluartutut
tamanna oqaatigisariaqarpoq. Taamatut pisoqarsinnaanera ullumikkut
atuutereerpoq.
Una Sisimiuni pisimasoq pillugu
nassuiaat tigoreerparput, kisianni nassuiaaneq uagut kissaatigisarput unaavoq
ersarinnerusumik - sooruna taama pisoqartoq? Pinngitsoorneqarsimasinnaagaluarpa
allatut iliorsimagaanni? Aammalu akisussaatitsisoqarsinnaava? Sisimiuni pisoq
sakkor-toorujussuarmik uagutsinnut ilinniartitsivoq. Ukiuunerani arlaanni taama
pisoqarsimasuugaluarpat sikusartumi, assut ajoqqajarpoq. Taamaattumik
Sisimiuni pisoq naak nuanniikkaluartoq ilinniutigisariaqarparput, qanorlu
ilioriarnissatsinnut aallaavigalugu, tassa taanna uagut kissaatigiinnarparput.
Paaviaaraq Heilmann, Inuussutissarsiornermut,
Aalisarnermut, Piniarnermut Nunalerinermullu Naalakkersuisoq:
Naatsumik Johan Lund Olsen
IA-meersup siuarsaanissaq aalisartut eqqarsaatigalugit aamma saattuarniarneq
eqqarsaatigalugu - saattussanik aalisarneq imaluunniit immikkut ittumik qanoq
iliuuseqarneq pisimavoq 1996-imi aamma 1997-imi ukioq manna, ilaatigut suli
tamakkiisumik 1997-imi naammassineqanngikkaluaq, taakkulu siumut
ingerlalernissaata tungaanut. Soorunami
qaqugukkut siuarsaaneq
unitsikannerneqassanersoq nalilersorneqarsinnaavoq, kisianni isumaqarsimavugut
1996-imi aammalu 1997-imi qanoq iliuuseqarnerit taakkua immikkut iliuuseqarnertut
isigisariaqartut, aamma eqqaasitsisutigissavara 1998-imi Aningaasanut
Inatsisartut Inatsisissaattut siunnersuummi konto 50.01.03-mi
aningaasaliissutigineqarniarmata 5,8 mio.-nit ilaatigut aamma misileraanernut
aamma siuarsaanernut atorneqartussat, taamaattumik taanna
eqqaasitsissutigiinnarpara.
Paamiuni Maniitsumilu
assagiarsuleriffissanik sananissaq Royal Greenland -ip neriorsuutigisimavaa,
taannalu pissasoq 1998-imi oqaatigineqarpoq, taanna
eqqaasitsissutigiinnassavara siusinnerusukkut
aamma Inatsisartunut tamanna taaneqarnikuummat.
Taavalu Josef Motzfeldt
IA-meersup aamma oqaaseqarnermini Canada-miunik suleqateqarsinnaaneq
assagiarsuit imaluunniit saattussat avammut tuniniarneqartarnerat
eqqarsaatigalugu. Tassa aamma soorunami taamatut suleqatigiinnermi
illuatugeriit pissarseqatigiittariaqarput, aammalu massakkut Canada-miunut
Royal Greenland-ip suleqateqarniarnera aamma suleqatigiinneq tassuunakkut
aallarnerfiusinnaalluarpoq, taanna eqqaasitsissutigilaaginnarpara.
Mikael Petersen, Isumaginninnermut, Suliffeqarnermut
Pisortallu Suliassaqarfiinut Naalakkersuisoq:
Inuit Ataqatigiit oqaluttuata uannut
apeqquteqaatai akissuteqarfigissuakka, tassa marloqiusaapput. Siullermik
nunaqarfinnut tunisassiorfinnut tunngasut qerititsivilersuinerit, assartuinerit
allallu pillugit apeqqutigisaanut tunngatillugu erseqqissaatigilara tassa apeqqutit
imaannaan-ngitsut saqqummiuppai. Pisuusaarnermik taaneqarsinnaavoq ukiumik
ataatsimik sioqqutsilluni itigartitseriarluni taava massakkut
ujartuilersimagaanni taakkuninngarpiaq itigartitaasimasunit.
Qerititsivilersuinissaq avannaani pingaaruteqarluinnaqqissaarpoq aamma kujataa
tungaani aalisakkanik aalisagaqarfiunngitsuni assartugassanik
tunisassiornissamut.
Piumasaraarput Inatsisartuni
aalajangigaraarput aalisakkat suulluunniit qaqinneqartut tamarmik tulaanneqassasut, tassa taanna
aalajangersagaraat Inatsisartut Royal Greenland-ip malinniarlugu
malinniartuaraluarlugu toqqorsiveqannginneq pissutigalugu avannaani
qaleraliinnaanerusut tulaassorneqartarput, taamaattumik aalisakkat suulluunniit
qaqinneqartut tulaanneqartartuuppata
eqqarneqaratik - eqqaanerujussuaq taanna uninngassagaluarpoq. Taanna
assortorneqarsinnanngilaq. Tupinnassaaq assortorneqassaguma uani inimi
qerititsivilersuinissamik siunnersuuteqarnermi, tamanna
itigartinneqarsimanngitsumik oqartoqassappat. Tamanna pivoq ukiut marluk matuma
siornatigut aamma pivoq ukiup ataatsip siornatigut. Taammaattumik soorunami
tupigineqassanngilaq kissaammilaarlunga ilaatigut pisuusaartutut tamanna
iluseqartutut taasinnaagukku. Taamaattumik nuannaarutigaara
pisuusaarunnaarluni Inatsisartut ilaannik taamatut oqartoqarmat ajornartorsiutip
taassuma anigorneqarnissaanut, tamanna nuannaarutigisariaqarpoq. Aamma
neriuppunga aningaasalersuinertigut qerititsiviit, toqqorsiviit allallu
nunaqarfinni aalisagaqarfiusuni piviusunngortinneqarnissaat
naammassineqarsinnaajumaartoq.
Ataatsimeersuartarnerit; aap,
tamatta nalunngilavut ilaat sunniuteqarpallaarneq ajortut ilaalli aamma
kinguneqarluartarlutik. Nunatsinni sulisartoqarneq sulisoqarneq suliffeqarneq
pillugit naalakkersuinikkut inatsisitigut tunngavissat annikitsuinnaapput aamma
illersoruminaatsinneqartarpoq suliffitsigut qanoq pineqarnerit
eqqarsaatigigaanni. Allaat naligiissitaaneq pillugu inatsisip
atuutsinneqannginnera aamma taakkartorneqartarluni. Taamaattumik massakkut
aporfiujuartut assigiinngitsut inatsisit namminersornerulernerup iluani
atuuttut eqqarsaatigalugit sulisoqarnermut tunngassuteqartut
nutarterneqarnissaat avaqqunneqarsinnaanngilaq sulisoqarnikkut pissutsit
annertusarneqassappata nakussassarneqarlutillu. Neriuppunga tamanna paasineqassasoq
aamma illuatungiluttuninngaannit, tassa Inuit Ataqatigiinninngaanniik,
soorunami ataatsimeersuarnerit suulluunniit inuit
nammineersinnaaleriartuaarnerannik suliffimminnillu illersuisinnaanerannik
illersorneqarsinaaneranillu imallit naalagaaffeqatigiinnerup iluani tamarmi aamma
naliliiffigineqarsinnaasariaqarpoq.
Taamaattumik sulisoqarnermut,
suliffeqarnermullu Danmarkimi Naalakkersuisumik taasinera tassaniippoq
nalaaffigeqatigiinnerup iluani inatsisit atuuttut arlaatungaatigut
apersuuserneqassappata imaluunniit oqallisigineqassappata taava Danmarkimi
aamma ministerip peqataatinneqartarnissaa pingaaruteqarluinnarpoq.
Sulisoqarnerup suliffeqarnerup iluani anguniagaqarneq ingerlaqqissooq,
ajornartorsiutit tassaaniittut aaqqinniarlugit suliniarnerput annertusissooq;
neriuppunga Inatsisartuni tamanna paasineqassasoq.
Maliinannguaq Markussen Mølgård, Inuit Ataqatigiit:
Una eqqaasitsissutigissavara
sanaartugassat pillugit oqallinnermi matumani akit qaffasinnerat. Aap, pisooqataalluinnarmata
sanaartugassat ilaasa unittariaqartarnerannut, imaluunniit aningaasarpassuit
atunngitsoortarnerannut. Kisianni aamma una eqqaamaqqunaqaaq, kommunit
ani-ngaasaqarnerat tassani aamma
apeqqutaaqqataalluinnarmat. Taamatut sanaartugassat kinguartittarnerannut
aamma kommunit akiliisinnajunnaaraangamik, aningaasaqarnertik
ajorpallaaleraa-ngat allatut ajornartumik sanatitassatik
unitsittariaqartarpaat. Taanna assut eqqaamaqqunarpoq aamma.
Uani ataatsimiinermi erininartut
ilagivaat taamatut illuliat eqqartorneranni boligstøtte aqqutigalugu illuliat
aamma oqaaseqartut ilaasa oqaatigimmagu qimanneqartartut akisuallaarnertik
pissutigalugu. Taanna ilumoorluinnarpoq, aammalu pissanganarpoq erininarlunilu
oqallisigineqarnissaani inuiaqatigiinni aammalu boligstøtte aqqutigalugu
illoqartuni annertuumik naammagittaalliutigineqartartoq maannakkut tassa
erniat qaffasinnerujussui, aammalu akisunerujussui. Naalakkersuisut
Siulittaasuata oqaatigaa Landskarsi bankitut isigisariaqanngitsoq. Kisianni tassa
oqaatigisinnaavarput BSU-mi erniat
eqqarsaatigissagaanni taamatullu
akileraasarnerit eqqarsaatigissagaanni bankinilluunniit immaqa
qaffasinnerusumik erniaqartitsisarmat - aammalu erniat ima annertutigisarmata
allaat ukiualunnguit qaangiuttut illutaarsimasut akilersuinini naammassiguniuk
illu iluitsoq ataaseq akilersimassammagu naatsorsuinerit malillugit.
Taamaattumik taanna erininarpoq Inatsisartuni aamma oqallisiginerani
iserfiginissaa.
Taava timmisartoqarfiit,
mittarfeqarfiit eqqarsaatigalugit mittarfissuunngikkaluartut kisianni
nunaqarfinni angallanneq eqqarsaatigalugu nuannerpoq takullugu Akunnaaq aammalu Ikerasaarsuk eqqarsaatigalugit ukiuni
tulliuttuni taamatut qulimiguulimmik mittarfiusinnaasumik pilersitsisoqarnialersaarnera.
Tamanna annertuumik ajornartorsiutaasarpoq allaat Ikerasaarsummiut
nakorsiarniarunik imaluunnit arlaatigut aallarniarunik
Iginniarfiliaqqaartariaqartarput immaqa allaat uffa napparsimallutik
ukiuunerani isseqisumi qinussimik imaluunniit snescooterimik aqqut takingaatsiartorsuaq atorlugu
ingerlasariaqartarlutik. Aali nakorsiarniarlutik immaqa Kangaatsiamut
imaluunniit Aasiannut, tamakkua pissutsit akuersaaginnarneqarsinnanngillat.
Taavalu aamma taassuma saniatigut Angallannermut Naalakkersuisumut Anthon Frederiksen taperserniarpara ilaatigut
aammalu Hans Enoksen Kangerlummut angalaneq ima ilungersunartigisarmat qaammat
iluitsoq tikinneqarsinnaassanatik upernaakkut ukiukkullu. Taamaattumik taassuma
aamma, tassa imaatigut angallannikkut tikinneqarsinnanngillat - aamma
nunakkut tikinneqarsinnaanngillat,
taamaattumik ilaatigut immaqa qulimiguulimmik tikinneqarsinnaalernissaat
piffissami aalajangersimasumi taanna assut aaqqiivigeqqunarpoq aammalu
nunaqarfinni aqutsisut taanna assut apuuteqquvaat.
Anthon Frederiksen-mut tunngatillugu
mini-hallitaarnissamut Kangaatsiamut siorna siunnersuummi maani Inatsisartuni akuersaarneqartup
siunnersuutigisimasatta peerneqarsimanera assut ajuusaarnarpoq, aammalu
pisinnaassanngikkaluarpat siunissami Finanslov-mi ikkusimaannarnissaa
assorsuaq kaammatuutigerusunnarluni.
Taava naggasiullugu
pinaveersaartitsinermut tunngatillugu Qaqiffimmut tunngatillugu oqaatigissavara
Peeqinnissamut Naalakkersuisup taavalu Siumup oqaaseqartuata kissaatigisaa taanna ikiaroornartumik aamma
katsorsaasinnaanermik ilaqassasoq. Oqaatigisinnaavara Peqqinnissamut
Ataatsimiititalimi takanani paasiniaanitsinni oqarfigineqareernikuugatta taanna
ingerlareersoq. Massakkut tassa
Qaqiffimmi imigassaannaangitsumik kisianni aamma ikiaroornatumik ajornatorsiuteqartut
aamma tassani katsorsarneqarsinnaanerat aamma massakkut ingerlanneqareersoq.
Taava pinaveersaartitsinermut
tunngatillugu Qaqiffiup Ilulissani immikkoortortaqalernissaanut tunngatillugu
aamma oqaatigissavarput isumaqatigiissusiornikkut aap, 1.6 mio.-niinnaasut
Peqqinnissamut Naalakkersuisup oqaatigigaluarpaa atortartut ukiumut aammalu
aappaagumut, kisianni Ilulissani Qaqiffiup pilersinneqarnissaannut immikkut
aamma aningaassaliiffigineqassasut. Uani Aningaasanut Inatsimmi nalunaarutigineqarsimavoq,
tassanilu paaserusunnarpoq Frederiksberg Center-i tamatumani
isumaqatigiissuteqarfigineqareersimanersoq. Tassami nam-mineerlutik taamatut
aqqusaarisimasut nunatsinni namminermi ingerlanneqartumik aallartitsinissaq
orniginartinnerummassuk. Isumaqarpunga aamma taakku tusarniartariaqartut aamma
nalunaarusiorsimapput atuagangaatsiamik imaluunnit quppersakkamik ersarissumik
nassuiaatitalimmik.
Pinaveersaartitsinermut
tunngatillugu aappaagumut aningaasat
aningaasaliissutissat PAARISA-mut qaffanneqarsimapput.
Taanna qujanaraluarpoq, kisianni taassuma saniatigut ukioq mannamut
pinaveersaartitsinermut aningaasaliissutaasimasut kommuninut
neqeroorutigineqarsimapput. Kommunit piumasut affaa akilerlugu affaalu
Namminersornerullutik Oqartussat akilerlugu pinaveersaartitsisunik
atorfinitsitsissasut, taannali paasisagut malillugit aappaagu ukiup ilaan- naa
ingerlanneqartussaavoq.
Taamatut pinaveersaartitsinermut
atorfeqartitsinermik ingerlatsineq iluatinnaateqaqimmat eqqarsaatigillaqqunarpoq
kommunit piumasut tamaasa periarfissinneqassasut pinaveersaartitsinermut sulialimmik atorfinitsitsinissamik
periarfissiuunnissaat. Tassami kommunit tamarmik akissaqanngillat aammalu
imaattariaqanngilaq kommunit akissallit kisimik pinaveersaartitsi-nermik
suliaqartariaqartut, illuatungaanilluunnit oqartoqarsinnaavoq kommunit immaqa
inger-lanerliortut pinaveersaartitsinermik suliaqartitsinissaminnik
pisariaqartitsinerusartut. Taamaattumik
taanna eqqarsaatigillaqqunarpoq. Imaattariaqqanngilarmi
pinaveersaartitsineq kommunit kisimik akisussaaffigigaat, inuiaqatigiit tamatta
akisussaaffigisariaqarparput - illua-tungaanimi pinaveersaartitsinermut
atorfeqartitsinngikkutta isumaginninnermut peqqinnissaqarfimmullu
aningaasartuutigut qaffakkaluttuinnassapput. Qaqiffiit
amerligaluttuinnassapput, taamaattumik illuatungaatigut aamma iliornissaq
ersarinnerusoq tassani pisariaqarpoq.
Atassutikkut oqaatigisaat PAARISA-p
meeqqanut immikkoortortaqalernissaanut tunngasoq - aap, siutini tusarlugu
tusarneraluarpoq, kisianni pisariaqarnerpaaq unaavoq illoqarfiit tikillugit
meeqqat tikillugit pappiliaannartiguunngitsoq aaqqissuussinissaq
pinaveersaartitsinikkut.
Anthon Frederiksen, Kattusseqatigiit:
Maannga qaqeqqippunga saqqummiininni
paaserusutakka arlaqartut naammaginartumik akineqaratillu ilai
akineqanngimmata. Taamaakkaluartoq naatsorsuutigissanerpara paaserusutakka
suliap uuma aappassaaneerneqarnerani akineqarsinnaanerat, aappatigut
ilimagivallaanngilara pissutigalugu Aningaasaqarnermut Ataatsimiititaliap
saqqummiussininni akissuteqarfineqarsinnaaneri kissaatigisaraluakka
akisinnagunanngimmagit - akisinnaanerpaarlu tassaagunarpoq annerpaatigut
Kultureqarnermut Ilinniartitaanermut Ilageeqarnermullu Naalakkersuisoq.
Tassalu siullermik Kangaatsiami timersortarfeeqqamut
tunngasoq, assut paaserusunnaraluarpoq suliaq taanna qanoq
eqqarsaasersuuteqarfigineqarnersoq, aammalu aappaattut kollegialiortitsernemut
tunngatillugu Ilulissani kollegialiornissamut tunngasoq aamma assorujussuaq
akissute-qarfigeqquara.
Kiisalu Angallannermut
Naalakkersuisumit aamma paaserusukkaluarpara nunarput qulaallugu
timmisartortarnermi akiliuteqartitsisarnermut tunngasut qanoq ittuunersut
aammalu Naalakkersuisuni eqqarsaatigineqarsimanersut immaqaluunniit naalagaaffeqatigiinnerup
iluani oqallisigineqarsimanersut allatulluunniit aaqqivigineqarsimanersut
paaserusunnarmat. Tassami timmisartoqarfinnut tunngatillugu pilersaarutit
annertupput aammalu siunissami taassuma tungaa qularnanngitsumik
eqqumaffigisariaqarmat.
Nunatta iluani annertuumik
assigiinngisitsisoqartillugu soorunami assigiinngisitsinerit
pina-veersaarniarlugit aamma ilaatigut saqqummiussininni paaserusutama
ilagivaat inuussutissarsiutinut tunngatillugu aqqusinernik iluarsaasarnerit
uani Ilulissaniit Ilulissat kangerluanut aalisartut qimussit aqqutigisartagaasa
ajorluinnartut aammalu kommunip kisimiilluni aaqqissinnaanngisaasa
iluarsaanneqarnissaannut tunngasut. Tamakkua qanoq
eqqarsaasersuuteqarfigineqarnersut ilanngullugu paaserusuppara, tassami
siusinnerusukkut oqaluuserisassatut siunnersuuteqarfigisareersimavakka,
kisiannili maannamut saqqummiuteqqinnerani akissuteqaatigineqartartut
naammaginnginnakkit saqqumiuteqqippakka.
Pissangallunga utaqqissavara
Aningaasaqarnermut Naalakkersuisup allakkatigut akissutigisassaa, tassalu
SIKU-blokkimut tunngasoq, taanna qilanaarissavara tigunissaanut.
Lars Karl Jensen, Siumut:
Annikitsunnguanik,
oqaasigineqartunut tunngatinnerullugu. Siullermik IA-p oqaseqartuanut Tuusimut,
qujattuinnianngikkaluarpunga, kisianni uani oqarnera maluginiarpara Siumup
oqaluttuata nunanut allanut akiitsut aammalu sanaartornermut tunngasut
oqaaseqarfigigamigit IA-mi
suliutigineqartut qanillartorsimammagit qujaffigaluta. Ila isumaqarpunga Siumup
tungaaniit, naak uani imaanngikkaluartoq kiap oqaaserinerai
annertuuliutigissagivut.
Siumup tungaaninngaanniit
aningaasanut tunngatillugu oqaaseqarninni siusinnerusukkut tassalu upernaaq
oqaatigaara Naalakkersuisunut innersuussutigalugu aningaasat sulisinneqarnissaat
eqqarsaatigeqqullugu, immanngitsoq nungunniaannarlugit kisianni
erniorsinnaasunut aamma atorneqarsinnaaneri eqqarsaatigeqqullugu.
Taavalu aamma sanaartugassanut
tunngasunut - tamatta sunilluunniit isumassarsisarpugut aammalu
qularnanngitsumik ilaatigut innersuussuteqartarluta paasiuminaassinnaasunik.
Uani sanaartugassat kinguaattoorutaasartut eqqaagakkit pineruara ilaatigut
ukiuni siuliini taakkartorneqartut suunukua patsigalugit sanaartugassat
kinguaattoorsimasut. Pilersaarusiornerit naammasineqanngimmata
aningaasaliiffigisinnaagaluarlugit aningaasartai utertinneqartarpat? Mannakkut
m2 akit annertuallaarneri pillugit apparsarlugit aningaasartai
utertinneqartarpat? Allanut atorsinnaaneri qujanaraluaqisut isumaqarpunga
sanaartornerup tungaatigut tutsuiginarnerusumik aaqqissuussisoqassappat
tamakkua kukkussutaasut isiginiarlugit siunissami pilersaarusiortoqartariaqartoq.
Maannakkut oqaluttut
ilaanninngaanniit oqaatigineqarpoq kommunit ilaasa aamma akissaqan-nginnerat
pissutigalugu sanaartukkat kinguarsarneqartartut, ilumoorporlimi taanna.
Tamakkua tamaasa ataatsimut isigalugit aamma sanaartugassanik
pilersaarusiornermi piffissami annertunerulaartumi pilersaarusiorneq
aningaasanillu tulleriissaarineq
atorneqartuuppata qularutissaan-ngilaq illut inissiallu amerlanerusut
nunatsinni sananeqarsinnaassagaluartut. Nalunngikkaluarpara tamakkua
kinguartinneqarneri tulleriissaarinermi pingaartillugit inissiniarneqartartut.
Nunaqarfinni tunisassiorfiit uagut
eqqaanngikkaluarpavut uani siusinnerusukkut eqqartortareeqigatsigit. Uanga
maluginiarpara Aningaasanut Inatsisissami oqaasertaliunneqarsimasut ilaanni
paasissutissatut. Nunaqarfinni tunisassiorfiit aningaasaliiffiigneqartarnerat,
tassa nioqqutissiorfiit 42 mio.koruuninik ukiumut aningaasartaqartoq, sumut
atorneqarneri misissorniarlugit Naalakkersuisut maannakkut aalajangersimasut,
taanna qilanaarissavarput Siumup tungaaninngaanniit mamaagisarnikuugatsigu
nunaqarfinni tunisassiorfiit sanaartoriikkat atorneqaratik kingumut aamma aserfallakkaluttuinnartut
aniingaasartuutaannartut inissisimasariaqanngimmata inuiaqatigiinnut.
Kiisalu Naalakkersuisut sunik
suliniuteqarnissaminnik aningaasatigut pitsanngorsaatissanik radioaviisikkut
ullup qeqqanut eqqaasaat taanna ulluni kingullerni tusagassioriaatsimut isumaqarpunga
illuatungiliuttoq, tassami pilersaarutit isertortariaqanngillat aamma massakkut
oqallinnerup kingornatigut sunik ilusilersuinissaat takorluukkatut
anigaluaruni inuiaqatigiinnut pitsaaneruvoq. Inuiaqatigiit qatsutinnguatsiarpaat
maannakkut tusagasseeriaaseq -
avoqqaarlerneq kisiat tunngavigalugu inuiaqatigiinnut ullut tamaasa
tusarliuttartoq. Isumassarsiat sulissutigissavagut aammalu
timitalerniarsaralugit.
Daniel Skifte, Aningaasaqarnermut Ineqarnermullu
Naalakkersuisoq:
Arlallit oqaaseqarfigilaassavakka.
Siullermik Inuit Ataqatigiit oqaaseqartuat Tuusi oqaaseqarfigilaassavara,
tassa siulittuuteqarnerarmanga 1998-mi sila silarlussuartusaasoq immaqa, taanna
tunuartilaarusullugu ukuninnga tunngaveqartumik. Tassa ilisimaneqartutuut
ullumikkullu oqallisaaareeqisumik sanaartornermi sorlu inissialiornermi m2-mut
akit qaffasippallaarujus-suarput taamaattumik maannangaaq
ilisimatitsisutitut unneqqarissumillu nalunaarutitut qaf-fatsinneqarpoq aammalu
paasivara partiit ataasiakkaat aammali Inatsisartuni ilaassortat ataa-siakkaat
assigiinngitsut oqaaseqarnerminni taanna oqariartuut paasilluaqqissaarsimagaat
tas- salu akit qaffasippallaarput
Naalakkersuisut Apisussaaffiligaapput@ apparsaaniarnissamik.
Assersuutitut qaammatini kingullerni
Nanortalimmi, Qaqortumi, Narsami, Maniitsumi sanaar-tugassat ilaat
kinguartikkallartariaqarput peqqutigalugu m2 -mut akii
qaffisippallaarujussuar-mata, taanna Naalakkersuisut politikkikkut
isummerfigaat, taamaattumik assorujussuaq quja-vunga Maliinan-nguaq Mølgård
Markussen-p apeqqutit pingaarnerpaartaata ilaat tikkuarma- gu. tassalu tassani Namminersornerullutik
Oqartussat pingaanerunngillat tassani pingaanerit tassaapput kommunit, kommunit akiliisinnaassusiat 40%-mik
tunngaveqartoq
Namminersornerullutik Oqartussat
tapiissutissaat 60%-soq sanaartugassat 40/60-nik akilesor-neqassappata taava
tassani imminuinnaq eqqarsaatiginata kisianni kommunit pineqartut
isuma-qatiginiariarlugit isumaqatigalugillu taamaaliortarpugut. Uani kisitta
qulaaninngaanniit naa-lakkiinianngilagut oqarluta tassa kinguartinniarlik,
naagga kommunit paaseqatigalugit taa-maaliortariaqarpugut, isumaqarpungalu
taanna suleriaaseq Naalakkersuisut ingerlataat pitsaalluinnaqqissaartoq. Uani
apeqqutaatikkusunngilara tassannga qaffatsitsinissamik kikkut siulliul-lutik
isummernersut. Inuit Ataqatigiit oqarput nammineq siunnersuutertik
nuannaarutigalugu Siumup akorsimagaa, aammalu Atassut taamannak
oqariartuuteqarpoq.
Una eqqortoq aana siulliuniarneq uani
soqutaanngilaq, kisianni pingaarpoq una Naalakkersuisut akit
qaffasippallaarnerat peqqutigalugu qaffatsaaliuinerat qaammateerparujussuarni
pingaartumillu 1997-mi atuutinneqarpoq aallaqqaataaniit, taamaatumik Johan
Lund Olsen -p oqaasia issuassarava: Licitations love
misissoqqissaartariaqarpoq. Issuaanera naavoq. Una siunertarineqassappat akit
qaffannginnissaat taaava Johan Lund Olsen-lu isumaqatigiittorujussuupput
Naalakkersuisut, tassani kaputartuunneqarpoq ilaatigut SIK-ut akissarsiaat
annikinneragaal- lutik. SIK-lu isumaqatigiissut Naalakkersut akunnerminni
atsiugaat tunngavigalugu soorlu aamma Atassumminngaanniit oqaatigineqartoq
innaallagissamut akit, imermut akit, kiassar-nermut akit, telefuunip
appartiternera 1998-minngaanniit inissianut akiliutit qaffatsaaliornis-saanut
aaqqiissutissat tassapput Naalakersuisut siunnerfii, taamaalilluni SIK
oqaatigisariaqarpoq SIK - kattuffittut akisussaasuseqarluni ajunngitsumik
paasinnittoq. Taamaattumik akissaatit qaffappallaan-nginnissaannik
siunertaqarneq aamma inooqataaffiginiaraat, illuatungaatigut akikillisaaneq
atsaannguaq taakkartukkanningaanniit ingerlanneqassappat.
Taakkua saniatigut
oqaatigisariaqarpoq akit akitsoriartunnginnerat Kalaallit Nunaanni aatsaat
taama erseqqitsigisumik ajunngitsumik inissisisimammat qallunaatut
inflationimik taasagaat, Danmarkimit annikinneerarsuuvoq nunatsinni akit
akitsoriartornerat, taamaattumik taanna nammineq aamma aningaasat
pisissutaasinnaanerannik annertunerusumik kinguneqarpoq.
Taamatut oqariarlunga Inuit Ataqatigiinnut
taava Kattusseqatigiit ujartugaasa ilaat oqaaseqarfi-gilaassavara, tassa
paaserusukkamikku Ilulissat kangerluannut ukiukkut qimussimik aalisartut
aqqutaata iluarssaaneqarnissaannut. Ilumoorpoq Anthon Frederiksen -i siornali
apeqquteqaateqarmat, una taanngilaa uanga Naalakkersuisoqarfinniit
allakkatsigut akissuteqarfigineqarpoq kaammattorneqarlunilu kommunit
atassuteqarfigiut taava kommunit uagutsinnut saaffiginnissaaq, taavalu
taamaalippat taava suliassaq
aallariassaaq.
Taamatut iliortariaqarnermut
peqqutaavoq apeqqutit taamaattut kommunit oqartussaaffigisaat
akisussaaffigisaat. Ilisimatinneqarnera tusarfinnit tutsuiginartunit, tassa
Naalakkersuisut Siulittaasuannit,
assersuutigalugu savaateqarnermut tunngasumik qanoq aaqqisarnersut
oqaatigissavara tassani soorlu Narsami aammalu savaateqarfinni
assigiinngitsuni kommunit annertoorujussuarmik suleqataapput
anigaasaleeqataasarput taavalu taassuma tullianik aamma Namminer-sornerullutik
Oqartussat aamma aningaasaleeqataasarlutik.
Uani oqariartuummi Anthon
Frederiksen-p qaffatsitaani suna tamarmi Namminersornerullutik Oqartussanit
akilersorneqartussatut isumaavoq siornali. Maannakkut nutaartaqanngilaq
akis-sutisiassat nutaaartaqassangilaq. Suliassaq kommunimi aallartissaaq
taavalu ingerlariaruni uagutsinnit ingerlateriaqqinneqassaaq. Ilumoortoq
unaavoq assigiinngisitsinermik aallaveqassanngilaq, savaateqartut namminneq
peqataallutik kommunit najugaqarfiat aamma peqataalluni aaqqiinniarneqartarpoq.
Aamma taamaattariaqassaaq qularnanngitsumik qimussit aqqutaannik
iluarsaassinissaq, uani neriuppunga itigartitserpalaartumik nipeqarnanga,
kisianni pissutsinik pissusiviusunik aallaveqarlunga oqaaseqarpunga. Qujanaq.
Anders Andreassen, Inatsisartut Siulittaasuat:
Eqqaasitsissutigeqqissavara ullumikkut
siullermeerinerummat taavalu
maani apeqqutigineqartut assigiinngitsut ataatsimiititaliami aamma
aappassaaneeerneqartinnagit suliarineqaqqaartussaammata. Taamattumik
apeqqutigineqartut ullumikkut akineqanngitsut aamma ilanngullugit tassani
suliarineqassapput. Maannalu partiit oqaaseqartuisa avataatigut
oqaaseqaqqissaaq Johan Lund Olsen.
Johan Lund Olsen, Inuit Ataqatigiit:
Qujanaq. Tassa aamma uteqqillugu
paasineqarsimagunanngimmat erseqqissumik aatsaaginnaq aamma Aningaasaqarnermut
Ineqarnermullu Naalakkersuisup tassa sanaartortitsinermut akit eqqartugai aamma
oqaaseqarfigiqqissavakka. Tassa siullermik oqaaseqarninni oqaatigivara
inatsisilioreersimavugut, tassa suliariumannittussarsiuusisarneq pillugu
Inatsisartut inatsisaat 1992-meersoq, taamanili tassa ' 6-mi Naalakkersuisut taamanersuarli
pisinnaatinneqareerput akit apparsarsinnanissaannut qanoq iliuuseqaqqullugit.
Kisiannili ineriartorneq taamatut
ingerlasimanngimmat taamaammat oqarpugut allatut ajornaqaaq taanna inatsit siunertarineqartut malillugit
eqqortinneqanngimmat atagu sukaterneqarsinnaanissaa qimerlooqqilaarniartigu,
tassami aamma Aningaasaqarnermut Naalakkersuisup aatsaaginnaq oqaatigivaa
eqqortumik.
Aap, suliaqarsimavugut maani Inatsisartuni sulisartut akissaatai
qaffatsaaliorneqassasut, imarpik ikaarlugu akit qaffatsaaliorneqassasut,
innaallagissamik kw-timut akigitinneqartut qaffatsaaliorneqassasut
sapinngisamillu aamma ajornanngikkaangat appartinneqartassasut, kisianni tassa
ajoraluartumik imaappoq sanaartortitsinermi ingerlatsisut tassa entreprenørit,
sanasut allallu taakkua iluanaaarutaat qaffariartuinnarsimavoq, tassami akit
sanaartortitsinermi akit qaffasitsinneqaqqimmata. Taamaattumik
sanioqqukkuminaassaaq sukatitereqqittariaqassagatta uuminnga inatsimmik, tassa
licitation=s love-mik.
Naalakkersuisut piginnaatinneqareeraluarput
taamaaliornissaminnut, kisianni killup tungaanut ingerlasoqarmat, taava
isumaqarpunga Inatsisartut taanna qimerlooqqittariaqaraat sukateralutillu.
Tassami Inatsisartut Namminersornerullutik Oqartussat sanaartortitsinermik ingerlatsisuullutik maani nunatsinni aalajangiisuulluinnartumik
aningaasarpassuit milliuunerpassuit atorpavut sanaartortitsinermut,
inissialiortitsinernut, napparsimaviliornernut assigisaannullu.
Taamaattumik sanaaartortitsineq
uagut aqussavarput, imaassangilaq sanaartornermi ingerlatsisut uagut
aqussagaatigut taamaattoqarsinnanngilaq, taamaatumik akit qummut
killilernissaat immaqa tullinnguuppoq. Maannakkut pimoorullugu
suliarisassarput, taanna Inuit Ataqatigiinninngaanniit qinnuteqaatigivarput.
Hans Enoksen, Siumut:
Unaana Atassutikkut saqqummiussaminni oqaatigisaat nunaqarfinni arlaqartuni illuliassat asiuinnartartut. Taanna uanga nunaqarfimmiutut aamma assortorsinnaanngilara pissutsit piviusut arlalinni aamma tamaapput. Tassani pissutaavoq sananiartut ilaatigut siunnersorneqartarnerat ima ajortigimmat, ima itikkakuutigimmat ajornartorsiortut ilaatigut unittuinnarnerannik kinguneqartarluni. Ullumikkut pissutsit eqqarsaatigigutsigit INI-minngaanniit nakkutillineq ima pitsaanngitsigivoq kommunit nakkutilliineraninngaanniit ajornerujussuarmik ingerlalernikuulluni, taamaammat massakkut Inatsisartut ataatsimiinneranni nalilersuisoqartariaqarpoq ilumut illuliassanik nakkutilliineq INI-p ingerlassinnaaneraa.
Nakkutilliinerinnaanngilaq, nunaqarfinni illut inueruttut ilaatigut ukioq naammatillugu inoqarneq ajorput uffa aakua illussaaleqisut isiginnaarusaartut, uagullu nunaqarfimmiut qanoq iliorsinnaanata INI akuliutinngippat, taamaammat massakkut eqqarsarluarluta inuiaqatigiinnut akikinnerusussaq ujarlugu eqqarsassaagut aalajangiillutalu INI-mut oqimaakkaluarpalluunniit, kisianni pitsaanerpaajussaaq isumaqatigiilluarluta aaqqiisinnaagutta.
Taavalu nunaqarfinni tunisassiorneq Isumaginninnermut Naalakkersuisup sukataarluni maani oqaaatigivaa nunaqarfinnut ataatsimiititaliaq ilaatigut immaqa pisuusaarluni sulinini ingerlakkaa. Isumaqarpunga taamatut oqarneq ingasappallaartoq, aamma qularaara inimi maani Inatsisartunut ilaasortat imaluunniit Naalakkersuisut pisuusaarlutik sulisarsimassasut, maanngaanniit taamatut oqalunneq ingasappallaaqaaq. Ullumikkut inuiaqatigiinni ingerlanitsinni 100,- kroni mumittaqattaarlugu ingerlaniarsarivugut sumut atussanerlugu taamaammat nalilersuilluarnissaq tamatta akisussaaqataaffigisariaqarparput, nunaqarfimmiuugutta illoqarfimmiuuguttaluunniit. Soorunami nunaqarfippassuarni ajornartorsiutit annertupput kisianni aamma inuiaqatigiinni allani aamma ajornartorsiutit uagut nunaqarfimmiut qiviagassaraavut, taamaammat taamatut tunngavissaqan-ngitsigisumik pisuusaartunik oqalunneq uanga illersorsinnanngilara.
Sanaartugassat
nunarput tamaat qiviarutsigu ilaatigut takusinnaavarput kommuneqarfiit ilaanni
ima annikitsigisumik sanasoqarniartoq, taavalu ilaanni 100 mio-nit tikillugit
amerlassuseqarlutik, aamma taanna ajunngeqaaq. Kisianni kommuneqarfiit
ilaatigut aningaasaatikittut sanaartoru-sukkaluarlutik akissaqanngillat
qitiusumik ikiorsiiffiigneqanngikkunik, taassumalu kingunerivaa ilaatigut ammut
ingerlagaluttuinnarnerat taavalu pissarissaarfiusut qummukariartuinnarnerat.
Taanna akisussaaqatigiilluta aaqqittariaqarparput naligiimmik
pineqartariaqarput nunatta inui. Qujanaq.
Bjarne Kreutzmann, Akulliit Partiiat:
Siullermik qujassutigissavara
Naalakkersuisup Peter Grønvold Samuelsen-ip oqaaseqaatinnut oqaaseqaataa
taavalu Naalakkersuisup Daniel Skifte-p oqaaseqaataa, tassungalu tunngatillugu
paatsuunganartoqalaartikkakku una tikkualaassavara tassa Naalakkersuisup Daniel
Skifte-p oqaatigimmagu oqaaseqaatinni quppernerit siulliit pingasut taakkugooq
aningaasarsiornermut Inatsisissamut tunngasumik siunnersuutitoqqamut
tunngasutut isikkoqarmata, paatsunganalaarnartoqartippara taanna
pissutigalugu, taakkua siulliit atuaqqinneqarpata imaluunniit misissorneqarpata
tassani pineqarmat pingaartumik quppernermi siullermi aallaqqaasiineq aammalu
uparuartuinerit imaluunniit tikkuaanerit qanga pisimasunut tunngasunik qanoq
iliuuseqarsimasimaneq uanga tunginninngaanniit ilaatigut aamma
amigaateqarsorinartumik isigisariaqartutut, tassa ukiuni 18-ni
Namminersornerunitsinni takusinnaavarput isertitanit amerlanerungaartunik
aningaasartuuteqarsimasugut, aamma isumaqarpoq sinneqqartoorsimaqaagut, taanna
oqaatigineqartoq, tassa ajunngilaq, aamma tassunga atatillugu
oqaatigineqarpoq.
Taamaattumik maannakkut amerlasuunik
atuinissarput isornaateqanngilaq Naalakkersuisut taama oqarput. Tassani aamma
oqaatigiinnarpara, kisianni pissutsit piviusut - silarsuaq qanoq isikkoqarpa?
Ingerlatsinermut sanaartornermullu aningaasartutissani taama
sinneqartooruteqar-tiginermut patsisaaginnarpoq, taava tassa patsisaasut aamma
oqaatigaakka, tassa sulliviit Namminersornerullutik Oqartussat 100%-mik
pigineqartut ilaat Landskarsimut utertillugit akiliisimammata tassa
atukkaminnik, taava oqartoqarsinnaavoq inuiaqatigiit pisuunngornerusut,
naamerluinnaq. Isumaqanngilanga Aningaasaqarnermut Inatsisissamut
siunnersuutitoqqamut tamakkua tunngassuteqartut, allanik aamma
siunnersuutissaqaraluarpunga, taakkua naammapput imaluunniit
assersuutissaqareerput.
Taavalu qujassutigaara Naalakkersuisup
Daniel Skifte-p oqaatigisaa tassa inuit katitigaanerannut tungasumik
erseqqinnerusumik takkuttoqqassasoq, taanna nuannaarutigaara tusarlugu. allanik
akineqanngitsoqaraluarpoq kisianni malugaara Naalakkersuisup Daniel Skifte-p
uku oqaaseqarnermini oqaatigigai
apeqqutit allat taamatut
takkussortut akineqarumaartut, taanna taamaattumik taamaalillugu
naammagigallassavara.
Tuusi Motzfeldt aamma qutsaviginiarpara
peqqinnissaqarfiup iluani 5 mio-nut tunngasumik tapersiinera, tassa
20.11.16-mut tunngatillugu tapersiimmat misissuisoqar nissaanik, tassani
isumagalugu tjenestemandeqarnermut tunngasunik ippassaani oqallinnitsinni
oqaatigisakka tassani naatsumik oqaatigalugit atorfeqartitat ikinnerusut
kisianni aningaasaqarnerusut taamatut aaqqiissutaasinnaassagaluartut. Taamatut taassuma
tapersersorneqarnera qutsatigaara.
Taava naggasiullugu
utoqqatitsissutigissavara Inatsisartunut ilaasortanut ataqqinartunut aam-mami
tusarnaartunut minnerunngitsumillu nutserisunut pissutigalugu ullup qeqqata
siorna teknikkikkut ajornartorsiouteqarsimagatta taavalu hovedkonto
assigiinngitsut kalaallisuuani peertoorsimammata, kisianni qallunaatuani
agguaanneqartumi takusassaapput. Tassani pineqarput hovedkonto 30.13
innarluutillinnut tunngasut, taavalu 30.16 suliffeqarnermut tunngasut, 40.01.13
ungasissumut ilinniartitsinermut EDB-mullu tunngasut, 40.05.31 sunngiffimmut
sammisassaqartitsinrmut tunngasut tassani oqaatigalugu tassatuaasut ajoraluartumik ullumi oqaatsinni paggatsitsineq atorlugu
oqaatigisanni taakkua kisimik pissarsinngitsoortuusimammata ajuusaarnartoq.
Taava jagtbetjentinut tunngasoq
50.07.13 aammalu amminik tuniniaanermut tunngasoq 50.07.16 taakkua
kalaallisuuat peertoorsimasoq katattoorsimasoq teknikkikkut, taanna
kalaal-lisuua nassiussussavarput tamanut, kisianni qallunaatuua agguaassanni
oqaatigeriikkattut tamarmi takuneqarsinnaasoq.
Manasse Berthelsen, Inuit Ataqatigiit:
Naatsunnguamik takornariaqarneq uterfigeqqilaassavara.
Tassa ukioq manna 20 mio.-nit ka-tillugit takornariaqarnermut
immikkoortinneqarput, tassa hoteliliortitsinermut 15 mio.-nit imaluunniit 18
mio.-nit katillugit, taavalu nalinnginnaasumik takornariaqarnermut 3 mio.-nit,
taakkua akunnittarfiliornernut aningaasat nalinginnaasumik
inuussutissarsiutinut ineriartorti-tsinissamut kontomut nuunneqarsimapput,
taannalu aningaasartaqarpoq 17 mio.-nit taakkulu aningaasat allanut
assigiinngitsorpaasuarnut atorneqartussaapput, kiisalu inuinnarnut takornari-artitsinermik
sullissisunut ukioq manna 3 mio.-galuartut imaarussimapput.
Tassani takuneqarsinnaavoq nunap
iluani takornariaqartitsinermik sullitaqartut ataasiakkaat periarfissaat
ajornerusutut taaneqarsinnaalermata siunnersuutigineqartoq malillugu.
Taavalu Aningaasaqarnermut
Naalakkersuisumut - ukiuni kingullerni tulluusimaarutaasartoq tassa aningaasat
nalikilliartunngillat, annikitsuararsuarmik annikkilliartorput. Aap, suut
akiga-lugit? Massakkut atuarfeqarfiit aserfallasimapput, ilinniutissat naqitigassat
uninngaannarput aningaasassaqannginnamik, utoqqaat illuat Ammasalimmi
takusara assersuutigissavara. Utoqqaat
illuarannguat arfineq marlunnik inuttaqartoq ukiukkunngooq persileruttoraangat
isersi-maartarfimmut qimarngoqqasarput qiianangaartarmata initaaranngui.
Nukissiorfiit tikilaassavakka
annertunerulaamik. Erngup aqqutai aserfallassimaqaat aammali illoqarfinni
mikinerni amerlaqisuni erngup aqqutaasa sanaartorneri amigaqaat ilaanni illut
affaannai kuuinnartumik imeqarput. Siunnerfeqarpugullu ukioq 2000 inuit
peqqissuunissaat, taannali angusinnaanngilarput kuuinnartumik imeqanngikkutta.
Nukissiorfinnut tunngatillugu Finanslovimi misissuinitsinni aamma maluginiakkatta annersaraat
Nukissiorfiit akiligassaqarput 970 mio.-nit tassa milliardingajaat.
Naalakkersuisut Siulittaasuata
Jonathan Motzfeldt oqaatigaa Landskarsi bankiunngilaq, kisian- ni annertuumik
atorneqarpoq. Nukissiorfiit ukiumut akilersuipput ernianut ukioq manna 84 mio.-nit ernianut aappaagumullu 70 mio-nit
missaannik, assigiinnarpaa oqaraanni innaallagis-samut regninge
nassiunneqartarpoq atuisartunut, taakkualu akiliutaat atorlugit Namminersornerullutik
Oqartussat ernianut iluanaarniapilunnerannut
aamma akilersueqataavugut. Namminersornerullutik Oqartussat
pisussaaffigaat imaluunniit pisussaaffigaarput innuttaasut tamarmik sarfamik
pilersorneqarnissaat, imermik kuuinnartumik pilersorneqarnissaat, kiammillu
atuisinnaanermik pissaqartinnissaat. Aamma oqaaseqartutta taanna ujartorpaa
Naalakkersuisut qanoq taamatut ingerlatsineq isumaqarfigineraat,
annertunerusumilli taanna akineqanngilaq.
Evald Brønlund, Inuit Ataqatigiit:
Tassa konto immikkuullarissoq
kisianni konto uannut pingaarneq, tassa suminngaanneernera aallavigalugu,
tassani pivara konto 50.07.16-ni puisit amiinut tapiissutinut tunngasoq, tassa
tassani takuneqarsinnaagami 1998-mi 28 mio.-nit immikkoortinneqarsimasut,
kisiannili 1997-mi 38.mio.-simagaluarlutik, tassani takuneqarsinnaanngorpoq 10
mio.-nik ikilisaaffigineqarsimasoq, tassalu takunnissinnaanera naapertorlugu
ilimanarpoq 1998-mi puisit amiisa akii apparujussuarnissaat imaluunniit
tunisinerup tamaanngannaq unitsinneqarnissaat. Taamaattuminguna sakkortuumik
piumasaqaatigerusukkiga konto taanna 50.07.16 Aningaasaqarnermut
Atatsimiititaliami sukumiisumik
nalilersuifigineqaqqittariaqartoq.
Otto Steenholdt, Atassut:
Inatsisartut aningaasaqarneranut tunngasut oqallisigineqaraangata tamatigorluinnangajak taamatut pisoqartarpoq, allaqqunneq ajorpoq, tassa eqqartugassat - sullusineq - tassa taanna mininneqarpiarneq ajorpoq, ullumikkullu aamma tusarpavut. Uangaana qangarsuarli assersuutariga Landskarsi ilaqutariinnguit qassinnguugaluarnersulluunniit illuminni aningaasat pillugit pilersaarusiorlutilluunniit imminnut oqaluuttarnerannut, piumasat amerlaqaat aningaasivinnguarli qiviaraanni pisinnaasat ikeqalutik. Taamaaligaangat paasinartumik imminnut oqaluutilersarput, una toqqulaarallartigu, una pisinnaannguatsiarparput taanna pigallartigu aamma tassa inuiaqatigiit kalaallit taamaapput. Aningaasarpaasuaateqanngilagut taamaattumillu oqallittariaqartarpugut suna siulliunniaraluassallugu suullu aamma pilersaarusiorniaraluassallugit. Tassa ilaqutariit periaasiannut assersuutigisartagara naatsunnguamik oqaatigaara.
Aamma illuliornermut akit Juaap licitations love -p tikkuarmagu tusarnaarlugu imannak paasivara eqqungaarami Naalakkersuisut ilioriaasiat tassaniittoq atorlugu akit nikerarmata ilaanni appaseriarlutik ilaanni qullarlutik massakkut periaaseq atorpaat qullarpallaaleqaat unitsinniarlik. Taannarpiaq inatsisip piumassaa Naalakkersuisut ullumikkut atorsimasaat. Qujanaqaaq erseqqarilluinnartumik taanna Naalakkersuisup nassuiarmagu taamaattussanngikaluarlunga nersualaarpara erseeqqarilluinnaqqissaartumik taakkua nassuiaateqarfigimmagit.
Assartuineruna aamma eqqarsaatigalugu pingaartumik immaqa uanga illersortarpakka kikkulluunniit tunisinialuttunnguit ajornanngippat tunisaat apuunneqassasut sulerulunnini sivisuumik sulinini akissarsissutigilaarniassammagu. Tamatta taanna illersussavarput, kisianni tunitsvinnik pilersitsiortorneq ilutigalugu uanga aperisarsimavunga qangali, sisamat pingaarnerutinniarlik: Siullermik: Tuniniagassaqarpaa? Umiarsuliveqarpaa? Tunitsivissaqarpaa? Taakkua soorlu tunitsivik pilersissagaanni imeq qanoq ippa? Tassa tamakkua qangali oqallisigisarppakka imaluunniit oqallisigisarpavut - tuniniaaneq tunngavissaqarluaqqullugu. Taavali aamma ingerlaqqissaagut aperillutta: Tuniniaanerugaluaq taanna unittuulerpoq, qanoq pissavarput 6 kiilu? Assartortissallugu umiarsuarmut imaluunniit assartuummut akisunerungaartumut, assartorneq qanoq akisutigilerpa ukunnguit tuninissaat kisiat piinnarlugu ingerlattariaqassava?
Nalileeqqittariaqassaagut aamma inuiaqatigiittut oqarluta: Ajornaqaaq, aana aallaavissarput, aningaasarsiat akiliutissallu sanileriisittariaqarpavut akiliutissat qaffasippallaalerpata inuiaqatigiit taanna aningaasatigut ajortooriartornerannut aallaqqaatinngussaaq. Taamaalippat nuanniittoq tikittariaqassavarput oqarluta: Ingerlaannassava imaluunniit unitsissavarput? Tassa taanna naalakkersuisutigoortumik ilaannikkut pisariaqartaraluartoq imatut ajunaarutaasumik inger-lagaluartoq illersuinnaaraanni, naluneqartariaqanngilaq siunissami sumiittoqartoq. Ila qasseriarlutamitaava tusarparput tamani nunaqarfiit ilaat appelsiinaarummata ukiukkut helikoprterimik pajuttariaqalersut, ila ileqimisaarnangajapporluunniit, soorlulu appelsiinaqarnatik inuusinnaajunnaarsimasut. Sipaarniarneq eqqarsaatigileraanni tamakkua paasinarunnaartarput. Oqaraanni aningaasaajaatit amerlanerulerpata aningaasat isertitaninngaanniit allatut ajornaqaaq qanoq iliuuseqartariaqassaaq.
Oqaluttut marluk quiagaakka, utoqqatserpunga taakku oqaatigisariaqarakkit, tusarnaarluni maani issialluni nuanneqigami, Bjarne Kreutzmann -p aallarniinermini oqaatigisai kisitsisit ersinngitsut paasivara aamma maani oqallinnermi paatsiveeruttoqassappat Bjarne-p kisitsisaatini ersinngitsunngooq ersersinniarsarerpalulermagit, oqaatsit taakkua tusarnaartuulluni eqqumiillaarput. Inuit Ataqatigiit Maliinnguaq aatsaaqqissaaq oqarpallappoq Daniel Skifte-p akissutaa pillugu siutininngooq tusaalluni nassuiaatai paatsiveqanngillat. Aperisariaqarpoq siutinik tusarsinnaanngikkaanni suna alla atorneqassagami, soorunalimiuna aamma Finanslov-i pillugu oqallinnermi sooq taakkua marlulluunniit eqqaasakka pileraangata sivitsorujussualertarpoq imannak tusarnaarluni allaat eqqumiiginarsilluni. Naatsunnguamik taama oqaaseqarpunga partiip avataatigut.
Daniel Skifte, Aningaasaqarnermut Ineqarnermullu Naalakkersuisoq:
Qujanaq, naanaariniassaanga. Siullermik Johan Lund Olsen-ip oqaasii oqaaseqarfigilaassavakka, tassa 1992-mili inatsisit malillugit tassa inatsit licitationslov-imut tunngasoq malillugu iliuuseqartoqarsimanngimmat, taanna uanga annertunerusumik oqaaseqarfigerusunngilara.
Oqaaseqarfigisassara Siumukkunnut Atassutikkunnullu aallaaveqartoq taanna oqaaseqarfigissavara, kisiannili maanngarninnut peqqutima anginerpaartaat tassaavoq oqaatsit atorneqartut ullumikkut killup tungaanut ingerlasoqartoq tassa taanna licitationslove pillugu oqaatigineqarmat Siumut-mi Atassut-milu pingaartittorujussuuarput una: 1992, 1993, 1994, 1995 -llu aallartinnerani sanaartornermi akit 18, 19, 20, 21, 22 tusind kroniusimapput m2-mut apeqqutaalluni sumi illoqarfimmi sanaartorneqarnersoq, taava Siumukkut Atassutikkullu isumaqatigiipput taanna aaqqiviginiassagutsigu taava Inuit Ataqatigiit oqaaserisaat aallaavigissavara:
Aqutsineq uagut tigusariaqarparput, taannalu Naalakkersuisut tiguaat, Johan Lund Olsen -p illua tungaanut saatikkaluarpaa uagut aqutsineq tigunngikkipput, uagununa tigorusukkatsigu aqutsineq taava isumaqatigiippugut akit apparsartariaqartut, tamatuma kinguneraa ullumikkut illoqarfiit ilaanni m2 -mut 9 tusind 11 tusind 12, 13 tusind anginerpaagaangamillu 14 tusindimiilermata, taamaattumik illuatungaanut killormut ingerlasoqanngilaq, pitsanngoriaataapput, taanna isumaqarpunga annertuumik immaqa sakkortulaartumik aamma nipeqarlunga oqaatigigakku, tassa peqqutaavoq uagut sanaartornermi aqutsineq oqartussaaffigerusukkatsigu entreprenørit oqar-tussaatinnagit, taakkua unammilleqatigiinneq aallavigalgu neqerooruteqartassapput akikinneq tiguniartassavarput.
Taava Bjarne Kreutzmmann-p oqaasii annertunerusmik maannakkuugallartoq oqaaseqarfigissanngilakka aamma taamatut oqarusuppunga Mannarsimut, kisiannili nipera eqqumiilaareermat isumaqarpunga pissussissamisoortoq Inuit Ataqatigiit siulittaasuata nipaa Akulliit Partiiannut issuaaffigissallugu oqaaseq pujorsuup iluaniittoq eqqartormagu. Kukkunnginnguatsiarpunga Akulliit Partiiat. Mannarsip oqaaseqarnera ilaatigut akit qaffakkiartunnginnerannik aallaaveqartoq asserssutinillu arlalissuarnik aallaaveqartoq apeqqummi tassani pineqanngilluinnartunik allaanngilaq pujorsuup iluaniittoq. Qujanaq.
Konrad Steenholdt, Kultureqarnermut, Ilinniartitaanermut Ilageeqarnermullu Naalakkersuisoq:
Qujanaq , apeqqutit marlussuit uteqqinneqartut, una ilinniartut inissaqarniarnerannut tunngatillugu Ilulissanut tunngasoq isumaqarpunga oqaaseqarninni siullermi aperisup imaluunniit oqaaseqartup pasitsaatereeraluaraa tassani suna pineqartoq. Neriorsuisimaninnut tunngatillugu oqaa-tigilaarlara, neriorsuutituara tassaasimavoq imarsiornermut ilinniarfimmut Ilulissanut nuunneqarpat, Ilulissani taanna immikkoortortaqarfik illutaata Ilulissani Socialpædagoginngorniarlutik seminariap ingerlatinneqarneranut ilanngullugu tiguneqassasoq, taakkulu atussagaat illu taanna ilinniartitsivittut ilaatigut, tassa neriorsuutigisimasara, eqqorporlu taanna. Eqquutsippara, kisianni kommuni oqarfigaara taamanikkut tikkuartulermassut, tassa nuutsinniarneqaleqqaar- mat seminaria taavunga. Oqarput naammattunik inissaateqarpugut, ilinniartut tamaasa tigusinnaavagut, soorunami kommuni upperaarput.
Piareermata suut tamarmik, ukiorluunniit suli ataaseq qaangiutinngitsoq oqarfigineqarpugut, allatut ajornartumik inissiat ilaat ilinniartunut inissatuut atukkiuttariaqalerpavut, tassaniittoqarpoq apeqqusikkanni aamma uanga, neriorsuitsissimagumma uani neriorsuinera tassatuaavoq qanga heliportiusimasoq Ilulissani umiartornermut ilinniarfiup immikkoortortaata ingerlanneqarsimasup illutai tigugallarneqartussatuut socialpædagog seminariaqarfimminngaanniit. Taanna neriorsuutiga eqqortippara, kisianni tassani suleqatigiumavara Ilulissani kommunalbestyrelse tassani nalilersusallutigu kolligialiorneq qanoq pilersaarusiorneqassanersoq.
Suleqatigiinnerput massakkumut ajunngilaq, aamma 1998-mi Aningaasanut Inatsisissamut ilanngullugu kissaatigisimagaluarpara aningaasanik immikkoortitsisoqarnissaa tassunga tunngatillugu, kisianni tassa aningaasat pissarsiarineqarsinnaaneri killeqarmata ilanngunneqarsinnaa-simanngilaq. Kisiannili soorlu tassa oqartunga paaseqatigiittoqartoq uani partiit oqaluttunin-ngaanniit paasivara inissaqarniarneq ilinniartunut ima ilungersornarsimatigisoq taanna immik-kut isiginiarneqarumalluni. Tassaniuna isumalluarnartoqartoq, tassalu aamma siusinnerusukkut oqaatigereernikuuvara aperineqassaguma sumi pingaartitsisoqarnerua Aasianni Ilulissaniluunniit arlaat tikkuassallugu nalulluinnarpara, taakkua tassani pisaariaqartitsineq naligiittutut taasariaqarakku, Aasiaat Ilulissallu nalilersorniassagukkit.
Taavalu Kangaatsiami minihalli. Ilumoorpoq
1995-mi tassani allanneqarsimagaluarpoq Aningaasanut Inatsimmut tunngatillugu
tassa 1998-mi aallartittussatuut. Kisiannili nalilersueqqinnerit
tunngavigalugit minihallissaq Ittoqqortoormiuni tassanngaanniit
nuunneqarsimavoq. Kisiannili aamma pilersaarutaasunut ilaareeraluarpoq,
kisianni qaqugu piviusunngortissinnaanera assut massakkut maanngaanniit
toqqaannartumik oqaatigissallugu ajornakusoorpoq. Ilaatigut aamma maani
oqallisigineqartuartut ilagimmassuk atuarfiit nunaqarfinni aserfallassimaqisut
aningaa-sassaqartinniarnerat pissutigalugu allatut ajornartumik sipaarutinut
taanna ilannguttariaqarsi-magatsigu. Taava imaaginnarpoq, maani aamma
Inatsisartut taanna nalilersortariaqaraat.
Kangaatsiaq kisianni puigorneqanngilaq
uanili tulleriiaarinerni Inatsisartut inassutigissappassuk. Pingaarneruvoq
Kangaatsiami minihallip sananeqarnissaa nunaqarfinni illoqarfinnilu atuarfinnik
aserfallassimaqisunut aningaasat atugassat ilai tassunga nuullugit. Soorunami
taanna pilerinartorujussuuvoq uanninngaannit isigalugu. Kisianni
ajoraluartumik aningaasat pissarsiarineqarsinnaasut killeqarnerat pissutigalugit
1998-mut ilanngussinnaasimanngilarput.
Kisianni Ilulissani kolligiamut tunngatillugu neriorsuisimaguma
aaqqissagivut, kisianni kommuni suleqatigilluinnarpara tassani
nalilersuinermut paasiniaalluta qanoq ingerlasoqarnersoq, taakkua
tunngavigalugit suliaq ingerlateqqissavarput..
Lars Sørensen, Inuit Ataqatigiit:
Siullermik Otto-p
ilumoorneraartariaqarpara ilaatigut oqaatigimmagu Aningaasaqarnermut Inatsit
tassaasariaqarmat angerlasimaffitsinni aningaasat aqulluarnissaat siunertaralugu taama- tut ingerlatsiniassasugut.
Kisiannili massakkut ingerlatsineq imaappoq angerlarsimafitsinni pilersaarutit
pitsaasumik oqaatigineqarsinnaanngillat ullormiit ullormut isumassarsiat
assigiin-ngitsut pissarsiarineqaraangamik ingerlaannarlutik
piviusunngortinniarneqartarput, taamaalillunilu aamma kommuninut
ataasiakkaanut pimoorussillutik pilersaarusiortunut annertoorujussuarmik
kingunerluttitsisarlutik.
Naalakkersuisunit ersarissumik oqaatigineqartariaqarpoq,inuiaqatigiit
siunissaq ungasinneru-laartoq eqqarsaatigalugu qanoq ingerlanniarnerlugit,
maani oqaluttarfimminngaanniit oqaatigisariaqarpaat. Inatsisissatut
siunnersuutit siunertai aammalu misissoqqissaarlugu maluginiarnarpoq ukiut
immaqa tallimat arfinillit qaangiuppata illoqarfiit sisamat nunaqarfiillu
immaqa oqarsinnaavugut maannakuminngaanniit amerlanerungaartut
pilersinniarneqarput. Pilersaarusiortunut ataasiakkaanut pingaaruteqarpoq
oqareernittuut assersuutigiinnarlugu napparsimaveqarfiit ajortut, massakkut
qallunaatut taallugu dispensationimik ingerlasut, taakku dispensationiat
naanissaa soorlu novemberimi naasussaavoq, kisiannili ukiuni ataasiakkanut
aamma kinguarteqqinneqarput.
Tassani pissutaaqataanngitsuunngilaq ilaatigut
maannakkut politikkikkut aalajangertoqan-ngimmat regionikkaartumik
ingerlasoqarnissaanik, taanna allajangiunneqanngilaq.
Nuummi timmisartunut atlantikoq qulaallugu
mittarfiliorniarneq aamma ungasinnerusoq eqqarsaatigalu aalajangiinissamut
ajornartorsiortitsivoq. Massakkut inatsisissatut akueriniagarput utoqqarnut,
meeqqanut inuusuttunullu pingaarteqisatsinnik oqaatigisavut tamakkua eqqarsaatigissagaanni
ungasinnerusumut takorluugaqanngilaq. Tassa imaappoq ukiumiit ukiumut pilersaarutit
maannakkut ingerlanneqarput. Isumaqarpunga taanna politikkikkut siunissarput
ungasinnerusoq eqqarsaatigalugu oqassanngikkutta ukiut pingasut qaangiuppata
taamannaannanik billiartinik atorniaqqissuugut. Taanna taamatut ingerlaneq
isumaqarpunga unitsinniarneqartariaqartoq. Imatut ingerlasoqarsinnaanngilaq
siulliip tigugaa ingerlaannaq pissarsiaralugu, taama nunarput
ingerlanneqarsinaanngilaq. Hans Enoksen -i oqaatigisariaqarpara ilumoorputit
inuiaqatigiit siunissami ingerlanissatsinnut pingaaruteqarluinarpoq oqarsimagaanni
neriorsuutigisimagaannilu nunarput ataatsimut ingerlanneqassasoq taava aamma
taamatut politikkikkut siunnerfeqarnissaq
pisariaqarpoq.
Ataatsimiinnitta ingerlanerani amutsiviit
eqqartorneqartussaapput, aktieselskabinngortitsinerit eqqartorneqartussaapput,
taava siunissaq ungasinnerulaartoq eqqarsaatigissagalugu anmutsiviimmi allat
qanoq pineqassappat? Pinngitsoornani aamma inatsimmi maannakkut
akuerisassatsinni akuersissutigineqartariaqarput. Ilaatigut suliffinnik
assigiinngitsunik siammartitsiniarnissaq
taanna pisariaqarpoq, oqaannartoqarsinnaanngilaq pilersaarutini
kolligialiornissara puigoratsi- gu taava nutaavimmik sanasariaqarpugut.
Inuiaqatigiit taamatut ingerlaneqarsinnaanngillat. Assersuutigiinnarlugu
kommunit ataasiakkaaqqarpoq kinguaakkiartortunik aamma ikiuni tulliuttuni
pinngitsoornatik allat taamaalisussaapput ingerlanerput
oqimaaqatigiissinngikkutsigu, inuiaqatigiit pinngitsoornata arlaatigut
equsoortussaavugut.
Ilaatigut aamma Aningaasaqarnermut
Naalakkersuisup oqaatigisariaqarpaa ersarissumik Inatsisartunut oqarluni
massakkut 1,6 mia.-titeqarnerpoq ukiut pingasut 259 mio. -nngortussaammata
pilersaarutit assigiingitsut piviusunngortinneqassappata, neriorsuutigalugulu
utoqqaat meeqqat inuusuttullu
atugarissaarnerunissaat taanna siunnerfigigipput. Tassa imaappoq
ataqatigiissaarinissaq taanna massakkut
naalakkersuisooqatigiit piginngilaat, taamaalillunilu aamma inuiaqatigiinni
annertoorujusuarmik toqqissisimannginnermik pilersitsivoq ilaatigut
ilungersornerit ataasiakkaat eqqarsaatigiinnarlugit taanna
akuersaarneqarsinnaanngilaq, aammalu oqaannartoqarsinnaanngilaq
pensionisiaqarnermut pisinnaaneq 63-nut qaffanniarli, taavalu inuiaqatigiinni
massakkut inissisimaneq iluamik ilisimanngikaanni.
Qularnanngitsumiguna uagut inuiaqatigiinni
maannakkut ingerlanitsinni nammaqatigiinnissaq siunnerfigisariaqaripput,
unammilleqatigiinneq inuit ikitsigaluta sineriappullu taama angitigisoq iluamik
nunatsinni atorneqarsinnanngilaq. Aalajangertoqanngippat politikkikkut taava
oqartassuugut suna tamaat aaqqikkusupparput, suna tamaat pitsaanerusumik
ingerlanneqarnissaa taanna siunnerfigipput. Ilumoorpoq inuiaqatigiit taanna
nammaqatigiinnissaq siunniuttariaqarparput aammalu taanna neriuppunga ukiup
tulliani eqqaamassagipput pilersaarutini.
Maliinannguaq Markussen Mølgaard , Inuit Ataqatigiit:
Qujanaq, naatsunnguaq. Tassaana Otto
Steenholdt-ip oqaatiginngisannik oqaaseqarneramanga naqqilaarniariga.
Siullermilli una oqaatigisaa una nunaqarfiinngooq appelsiinaarukkaangamik naammagittaalliulersarput,
isumaqarpunga nunaqarfimmiunut tusarninngilluinnartoq, tassami nunaqrfinni
inuuneq ilungersunartorujuuvoq. Naak nunaqarfinni najugaqanngikkaluarluni
angalanikkut tamanna inuit oqartarneratigut, ajornartorsiutiminnik
saaffiginnittarisigut tamanna erseqqissumik paasisassaavoq. Taamaattumik
ingasappallaaqaaq nunaaqarfiit naammagittaalliortarneraraanni
appelsiinaarukkaangamik.
Taavalu aamma oqaatigivaa Daniel
Skifte-ngooq pillugu oqarsimasunga siutinik tusaallugu paatsiveqanngittumik oqarnerarlugu,
taamatut oqanngilluinnarpunga. Danieli ajortumik pinngilara aamma
oqaannarpunga kommunini aningaasaqarneq ilungersunartuusoq, taakkulu
sanaar-tornermut unitsittariaqartarnerannut sanaartugaasat patsisaasut
ilagigaat kommunit aningaasaqarnikkut ajornartorsiornerat aamma maani
oqallinermi aamma taanna eqqaaneqartoq. Taamaattumik oqaaserinngisannik
oqartissanngilluinnaqqissaarparma, naluara siutivit tusaasai pissusissamisoortumik
ingerlanersut.
Jonathan Motzfeldt, Naalakkersuisut Siulittaasuat:
Oqallinneq
sivisoqimmat aammalu misigisimanarmat uteerfigilaartariaqartut 1998-mi aningaasartuutissat
maannakkut siullermeerlugit saqqummiunneqartut. Maannakkut apeqqutit allarpassuit
tikinneqarneranni marlussuit eqqaasitsissutigilaassavakka maanngaanniit.
Aningaasatigut aappagumut pilersaarusiatta maannakkut oqallisigineqarnera
tupinnanngitsumik apeqqutinik allarpassuarnik aamma qaffatitsivoq. Kisianni
apeqqutit taaneqartut pingaartumik partiit oqal-linnerisa aallartinneranni
tunngavissiipput Naalakkersuisut oqalliseqqinnissaannut - aappagu- mut
aningaasartuutit sipaarutissartaqarput. Taanna malugaarput, taannalu
tunngavigalugu ingerlaniassaagut.
Apeqqutit allat maani tikinneqartut
ilaatigut nunaqarfinnut tunngasut. Nunaqarfinnut tunngasut eqqarsaatigalugit
maannakkut qassissa pinerpoq nunaqarfinni aammalu bygdebestyrelsinik
taaneqartartuni aaqqissuussinerit ilaatigut tunngavigalugit. Inatsisartunut
maani saqqummiut-tussaapput kommunit misiliiffigalugit maannakkut ingerlatitsisussat
kommunit ilai aalajanger-simasut taaneqarsimagaluartut maannakkut
tamangajalluinnarmik misiliiffiigneqarnissamminnik noqqaapput - nutaamik
kommuninut aaqqissuussineq aqqutigalugu. Nutaamik bygdebestyrelsit
atulernerisigut ingerlatseriaaseq ullutsinnut naleqqussagaanerusoq
misiliiffigissallugu. Tamakkunatigut maannakkut misiliinerit aamma
aalajangiiffissaavoq inimi maani, tassanilu tunngavigineqartut kommunit
iluarsaqqinneranni aamma uaniippoq nunaqarfiit siunissaannik allanillu
aalajangiinerni inimi maani kisimi aalajangiisoqassanngilaq, nunaqarfimmiut
nammineq aamma kommunertik suleqatigalugu aalajangiinernut peqataasariaqarput
nunaqarfitsik ilumut siunissaqarnersoq. Inatsisartuni kisimi maani taanna
aalajangerneq siunertarineqanngilaq aamma kommunit iluarsaqqinneranni
siunertarineqanngilaq.
Nunaqarfimmi siunissaq eqqartorneqarpat
nunaqarfimmiut namminneq kommunertik peqatigalugu uppernarsartariaqarpaat
takutillutalu ilumut siunissaqartumik tassani oqallittugut. Taakua siunnersortissatta
qaninnersarissavaat. Maannamut amerlaqisutigut nunaqarfiit immaqa qulaaninngaanniit
oqallisigisartakkavut amerlavallaaqaat. Taama misigisimanarsinnaavoq, taamaattumik
nunaqarfimmiut namminneq kommunertik peqatigalugu aammalu kommunit nammineq
aningaasatigut akisussaaffeqarlutik nunaqarfinnik ingerlatsinerat
annertunerusoq maannakkut angusariaqarparput.
Kommunit aamma karsiata kaasarfianut
attuisussaassaaq nunaqarfimminni aamma ingerlatsi-nermigut akisussaaqataanera, taamaattumik tassuunakkut
qitiusumi kisimi sulineq oqassaanga alloriarnermik ilaqartinniarparput. Tassani
nammaqatigiinneq allaanerugaluarpoq inuiaqatigiit kisimik nammatassaattut
isiginagu, kisianni kommunit aamma namminneq nammaqataanissaat tassani
anguniarneqassammat.
Aamma una ataaseq Naalakkersuisut
maannakkut saqqummiussaani assersuutigalugu sumulluunniit tapiissutissat
tamaviisa eqqartorneqaraangata imaluunniit selskabinik nammineq uagut sananiaraangatta maani inimi,
taamaattulioreernikuuvugut aamma, SULISA-kkut takoreerparput qanoq ingerlasut.
Pitsaappata ingerlateqqissapput aamma taassuma saniatigut selskabiliorniarpugut
aamma inuussutissarsiutinut tapiissutini allanillu aaqqissuussiniarpugut aamma
tikissallugu tupinnartuujunnaarpoq maannakkut tapiisarnermi aaqqissuussavut
immaqa silarsuarmi pitsaanerpaajulerput.
Ippasaaninnguaq tikillugu allaat maani
kommunimi tunngasut eqqartorneqarneranni oqaatigineqartarpoq kommunimi
attartorlugit angallammik aquuteralammik pissarsiniarnissamut allaat
itigartitaasoqartartoq kommunini. Kommuni tassani atukkiiumanngimmat. Kisianni
erhversstøttemi aaqqiinerit ippaasaaninnguarluunniit imaluunniit siorna
aalajangerneqarpoq 75% tikillugu tapiiffigineqassasoq inuk
aquuteralattaarniaruni qinnuteqarluni taavalu aningaasarsiorsinnaanerminut
iluaqutissaappat. Taakku inuiaqatigiit maskiinaata iluani neqeroorutit tamarmik
aaqqe-reernikuupput, suli kisianni qaavatigut kommuni aamma attartortitsisutut
aamma qinnuviginiarneqarluni, tamakku inerfeqanngitsutut ilissapput arlaatigut
oqanngikkutta aajuna killissarput. 75% tikillugu neqeroorutigineqarpoq
erniaqanngiaqanngitsumik tapiissuteqartoqassasoq. Savaatilinnut aamma
aallartinniartunut kusanarluinnartumik aaqqiisoqarnikuuvoq. Tamakkuupput
oqallinnermi maani aamma ilanngullugit eqqaasitsissutigilaartariaqartut,
pissutigalugu aappagu oqallisissarput taanna pitillugu allarpaasuarnut
sanguleraangatta, taamaattumik allatut ajornartumik
erseqqissaalartariaqartartugut aamma misigisimanarpoq.
Anders Andreassen, Inatsisartut Siulittaasuat:
Neriuppunga oqaaseqartussat naatsunik ersarissunik oqaaseqassasut. Siullermik Otto Steenholdt taavalu tulliukkumaarpoq Hans Enoksen.
Otto Steenholdt, Atassut:
Tassa
ajunngilaq. Maliinannguamut oqaatigissavara båndi tusarnaarluariarlugu ulluni
tullerni tunniutissagakku, taanna qularissanngilat. Aamma
isumaqartissanngilarma nunaqarfimmiunut taama ajorniartigisunga. Aajuna
assersuutitut taaginnagara taanna oqaatigisat. Ullumikkorpiaq eqqaasassarput
aajuna KNI taamanikkut niuernerpalaartumik ingerlatinniarlugu maani
aalaja-ngertoqarmat IA-armiut qullersaaffigaat. Taakkulu oqaatsit atorlugit imatut: Niuernerpalaartumik ingerlassaagut.
Timmisartoq sunaluunniit ullumikkut aallarsinnaanngilaq imaluunniit ingerlarusaarsinnanngilaq
ilaasoqarpiarani ingerlatiinnarlugu. Naamik unissaaq piaarnerpaamik oqarluni,
taanna ingerlaffigisara akilersinnanngilaq unitsippara. Tassa massakkut aamma
taanna assersuutigalugu oqaatigiinnarpara, nalilertariaqarpoq akilersinnaava?
Akilersinnaanngila?
Inuiaqatigiinni nammatassat
taamaaliorlugit ikilisarneqarsinnaammata. Appelsiinakkut taakkua imannarsuaq
tigusariaqanngillat kisiaani tassannga aallartitsisussap nalilertariaqarpaa
akilersinnaava? Imaluunniit akiitsunik pilersitsilerpa? Inuiaqatigiit
nammassanngippatigit tamakkua mikisunnguilluunniit isigisariaqarput. Tassa
uanga kalaallisut oqaatigilluaannarlugu filosofeera.
Hans Enoksen, Siumut:
Appelsiinat pillugit assortuinianngilanga. Uagut tupiginerusarparput suli illoqarfimmiut yogurtitugasaarullutik radiukkut nilliarpaluleraangata. Unaana Juntaap oqaasia umiatsiaararsortut 75% tikillugu massakkut tapiiffigineqartartut. Aap, ilumoorpoq, taanna iluaqutaaqaaq pingaartumik illoqarfimmiunut. Kisianni nunaqarfimmiut tikikkutsigit tassannga umiatsiarataarsinnaasut qassiuppat, immaqa massakkut killiffipput tikikkutsigu assaalluunniit illuinnaa angummappoq tassunga. Tassani piumasarineqartut tassani sakkukikkaluartut ima aningaasarsiornerat appasitsigivoq allaat taakkununnga inuuttoortaqattaarlutik, taava alla periarfissarinngilaat kommunimut saaffiginnissallutik - kommunimullu saaffiginnikkaluarpata atortissarinngilavut peqqussutit malillugit taamaaliorsinnaatitaannginnatta. Taakkuinnaanngillat illoqarniarnermut tunngasut tikikkutsigit siornatigut kommunit aallarniusiisarsimapput, kisianni massakkut taamaaliorsinnaatitaanngillat, aamma taakku tassani nalilersuinissami eqqarsaatigineqartariaqarput.
Imminut akilersinnaanerungaarpoq illumut aallarniutissaannik atukkerutsigit taamaaliunngikkutta inuiaqatigiinnut akisunerujussuussammat, tassami illu nunaqarfinni massakkut sanatinniarutsigut 1,2 - 1,3 mio.-nit missaani akeqartussaavoq . Akilersinnaanerungaarpoq inuk 20.tuusintinik atukkerutsigu inuiaqatigiinnut, taakkua oqallinnissami isumassarsiat tunniukkusuppakka ilissinnut.
Anders Andreassen, Inatsisartut Siulittaasuat:
Taamaalilluta ullumikkut oqaluuserisassat 11-ata siullermeerneqarnera tamaannga killeqarpoq, sivisunaaleraluarlugu. Aappassaaneerneqartinnanilu Aningaasaqarnermut Ataatsimiititaliami suliarineqarallassaaq. Ullumikkut oqaaserineqartorpaassut ilanngullugit. Tamatumalu kingorna aappassaaneerneqarumaarpoq.
Oqaluuserisaq naammassivoq.