Kalaallit Nunaanni Inatsisartut

Oqaluuserisassani immokkoortoq 32-1-2-3

Ataatsimiinnerit ] Tilbage ] Op ] Nĉste ]

Siullermeerneqarnera Aappassaanneerneqarnera Pingajussaaneerneqarnera

Marlunngorneq 1.oktober 1997 nal.14.55

 

Oqaluuserisassani immikkoortoq 32.

 

Isumaginninnermi siunnersortissanik ilinniartitsineq pillugu Inatsisartut peqqussutaata allanngortinneqarnera pillugu Inatsisartut peqqussutissaannut siunnersuut.

(Kultureqarnermut, Ilinniartitaanermut Ilageeqarnermullu Naalakkersuisoq)

Siullerm. aappassaann. pingajussaanneerneqarneralu.

 

 

 

Ataatsimiinnermik aqutsisoq: Inatsisartut Siulittaasuat Anders Andreassen.

 

Konrad Steenholdt, Kultureqarnermut, Ilinniartitaanermut, Ilaageeqarnermullu Naalakkersui­soq:

Isumaginninnermi siunnersortissanik ilinniartitsineq pillugu inatsisartut peqqussutaata allanngor­tinneqarneranik Inatsisartut peqqussutissaannut siunner­suut. Inatsisartut peqqussutaata siunner­suut Naalakkersuisut sinnerlugit taanna matumuuna saqqummiutissavara.

 

Isumaginninnermi siunnersortissanik ilinniartitsineq pillugu Inatsisartut peqqussitissaannut siunnersuut, inatsisartut 1996-mi ukiakkut ataatsimiin­neranni oqaluuserineqarpoq, naalakker-suisullu saqqummiussaattut iluseqar­tinneqarluni akuerineqarluni. Tamatuma kingorna Naalak­kersuisut ajuusaaru­tigalugu paasisimavaat, peqqussutip kalaallisut oqaasertalersorneqarnera kukkuneqartoq, tassani peqqussummi ' 28-mi immikkoortoq 2 amigaataammat. Aalajangersak­kap taassuma Naalakkersuisut isumaginninnermi siunnersortit ilinniagaqanngitsut isumaginnin­nermi siunnersortit suliassaannik suliaqar­tinneqartut, ilinniakkaminnik ingerlatseqqinnissaannut ilinniarteqqinneqar­nissaannullu malittarisassanik aalajangersaanissaannik inatsisitigut tunnga-vissiuuttussaavai.

 


Naalakkersuisut erseqqilluinnartumik siunertarisimavaat ' 28-mi immikkoortup 2-p ilaatinneqar­nissaa, taamaalillunilumi aalajangersakkamut oqaaseqaatit kalaallisuut aamma suliarineqarsi­mapput. Taamaattumik kukkunerup taassuma aaqqinneqarnissaa siunertaralugu peqqussutip allanngortinneqarnissaanik siunnersuut matumuuna saqqummiunneqarpoq. Taamaalilluni ' 28-mut immikkoor­toq 2 isumaginninnermi siunnersortit ilinniagaqarsimanngitsut siunnersortit suliassaannik suliaqartinneqartut ilinniartinneqarnissaannut ilinniarteq­qinneqarnissaannullu malittarisassanik aalajangersaanissamut Naalakkersui­sunut inatsisitigut tunngavissiisoq ilan-ngunneqarsinnaaqqullugu. Tamatuma kingorna peqqussutip qallunaatuua kalaallisuualu assi-giilissapput. Inatsi­sartut peqqussutaa novemberip aallaqqaataani ukiormanna 1997-mi a­tortuuler­sinneqassasoq siunnersuutigineqarpoq. Allannguutissanut siunner­suut oqaaseqaataalu innersuuti­galugit siunnersuut inatsisartuni akuersaar­tumik oqaluuserineqarnissaanut matumuuna tunniup­para.

 

Laannguaq Lynge, Siumup oqaaseqartua:

Inatsisartut ukiakkut 1996-mi ataatsimiinneranni oqaluuserisassani immikko­ortuni 39-mi peqqussut pineqarpoq oqaluuserineqarmat Siumut-miit ' 28-mi immikkoortut aappaat ilanngul­lugu akuerseqataaffigisimavarput. Tassani siorna peqqussutissappat ' 28-iannut atatillugu immikkoortumut tassunga oqaaseqaataasut innersuussutigissavagut.

 

Ajuusaarutigaarput paasinarsimmat peqqussutip kalaallisuuata allanneqar­nerani immikkoortoq taanna ilanngutinngitsoorneqarsimammat. Tamaattumik inassutigissavarput siunissami inatsisis­sat peqqussutissallumi inuiaqati­giinnut ingerlateqqinneqartinnagit sukumiisumik kukkunersioq­qaartarnissaat.

 

Taama oqaaseqarluta peqqussummi ' 28-ip immikkoortuata aappaata siunnersuu­tigineqartutut oqaasertaqarluni ilanngunneqarnissaa siullermeerneqarnerani aappassaaneerneqarneranilu pingajussaaneerneqarneranilu akuersaarparput.

 

Naimangitsoq Petersen, Atassutip oqaaseqartua:

Atassut-miit ajuusaarutigaarput peqqussummi Inatsisartuni aalajangiiffigi­simasatsinni kalaalli­suuani kukkussuteqartoqarsimanera takkuitsoorsimagat­sigu.

 

Kultureqarnermut, Ilinniartitaanermut Ilageeqarnermullu Naalakkersuisup peq­qussutissap oqaasertaata assigiilersinniarlugit saqqummiussaanut matumuuna Atassut-miit isumaqataaner-put oqaatigissavarput. Isumaginninnermut siunner­sortissanik ilinniartitsineq pillugu inatsisartut peqqussutaani nr. 10-mi 31.oktober 1996-meersumi ' 28 peqqussutissap oqaa­sertai taamaa­lil­luni aq­qinneqartussanngormata.

 

Pingaartumik ullumikkut nunatsinni isumaginninnermi siunnersortinik suliso­qarniarnik­kut ajornartorsiuteqarpugut suliat inunnut ataasiakkaanut attuu­massuteqartarnerat misigissutsikkut attuisarmata. Taamaattumik isumaginnin­nikkut sulisorisat pikkorissartuarnissaat pinngit­soorne­qarsinnaanngilaq, pingaartumik nunaqarfinni isumaginninnikkut suli­sorisat tamatumani eqqar­saatigalugit.

 

Taamatut naatsumik oqaaseqarluta peqqussutissap oqaasertaata iluarsiissu­tissaattut siunnersuuti­gineqartoq Atassut-miit tamakkiisumik tapersersor­parput.

 


Johan Lund Olsen, Inuit Ataqatigiit oqaaseqartuat:

Isumaginninnermi siunnersortinngorniat ilinniartitaanerat pillugu peqqussut ilisimaneqareersu­tuut 1996-mi ukiakkut ataatsimiinnitsinni akuersissuti­gereersimavarput. Ajuusaarnartumilli takuneqarsinnaasutuut ' 28 eqqarsaati­galugu akuersissutigi­vinneqarneratut aalajangersagaq isikkoqarunnaarluni naammassineqarsimavoq. Kalaallisoortaani ' 28 immikkoortoq 2, soor­lu oqaatigineqareersutuut peqqussutip naqititerneqarnerani ilanngutinngit­soorneqarsimammat. Tamanna matumani aaqqiivigineqassammat Inuit Ataqatigiit soorunami peqataaffigissavarput, taasinissatsinnilu aamma taaseqataassallu­ta.

 

Taamatulli oqaaseqareerluta eqqaamaqqussavarput inatsisartut akuersissuti­geriigaat Naalakker­suisut timitalersortussaammatigit, taamaattumillu taama suliaqarnissaminnik naalakkersuisoqar­fikkaartumik inatsisilerituunik ikigi­sassaanngitsunik ikiorteqartinneqareermata. Taamaattumik matumani pisartu­tut ittut pinngitsoorsimatinniassallugit naalakkersuisoqarfiit eqqumaniaq­qullugit oqaaqqissaarfigalugillu kajumissaassagutsigit pissusissamisoor­luinnarpoq.

 

Kukkuluttornerit pitillugit periarfissaq iluatsillugu aamma tikkuassavarput Naalakkersuisunut ilaasortat akisussaatinneqarsinnaasarnerat pillugu 1993-mi inatsisiliarisimasarput qulequtaqartin­neqarnermigut suli maannamut aaq­qiivigineqarsimanngimmat. Tassami siunertarineqanngitsu­mik inatsisartuni ilaasortat akisussaatinneqartariaqarnerat kukkuluttornikkut qulequtsiunne­qarsimammat. Tamanna soorunalumi aamma aaqqinneqartariaqarpoq. Tassa ukua pivakka. Aajuna kalaallisuuani allaqqavoq, tassa saqqaani. Inatsisartut inatsisaat nr. 6 13.maj 1993-meersoq, inatsisartuni ilaasortat akisussaa­nerat. Taavalu qallunaatuuani allaqqavoq, Landstings­lov nr.6 af 13.maj 1993 Landsstyremedlemmers ansvarlighed. Taamaattumik soorunami aamma taanna aaq­qinne­qaqqullugu maanna eqqaasitsissutigissavarput.

 

Taamatullu anersaaruluuteqareerluta matumani naak immaqa eqqortumik sullis­sisoqartaraluarpat tamakku pinngitsoorneqarsinnaagaluartut, uanilu eqqartu­garput iluarsineqarniarmat Inuit Ataqatigiit tassa akuersaartumik aappas­saaneerinermi aammalu pingajussaaneerinermi taaseqa­taaffigissavagut.

 

Bjarne Kreutzmann, Akulliit Partiiat:

Naluneqanngitsutut isumaginninnermi siunnersortissanik ilinniartitsineq pillugu inatsisartut peqqussutaat 1996-mi ukiakkut oqaluuseraarput.

 

Inatsisartut peqqussutaanni pineqartumi iluarsiissutissatut siunnersuuummi tunngatillugu Akulliit Partiiata paasivaa peqqussutip kalaallisoortaani kukkuneqartoq, tassa peqqussutip ' 28-ni immikkoortoq 2 mininneqarsimammat.

 


Kukkussutip taassuma iluarsineqarnissaa isumaqatigaara soorunami, taamaa­lilluni peqqussutip qallunaatoortaa kalaallisoortaalu assigiimmik oqaaser­taqalerniassammata.

 

1997-mi november-ip aallaqqaataanniik atuutilernissaa aamma isumaqarfigaara pissusissamiso­ortoq.

 

Taamatut oqaaseqarfigereerlugu oqaaseqaatima avataatigut ilassutigilaassa­vara imaattoq tassa inatsisartut aalajangersakkatta eqqortumik allakkatigut inissinneqartarnissaat pisariaqarluinnar­mat aammalu tamanna naatsorsuuti­gilluinnaqqissaartariaqarparput taamaattassasoq. Tamannalu inatsisiliamut tunngassuteqartut eqqortumik suliassaraat.

 

Anthon Frederiksen, Kattusseqatigiit:

Inatsisartuni ilaatigut suliassat tuaviupilulluni nukingiinnarsu­aq suliari­neqartarnerisa ersiutaasa ilagaat kukkunerit akueriuminaatsut allatullu ajornartumik soorunami aamma piffissamik atueqqinnikkut iluarsineqartaria­qartartut.

 

Siullermiilinngilagut inatsimmik peqqussummilluunniit inatsisartut nammine­erluta kukkussuti-gisimasatsinnik aaqqiiniartarluta matumanilu uppernarsar­neqaannarportaaq ilaatigut qanoq qarsupitsigisumik inatsisartut aamma suli­sinnaanerat.

 

Pinngitsoorusunngilangalu inatsisartuni avoqqaarlissallunga pingaartumik Atassutip Siumullu gruppe-annut imaanngitsoq taakkua kisiisa pisuutinni­arakkit. Taakkua tassa A-kut S-ilu inuppas­suupput suliassallu qularnanngit­sumik akunnerminni agguataartarpaat. Taamaalillutillu uanniit kisimiittu­miit allaniillu ikinnerusuniit piffissaqarnerungaarlutik sulisin­naallutik. Immaqalu aperisoqarsinnaavoq, taakkuami inuppassuit taama amer­latigisut sulerisaramik? Taama qarsupit­sigisoqarsinnaava?

 

Kukkuneq matumani pineqar­toq peqqussutip siullermeerneqarnerani 7.oktober 1996-mi suliarine­qarmat nalinginnaasumik oqaaseqaatini ersarissumik ' 28 immikkoortoq 2 nas­suiaa­sersorneqarsimavoq, kisiannili peqqussummut ilann­gunneqarsimanani. Taamaat­tumik ' 28 immikkoortoq 2 taamanikkulli tunngavia­tigut akuersissu­taareera­luartup inatsisartunili sinikataar­nermik pissute­qarluni maanna aat­saat i­vertinneqartussap akuerseeqataaffigeqqinnissaa pi­areer-simaffigivara.

 

Taamatut sulineq kanngunaqaaq, atuisunullu ajuusaarnarluni. Taamaattumik suliat peqqissaa-rullugit piffissaqarfiginerullugillu suliarineqartarnissaat pingaaruteqarpoq.

 

Konrad Steenholdt, Kultureqarnermut Ilinniartitaanermut Ilaageqqarnermullu Naalakkersuisoq:


Tassa imaappoq siullermik suliarineqarami suna tamarmi ajunngilaq pissusis­samisullu aamma ingerlanneqarsimavoq, kisiannili inatsisitut ilusilivillugu atuaqqissaarnerani taanna immikkoor­tunnguaq oqallinnermi tunngaviusimasoq nakkartoorsimavoq, immaqami eqqarsartoqarsinnaaga­luarpoq, soormi qallunaa­tuua ajunngippat allattoqarfitsinninngaannit kalaallisuua aaqqilaaginnarut­sigu. Kisianni inatsisiliorneq inatsisartut suliassaraat, pinngitsooratalu taamalil­luta qaqeqqittariaqarparput akuersitillugit taassuma ilanngunneqar­nissaa. Inatsisiliornermi sulineq taamaattussaavoq taannalu ataqqineqar­tariaqarpoq. Soorunami ajuusaartorujussuuvugut taamatut pisoqarsimaneranut.

 

Kisiannilu oqaaseqartutigut tamatigut paasivara, soorunami aamma suliatsin­ni annilaangatigis­sanngilarput kukkussutitsinnik aaqqiissuteqarniarluta saqqummiisariaqartassagatta, unalu taamaappoq.

 

Oqaatsit ilaat sakkortuut uani aninneqarput, soorlu ilaatigut Kattusseqati­giit oqaaseqartuat. Ilaatigut oqariartaaseqarpugut, pingasut amerlaval­laaraangamik aamma igaat mamarunnaartartut. Immaqa aamma uani kukkunersiui­sut amerlavallaarneri pissutigalugit taamatut pisoqarsimavoq. So­orunami neriorsuutigissavarput sapinngisannguatsinnik siunissami inatsisi­liornermi suliarine­qarsimasut, inerlugillu akuersissutigineqarsimasut sa­pinngisamik kukkuneqanngitsumik naqiter­neqarnissaat isumagissagatsigu.

 

Ajuusaarpugut, kisianni sapinngisannguarput tamaat siunissami kukkuluttor­toqannginnissaa pinngitsoortinniassavarput. Taamaattumik oqaaseqartut taa­matut allangortitsinissamik akuersaar­nerat qujassutigaara. Uanilu tassa pine­qartoq oqallisigereersimasarput tassaavoq sooraarum-meeruteqarlutik su­lisuunngikkaluartut kisianni suliassat assigisaannik ingerlataqartut pik­korissar­tarnissaannik paragraf-ip immikkoortua ammaassisoq. Taanna kalaal­lisuaani inatsisiliami nakkaattoorsimavoq. Taanna massakkut aaqqipparput. Taannalu tunngavigalugu suliaq ingerla­teqqissavarput.

 

Otto Steenholdt, Atassut:

Siulittaasumut akuereqqugaluarpunga utoqqaanersatut imaluunniit sivisuner­paamik ilaasortaasi­masutut ammaatinneqartarnera attavigalugu aammalu Lands­ting-ip siulersuuneqarfianut ilaasor­tatuut.

 


Oqaatsit kattusseqatigiit tungaanninngaanniit aninneqartut akuersaarumi­naatsikkaakkit. Oqaatsit ukua isumaqarlunga sakkortuallaamik tunniunneqar­tut. Tassa oqartoq immaqalu aperiumasoqar­sinnaavoq inuppassuarniit ima a­merla­tigisut sulerisaramik taama qarsupittoqarsinnaava? Ilanngullugulu is­suaqqillara, Inatsisartuni sinikataarneq pissutigalugu maanna aatsaat iver­tinneqartussaq akuersaarfigissavara. Taavalu aamma taamatut suliniarneq kanngunarpoq, inatsisartunut ataatsimoortunut oqaatigissamaarlugit taakkua eqqortuunngitsut. Uanga maan-ngaanniit qularutiginngilara illerneqassallunga oqaruma, suliagut maani amerlaqaat eqqortumik suliaasut. Kukkuallanneq mar­luusimappataluunniit taakkua naqissusiisariaqanngillat Inatsisartut imatut oqaatigissallugit sinikataarlutik suliniarsimasut. Taanna inuiaqatigiinnut suliniartuusugut isumaqarpunga aqqutigisariaqanngikkipput, kukkunerli utoq­qatsissutigaarput. Taamannak sakkortutigisumik inatsisartut pineqarnerat isumaqarpunga siulittaasut akuersineratigut utertit­tariaqartoq.

 

Pingajussaaneerneqarnerani akuersisut: 27

 

Oqaluuserisaq naammassivoq.