Oqaluuserisassani immokkoortoq 47-1 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Marlunngorneq 14. oktober 1997 nal. 17.20
Ataatsimiinnermik aqutsisoq: Siulittaasoqarfimmi ilaasortaq Hans Enoksen.
Daniel Skifte, Aningaasaqarnermut Ineqarnermullu Naalakkersuisoq:
Naalakkersuisut sinnerlugit matumuuna saqqummiutissavara nioqqutissanik eqqussuinermi akitsuutit pillugit Inatsisartut inatsisaata allanngortinneqarneranik Inatsisartut inatsisissaannut siunnersuut.
Saqqummiussineq naatsunnguanngussavara, tassa inatsisissatut siunnersuutip nioqqutissanik eqqussuineq annissuinerlu pillugit Inatsisartut inatsisaata allanngortinneqarnissaanik siunnersuummut tunngaviusut siunertaalu assigalugit kikkut arsaarinnittussaanerannut tunngassuteqarmat. Taamaattumik pissutissaqanngilanga aatsaaginnaq oqaatigisama uteqqinnissaannut, taamaattumillu oqaluuserisassani immikkoortup siuliani, UKA 1997/46‑mi, saqqummiussinera tunngavigiinnassavara.
Inatsisip allanngortinneqarnissaanut siunnersuummi matumani ilanngullugu siunnersuutigineqarpoq Kalaallit Nunaannut nuunnermut atatillugu oqaluttartut nuutaannut, videobDndinut, videospilinut il.il. akitsuusiinnginnissamik aalajangersagaq atorunnaarsinneqassasoq. Aalajangersakkap atorunnaarsinneqarnissaa siunnersuutigineqarpoq imarisamigut pingaaruteqarunnaarmat, tassa nioqqutissat tamakku akitsuusersorneqarunnaareermata.
Taamatut oqaaseqarlunga Naalakkersuisut sinnerlugit nioqqutissanik eqqussuinermi akitsuutit pillugit Inatsisartut inatsisaata allanngortinneqarneranik Inatsisartut inatsisissaannut siunnersuut Inatsisartunut oqaluuserisassanngortippara aammalu akileraartarnermut ataatsimiititaliami oqaluuserineqareerpat aappassaaniigassanngortinneqassasoq innersuussutigalugu.
Laannguaq Lynge, Siumup oqaaseqartua:
Inatsimmi allanguutissatut siunnersuutigineqartut oqaluuserisami siuliani pineqartutut, unioqqutitsisoqartillugu kikkut arsaarinninnissaamut piginnaatitaanerannik erseqqisaataasussamik imaqartoq, tamakkiisumik Siumumiit taperserparput.
Aammattaaq '3, imm. 1. pkt. 5‑imi aalajangersakkap peerneqarnissaanik siunersuutaasoq, tamatuminnga ilanngullugu akuersaarparput.
Taamatut oqaaseqarluta Siumumiit inatsisissap aappassaaneerneqartigani, Akileraartarnermut Ataatsimiititaliami oqaluserineqarnissaa innersuutigaarput.
Knud Sĝrensen, Atassutip oqaaseqartua:
Atassummiit allannguutissatut siunnersuut isumaqatigaarput, kiisalu piareernissaata tungaanut suleqataaffigissallugu.
Manasse Berthelsen, Inuit Ataqatigiit oqaaseqartuat:
Uumap oqaluuserisap siuliani eqqartukkatsinnut assingummat oqaluuserisassami immikkoortu?mi 46‑mi oqaaserisavut innersuussutigissavavut.
Nunatsinni nuunnermi nuuteeqqat assigisaallu, uani inatsimmi ilaasimagaluartut, peerneqarnis?saat pissusissamisoortutut Inuit Ataqatigiinniit isigalugit inatsimmi allanngortitsineq iluatsillu?gu., siornalimi peerneqareersimasussaagaluarmata.
Taamatut oqaaseqarluta uuma suliap Akileraartarnermut Ataatsimiititaliami aappassaaneerne?qannginnermini ingerlateqqinneqarnissaa innersuussutigissavarput.
Bjarne Kreutzmann, Akulliit Partiiat:
Siuliani oqaluuserisatsinnut Akulliit
Partiia sinnerlugu oqaaserisimasakka innersuussutigalugit, oqaluuserisap
ingerlaqqinnissaa akuersaarpara.
Anthon Frederiksen, Kattuseqatigiit:
Kattuseqatigiit sinnerlugit suliami siuliani oqaaseqaatikka innersuussutigalugit, annersumillu oqaaseqarnanga siunnersuut akueraara.
Daniel Skifte, Aningaasaqarnermut Ineqarnermullu Naalakkersuisoq:
Siullermik Naalakkersuisut sinnerlugit partiit tamarmik Kattusseqatigiillu taamatut ajunngitsumik siunnersuummut isumaqataanerat qujassutigissavara.
Inatsisartut ataqqinartuuneri pissutigalugit isumaqarpunga ima oqartariaqarlunga: Kalaallit Nunaanni Inatsisartut oqaloriaasiat, Tuluillu Nunaanni Inatsisartut oqaloriaasiat takusinnaavara assigingajalluinnaleraluartut, illartorsuanngoraluarattami. Kisianni qujanaqaaq radiokkut aallakaatinneqanngimmat.
Naatsorsuutigaara taama isumaqatigiittoqartigimmat Akileraartarnermut Ataatsimiititaliami suliarineqareeruni aappassaaneerneqarumaartoq.
Anders Andreassen, Inatsisartut Siulittaasuat:
Taamaalilluni oqaluuserisassaq immikoortoq 47‑p siullermeerneqarluni oqaluuserineqarnera naammassineqarpoq, aappassaaneerneqannginnerminilu Akileraartarnermut Ataatsimiititaliami suliarineqareeruni aappassaaneerneqarumaarluni.
Taamaalillutalu ullumikkut oqaluuserisassat tamakkerpavut. Taavalu aqagumut oqaluuserisassat pillugit oqaatigissavara, immikkoortut 23 aamma 24 ataatsimiititalimiit isumaliutissiissutit aatsaat oktoberip 13‑iani, tassa ippassaq, agguaanneqarsimammata. Akissuteqaallu ullumi, oktoberip 14‑iani tunniunneqassalluni.
Siulittaasoqarfiup inassutigissavaa Inatsisartut immikkoortoq 23 aamma 24 aqagu, oktoberip 15‑iani oqaluuserissagaat.
Akerliusoqarnerluni, naagga, akuerineqarpoq.
Kiisalu Inatsisartuni ilaasortap Otto Steenholdt‑ip qinnutigaa immikkoortoq 42 kingusinnerusukkut oqaluuserisassanngortillugu kissatigalugu. Tassalu Naalakkersuisut kalaallit ilinniagartuut periarfissaat oqaaseqarfigissanngikkaat, kisianni aamma kalaallit allat ilinniagaqarsimasut ilanngullugit oqaaseqaateqartariaqartut.
Taavalu aamma Avatangiisinut Naalakkersuisoqarfiup kiisalu Kultureqarnermut, Ilinniartitaanermut Ilageeqarnermullu Naalakkersuisoqarfiup Ruth Heilmann‑imut Otto Steenholdt‑imullu akissuteqaatissat suli naammassisimanngilaat.
Inuussutissarsiornermut Naalakkersuisoqarfiup qinnutigaa Inatsisartuni ilaasortamut Manasse Berthelsen‑imut akissuteqaatissaq kinguartinneqaqqullugu. Akissuteqaat ullumikkut piviusunik imaqarsinnaaqqullugu.
Inassutigissavara tamakku akuersissutigineqassasut, taamaalilluta apeqquteqaatit taaneqartut oktoberip 15‑iani saqqummiunneqartussaagaluit tulliani pingasunngorpat saqqummiuneqarsinnaassammata. Akerliusoqanngimmallu taamaaliussaagut.
Taavalu aamma immikkoortoq 31pillugu, tassa oqaatsinik pikkorissarfik pillugu Inarsisartut inatsisissaattut siunnersuut aqagu oktoberip 15‑iani oqaluuserineqartussaagaluaq isumaliutissiissutaa, oktoberip qulingani agguaanneqarpoq. Naalakkersuisoqarfiulli oktoberip 15‑iani aappassaaneerneqarnissaanut akissuteqaat naammassisinnaasimanngilaa. Inassutigineqassaarlu suliassaq oktoberip 21‑ani oqaluuserineqassasoq. Ulloq taana suliassaq pingajussaaniigassaagaluarpoq, ullorli taana suliassaq aappassaaneerlugu oqaluuserineqassasoq siunnersuutaavoq. Akerliusoqarnerluni. Aamma taama isikkoqanngilaq.
Ullumikkullu ataatsimiinneq tamaanga killeqarpoq.