Oqaluuserisassani immikkoortoq 07-1 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Marlunngorneq 6. maj 1997 nal. 15.35
Ataatsimiinnermik aqutsisoq: Inatsisartut Siulittaasuat Jonathan
Motzfeldt.
Kristine Raahauge, siunnersuuteqartoq, Siumut:
Peqqussutissami ilassusiiniarninnut makkua
pissutiginiarpakka tunngaviginiarlugit:
-Nanortalimmi aamma Alluitsup Paa-ni Royal
Greenland-ip suliffissuinut Nanortallip kommunia ukiut kingulliit ingerlanerani
tunisassiassanik piorsaanermut aningaasarpassuit tapiissutigisarsimavai.
Piffissap ingerlanerani kommunip tungaaniit paasiniartuarsimagaluarparput
tunisassianik taamatut misileraalluni pisiortorneq qaqugu imminut
akilersinnaalissanersoq. Kisianni tamanna ajornarsimavoq, kialuunniit
ilisimanngilaa kommuni ukiut marluk imaluunniit ukiut 30-it ukiumut
akileraarutit 2 %-iinik tapiissuteqartuassanersoq.
Kommunip ajornartorsiutaasa ilagaat
1996-imi ukiorlu manna Kommunip tapiissutai ikiliartoratik
amerliartorusaarsimammata. Taamaalilluta 1996-ip naanerani 2,4 mio.kr.-nit
missaannik tapiissuteqarsimavugut, naak 1995-imi 1,5 mio.kr.-nit
missaannaanniissimangaluartut. 1997-imilu Alluitsup Paa-ni suliffissuarmuinnaq
2.353.500,00 kr.-nit akiliissutaasimapput.
Suliffissanik pilersitseqataanissamut
ilorraap tungaanut ingerlatseqataanissaq ajorinngikkaluarparput, kisiannili
Kommunit tapiissuteqarneranut piffissamik aalajangersimasumik aalajangiisoqartariaqartoq
isumaqarfigaarput.
Assersuutigalungu ukiuni pingasuni
pisinnaasoq Royal Greenland-ip aningaasalersorneqarneranut naassaanngitsumik
peqataajuarsinnaanngilagut, tamatumunngalu peqatigitillugu suliffeqarfissuaq
taanna nunarsuup ilaani allani suliffinnik pilersitsiortortoq
tapiissuteqanngitsunik.
Nalunngilara ajornartorsiut taanna
Nanortallup Kommuneata kisimi ajornartorsiutiginngikkaa. Tassami pingaartumik
Royal Greenland eqqarsaatigalugu akissarsiatigut tapiissuteqartarnermik
aaqqissuussineq aamma Kommuneni allani ajornartorsiutaammat.
Tamakkua tunngavigalugit Inatsisartut
peqqussutaanni Kap. 4-mi akissarsiatigut tapiissutit allanngortinneqarnissaat
siunnersuutiginiarpara.
Ukualu '19-mut ilanngunneqarnissaat kissaatigalugit.
Immikkoortunngorlugu imm.2-tut:
AImm.2, suliffeqarfinnut
ingerlatseqatigiiffinnullu piffissaq tapiissuteqarfiusoq sivisunerpaamik ukiut
tallimat tikillugit sivisussuseqarsinnaavoq. Piffissap taassuma ingerlanerani akissarsiat
2-t tapiissutit
ikiliartuaartinneqassallutik@.
Benedikte Thorsteinsson, Isumaginninnermut
Suliffeqarnermullu Naalakkersuisoq:
Suliffissaaleqisunik sulisitsisarneq
pillugu Inatsisartut peqqussutaata nr. 9 ulloq 3. nov. 1994-imeersup allanngortinneqarnissaa
siunnersuutigineqarpoq.
Siunnersuut malillugu
suliffeqarfinnut aktie-teqarlunilu ingerlatseqatigiiffinnut piffissaq tapiissuteqarfiusartoq
sivisunerpaamik ukiuni tallimani sivisussuseqartussanngorlugu, akissarsianullu
tapiissutit piffissap pineqartup ingerlanerani
ikiliartuaartinneqartartunngortillugit peqqussut allanngortinneqassasoq
siunnersuutigineqarpoq.
Siunnersuummut
tunngavilersuutigineqarpoq taamatut suliffissaaleqinermik akiuiniarnermut
Kommunit aningaasartuutaat ukiuni kingullerni qaffakkiartuinnarsimammata.
Siunnersuummut saqqummiunneqartumut Naalakkersuisut makkuninnga
oqaaseqaateqassapput.
Suliffissaaleqisunik
sulisitsiniarneq pillugu Inatsisartut peqqussutaat malillugu Kommune
periarfissaqarpoq suliffissaaleqisut namminersortuni aamma pisortat suliffiini
suliffeqarfiutaannilu sulilernissaannut akissarsianut
tapiissuteqarnissaminnut. Sulisunut ataasiakkaanut piffissaq
tapiissuteqarfiusinnaasoq qaammatit 12-sinnaapput, tamatumalu kingorna
piffissamut nutaamut tapiissuteqaqqittoqarsinnaalluni.
Namminersortut pisortallu
suliffeqarfiutaat eqqarsaatigalugit akissarsianut tapiissuteqartarnikkut
siunertarineqarpoq suliffeqarfiit ingerlatsinermi aningaasatigut aqutseriaaseq
niuernermik aallaavilik tunngavigalugu imminut akilersinnaanngitsut kisiannili
Kommunenit Namminersornerlutillu Oqartussanit suliffissaqartitsiniarnermit
isigalugu pitsaasutut nalilerneqartut isumannaarniarneqarnissaat.
Namminersortut pisortallu
suliffeqarfiutaat soorlu Royal Greenland A/S taamaaliornermikkut Kommunenut
Namminersornerullutillu Oqartussanut isumaqatigiissuteqartarput
akilerneqarlutik inuiaqatigiit suliassaataannik isumaginninnissamut.
Naalakkersuisut tunngaviusumik
isumaqarput pisortat namminersortullu suliffeqarfiutaat sapinngisamik
ingerlatsinermi aningaasatigut aqutseriaaseq niuernermik aallaavilik tunngavigalugit
ingerlanniarneqartariaqartut pisortanik akissarsianut tapiissutit
tunngaviginagit.
Taamaattumik siunnersuut
suliffissaqartitsiniarluni iliuusaasartut eqqarsaatigalugit suliassaqarfiup
tamarmi iluarsaateqqinneqarnerani immikkoortutut ilanngunneqarumaarpoq.
Iluarsaasseqqinnerup taassuma
siunertaraa suliffissaaleqinermik akiuiarneq tamaat eqqarsaatigalugu
ataatsimoortumik sivisuumillu atasussamik aaqqiissuteqarnissaq.
Naggasiutigalugu Royal Greenland
A/S-ip naleqqussarneqarnera pillugu nassuiaammi tunisassiorsinnaassutsip
iluarsiivigineqartarneratigut suliffissaqartitsiniarnikkut
aningaasaqarniarnikkullu kingunerisassat sukumiinerusumik sammineqarnerat
innersuussutigissavara.
Taamatuttaaq isumaginninnermik
iluarsaaqqinnissamut ataatsimiitsitaliarsuup isumaliutissiissutaa
innersuussutigissavara, tassani suliffisaaleqisunik sulilersitsiniarneq
pingaarnerit ilaattut sammineqarmat.
Mikael
Petersen, Siumup oqaaseqartua:
Sulilersitsisarneq pillugu Inatsisartut
peqqussutaata nr. 9 ulloq 3. nov. 1994-imeersup allanngortinneqarnissaanik
Kristine Raahauge-ip siunnersuutaa Siumumiit imaattumik oqaaseqarfigissavarput.
Akissarsiatigut tapiissuteqartitsilluni
sulisitsisarnerit pillugit ersarinnerusumik aaqqissuussisoqarnissaanik
siunnersuuteqartup anguniagaqarnera Siumumiit isumaqatigaarput. Minnerunngitsumik
siunnersuummi piumasarineqarmat taamatut akissarsiatigut
tapiissuteqartitsilluni sulisitsisarnerit ukiuni aalajangersimasuni, soorlu
ukiuni tallimani atuuttussanngorlugit isumaqatigiis-susiortoqartarnissaanik.
Imaattariaqanngilarmi
akissarsiaqartitsinernut pisortaniit suliffeqarfinnut tapiissutaasartut
sulif-feqarfinniit isumalluutaajuartussanngorlugit ingerlanneqartuassasut.
Suliarineqartulli tunisassiarineqartullu imminnut
akilersinnaasunngoriartortillugit imaluunniit akilersinnaasunngoriar-torneri
ilutigalungit tapiissutaasartut ikiliartuaartinneqartarnissaat
piivinneqavittarnissaalluun- niit pisariaqarluni.
Nalunngilarput suliffissuarni taamatut
akissarsiatigut tapiissuteqartitsilluni sulisitsinerit Royal Greenland-ip,
Kommunit Namminersornerullutillu Oqartussat isumaqatigiissuteqarlutik ingerlatsinerat
arlalitsigut Kommunenit ippigineqarluni oqaaseqarfigineqartartoq.
Minnerunngitsumik taamannak killeqanngiusartumik Kommunit
aningaasalersueqataanissamik piumaffigineqarnerat eqqarsaatigalugu.
Taamatut oqaaseqarluta Naalakkersuisut
qinnuigissavagut siunnersuummi siunertarineqartut piviusunngortinneqarnissaat
piaartumik sulissutigequllugu, taamatullu oqaaseqarluta siunnersuutip
ingerlateqqinneqarnissaa inassutigaarput.
Finn Karlsen, Atassutip oqaaseqartua:
Inatsisartunut ilaasortaq Kristine
Raahauge siunnersuuteqarpoq Inatsisartut peqqussutaata nr. 9 3. nov. 1994-imeersup
allanngortinneqarnissaanik.
Kristine Raahauge-p siunnersuuteqarnermini
ilaatigut tunngavilersuutigaa suliffeqarfissuup Royal Greenland-ip nunani
allani suliffeqarfissuarnik pilersitsiortortarnera tappavanimiunit
tapiissuteqaataanngitsunik aammalu Nanortallup Kommuneata
ajornartorsiutigilersimammagu aningaasanik annertusiartuinnartunik
tapiissuteqartarnini.
Tunngavilersuutinut tunngatillugu
Atassummiit oqaatigissavarput Royal Greenland nunani allani suliffissuarnik
imminut akilersinnaasuinnarnik aallartitsisartoq qularutiginnginnatsigu.
Ilaatigut aningaasatigut tamatuma kingunerisinnaasarpaa nunatsinni suliffissuit
imminnut akilersinnaan-ngikkaluit Kommunit peqatigalugit
suliffissaqartitsisinnaalersarnerat.
Assersuutigalugu siunnersuuteqartup
taasaani Alluitsup Paa-ni suliffissuaq Kommune peqatigalugu
suliffissaqartitsiniarluni aningaasaliisariaqartarsimasoq. Atassummiit
isumaqarpugut taamatut aningaasaleeqatigiinnikkut inuit suliffeqaratik
angalaaginnarlutik isumaginninnikkut aningaasamininnguanik
tunineqartarnerminngaanniit Kommunit peqataaneratigut innuttaasunut
pitsaanerungaartumik kinguneqartartoq.
Taamaattumik Atassummiit isumaqarpugut
peqqussummik allanngortitsinikkut killiliisoqartariaqanngitsoq. Periuserlu
maannamut atuuttoq pisariqartillugu atuuttuartariaqartoq. Taamatut
oqaaseqarluta siunnersuut Atassummiit akuersaarsinnaanngilarput.
Lars Sĝrensen, Inuit
Ataqatigiit oqaaseqartuat:
Siullermik Inuit Ataqatigiinninngaanniit
oqaatigissavarput Inatsisartunut ilaasortap Kristine Raahauge-p siunnersuutini
eqqortumik oqaatigimmagu.
Tassalu ajornartorsiut Nanortallup
Kommuneata kisimiilluni ajornartorsiutiginngikkaa. Ilisimaneqartutut peqqussut
1. jan. 1995 atuutilermalli Namminersornerullutik Oqartussat Kommunit
arlalissuit Royal Greenland suleqatigalugu tunisassiassanik pisiortornermik
minnerunngitsumillu tunisassiassanik nutaanik ineriartortitsinissamut
aningaasaleeqatigiittarnertik aallartissimagaat.
Ilaatigut Alluitsup Paa-ni Qaqortumilu
fantails-inik, Paamiuni qalerallit avaleraannik aammalu Qeqertarsuarmi,
Aasianni, Qasigiannguani, Kangaatsiami allanilu raajanik qalerallillu avaleraannik
suliaqarnikkut.
Inuit Ataqatigiit isumaqarpugut taamatut
suleqatigiinnissaq iluaqutaasussaq pisariaqarluinnartorlu
aallartinneqarsimasoq. Kommunit suliffissanik ataavartunik siunissami
isumalluutigisinnaasaminnik Royal Greenland-ilu tunisassiassanik nutaanik
ineriartortitsinissaminnut periarfissinneqarnerisigut.
Inatsisartunut ilaasortap Kristine
Raahauge-p siunnersuutaa tassalu peqqussummi kap. 4-mi '19 imm. 2-mut, immikkoortoq 2 allannguuteqassasoq
suliffeqarfinnut ingerlatitseqatigiiffinnut piffissaq tapiisuteqarfiusussaq
sivisunerpaamik ukiunut tallimat tikillugit sivisussusilerneqassasoq,
piffissallu taassumap ingerlanerani akissarsiatigut tapiissutit
ikiliartortinneqassallutik.
Kristine Raahauge-p siunnersuutaa Inuit
Ataqatigiinniit tapersersunngilarput tamanut pituttuivallaarnera
peqqutigalugu. Inuit Ataqatigiit annilaangassutigaarput taamatut
pituttuivallaarnerup kingunerissangaa suliffinnik ataavartussanik
pilersitsiniarnerup killilersorneqalernissaa. Tamannami mandetimet atorlugit
suliffinnik pilersitsiniartaraluarnermi pitsaanngitsumik misilittagaqarfigereeratsigu.
Inuit Ataqatigiit isumaqarpugut
tunisassiassanik nutaamik ineriartortitsinissamut aningaasalee-qatigiittarnermi
illuatungeriit pilersaarusiornermi isumaqatigiissuteqarnermilu tamarmik
angu-niangalimmik minnerunngitsumillu aningaasatigut nammatassat ammasumik
pissuseqarlutik isumaqatigiissuteqarfigisassagaat. Tamanna aamma Royal
Greenland-imut aktieteqarlunilu ingerlatitseqatigiiffinnut allanut
atuuttariaqarpoq.
Kommunenummi pingaaruteqarluinnarpoq
naatsorsuutigisinnaasanik ukiunullu arlalinnut pilersaarusiortarnermut.
Naggataatigut Inuit Ataqatigiinniit
Naalakkersuisunut kaammattuutigissavarput aalisakkeri-nermut sulliviit kisiisa eqqarsaatiginagit aammalu
avataaniit eqqussuinissamut killilersuutaa-sinnaasut allat eqqarsaatigalugit
suleqatigiinnikkut aningaasalersueqatigiittarneq misissoq-qullugu.
Soorlu tassani
suleqatiginiarneqarsinnaapput Amutsiviit sulliviillu allat ukiuni makkunani
suliassatigut akunnattoorfiusut.
Bjarne Kreutzmann, Akulliit Partiiat:
Inatsisartunutilaasortaq fru Kristine
Raahauge Akulliit Partiiata isumaqatigaa. Tassa akerliuffissaqartinnginnakku
suliffinnik nutaanik pilersitsinissamut peqataassalluta taamaalillutalu
aam- ma isumaqataalluta Kommunit tapiissuteqartarnerannut
atatillugu piffissamik aalajangersima-sumik killiliisoqartariaqartoq.
Akulliit Partiiat aamma isumaqarpoq
fabrikkit suliassanut aalajangersimasuinnarnut aaqqis-suussaavallaartut.
Pingaartumik raajat eqqarsaatigalugit. Taamaalillutik tunissasiat allat sukkasuumik
saannissaannut periarfissaqaratik. Tamanna pissutaalluni tunisassiornerup
allangortinneranut aamma aalisakkat allat tunisassiarilernerannut
aningaasartuutit annertuallaartarput.
Tamanna assersuutinik erseqqissunik takusassaqartitsivoq.
Akulliit Partiiat isumaqarpoq pisariqartinneqartoq tassaasoq illoqarfinni
ataasiakkaani tunisassiorfeerakkuutaanik ullormiit ullormut tunisassianut
allanut nuussinnaasunik pilersitsinissaq.
Akulliit Partiiata taamaattumik
naammangisimaarpaa akissuteqaammi oqaatigineqarmat suliffissaqartitsinerup
annertusarnissaanut suliniutinik nutarterinissami siunnersuut taanna aamma
ilaatinneqarumaartoq. Taamatullu aamma innersuunneqarluni isumaginninnermi
iluarsaaqqinnermut ataatsimiitsitaliarsuup isumaliutissiissutaa tassani
salliutinneqartut ilagimmassuk suliffissaaleqisut suliffissaqartinniarnissaat.
Anthon Frederiksen, Kattusseqatigiit:
Siullermik Siulittaasoqarfimmut
naammangittaalliuutiga ingerlanniarpara.
Tassa ataasialinnginnatta ataatsimiittarfimmi
maani ataatsimiinneq aallartereersoq naalakker-suisoqarfinniit akissuteqaatit
oqaaseqaatillu aatsaat agguaanneqartarlutik. Neriuppunga tamanna
piffissaagallartillugu ingerlanneqartassasoq.
Inatsisartunut ilaasortap Kristine
Raahaugep siunnersuutaa pisariaqarpoq sukumiisumik oqaluuserissallugu. Tassami
aningaasat Kommuneniit Royal Greenland-imut akiliutigineqartartut ilaatigut
amerligaluttuinnartut naassaanngitsumik ingerlanneqarsinnaanngillat.
Massa nunani allani allamiunut
suliffissaqartitsisumik suliffeqarfissuit tapiissuteqanngitsumik
pilersiortorneqartut nunatsinni Kommunit Royal
Greenland-imut suliffissaqartitsiniarlutik nioqqutissiassanik
pisiortortunik akileeqqaartarnerat apeqqusertariaqarpoq. Tassami suliffeqarfissuaq
inuiaqatigiinnit pigineqareersoq sooq Kommunit akiliuteqaqqaarlutik
suliffissaqartitsiniarfigissavaat ?
Namminermi pigisavut akiliuteqaqqaarluta
atorneq ajorpavut. Kommunimmi aningaasat akiliutigineqartartut
atorfissaqarteqaat. Taamaattumik suliffeqarfissuarmut nunatta karsianiit
tapiissutigineqartartut naammagineqartariaqarput Kommunit immikkut
pilliuteqartinnagit.
Taamatut oqaaseqarlunga Kommunit immikkut
akiliuteqartarnerisa atorunnaarsinneqarnissaat inassutigaara Kommunimmi
ullumikkut akilersugaat naammareerput.
Benedikte Thorsteinsson, Isumaginninnermut
Suliffeqarnermullu Naalakkersuisoq:
Akissutigineqartunut qujavunga.
Siullermik oqaatigissavara uani
eqqartukkami Royal Greenland taamaallaat taakkartorneqarmat, soorlulusooq
taanna kisimi pineqartoq, kisianni erseqqissassavara Kommunit namminneerlutik
aamma tapiissuteqartarmata allat akuliuffiginngisaannik soorlu
Namminersornerullutik Oqartussat akuliuffiginngisaannik. Nammineq taanna
malillugu iliuuseqarsinnaammata namminerlu aalajangerlugu qanoq
sivisutigissanersoq imaluunniit qanoq sivikitsigissanersoq.
Tassani
qitiusoqarfimminngaanniit
akuliuffigineq ajorparput taavalu aamma soorunami misissuifiginagit
eqqortumik iliornersut imaluunniit eqqortumik iliunnginnersut.
Ilaatigut uani saqqummiunneqartuni
partiininngaanniit ilaasa isumaqatigimmassuk allanngortinneqarnissaa ilaasalu
isumaqatiginangu allanngortinneqarnissaa.
Kisiannili una siunertarineqarmat
eqaallisaanissamut iliuuseqarniarnerput ammaffigineqartoq taannalu aamma
siunnerfigaarput Naalakkersuisuni, tassa sapinngisamik
tapiissuteqanngitsumik
tunisassiornissaq siunertarineqassasoq, taavalu aamma tapiissutaasartut
kisimik isumalluutigineqassanngitsut.
Taanna erseqqilluinnarpoq aamma
tamanna taperserneqartoq taamaammat innersuussutigerusuppara peqqussut
unaannaanngitsoq kisiannili aamma peqqussutit allat nalilersorneqartussat
eqqarsaatigalugit unarpiaq sammisarput suliffeqarnermut isumaginninnermullu
ataatsimiitsitaliami isummerfigineqassasoq taavalu pisariaqassappat
saqqummiunneqarluni, taamaalilluni naapiffigisinnaasarput erseqqinnerussammat.
Mikael Petersen, Siumup oqaaseqartua:
Erseqqissaatigissavara siunnersuut
saqqummiunneqartoq uani, immaqa ilaatigut assigiinngitsunik patsiseqarluni
paatsuunganartunik paasineqarsinnaammat.
Kisianni tassa siunertarineqartut
nassuiaatigineqartumi ersarilluinnartut tunngavigalugit Siumuminngaanniit
saqqummiivugut. Erseqqissaatigissavaralu siunnersuummi siunertarineqartut pillugit
Naalakkersuisunut kaammattuingatta naammassiniaqqullugit. Isumaqarpungalu
tamanna Naalakkersuisup saqqummiinermini, tassa saqqummiussami immikkoortut
kingulliit aappaanni ersarilluinnartumik oqaatigineqartoq, nutaamik
aaqqissuusseqqinnissat eqqarsaatigalugit, tassa suliffissaqartitsiniutinut
tunngatillugu suliffissaqartitsiniarnermullu tunngasunik aaqqissuusseqqinnissami
tamanna ilanngullugu suliariniarneqartoq.
Taamaattumik Siumumiit erseqqissassavarput
tamanna Naalakkersuisuninngaanniit siunnerfiusoq isumaqatigigatsigu.
Finn Karlsen, Atassutip oqaaseqartua:
Oqaaseqarninni erseqqissumik Kristine
Raahauge-p siunnersuutaa, inatsimmik allanngortitsinissamik
siunnersuuteqarmat, taanna erseqqissumik oqaaseqarfigaara akuerisinnaanagu.
Kisianni uani Naalakkersuisup
saqqummiussaani aatsaaffaarik Mikael Petersen-ip aamma oqaatigisaa, tassunga
tunngasumik uagut aamma isumaqataavugut.
Una taamaallaat killilimmik
aalajangereerlugu ukiut talllimanik milliartuaartussamik inatsisiliornissaq
isumaqarpunga akuersaarneqarsinnaanngitsoq.
Jonathan Motzfeldt, Inatsisartut Siulittaasuat,
ataatsimiinnermik aqutsisoq:
Ilumoorpoq oqallinneq ingerlaqqissaaq
maannalu una killiffiusoq najoqqutaralugu ilumoorpoq maannakkut amerlanerusut
kissaatigivaat taassuma aaqqissuussinerup akissarsianut tapiissute-artarnerup
lĝntilskud-mik taaneqartartup taassuma misissoqqinnissaa Naalakkersuisunut
siunnersuutigalugu.
Qaqugorsuarmut atortussatut
isigineqanngitsoq kisiannili piffissami aalajangersimasumi aammalu
isumaqatigiinniutigalugu ilaatigut Siumukkut, Kattusseqatigiit aammalu Akulliit
taakku erseqqivissumik tassuunakkut nalunaaruteqarput taama iliornerup
naassaanngitsumik atornissaa takorloorneqanngimmat, kisianni ataatsimoorluni
taanna misissorneqarnissaa malugisinnaavarput kissaatigineqarmat.
Kristine Raahauge, siunnersuuteqartoq, Siumut:
Siunnersuuteqarninnut akissuteqaatit
naammagisimaarpakka aammalu suliassat ingerlateqqin-eqarnissaanut amerlasuunik
taperserneqarmat.
Ukuali Atassutikkut Inuillu Ataqatigiit
mianersortumik tapersiinerat, tassalu Atassutikkut isumaqarpunga peqqussut
taanna atuarluarsimanngikkaat, tassami peqqussummi tassani periarfissat
pingasut pineqarput.
1. Suliffissaaleqisunik
pikkorissartitsisarnerit imaluunnii ilinniartitseqqittarnerit.
2. Kommunip nammineerluni aaqqissukkaminik
suliassaqartitsiniartarnera.
3. Aningaasarsianik tapiissuteqarluni
suliffissuarni soorlu Royal Greenland-ikkut assigisaannilu periarfissaq taanna.
Tassalu taanna immikkoortut pingajuat
uanga kisiat pivara. Imaalu aamma ajoqutissaqartinnagit kisiannili
killeqanngitsumik periarfissaq taanna atorneqarnera aallaavigalugu
siunnersuuteqarsimavunga ukiut tallimanut killilerneqarsinnaaneranik.
Taavalu Inuit Ataqatigiit
annilaanngatigivaat pituttungaavallaalersinnaaneq, kisianni isumaqarpunga
massakkut aamma pituttungaareersugut. Tassami isumaqatigiinniartarneq soorlu
Naalakkersuisup eqqaangaa ukiukkoorlugu isumaqatiginniarneq pisarpoq. Taannalu
pilernerit tamaasa isumaqatigiinniarnermi soorlu qunusaarneqartutulluunniit
ilaanni misigisimanartarpoq, akileeqataanngikkussi immaqa Kommunimut allamut
nuussooq.
Kisiannili soorlu eqqarsaatigingaanni
ukiut aalajangersimasut periarfissat Kommunit nalujunnaarunikkit taavalu
taamatut suliffimmik ataavartumik piorsaanermi suleqataarusullutik taanna aamma
oqaatigivara ersarissumik suleqataaffigerusullugu.
Pilersaarusiornerit, Namminersornerullutik
Oqartussaqarfiit taavalu suliffissuup suungaluartup Kommunillu aamma aningaasatigut
toqqissisimanarnerusumik sulisunullu aamma suliffimminni
toqqissisimanarnerusumi aaqqinneqarnissaanut
siunertalimmik aaqqiiffigineqarsinnaassammata.
Taavalu siunnersuutinnut tapersiisut tassa
Siumukkut aammalu Akulliit Partiiat Kattuseqatigiillu aamma tapersiineranut
qujangaarpunga.
Lars Sĝrensen, Inuit Ataqatigiit oqaaseqartuat:
Siullermik oqaatigissavara immikkoortup
arfineq aappaat siunnersuutaammat aalajangiiffigi-sassaq. Taamaattumillu
aalajangiiniarsarisimavugut. Aammali oqaluuserisassaq uagut
tungit-sinninngaannit paatsoorsimanngilarput tassami uani pineqarmat Kommunit
Nanortaliup Kom-muniinnaanngitsoq kisiannili Kommunerparujussuit ulluinnarni
lĝntilskud-imik taaneqartartu-mik akileeqataasarnerata ukiunut tallimanut
killilerneqarnissaa taanna pineqarmat.
Inuit Ataqatigiinninngaanniit
oqaatigereerparput taamatut aalajangernissaq akuersaarsinnaana- gu
taamaattumillu akerliulluta taasiniarluta.
Tunngavilersuutigut ersaripput.
Perusunngilarput suna tamarmi pituttungaasumik ingerlassasoq. Tassanilu
oqaatigivarputtaaq ajornartorsiut ilisimaarereeratsigu soorlu assersuutigalugu
mandetimit atorlugit suliffinnik pilersitsiniartaraluarnerit pitsaasumik
misilittagaqarfiginngilavut.
Taamaattumillu taanna siunnersuut
akerleralugu oqaatigivarput.
Ilimagivara ajornartorsiulerneq
Kattusseqatigiit eqqortumik oqaatigigaat. Inatsisartut ataatsimiinnerat
aallartereersoq Naalakkersuisuningaanniit aatsaat akissutssaq tunniunneqarpoq.
Massakkut taasilerutta ilaatigut Atassutikkut
taaseqatigissappatigut taava Naalakkersuisut ikinnerussuteqassapput.
Suleriaaseq taamak ittoq
akuersaarneqarsinnaanerluni? Tassami malunnarpoq Atassutikkormi- ut
peqqussummut allannguutissamut uagutsitulli isumallit. Tassa isumaqatigaluta
taasiniarlutik oqaluttuata oqaatigivaa. Taamaattumik taasinissaq taasissagutta
pissangavugut.
Mikael Petersen, Siumup oqaaseqartua:
Inuit Ataqatigiit oqaluttuanut
akissuteqalaassaanga. Utoqqatsissutigissavara ersarissuliorsiman-ngikkuma,
paasiuminaatsuliorsimanguma. Tassa Siumuminngaanniit oqaaseqarnitsinni siunnersuutip
siunertai isumaqatigalugit oqaatigaarput. Aammalu oqaatigalugu Naalakkersuisut
siunnerfiat, tassa nutaamik suliffissaqartitsiniarnikkut qanoq iliuutaasartut
nutaamik aaqqissuuteqqinneqarnissaannut, ilanngullugu siunnersuutip taassuma
suliarineqarnissaa taanna isumaqatigalutigu.
Taamaattumik erseqqissalaarlara.
Siunnersuuteqartup qulequtaatuut massakkut inatsisip atuuttup
allanngortinneqarnissaa isumaqatiginngilarput, kisiannili nutaamik aaqqissuusseqqinnissami
suliap ingerlateqqinneqarnissaa inassutigalutigu.
Tassa taama paasiuminartigisumik
oqaatigineqarsinnaavoq.
Jonathan Motzfeldt, Inatsisartut Siulittaasuat,
ataatsimiinnermik aqutsisoq:
Tassa taamatut paasivarput aamma uagut
maani tusarnaartugut, taanna Naalakkersuisut akissutaanni taamaalilluni
suliassap ingerlaqqinnissaa Naalakkersuisut qinnuiginiarneqarmata Siumukkut
uani oqaaserisaat tunngavigalugit, aammalu oqaaserisaat tunngavigalugit taakku
qaqugorsuarmut atuuttussatut isigineqanngimmat misissoqqullugu aaqqiiniarnermi
ilannguteqqullugu.
Taanna periarfissatut amerlanerit qineraat
maani paasineqarpoq. Taamaattumik taasissutissatut isigissagaanni
Naalakkersuisut siunnersuutaat tunngavigalugu qisuariarnerit tapersiinerit
taakkua amerlanerusut paasisariaqarpoq. Uani orniginarunanngeqimmat taasilluni
itigartiinnarlungu, kisiannili ingerlaqqinnissaq kaammattuutigineqarpoq una
aaqqinniarlugu Naalakkersuisunut suliassiissutiginianeqarpoq, taanna aamma
Siumukkut saqqummiussaraat.
Otto Steenholdt, Atassut:
Suleriaatsimi nutaami uatsinnut aamma sivisuumik ilaasortaasimangaluartunut paatsoornalaan-
ngitsuunngilaq taanna oqaaseq nutaaq "aalajangiivissat" beslutningsforslag-inik taaneqartartut, taanna erseqqqissarnerusariaqassaaq imaattarmata:
Naalakkersuisut namminneerlutik siunnersuutaat pinngitsooratik akuerisassat tassaniittarput aalajangeriikkat siumut ikinnerussuteqarutta Naalakkersuisut tunuassapput. Taamaattoqartinnagu aalajangiivigineqartarput tassa imaappoq Inatsisartut namminneq aalajangissagaat qinersineqarnissaa eqqarsaatiginagu. Uagut taamatut iliorfigineqartaratta maani oqaatigiinnarpara, kisianni allakkoorlugu immaqa erseqqissarneqalaartariaqassaaq Naalakkersuisut siumooreerluni oqartussaammata una akuerinngikkussiuk tunuassaagut taanna allarluinnaavoq taamatut oqartoqarsimatinnagu.
Jonathan Motzfeldt, Inatsisartut Siulittaasuat, ataatsimiinnermik aqutsisoq:
Periaaserput manna tikillugu paasisarput najoqqutaralugu aamma taamaattussaavoq. Aalajangiinissamut siunnersuutit ukua soorunami itigartinneqarsinnaapput akuerineqarsinnaallutillu, kisianni aamma amerlanerusut inimi maani allannguutissamik siunnersuuteqasinnaapput, Naalakkersuisut siunnersuuteqarsinnaapput allannguutissamik, inunnik aamma siunnersuuteqartoqarsinnaavoq allannguutissamik.
Taamaattumik allannguutissatut aneriarfiusoq Naalakkersuisut innersuussutaat soorlu taanna siuliani oqallisigisami taamaattoq maannakkut ima paasivarput taassuma suliap tunngaviusumik tamakkiisumik qimaannarneqarnissaa piumaneqanngilaq, suliassaq aaqqinniartariaqarpoq Naa-lakkersuisut qinnuigineqassapput Suliffeqarnermut Naalakkersuisup saqqummiussaanut atatillugu tassani aaqqiiniarnermi uani uparuarneqartut partiinit tamanit uparuarneqartut ilanngullugit aaqqiiviginiarneqassasut.
Tassa qaqugumut qaqugorsuarmut ataavartumik lĝntilskud-ikkut atortussatut isigineqanngitsut kisiannili arlaatigut killilerneqartariaqartoq, taanna misissoqquneqarpoq maani iniminngaanniit.
Isumaqarpunga taamaalilluni oqallinneq Inuit Ataqatigiinni Josef Motzfeldt oqaaseqarteqqaarlugu naalaassagipput.
Josef Motzfeldt, Inuit Ataqatigiit:
Siullermik eqqaasitsissutigissavarput oqaluuserisaq manna suleriaatitsinni maleruaqqusat nutaat maleqqutaralugit '3 imm.2, aamma imm.3 najoqqutaralugit ingerlanneqarmat tassalu inatsisinut peqqussutinulluunniit allannguutissanut siunnersuutit aalajangiiffigisassatut oqaluuserineqartarnissaat.
Tassanngaanniit Inuit Ataqatigiinniit erseqqissaatigeqqissavarput Kommunit torersumik naatsorsuutigineqarsinnaalluni tunngaveqarlutik aningaasartuutissaminnik pilersaarusiorsinnaassappa- ta ukiunut arlariinnut atuuttussanik isumaqatigiissuteqarsinnaaneq Kommunit suliffeqarfiini Royal Greenland-ikkutut ittut akornanni Inuit Ataqatigiit isumaqatigingatsigu taanna.
Kisiannili siunnersuutigineqartutuut isumaqatiginngilarput piffissaq isumaqatigiissuteqarfiusoq naappat tassanilu paasineqarpat piffissaq killiliunneqartoq nallermat suliniutaasoq imminut akilersinnaanngitsoq annilaanganartua tassaniippoq, taava oqartoqassammat taava kipiniarli ullumiminngaanniit kipiniarli. Tamanna tunngavilersuutitsinnut pingaarnertut atorparput Inatsisartunut ilaasortap Kristine Raahauge-p siunnersuutaata taamatut isikkoqarluni taama pituttuerpasitsigisumik akuerineqarnissaanut isumaqataannginnitsinnut.
Isumaqatigiissuteqartut illuartungeriit imatut imminnut pissuseqarfigissappata ukioq aningaasaliiffiusoq ingerlalaaginnartoq aningaasanik amerlanerusunik qinnuteqartarlutik tassa taanna minnerunngitsumik Kommunenut mamianartua. Taannalu peerniarneqassappat matumuuna isumaqatigiissut taanna isumaqatigaarput, kisiannili ulloq killiliunneqartoq nallerpat akilersinnaanngitsumik oqartoqarpat tassuunakkut kipititsinissaq isumaqatiginnginnatsigu.
Finn Karlsen, Atassutip oqaaseqartua:
Suleriaaseq nutaaq paatsuunganartumik immaqa paasineqarsinnaavoq. Kisianni uanga isuma- ga malillugu Inatsisartuni ilaasortaq kinaluunniit siunnersuuteqaruni aalajangigassamik isumaqarpunga taasinermi ajorsaraluaruni ajugaagaluaruni apeqqutaavallaanngitsoq naalakkersuisooqatigiinni.
Uanga ima paasigakkit Inuit Ataqatigiit soorlu pissangalersut naalakkersuisooqatigiinneq uppissasoq. Kisianni Naalakkersuisut siunnersuutaat immaqa taamaallaat taamatut pineqarsinnaapput.
Kisianni uagut oqaratta, Kristine Raahauge oqarami nammineq siunnersuunni atuarluarsima-gunanngikkipput, kisianni atuaraanni kialluunniit paatsoorsinnaanngilaa oqaluttuarpoq, nagga-taatigullu naasimallugu; Ataamaattumik imaattumik siunnersuuteqarniarpunga allannguutissamik@. Allannguutissaruna taanna uagut toqqaannartumik akuersaanngikkipput.
Johan Lund Olsen, Inuit Ataqatigiit:
Aajuna tigummivara Inatsisartut suleriaasissaat pillugu aalajangersagarput, taanna paragraffeqarpoq arlalinnik. Takusinnaavara Siulittaasunngortup tigummigaa pisoqaq, kisianni aajuna upernaaq manna tamatsinnut agguaanneqarsimasoq. Tassani '30-mi aalajangersarneqarpoq, aamma ullumikkut sammisatsinni, tassa Inatsisartut aalajangigassaattut siunnersuutit. ' 30 imm. 2 aammalu imm.3 malillugu maani aalajagiiffigineqartussat. Immikkoortut pingajuanni allassimavoq, Inatsisartut maani amerlanerussuteqartut, soorlu uani takusinnaasatsituut Inuit Ataqatigiit Atassutillu kissaatigippassuk taava taanna akuersissutigitissinnaavaat, taava taamatut Naalakkersuisut pisussaaffilerneqassapput tamanna najoqqutaralugu inatsisissamut allannguutissamik siunnersuuteqassallutik. Tassa taamatut imaqarpoq, aana Siulittaasumut tunniutissavara.
Jonathan Motzfeldt, Inatsisartut Siulittaasuat:
Allamik oqaluttussaqanngilaq, ilumoorpoq taanna innersuussutigineqartoq najoqqutaralugu taamatut aalajangiisinnaavugut. Inatsisartut aalajangiiniarnissaat periarfissat marluummata eqqaamassavarput.
Siullermik:
Udvalgini isumaqatigiinniarnerit aqqutigalugit, tassani isumaqatigiinniarnerit ingerlanneqartarput, amerlanerussuteqartut ikinnerussuteqartullu tassani nassaariniarneqarlutik. Tassani tun-ngaviusarput Naalakkersuisut siunnersuutaat, aammalu immikkut siunnersuutit inimi maani oqallisigineqarlutik ingerlanneqartut, aammalu taakku udvalginut utertinneqartarlutik.
Uani ' 30-mi imm.3-mi oqaatigineqartoq maani inimi ammasumik isumaqatigiinniarnermut ilaavoq. Tassuuna inimi ammasumi amerlanerit kissaatigippasuk, siunnersuutigineqartut Naalakkersuisut akissutiminni oqaatigisaat suliaq taanna nammineq ingerlateqqikkumallugu neriorsuutaat neqeroorutaat, misissoqqikkumallugu taanna paasisavut najoqqutaralugit amerlanerusunik taperserneqarpoq, taamaattumik periarfeqassaaq misissueqqikkumanermik.
Taannalu Naalakkersuisut siunnersuutaat amerlanernit taperserneqarnera uani immikkut erseqqivissumik itigartitsinissamik taasinissamik isumaqarpunga peersitsinerusoq. Taamaattumik isumaqatigiissutigineqarpoq suliassaq taanna tassunga unitsinnagu, Naalakkersuisut siunnersuutaat suliassaq ingerlateqqinneqassasoq, partiini taanna tapersersorneqarluni.
Oqaluuserisaq naammassivoq.