Pingasunngornikkut apeqquteqaat |
|
||
Siullermeerneqarnera | Aappassaanneerneqarnera | Pingajussaaneerneqarnera |
Oqaluuserisassat
avataatigut aamma
Ataatsimiinnermik aqutsisoq, Inatsisartut Siulittaasuat Jonathan Motzfeldt:
Ataatsimiinneq ammarpoq.
Ullumikkut ataatsimiinnerup ammarneqarnerani siullermik oqaatigilaassavara ataatsimiinerup matuma allartinnerani Inatsisartut isummerfigissagaat Naalakkersuisunut ilaasortap Marianne Jensen-ip qinnuteqaataa, tassa peqanngikkallarnissani qinnuteqaatigimmagu, majip qulinguluaaniit 14.-ata tungaanut tamanna siulittaasoqarfimmit akuersissutigineqarsimavoq. Taavalu sin-niisussaanik aggertitsinissaq pisariaqartut isigineqarsimanani, ulluni taakkunani aalajangiiffissanik imaluunniit taasissutigineqartussanik periarfissaqanngimmat.
Tamanna Inatsisartunit akuersaarneqarpoq.
Ullormut oqaluuserisassat aallartitsinnagit, ullumi ulloq pingaaruteqalaarmat, pilluaqqussummik oqaaseqalaarniarpunga.
Ukiut 18-it matuma siorna Inatsisartut Siulittaasuat siullerpaaq inimi maani qinigaavoq. Namminersornerulernissaq atulersinneqarmat eqqaamavarput 1. maj 1997-imiit, tamatumanilu aamma Naalakkersuisut siulliit ullormi matumani 8. maj aamma qinerneqarlutik.
Ulloq taanna puigunngisaannarparput, ulloq oqaluttuarisaanitsinni imaannaanngitsoq nuanner-sorlu. Tamanna pisarsimasut assigiinngitsut aallaqqaatigaat, ullumikkut ingerlateqqinneqartut. Taavalu namminersornerulernerput asallugu ataqqillugulu aamma uagut ingerlateqqinniaratsi- gu. Amerlaqisugummi ukiorpassuarni tulliuttuni ingerlateqqissallugu aamma ineriartorteqqittuarnissaa kissaatigaarput.
Uummammik pisumik Inatsisartut Naalakkersuisullu, allallumi tamassi, oqaaseqartarnissigut suliniuteqartarnissigullu peqataasimasusi qutsavigingaarpassi. Ullumikkut qitornarput, taanna inersimasut akornannut ilanngummat, soorunami tamatumani misigeqatigaarput ukioqalernera pineqartoq pillugu, misigisimaneralu imatut paasillugu tassa misigisimammat, 18-inik ukioqalertutut allatulli, maannakkut kiisami nammineerlunga namminerlu akisussaaffeqarlunga toqqaasinnaanngorpunga, suna akuerissanerlugu sunalu akuerissannginnerlugu.
Aamma kisianni inuuissiortumut eqqaasitsissutigissavarput demokrati nutaamik atuutilernera naammassiniassallugu inunngortitaasimammat. Tamatumani siulivut siulliit inuuninni ingerlaqqinnissanni pisussaaffiliisimanerat tunngavigalugu, maani nunami nunarsuarmi qeqertat annersaanni suliassamik ingerlatitseqqissagavit. Tamatumani aamma eqqaasinneqartuassallutit, soorlu aamma profetit ilaat, Juuna, arferup iluani illuni imminut oqarfigisuarsimasoq imatut: Uanga hebrĉeriariuvunga. Allatut oqaatigalugu, allat sumiiffissat aalajangiutereersimavaat illillu tamanna qimarratigisinnaanngilat.
Tassa inersimasut akornanni ilinniarnerit nangissavat, ilinniarluarsimasunngornissat tikillugu, aammalu tamatumani paarsisuussallutit inuiaqatigiit naqisimaneqanngitsumik ineriartorneran- ni, qeqertami nunarsuarmi qeqertat annersaanni hebrĉeritut ilutaasimatigalutit.
Maani uagut arlalialunnguit suli inuuissiortup taassuma, ullumi 18-iliisup ullorsiornera najorsimavarput ukiut 18-it matuma siornatigut Inatsisartut Naalakkersuisullu pilersitaammata. Uanga nammineq aammalu Inatsisartunut ilaasortat, maanna Naalakkersuisut Siulittaasuat Lars Emil Johansen, aammalu folketingimut Inatsisartunullu ilaasortaq Otto Steenholdt. Aammalu maani allat inatsisartoqatigut peqatigalugit suli nangittumik alaatsinaatissavatsigit, suna suliarinnginnerit, kisianni aamma suna suliarisannguit minnerpaarluunniit ilaatigut misissueqqittarnertigut malittarissallugu. Aamma Lars Emil aamma Otto immikkut pilluaqqussavakka.
Naggataatigut issuarniarpara taamanikkut Landstingimi Siulittaasuugallartup, namminersornerulerneq taamani eqqunneqarmat, 18-inik ukioqalersussaq pillugu hebrĉeritullu inuunissaa pillugu siunissami kissaassinermini oqaaseqareerluni oqaasii uku issuarniarpakka ullumikkumut aamma naleqqummata. Lars Chemnitz-ip oqalugiaatini ima naggaserpaa:
ANamminersornerulernerup piviusunngortinneranut qujaniarneq qujaniartarnernit allanit suli annerugunarpoq. Qujaniarneq aaqqissuussinermut namminermut tunngatinniarneqannginnerusarpoq tamanna piviusumik isumatuumillu suleqatigiinnerup kingunerimmagu. Qujaniarnerli inunnut ataasiakkaanut suliap piviusunngornissaanut peqataasimasunut sammitinneqarnerusarluni.
Taama qujaniarneq pissusiugaluartoq kusanartoq ingasaanneqarsinnaanngitsorlu. Maanna qu-janiutaareersimasut nangeqqinnianngilakka, isumaqarpungali pissutissaqartoq angutit arnallu suliamikkut nunatsinnik ineriartortitsinermi sunniuteqarsimasut kingumut qiviassallugit, Lars Chemnitz ilaatigut oqarpoq, nangillunilu: isumaqarpungalu matumani allanit salliutittariaqari- gut landsrċdimi ilaasortaasarsimasut, taakkumi landsrċdip oqaluttuarisaanerani peqataasimap- put suliniuteqarnermikkut aalajangeeqataasarnermikkullu ullumi ulloq angusimasarput tunnga-vileeqataaffigisimallugu.
Ullumikkut ulloq nunatta siunissaanut ima pingaartigaaq pissutissaqarluta eqqarsaatigut qullartissallugit kissaatigalugu siuneqassusermik tunineqaqqulluta nunarput siunissamut pilluarnartumut aqussinnaaqqullugu@.
Taama Lars Chemnitz-ip oqalugiaatini naggasigaa maani inuuissiortumut pilluaqqussutitut aamma Inatsisartunut apuuppara. Ullumikkullu Lars Chemnitz immikkut Inatsisartuninngaan- niit pilluaqqussummik nassinneqarpoq.
Ullormut oqaluuserisassaq:
Pingasunngornikkut apeqquteqaat
Inatsisartuni ilaasortat marluk apeqquteqaataat sammissavagut, taassumalu kingorna ataatsi-miinneq pisarnitsitut matullugu ataatsimiititalianut sinniisoqarfinnullu qinersineq naammassissavarput.
Apeqquteqaammi siullermi Inatsisartunut ilaasortap Jakob Sivertsen-ip apeqqutigaa, sermiligaami tunitsivissaq pillugu suliaq 1995-imili akuerineqareersimasoq sumut killissimanersoq.
Jakob Sivertsen, apeqquteqartoq, Atassut:
Inatsisartut upernaaq manna
ataatsimiinnissaannut apeqquteqaammik nassiussaqarsimavunga, imatullu
qulequtaqarpoq: Sermiligaami tunitsivissaq 1995-imi akuerisaareersoq sumut
killippa?
Naluneqanngilaq Sermiligaami 1994-imi
aalisarnermik misileraaneqarmat qaleraleqarluartoq paasineqarpoq. Aamma
Sermiligaarmiut siornatigulli qaleralinniartarnerminni paasivaat Sermiligaami
qaleraleqarluartoq.
Ajuusaarnarporli Sermiligaami aalisartut qaleralinniarnerminni pisatik namminneerlutik aqqut sivisooq atorlugu Kuummiunut assartortariaqartarmatigit, tamatumalu kingunerisarlugu aalisarnerup kipeqattaartumik ingerlanneqartarnera. Tassa ukiumi aasamilu pisat aalisartup nammineerluni assartortarpai. Sermiligaami tunitsiveqannginnera pissutigalugu.
Sermiligaami aalisarnerup kipeqattanngitsumik ingerlanneqarnissaa anguneqassappat pisariaqarluinnarpoq tunitsivissap piviusunngortinneqarnissaa. Paasereerparput Sermiligaami qaleraleqarluartoq. Qalerallit tamakkiisumik aalisartunit aningaasarsiornermut suliffissaqartitsiniarnermullu iluaqutigineqassappata taava tunitsivissap akuerisaareersutut piviusunngortinnissaa piariaqarpoq. Tamannalu qaqugu pissava.
Paaviaaraq Heilmann, Aalisarnermut, Piniarnermut Nunalerinermullu Naalakkersuisoq:
Inatsisartunut ilaasortap Jakob Sivertsen-ip 1997-imi upernaakkut Inatsisartut upernaakkut ataatsimiinnissaanni apeqquteqarpoq Sermiligaami tunitsiviliornissaq Inatsisartuni akuerineqareersup suliarineqarnera sumut killinnersoq.
Pineqartumut tunngatillugu oqaatigineqassaaq ilumoormat Inatsisartut 1995-imi ukiakkut ataatimiinnerminni akuersissutigimmassuk Sermiligaami tunitsiviliortoqarnissaa, tunitsivissallu 1996-imi sanaartorneqarnissaa Royal Greenland A/S-imit angumerineqarsinnaasimanngilaq. Sermiligaami tunitsivissap 1997-imi aningaasaliissutigineqarnissaa Naalakkersuisut 11. april 1997-imi akuersissutigaat Sermiligaamilu tunitsiviliornissamut aningaasaliissutissat Aningaasaqarnermut Ataatsimiititaliamut akuerineqartussanngorlugit ingerlatinneqarsimallutik.
Aningaasaqarnermut Ataatsimiititaliap Sermiligaamut aningaasaliissutissat massakkut akuerisimavai, taamaasilluni sanaartugassaq ukioq manna aallartinneqarsinnaassaaq.
Jakob Sivertsen, apeqquteqartoq, Atassut:
Sermiligaami tunitsiviliortoqarnissaanik
Naalakkersuisut kiisalu Aningaasaqarnermut Ataatsimiititaliap tunitsivissap
ukioq manna aallartinneqarnissaa anguniarlugu aningaasaliisimanerat assut
qujassutigaara.
Aamma periarfissaq manna atorlugu Sermiligaarmiut pilluaqquniarpakka qangalili amigaatigisaat kiisami piviusunngortussanngormat. Neriuppunga tunitsivissap Sermiligaami sermiligaarmiuinnaanngitsunit atorluarneqarumaartoq. Tamassinnut tapersiisimasunut qujanarsuaq.
Ataatsimiinnermik aqutsisoq, Inatsisartut Siulittaasuat Jonathan Motzfeldt:
Apeqquteqartunut ingerlaqqippugut. Apeqquteqaatit aappaat Inatsisartunut ilaasortap Peter Ostermann-ip apeqqutigaa silaannakkut angallannermut akuersisarnerup maannakkut Danmark-imi naalakkersuisuniittup nunatsinnut nuunneqarsinnaaneranik pilersaaruteqartoqarnersoq.
Peter Ostermann, apeqquteqartoq, Atassut:
Ukiuni kingulliunerusuni nunatsinni
silaannakkut angallanneq annertuumik piorsaaffigineqarpoq, pingaartumik
sinerissami mittarfissat aalajangiunneqarlutik sanaartorneqalermata.
Mittarfiit atorneqalerpata
timmisartortitsinermi nakutilliineq assut annertusissaaq, imaannaanngitsumik
akisussaaffiliisussaq. Nunatsinniit nunatsinnullu timmisartortitsisarnerup
nunatsinniit ingerlanneqarsinnaanera ukiuni kingulliunerusuni
soqutigineqarnerujartuinnarluni, tupinnganngitsumik arlaqartunit,
ingerlanneqaruttulerpoq. Mittarfiit nutaat atulerpata nioqqutissanik
silaannukkut assartuinerup annertusinissaa ilimagisariaqarpoq. Pingaartumik
sikusartumiittut eqqarsaatigalugit.
Qulaani taakkartukkaakka tunngavigalugit
apeqqutigissavara silaannakkut angallannermut akuersisarnermut oqartussaanerup
maannakkut Danmarkimi naalakkersuisunit tigummineqartup nunatsinnut nuunneqarsinnaaneranik
eqqarsaatersortoqarnersoq pilersaaruteqartoqarnersorluunniit. Uanga
isumaqarama timmisartortitsisarnermut oqartussaaffik nunatsinniit
eqaannerusumik ingerlanneqarsinnaasoq.
Peter Grĝnvold Samuelsen, Inuussutissarsiornermut, Angallannermut
Pilersuinermullu Naalakkersuisoq:
Inatsisartunut ilaasortaq
apeqquteqaateqarpoq silaannakkut angallannermut akuersisarnermut
oqartussaanerup maannakkut Danmarkimi naalakkersuisunit tigummineqartup
nunatsinnut nuunneqarnissaa pillugu eqqarsaateqartoqarnersoq
pilersaaruteqartoqarnersorluunniit, tassami hr. Peter Ostermann isumaqarmat
timmisartortitsisarnermut oqartussaaffik nunatsinniit eqaannerusumik
ingerlanneqarsinnaasoq.
Naatsumik erseqqissumillu apeqquteqaat
akissagaanni akisariaqarpoq, aap, Naalakkersuisut taama siunnerfilimmik
eqqarsaatersuuteqarput. Tassungalu tunngasut nassuiaateqarfigilaassavakka.
Silaannakkut angallannermut
oqartussaaffik, taamatullu immakkut angallannermut oqartussaaffik,
Namminersornerullutik Oqartussat pilersinneqarneranni suliassaqarfinnut
Namminersornerullutik Oqartussanit oqartussaaffigineqaleriartortussanut
ilanngunneqanngillat. Tamanna soorunalimi taamanikkut qangaaniilli pissutsinit
tunngaveqartinneqarpoq, tassa siumut naatsorsuutigineqarsinnaasimanngimmat pingaartumik
silaannakkut angallannermut tunngassuteqartuni ullumikkut nunatsinni pisutut
ineriartortoqarsinnaanissaa.
Tamatumunnga peqatigitillugu
namminersornerulernissaq pillugu inatsisikkut suliassaqarfiit siumut
naatsorsuutigineqarsinnaanngitsut Qallunaat naalagaaffiata aamma
Namminersornerullutik Oqartussat akornanni isumaqatigiinniarnikkut
nuunneqarsinnaanerannut periarfissaliinikkut isumannaarneqarsimavoq.
Tamakku tunngavigalugit Naalakkersuisut
ingerlaavartumik nalilersuisarput suliassaqarfeqarnersoq Qallunaat
oqartussaasuiniit Kalaallit oqartussaasuinut nuussinissaq pillugu
naalagaaffimmut isumaqatiginniutigilertariaqartumik. Taamaalilluni maannakkut
Aatsitassanut tunngasunut Ingerlatsiviup nuunneqarnissaa pillugu periaasissaq
taanna malillugu isumaqatigiinniartoqarpoq.
Taamaalillutik Naalakkersuisut
nalilersortuartarpaat aammattaaq silaannakkut angallannermut oqartussaaffik,
taassumaluunniit ilaa, pillugu Qallunaat Naalakkersuisuinut saqqummiunneqartariaqarnersoq
nuussinissaq pillugu isumaqatigiinniartoqarnissaa siunertaralugu.
Soorlu Peter Ostermann-ip eqqortumik
tikkuaraa nunap immikkoortuini timmisartunut mittarfiliortiternerit pillugit
periaatsip eqqarsaatsit tamakku sakkortusisissimavaat taamatullu Danmark-ip
Kalaallit Nunaatalu akornanni aamma Kalaallit Nunaanni ilaasunik, taamatullu
usinik, timmisartuussisarnerit pillugit akuersissuteqartarnermik periaatsip
Danmark-imi inissisimanerat naleqqukkunnaariartuinartutut
isumaqarfigineqarsinnaalluni.
Tamatumunnga atatilluguttaaq
pingaaruteqarpoq eqqarsaatigissallugu silaannakkut angallassinermi
suliassaqarfiit amerlasuut ullumikkut nunanit tamalaanit naalagaaffiit
namminersortut akornanni isumaqatigiissutit aqqutigalugit
malittarisassaqartitsinikkut aqutaammata, tamatumunngalu atatillugu Danmark-ip
Kalaallit Nunaat nunanut allanut nunani tamalaani, piumasaqaatinut
tunngatillugu, sinniisuuffigisarlugu.
Kiisalu silaannakkut angallanneq pillugu
isumannaallisaanermi pissutsit pillugit apeqqut imatut pingaaruteqartigaaq,
pingaaruteqarluinnarluni isumannaassallugu aammattaaq maani nunatsinni
tamakkununnga tunngassuteqartunik ineriartortitsinermik
akuersissuteqartarnernut aamma nakkutilliinermut misissuisarnermullu atatillugu
periaatsit sapinngisamik pitsaanerpaat immikkullu ilisimasallit
sulisorineqarsinnaasut piginissaat.
Taamaalilluni naalagaaffiup silaannakkut
angallannermut qullersaqarfia ullumikkut isumannaarinnittussaavoq nunat
tamalaat akornanni isumaqatigiissutit Kalaallit Nunaannut silaannakkut
angallassinermut atatillugu nalilerneqartarnissaannut aamma mittarfiit
pitsaassusiisa aamma timmisartut Kalaallit Nunaannik qulaassisut
sullinneqarnerisa pissusissamittut ingerlanissaannut. Naalagaaffiup
silaannakkut angallannermut qullersaqarfiata tamakku saniatigut maani nunatsinni
ajutoortoqarneranut atatilugu nakkutilliineq suliarisarpaa.
Angallannermut ministerimik Jan
Trĝjborg-imik kingusinnerusukkullu Bjĝrn Vest-imik isumaqatiginninniartarninnik
atatillugu aammattaaq silaannakkut angallannermut oqartussaanerup tamakkiisumik
ilaannakuusumilluunniit nuunneqarnissanut periarfissat oqallisigisarsimavagut.
Tamatumunnga atatillugu nunarput qulaallugu timmisartorneq pillugu apeqqut
timmisartornissamut akuersissuteqartarnermik namminermik akinillu
aalajangersaasarnermik attuisuusoq annertunerungaartumik pingaaruteqarsinnaasoq
suut allat tamaasa taamatuttaaq nunanut tamalaanut tunngassuteqarsinnaasut
ilanngunneqartuuppata.
Taamaammat Naalakkersuisut sinnerlugit ukioq
manna ulloq 27. februar angallannermut ministerimik isumaqatigiissuteqarninnut
atatillugu isumaqatigiissutigaagut maannakkorpiaq pissutsit
pitsanngoriartinnissaat siunertaralugu iliuusissat marluk, aamma
eqqarsaatersuutinut qulaani taagukkannut tunngatillugu, siunissaq
ungasinnerusoq aaqqiissutissat. Taamaalilluni isumaqatigiissummi 27. februar
1997-imeersumi imm. 4.-aanni aalajangersarneqarpoq erseqqinnerusumik
piviusunngortitsinissaq taamatuttaaq akuersissuteqartarnerit
pisariaqartinneqartut Angallannermut Ministeiaqarfiup aamma
Inussutissarsiornermut, Angallannermut Pilersuinermullu Pisortaqarfiup
akornanni isumasioqatigiinnikkut, taakku ataatsimut
suleqatigiisitaliorne-risigut, isumaqatigiissutigineqartassasut.
Taamaliornitsigut anguarput siusinnerusukkut
akuersissutit pillugit tusarniaaffigineqaannartarnermiik tamakku pillugit
isumasioqatigiittarnermut alloriaqqinneq. Taamaattorli aalajangiivinnerni
Qallunaat aalajangiisartui aalajangiisartuuinnassapput. Tassa silaannakkut
angallanneq pillugu inatsisit allanngortinneqanngikkallartillugit.
Angallannermut Ministerimuttaaq
isumaqatigiissutigaara Ministeriuneq isumasioqatigeriarlugu misissussagaa
Naalakkersuisut Qallunaallu naalakkersuisuisa ataatsimoorlutik Kalaallit Nunaannut
silaannakkut angallannermut oqartussaanerup Namminersornerullutik Oqartussanut
nuunneqarneratigut sunniutaasussanik aningaasartuutaasussanillu sukumiisumik
naliliisarluni misissuinissat aallartinnissaannut periarfissaqarnersoq.
Angallannermut Ministerip aasamut maani nunatsinni tikeraaleruni
nalunaarutigissavaa siunnersuut taanna qanoq ingerlateqqissaneripput.
Naliliisarluni misissuineq nunatta
anginerujussuanik pissuteqartumik sivisuumik ingerlanneqartussaavoq.
Nuussisoqassagaluarpallu aningaasatigut malitsigisaasumik sunniuteqartussaassalluni
ataatsimoortumik tapiissutit pillugit isumaqatigiinniarnernut atatillugu
naliliivigineqartariaqarluni.
Taamaattumik Naalakkersuisut
naliliisarluni misissuinissaq ataatsimut tapiissutissat pillugit
isumaqatigiinniarnissanut misissueqqaarnertut naliliisarluni missuinerusutut
isigaat. Tamatumani soorunami pisariaqassaaq inerniliiniarluni misissuinerit
imatut iluseqassasut tamatukkunnga tunngassuteqartut tiguneqarnissaat
politikkikkut suli kissaatigineqarluni.
Taamaalilluni Naalakkersuisut Peter
Ostermanip apeqquteqaataa akuersaartumik akisinnaavaat uppernarsarlugulu
silaannakkut angallannermut oqartussaaffik tiguniarlugu eqqarsaatersortoqartoq,
kiisalu piumasaqaatit tamakku Danmarkimut isumaqatiginniutigilivinnissaat
kiissaatigi-neqassappat tamakku uppernarsaasersorluakkanik tunngaveqarluni
pinissaat isumannaarniarlu- gu pilersaarusiortoqartoq.
Taamatut oqaaseqarlunga neriuutigaara
Inatsisartunut ilaasortap Peter Ostermann-ip apeqquteqaataa
akissuteqarfigisimassallugu.
Peter Ostermann, apeqquteqartoq, Atassut:
Akissutisiara assut torragivara aammalu
assut naammagisimaarlugu Naalakkersuisut ulloq manna tikillugu apeqqummut
pineqartumut ilaatigut suliniuteqareersimammata, aammalu qilaraaraara suliap
naammassineqarnissaa neriuutigissallugulu ajunngitsumik uagutsinnut
iluaqutaasumik angusaqarfiusumik Danmarkimi naalakkersuisut
isumaqatigiissuteqarfigineqarsinnaassasut.
Ukiuni makkunani namminersortut
periarfissillugit annertuumik suliniuteqarnermi aamma timmisartortitsisarnermut
periarfissat ammaanneqarnerunissaat uanga assorsuaq pingaartippara.
Eqqaamaneqassaaq KNI pisiffik
timmisartukkut nioqqutissanik assartorniarluni qinnuteqarami qanoq
aallaqqaataani ajornartorsiortitaasimasoq. Taamani pisimasunut qanimut malinnaasuulluni
malunnaqqissaartoq unaavoq, aalajangiisartut akornanni SAS-ip qanoq
sunniuteqartiginera. Taamaattumik qilanaaraara oqartussaaffiup, immaqa
ilaannaaluunniit, nunatsinnut nuunneqarsinnaanissaa taamaalilluta
inuiaqatigiinnut iluaqutaasussat soorunalimi aamma akisussaafigilerniassagatsigit.
Isumannaallisaaneq eqqartorneqarpoq,
soorunami pingaaruteqartorujussuuvoq, soorunami uanga eqqarsanngilanga
oqartussaaffik tamanna akuersisalissagigut timmisartut allunaasanik allanillu
qilersupalaaginnakkat soorunami nunarsuarmi isumannaallisaanermi piumasaasut
malittarineqassapput.
Qujanaq akissutaanut.
Ataatsimiinnermik aqutsisoq, Inatsisartut siulittaasuat Jonathan
Motzfeldt:
Apeqqut taamaalilluni naammassineqarpoq.
Ilumoorpoq ullumikkut ullorsiornitta
ingerlanerani maani isersimasut arlallit Otto Steenholdt-ip Lars Emil-illu
saniatigut taaamanikkut issiasut suli ullormi tassani peqataanikut ilaqarput,
tassa Konrad Steenholdt, Jakob Sivertsen aamma Peter Ostermann, imaappoq
ilaatigut ataavartumik issiasimasut taakkua pineqarlutik taaneqarsimapput
siornatigut, Landsrċditoqqaniillu ilaasimasut. Taamaattumik aamma tamatumani
Konrad Steenholdt Landsrċditoqqani ilaasimasuusoq puiguleraluarparput,
utoqqatserpugut puiguleraluaratsigu Landsrċditoqqamut ilaasimanerit.
Taavalu aamma pinngitsoorumanngilanga
saninniittoq Alibak Steenholdt, atorfilinnit allanit tamanit, atorfillit
sinnerlugit maani aamma issiasoq ukiut taakku tamaasa issiavimmi, atoruminartuni
atoruminaattunilu taama oqartarneq malillugu, aalajaalluni paarsisuusoq aamma
ullumikkut pilluaqquarput sulilluarneranullu qutsavigalugu, aammalu
sulilluarnissaanik neriuffigigatsigut soorunami.
Oqaluuserisassagut naammassipput,
ataatsimiinneq matugallarpoq.