Kalaallit Nunaanni Inatsisartut

Oqaluuserisassani immikkoortoq 03

Ataatsimiinnerit Tilbage Op Nĉste

Siullermeerneqarnera Aappassaanneerneqarnera Pingajussaaneerneqarnera

Pingasunngorneq 25. april 2001, nal. 14:10.

Oqaluuserisassani immikkoortoq 3.

2001-imi Inatsisartut ukiakkut ataatsiminissaata aalajangiiffigineqarnera.

(Inatsisartut Siulittaasoqarfiat)

 

 

 

Ataatsimiinnermik aqutsisoq: Anders Andreassen, Siulittaasoqarfimmi ilaasortaq.

 

 

Ole Lynge, Inatsisartut Siulittaasuat:

Siulittaasoqarfiup matumuuna siunnersuutigaa Inatsisartut ukiuata nutaap aallartiffia ulloq 21. september 2001 Inatsisartut 2001-imi ukiakkut ataatsimiinnerminni ullut siullersaattut ataatsi­miiffigissagaat.

 

Inatsisartut 2001-imi ukiakkut ataatsimiinnissaanut ullormut oqaluuserisassatut siunnersuutinik tunniussinissamut piffissaq taamaalilluni kingulleq tassaassaaq ulloq 21. august 2001.

 

Taamatut siunnersuuteqarneq akerleralugu oqaaseqartoqarnianngippat akuersissutigineqartut naatsorsuutigissavarput.

 

Anders Andreassen, Siulittaasoqarfimmi ilaasortaq:

Oqaaseqartoqarniarnerluni.

 

Naamik, taamaalilluni ukiamut ataatsimiinnissaq aalajangerneqarpoq ulloq 21. september 2001-imi aallatissasoq.

 

Taamaalilluni ullumikkut oqaluuserisassat ammasut tamaanga killeqarput, tulliuttussaavoq matoqqasumik ataatsimiinneq, taannalu pilersinnagu oqaatigissavara aqagumut oqaluuserisassa­tut makku inissinneqarsimammata.


Immikkoortut taagussavakka, tassalu immikkortut 50, 51, 52, 53, 54, 55, 56, taakkua immikkoor­tut tassapput Nunat Avannarliit Killiit Siunnersuisoqatigiiffiata aalajangersagai maani Inatsisar­tuni saqqummiunneqartussat, taavalu tulliullugu immikkortoq 13, tassalu Inatsisartut 2000-imi ilassutitut aningaasaliissutinut inatsisissaannut siunnersuut, kiisalu immikkoortoq 66, taanna kinguartinneqartutut oqaatigisariaqarpoq, taavalu immikkoortoq 6 kingulliullugu, tassalu pisortat ingerlatsineranni suliassat suliarineqartarnerat pillugu Inatsisartut inatsisaata allanngortinneqar­neranik Inatsisartut inatsissaannut siunnersuut.

 

Ullumikkut ataatsimiinneq ammasoq tamaanga kileqarpoq.