Oqaluuserisassani immikkoortoq 36 |
|||
Siullermeerneqarnera | Aappassaanneerneqarnera | Pingajussaaneerneqarnera |
Pingasunngorneq
2. maj 2001, nal. 17.55.
(Inatsisartunut
ilaasortaq Mads Peter Grĝnvold)
Ataatsimiinnermik
aqutsisoq: Augusta
Salling, Siulittaasoqarfimmi aqutsisoq:
Mads Peter Grĝnvold, Kattusseqatigiit:
Kalaallit Nunarput qimallugu Kalaallit ilinniartut Nunatta vataani ilinniarnerminni atugarisaat pillugit siusinnerusukkut ilinniagaqaarsimasut oqaloqatigisarsimavakka aammalu Qallunaat Nunaanni feriarnera iluatsillugu nammineq piumassutsinnik Qallunaat Nunaanni ilinniagaqartut Ċrhusmi Kalaallit illuanni ataatsimiitissimavakka aammalu oqaloqatigisamallugit.
Siullermik Kalaallit Nunarput qimallugu ilinniartut ilinniagaqarput assorujussuaq nuannaarutigaat Nunatsinniit Inatsisartuni ilaasortamik ataatsimeeqateqarsinnaanertik piviusunngortinneqarmat.
Kalaallit Nunarput qimallugu ilinniagaqartut aammalu Nunatsinni ilinniagaqartut nalunngilara Inatsisartuni ilaasortanik ataatsimeeqateqarsinnaanertik ukiuni kingullerni annertuumik pisariaqartikkaat isummaat nammineq pigisatik tusartinniaraluarlugit, kisiannili annerusumik tusartissinnaanagit.
Maannakkut Nunarput qimallugu ilinnigaqartut ilinniarnerminni atugarisaat apeqquteqaat aallaavigalugu Inatsisartunit oqallisigineqarnissaannik siunnersuuteqarpunga, naak aamma Nunatsinni ilinniagaqartut allanik ajornartorsiuteqaraluartut, kisiannili soorunami ilinniarerni ajornartorsiutit iluarsiiviginiarlugit arlaannik aallartittoqartariaqarpoq eqqartorlugit.
Kalaallit ilinnigaqartut Nunarput qimallugu ilinniarnemrinni atugarisaasa ilaat iluarsiniarlugit siunnersuutigaara assersuutigalugu nakorsamut, civilingeniĝritut aammalu allanut qaffasinnerusunut ilinniagaqartut ilinniarnerminni atuakkanut ilinniarnerminni atugassaanut tapiiffigineqartarnissaanik siunnersuuteqarpunga.
Tassami ilinniagaqartut ilaasa qaammammut ilinniartuunersiutitik atorlugit atuakkat pisiarisariaqartarmatigit naak aningaasat qaammammut nerisanut atisanut bussinut allanullu ammma atorniarlugit.
Nunatsinni Kalaallit qaffasinnerusunut ilinniagaqarsimasut annertuumik amigaatigineqartut, isumaqarpungalu ukiuni kingullerni qaffasinnerusumut ilinniagaqarsimasut pimoorullugu ilinniagaqareernerup kingorna Nunatsinni atorluarneqarnerunissaat anguniartariaqartoq, soorlu nulunngikkipput Kalaallit qaffasinnerusumut ilinniagaqarsimasut amerlasuut Qallunaat Nunaannut uniinnartarut ikigisassaanngitsut ukiuni kingullerni aammalu qallunaat qitornaat Nunatsinni peroriartorsimasut ilaatigullu Nunatsinni ukiuni arlaqanngitsuni atorfeqarsimasut qallunaat qitornaat Nunatsinnit akiliunneqarlutik Qallunaat Nunaanni ilinniartinneqartarmata.
Oqartoqarsinnaavoq Qallunaat Nunaannit aningaasat bloktilskudit 2 mia.-it sinnerlugit tunniunneqartarmata siunissami atorfillit qitornaat ilinniarnerannut akiliunneqartuartariaqartut.
Taamaattumik isumaqarpunga siunissami ilinniagaqartunut piumasaqartariaqartugut, assersuutigalugu qaffasinnerusunut ilinniagaqareernerup kingorna Nunatsinni ukiuni aalajangersimasuni sulitinneqartassasut ilinniarneq soorunami aamma akeqarmat Nunarput illuatungaatigut ilinniareernerup kingorna sullinneqartariaqarmat.
Ilanngullugu eqqaasariaqarpara aamma qaffasinnerusumut ilinniagaqartut ilaatigut ilinniartut ilaqutariit marlunnik pingasunilluunniit qitornallit ilinniarnermik ingerlatsisarmata aammalu nammineq annertuumik aningaasaajartariaqarlutik.
Soorlu ilinniarniarlutik Nunarput qimallugu aallaraangamik aningaasanik katersarisimasaminnik atuisariaqartarsimapput, Nunatsinnut ilinniareernerup kingorna uterunik pequtisiutigisassaraluarminnik aningaasartuuteqartarmata.
Ilinniarnermi atugassaritinneqartut pitsaasumik iluarsartuunneqarunik siunissami linniarnerminnik naammassisartut amerlarnerusalissagaluarmata.
Naggataatigut isumaqarpunga ilinniartut Nunatsinni aammalu Nunatta avataani ilinniagaqartut Inatsisartut Ilinniartitaanermut Ataatsimiititaliaannit tusarniaaffigineqartariaqartut
Lise Skifte Lennert, Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq:
Siunnersuuteqartup apeqquteqaat aallaavigalugu oqallinnissamik siunnersuuteqarnermini kalaallit nunaanni allani ilinniagaqartut atugarisamikkut qanoq pitsanngorsaavigineqarnissaannik toqqarlugit siunnersuuteqarpoq.
Naalakkersuisut siunnesuutinut qujapput ilinniagaqarnersiutinillu iluarsaaqqinnermut ingerlareersumut taakku ilanngutissalugit, Nunatta avataani ilinniagaqartut eqqarsaatigiinnarnagit kisiannili aamma maani ilinniagaqarut eqqarsaatigalugittaaq.
Ilinniagaqarnersiutinik iluarsaaqqinneq maanna apeqqutinik immersuisitsilluni misissuinikkut aallartinneqaqqammerpoq, inuusuttullu ilinniakkamik toqqaasarnerannut ilinniakkaminnillu aallartitaminnik naammassinnittarnerannut suut aalajangiisuusarnersut qulaajarneqarnissaat siunertarineqarluni.
Tamatuma kingorna ilinniartut, siunnersuisartut, sulisitsisut allallu akissutinut ilassutissatut apersorneqassapput.
Misissueqqissaartoqareerpat tamatumunnga suleqatigiissitaliaq ilinniagaqarnersiutinik naapertuunnerusumik aaqqiinissamik siunnersuusiussaaq, ilaatigut makkuninnga aallaaveqartussamik:
1.nunaanni allani ilinniagaqartut atugarisamikkut qanoq pitsanngorsaavigineqarnissaannik toqqarlugit siunnersuuteqarpoq.
Naalakkersuisut siunnesuutinut qujapput ilinniagaqarnersiutinillu iluarsaaqqinnermut ingerlareersumut taakku ilanngutissalugit, Nunatta avataani ilinniagaqartut eqqarsaatigiinnarnagit kisiannili aamma maani ilinniagaqarut eqqarsaatigalugittaaq.
Ilinniagaqarnersiutinik iluarsaaqqinneq maanna apeqqutinik immersuisitsilluni misissuinikkut aallartinneqaqqammerpoq, inuusuttullu ilinniakkamik toqqaasarnerannut ilinniakkaminnillu aallartitaminnik naammassinnittarnerannut suut aalajangiisuusarnersut qulaajarneqarnissaat siunertarineqarluni.
Tamatuma kingorna ilinniartut, siunnersuisartut, sulisitsisut allallu akissutinut ilassutissatut apersorneqassapput.
Misissueqqissaartoqareerpat tamatumunnga suleqatigiissitaliaq ilinniagaqarnersiutinik naapertuunnerusumik aaqqiinissamik siunnersuusiussaaq, ilaatigut makkuninnga aallaaveqartussamik:
amerlanerpaat ilinnialersinnissaat
piffissami sivisussusiligaasumi amerlanerpaat ilinnialersinnissaat
Nunatsinni ilinnikkanik immikkut pisariaqartinneqartunik amerlanerpaat ilinnialersinnissaat
inuusuttut ilinniakkaminnik naammasasinnereersut piaarnerpaamik angerlarnissamut kajungilersinnissaat
siunnersuuteqartup ersarissumik siunnersuutaanut atatillugu Naalakkersuisut atuakkanut ilinniutinut pisinermut tapiissutinut atatillugu ilisimatitsissutigissavaat ilinniakkaminnik ingerlaqqillutik ilinniartut ullumikkut atuakkanik ilinniutinik ilinniutinillu allanik pisinermut 60 procentimik tapiiffigitinnissamut periarfissaqareermata.
Ilinniartut qitornallit angalanerannut annertuunik aningaasartuutaasartunut eqqaaneqartunut tunngatillugu Naalakkersuisut ilisimatitsissutigissavaat ilinniakkap aallartinnerani, ilinniarnerup nalaani, feriarluni akiliunneqarluni angalanernut kiisalu ilinniakkap naammassinerani angalanermut aningaasartuutit matusseserneqarnisaat pillugu aalajangersagaqarmat.
Aningaasartuutinik matussusiisarneq aamma aappaasumut meeqqanullu atorneqartarpoq. Tamatuma saniatigut ilinniartut qitornallit meeqqanut tapeqartinneqartarput. Taamaalilluni tamatuminnga tunngatillugu nunanut allanut sanilliullugu ilinniartut atugarissaarnerupput.
Matumani ilinniagaqarnersiutit pillugit nalunaarut atuuttoq Naalakkersuisut innersuussutigisinnaavaat, tassani susoqartillugu aningaasartuutit matussuserneqartarnersut nassuiarneqarpoq.
Tassunga tunngatillugu Naalakkersuisut Inatsisartunut ilaasortaq kaammattorusuppaat malittarisassat atuuttut, inatsimmut allannguutissanik siunnersuuteqannginnermi, takoqqullugit.
Naalakkersuisut Inatsisartunut ilaasortat aamma kaammattorusuppaat malittarisassat pissutsillu atuuttut pillugit pisortaqarfinnut saaffiginninnerni tamakku pillugit paasissutissanik pissarsiornissamut periarfissat annertunerusumik atoqqullugit.
Ilinniartut
ilinniakkaminnik naammassinnereernerminni piffissaligaasumik
sulisinneqarnissaannik piumaffigineqartarnissaannik siunnersuummut
tunngatillugu Naalakkersuisut oqaatigisinnaavaat siunnersuut tamanna
siornatigut eqqartorneqartarsimammat. Aamma
Inatsisartut ataatsimiittarfianni maani.
Naalakkersuisut
siuliini atuutut saqqummiussimavaat isumaqarlutik pinngitsaaliineq tunngavigalugu
aaqqiissuteqarnikkut pitsaasumik angusaqartoqarnavianngitsoq, tamatumunngali
taarsiullugu assigiinngitsunik soqutiginnilersitsisunik aaqqissuussinissaq
isumaliutigineqarsinnaasoq.
Tamanna
Naalakkersuisut suli aalajangiusinavaat. Ilinniagaqarnersiutinik
iluarsaaqqinnermut atatillugu ajornartorsiut tamanna aamma sukumiisumik
eqqartorneqassaaq.
Soorunami
Naalakkersuisut qulakkeerniarniarpaat illuatungeriit attuumassutillit tamarmik,
ilaatigut ilinniartut kattuffii K.I.K aamma D.K.I.K ilinniagaqarnersiutinik
iluarsaaqqinnermut peqataatinneqarnissaat.
Taamatut
naatsumik oqaaseqarluta Inatsisartut oqallinnisssaat Naalakkersuisunit
qilanaaraarput.
Ole
Thorleifsen,
Siumup oqaaseqartua:
Siunnersuuteqartup
Inatsisartunut ilaasortap Mads Peter Grĝnvoldip Ċrhusimi ilinniagaqartut
ataatsimeeqateqarsimanini tunngavigalugu saqqummiuppaa, ilinniagaqartut
ataatsimeeqatigisimasami atukkatik naammaginagit iluarsiivigineqarnissaanut
piumasaqaateqarnerat oqallisigisariaqartutut.
Ilanngullugulu
oqallisigisassatut piumasaraa tikisitat kitornaasa Nunatsinni
peroriartorsimasut ilinniarnerisa kingorna Nunatsinni ukiuni
aalajangersimasuni sulisinneqartarnissaat. Namminersornerullutik
Oqartussanit ilinniagaqarnerat akilerneqartarmat.
Siumup
pingaartippaat pisuussutit pingaarnersaasa naapertuulluartumik atugaqarnissaat,
taamattumik inuusuttut tamarmik ilinniagaqarnissamut soqutiginnittuugunik
ilinniagaqarnissamut neqoroorfigineqartuarnissaat, sulinermillu aallutaqarunik,
pikkorissarnissamik neqoroorfigineqartuarnissaat.
Inuiaqatigiinnut
ineriartortuni inersimasunngorlutik toqqissisimallutik inooqataasinnaanissaat
isumannaarniarlugu.
Ilinniagaqartut
peqatigiiffii D.K.I.K aamma K.I.K inuusuttullu soqutigisaqaqatigiiffii qanimut
suleqatigalugit aningaasatigut pitsanngorsaanerat ingerlanneqartuarput.
Namminersornerullutik Oqartussat ilinniagaqartut atuagarsinerannut
aningaasartuutaanut 60 procentinik tapiiffigisarpaat, meeraqarpatalu aamma
tapiiffigineqartarlutik.
Soorlu
aamma ilinniagaqarnersiutit augustip aallaqqaataani atuutilersussamik
pissutsinut naapertuuttunngorlugit ukiarmi qaffaaffigineqarnissaat
aalajangiiffigineqartoq.
Naatsorsuutigineqassallunilu
ilinniagaqartut atugaannik pitsanngorsaanerit aamma suli nalilersuiffigineqartuarnissaat.
Nunani
allani qiviaraanni, ilinniagaqartullu atugaat sanilliukkaanni
miserratigineqarsinnaanngilaq Nunatsinni ilinniagaqartunut atukkatigut
pitsaanerungaartunik aaqqissuussisimasugut.
Naalagaaffeqatigiinnerup
iluani ilinniagaqarfiit Danmarkimi inissisimasut Nunatsinnut aningaasartuutaanngitsumik
atorneqarsinnaanerisa inuusuttut ilinniagaqaqqinnissamik pitsaalluinnartumik
periarfissaqartippaat.
Siumumiit
imaaliinnarlugu akuersaarsinnaanngilarput ilinniagaqartut tikisitanik
qitornaasut pisissaaffilerniarneqarnerat, pingaartikkatsigu innuttaasut
kikkulluunniit kiffaanngissuseqarlutik nammineq aalajangiisinnaassuseqarnerat.
Siornatigut
Inatsisartuni tamanna eqqartorneqarnikuuvoq. Erseqqissaatigisariaqarparpullu
inuit pisinaatitaaffiisa ataqqineqartussaanerat.
Edvard
Geisler,
Atassutip oqaaseqartua:
Immikkoortoq
36 immikkoortoq 80-ilu ataatsimoortumik akissuteqarfigissagatsigu, taamaattumik
saqqummiussisussaq tullia akissuteqarfigissagatsigit.
Johan
Lund Olsen,
Inuit Ataqatigiit oqaaseqartuat:
Inuit
Ataqatigiit Nunatsinni ilinniagaqalerusuttut Nunattalu avataani
ilinnialerusuttartut ilinniarnermi nalaani pitsaasunik
atugassaqartinneqartuarnissaat qangali pingaartitariuarparput. Soorlu tamanna @ilimmarfik@
pillugu ullumi oqallinnitsinni aamma ersersikkipput.
Ilinniagaqarnersiuteqartitsinerput
taakkulu saniatigut siunertanut assigiinngitsunut tapiissuteqartitsinerput
ullumikkut ajoriinnagassaanngitsumik aaqqissuuussineruvoq.
Nunani
allani ilinniagaqartunut atugassiissutigineqartunut sanilliullugu.
Tamanna
puigussanngilarput ilinnigaqarnersiutillu pillugit peqqussummi ulloq manna
atuutereersumi aamma ilaareerlutik.
Isertitaqqortussuseq
aallaaviginagu kikkunnut tamanut assigiimmik ilinniagaqarnersiuteqartitsillutalu
atuagarsiutissanut, Danmarkimilu ilaatigut qimutsuitsortariaqarnernut
busertariaqartarnernullu maanna tapiissutisiaqartitsivugut, uffa nunani
allani ilinniartut aningaaserivinnit taarsigassarsiaqaqqaartinnatik
ilinniarnerminnik aamma naammassinnissinnaanngitsut.
Siunnersuuteqartup
Ċrhusimi kalaallit ilinniagaqartuutitavut oqaloqatigereersimanerarlugit
siunnersuuteqarnerarami, eqqarsaatissiissutigalugu Inuit Ataqatigiit
ilisimatitsissutigerusupparput, Ċrhusimi Kalaallit Illuanni najugaqarlutik
ilinniagaqartut tapiissutisiarineqarsinnaasut allarpassuit qaavisigut,
periarfissamik allamik pitsavissuarmik aamma periarfissinneqarsimammata.
Tamannalu
naak assuarliutiginianngikkaluarlugu siunnersuuteqartumut
toortalaarutigissallugu aamma pissusissamisoortuussammat.
Taakkumi
qaammammut ineqarnerminnut akiliutigisartagaannut taamaallaat 100
kr.-iinnarmik tapertaliillutik, inigisaminni qarasaasiatik atorlugit
internettimik qanorsuaq atuisinnaatitaappput, ulloq unnuarlu. Nunatsinni
ilinniagaqartunut neqeroorutanngitsoq.
Oqaatigineqareersutut
tamanna assuarliiniarnerunngilaq, taamatummi periarfissiineq ajunngilluinnartuuvoq
ilinniartunummi qarasaasiat atorlugit internettikkut ilinniarnermut
iluaqutaasumik paasissutissarpassuarnik ujarlersinnaanermut
pissarsisinnaanermullu tamanna aaqqissuussineruvoq iluatinnartoq, Nunatsinni
ilinniartunut minnerpaamik aamma periarfissiissutaasariaqaraluartoq.
Periarfissat
ilinniartunut Nunatsinneersunut neqeroorutaasut taamaammmat ataatsimut
isigalugit ajunngitsuummata Naalakkersuisuvut isumaqatigalutigit Inuit
Ataqatigiinnit aamma siunnersuuteqartoq kajumissaarusupparput
malittarisassat atuutereersut pitsaasunillu periarfisseereersut
siunnersuuteqannginnermini aamma qissimilaaqqaartaqqullugit,
illuatungerluinnaanik niĉilimmik Inatsisartuni, pisariaqanngikkaluamik
qaqqaqqalaalertinnani.
Taamaattorli
siunnersuuteqartoq isumaqatigalugu Inuit Ataqatigiit oqaatigerusupparput
ilinniagaqarnersiuteqartissimasavut sivikinnerpaamik ukiuni pingasuni
ilinniagartik atorlugu Nunatsinni suliartortinneqaqqaartalernissaat
aqqutissiunneqassasoq soqutigilluinnaratsigut.
Ilimmarfik
pillugu siusinnerusukkut oqallikkatta ilisimatitsissutigivarput, Nunatta
avataani ilinniartuutitatta Nunatsinnut utertartut 50 procentii
missaannaaniittut, tassalu utinngitsoortartut amerlavallaarujussuarlutik
inuiaqatigiinnut akisoqisumik aamma kinguneqartumik.
Taamaammat
ilinniagaqarnersiutinik iluarsaaqqinnissaq aallartinneqartussanngormat
Naalakkersuisunut kaammattuutigissavarput tamanna ilanngullugu aamma
nalilersuiffigineqassasoq.
Anguniarlugu
ilinniagaqarusuttut inuiaqatigiillu akunnerminni siunissami aamma
isumaqatigiissuteqartalernissaat, uddannelseskontraktinik
atsioqatigiissuteeqartalernissaat.
Tamanna
misissullaqquarput isumaqatigiissuteqartarnermimi imminnut
neriorsueqatigiillutik atsioqatigiittartut illuatungeriit marluujuartarput,
nammineq kajumissusertik malillugu aamma isumaqatigiissusiortut.
Tamanna
pinngitsaaliinerusinnaanngilaq inuiaqatigiinnulli aningaasalersuisimsunut
aamma tunniusimanermik takutitsiniarneruinnarluni.
Tom
Ostermann,
Kattusseqatigiit oqaaseqartuat:
Siullermik
una Atassummiutulli iliuuseqarsimagatta, tassa immikkoortoq 36 immikkoortoq
80-ilu ataatsimoortissimatsigu, ullormut oqaluuserisassaq najoqqutaralugu
suliarisimagatsigut.
Erseqqissaatigilaassavarput
allannguutaasumik takusaqarsimannginnatta. Kisianni takusinnaasakka
malillugit Siumukkormiut Inuit Ataqatigiillu immikkoortut taakku
immikoortillugit suliarisimammatigit ippigilaarakku.
Otto
Steenhold, attaviitsoq:
Siullermik
oqaluuserisassaq 36, tassa kalaallit nunaanni allani ilinniagaqartut
atugarisamikkut qanoq tapersersorneqarnissaat, nukittorsaavigineqarnissaat
aammalu pitsanngorsaavigineqarnissaat pillugit apeqquteqaat aallaavigalugu
oqallinnissamik siunnersuut oqaasseqarfigissavara aallaqqaasiullugu,
oqaatigisariaqartoq, akissutip takuneqareerneratigut siunnersuut manna
siunnersuuteqartumit tunuartinneqarsimasariaqaraluartoq.
Taama
oqarpunga siunnersuutaaniaraluartut tamarmik naammaginartumik
siunnersuuteqartup paasiniaatsiarnermigut paasineqarsinnaasimassagaluarmata.
Taamalu siunnersuuteqarnissani pisariaaruttoq paasisimassagaluarlugu.
Kisianni
siunnersuuteqartuinnaq tamatumunnga pisuutittariaqanngilaq, tassami
atorfilittat siunnersuut takugamikku suulluunniit aqqutaasinnaasut atorlugit
Inatsisartunut ilaasortaq nalunaarfigisinnaasimagaluarmassuk,
paasissutissillugu, siunnersuutiginiagai piviusunngortinneqareersimasut.
Paasiniaanerit
aqqutigalugit paasisarparput, Nunatsinni ilinniartunut, aammami Nunatta
avataani ilinniartunut atugassarititagut nunani allani ilinniartut
pineqarnerannut naleqqiullugit ajornerunngivissut. Tamannalu
nuannaarutigisariaqarparput.
Akissuteqaat
isumaqatigaara, ilinniartut pinngitsaalisatut ilillugit
atorfinitsinneqartarnissaat, tassa atuarnermik naammassinninniariaraangamik,
tamanna pitsaasuunngitsoq.
Akissuteqaat
naammagalugu oqanngiinnarusukkaluarlunga, taama naatsumik Naalakkersuisunut
ilaasortap oqaasii taperserlugit oqatsiarpunga.
Immikkoortumullu
80-imut naatsunnguummata ilannguteriissavakka, siunnersuutip taassuma
qiterisaa, siunnersuuteqartullu anguniagaa Naalakkersuisunit akuersaarneqartoq,
siunnersuutip naammassineqarneratut isigalugu Naalakkersuisut
qutsavigisariaqassapput, pissakinnerusunik taasat oqaatsit
pikkorissarfikkoortumik akiliunneqartarallarnissaat aqqutissiukkumallugu
nalunaaruteqarmata.
Aningaasammi
angalanermut atukkat imaasiallaannarissanik tigusassaqarani amerlammata.
Kisianni akiliutigisimasanik utertitsisarnerup siunertaa paasilluarpara.
Aningaasanillu annaasaqaratarsinnaaneq pinaveersaarniarlugu iliuusaalluni.
Taanna paasinarluarpoq.
Kisiannilu
immaqa ikittuinnaat eqqarsaatigalugit aallaalaartumik iliuuseqartalernissaq,
eqaatsumik aaqqiinertut isigalugu, siunnersuut, tassa oqaluuserisassaq 80,
Olga Poulsen siunnersuutaa, taperserpara.
Olga
Poulsen, Inuit
Ataqatigiit:
Mads
Peter Grĝnvoldip siunnersuutaani naggataatigut oqaatigisaa, tassalu
Kultureqarnermut Ilinniartitaanermullu Ataatsimiititaliap annertunerusumik
ilinniagaqartunut tusarniaasarnissaanut tunngatillugu eqqaasissutiginiariga,
qaammat marluk matuma siornatigut D.K.I.K partiinut saaffiginnissuteqarpoq
ataatsimeersuarnissamut qaaqqusilluni.
Nalinginnaasumik
partiit qaaqquneqaraangamik akissaqartittanngilaat aallartitaqarnissartik
taamatut ataatsimeersuarnernut.
Taamaattumik
uanga pisussaaffittut, siulittaasut tassani ataatsimiititalimi, isigalugu
Siulittaasoqarfimmut D.K.I.K. paaseqatigalugu saaffiginnissutigivarput
ataatsimiititaliaq peqataatitsissasoq tassunga ataatsimeersuarnissamut.
Tassanilu
Kattusseqatigiit Kulturundervisningsudvalgimi ilaasortaatitaat
peqataatinneqarpoq. Aamma nalunaaruteqarpoq tikereernermini uagutsinnut
ataatsimiititaliamut. Naluara ilaminut ingerlateqqissimaneraa taakkua
paasissutissat.
Taassuma
saniatigut aamma Ilinniartitaanermut Ataatsimiititaliaq marloriarluni
imaluunniit pingasoriarluni maani K.I.K.-mik ataatsimeeqateqartarsimavoq,
pingaartumik ilinniagaqarnersiuteqarnermut tunngatillugu tusarniaanernik
imaqartunik paasiniagaqarluni.
Aamma
taanna nammineerlutik qujanartumik K.I.K.-p aaqqisuineratigut
pilersinneqarsimavoq. Taammaattumik tusarniaasarnerit ingerlapput, aamma
namminneq kattuffittut soqutiginninnertik naapertorlugu saaffiginnittuartarput.
Mads Peter Grĝnvold, Kattusseqatigiit:
Siullermik akissutigineqartunut qujavunga, Naalakkersuisullu akissuteqaataanut qujanaq.
Eqqarsaatiginerusimavara siunnersuuteqarama ilaatigut aamma ilinniarluni naammassereernerup kingorna, aammalumi Nunatta nammineernerulernissaa anguniarluta sukataarluta oqaaseqartaratta.
Ilinniareernerup kingorna ilinniartuutitta atorluarneqarnerunissaat anguniarlugu arlaatigut pitsanngorsaanissaq ujartorakku.
Soorlu ilinniareernerup kingorna naammassinermi inissaqannginneq, allatigullu ajornartorsiutaasarput. Uanili kisianni siunnersuutinnut tunngatillugu oqaluuserineqarmat Inuit Ataqatigiit oqaaseqartuanit Johan Lund Olsenimik, siunnersuuteqartup qaqqaqqalaaqqqaannginnermini, taamatut oqaaseqarnera uanga akuersaarsinnanngilluinnarpara, Nunatta oqaluttarfiata pingaarnersaatigut.
Taamatut oqaatsit atorneqartarneri nuanninngilluinnarput, ilaatigut kammaannernaraluaqaat oqaatsit taamaattut atorneqartillugit.
Soorunami inuk immineq aquttussaavoq aamma aqussinnaasariaqarpoq, kisianni isumaqanngilanga oqaatsit taamaattut atortassallugit inummut pineqartumut nuannersuusut.
Mogens
Kleist, Kattusseqatigiit:
Inunnik
taakkartuinianngikkaluarlunga Olga Poulsenimut oqassaanga Danmarkimi angalasimaninnut
tunngatillugu ataatsimiititaliamut saqqummiuttussaavara, angalasimanikka amma
ilannut eqqaasimavakka.
Kisianni
imarisai assigiinngitsut, taakkua ataatsimiititaliamut
akuersissutigineqartussaammata maanngaanniit nalunaarutigiinnassakka.
Olga
Poulsen, Inuit
Ataqatigiit:
Uani
oqaaseqarninni oqaatigivara Kattusseqatigiinninngaanniit ataatsimiititaliaq
peqataatitsivoq, taannalu uagutsinnut nalunaaruteqarpoq. Nalunaaruteqareerputit
uagutsinnut, aamma taanna tusaatissatut ataatsimiititaliami tigunikuuvarput.
Unaana
uanga paasinngiinnariga, illit ilannut nalunaaruteqarsimanersutit, taannaana
ujartuinnariga. Paasivara taamaattoqarsimanngitsoq.
Augusta
Salling,
Siulittaasoqarfimmi ilaasortaq:
Tassalu
taamaalilluni immikkoortoq 36 taamaalilluni naammassineqarpoq.