Inatsisartut oqaluttuassartartik takisooq tunumut qiviarsinnaavaat.
1911-mi nunap immikkoortuini marluusuni Avannaani Kujataanilu Landsrådimik pilersitsisoqarpoq. 1950-imi Landsrådit katinneqarput ataasinngorlugit. Ukiup tulliani innuttaasut siullermeerlutik Landsrådimut qinersinissamut periarfissinneqarput. 1979-imi Namminersornerulluni Oqartussaanerup eqqunneqarneratigut Landsrådi Inatsisartunut allanngortinneqarpoq aammalu 1988-imi Inatsisartut Naalakkersuisullu tamarmik immikkut siulittaasoqalerput. Inatsisiliortutut aammalu pissaanermik ingerlatsinermut tunngavissaatitaasut avissaartinneqarnerat Kalaallit Nunaanni inatsisartoqarnermik eqqussinertut oqaatigineqarajuppoq. Namminersornerup 2009-mi eqqunneqarneratigut danskisut taaguut "Landstinget" Namminersorneq pillugu Inatsit aqqutigalugu "Inatsisartut"-nut allanngortinneqarpoq.
Toqqagassap taassuma ataani pisut taakku oqaatsitigut assiliatigullu itisilerneqassapput.
Aqqaluup Aneerasaartarfia, Kalaallit Nunaanni tamat oqartussaaqataanerata pinngoqqaarfia
Kalatdlit-nunane hjemmestyre pivdlugo inatsit