Nutaarsiassat


2017 2016 2015 Flere år...

15-08-2017

Inatsisartut Siulittaasuata Lars-Emil Johansenip ulloq 15. august 2017 Maaliannguaq Svendsen, Qeqertarsuaq, sølviusumik Nersornaaserpaa

Inatsisartut Siulittaasoqarfiata Maaliannguaq Svendsen Qeqertarsuarsuarmi sølviusumik Nersornaaserpaat piffissami sivisuumi annertuumillu inuiaqatigiinnik inuuffigisannik nersortarialimmik sullissisimanera pissutigalugu.

 

Inatsisartut Siulittaasuata Lars-Emil Johansenip Maaliannguaq Svendsenimut oqaaseqasrnermini ilaatigut erseqqissarpai:

 

“Kæmnereqarfiup allaffiani, kingusinnerusukkut kommunip allaffinngortumi, arnat atorfillit siulliit ilagisimavaatsit, tassanilu ukiuni 45-ni qasusuillutit tunniusimallutillu sulisimallutit.

 

Ukiuni aqqaneq-marlunni kommunalbestyrelsimut ilaasortaasimanivit, ilaatigut isumaginninnermut ataatsimiititaliami suleqataallutit, nunaqqaternit tatigineqarnerit ersersippaa.

 

Ullumikkut utoqqaliarsaalereeraluarlutit suli utoqqaat timersortartut peqatigiiffiannut siulittaasuuvutit, taamatullu aamma peqatigiiffippassuarni allani, ilaatigut innarluutillit peqatigiiffianni, Neriuffimmi Illerfissarsiutileqatigiinnilu, siulersuisut sulinerannut peqataasarsimallutit.”

 

 

Siulittaasoqarfik sinnerlugu

 

Lars-Emil Johansen

Inatsisartut Siulittaasuat