Attaveqarfissaq

David Lynge-Frederiksen

+299 34 61 33
dafr@ina.alla.gl

Inatsisartunut ilaasortaq pisortat suliassaataat pillugu Naalakkersuisunut apeqquteqarnikkut paasissutissanik pissarsiniarsinnaavoq. Apeqqut, Inatsisartut siulittaasuannut ingerlatinneqartussaq, naatsumik erseqqissumillu ilusilerneqassaaq tunngavilersuutitaqassallunilu.

 

Tunngavilersuut apeqquteqarnermut pissutaasunut tamakkiisunik itisiliinerussaaq.

 

Tamatuma kingorna apeqquteqartoq Naalakkersuisunit allakkatigut akissutisissaaq. Nalinginnaasumik ullut suliffiusut qulit qaangiutsinnagit Naalakkersuisut akissuteqartussaapput. Tamanna ajornassagaluarpat taava Naalakkersuisunut ilaasortap akissuteqartussap tamanna apeqquteqartumut allakkatigut nalunaarutigissavaa. Kinguaattoornermut pissutaasoq akissullu qaqugu naatsorsuutigineqarsinnaanersoq ilanngullugu nalunaarutigineqassaaq.

 

Akissuteqaat Naalakkersuisunut ilaasortamit atsiorneqarsimassaaq nalinginnaasumillu § 37 naapertorlugu apeqqutinut akissutit assigalugit kalaallisut danskisullu Inatsisartut Allattoqarfiannut tunniunneqassalluni.