Ataatsimiititaliap nalinginnaasumik ataatsimiinnissaani tullermi atortussat ullormut oqaluuserisassanut ilanngunneqarsinnaassagunik kingusinnerpaamik ataatsimiinnissaq ullua sapaatip akunneranik sioqqullugu ataatsimiititaliap allattaanit tiguneqareersimassapput.

 

Pisuni immikkorluinnaq ittumi piffissaliussaq taanna saneqqunneqarsinnaavoq, tamannali aatsaat pisinnaavoq Aningaasaqarnermut Ataatsimiititaliap allattoqarfiata akuersissuteqarneratigut imaluunniit Naalakkersuisuni ilaasortap pineqartup ataatsimiititaliamilu siulittaasup akornanni isumaqatigiissuteqarnikkut, tamannalu Aningaasaqarnermut Ataatsimiititaliami siulittaasup ataatsimiititaliap allattoqarfianut ingerlaannartumik ilisimatitsissutigissavaa.

 

Taamaattoqassappat suliaq aalajangiiffigisassaq tuaviortumik suliarinninnissamik allaganngorlugu qinnuteqaammik ilaqartinneqassaaq. Qinnuteqaammi tunngavilersorneqassaaq suliaq Aningaasaqarnermut Ataatsimiititaliap tullissaanik ileqquusumik ataatsimiinnissaanut sooq utaqqinneqarsinnaannginnersoq kiisalu malittarisassat atuuttut naapertorlugit suliaq Aningaasaqarnermut Ataatsimiititaliap ullormut oqaluuserisassaanut ilanngunneqassagaluarpat kinguneqaatissatut naatsorsuutigisat nassuiarneqarsimassallutik.