Kalaallit Nunaanni Kommuninik Nakkutilliisoqarfiup nakkutigissavaa kommunalbestyrelsinit ingerlatsinerminni inatsisartut inatsisaat malinneqarneqarnersut taamatuttaarlu   maleruagassat taakkununnga atasut malinneqarnersut kissalu pisortani maleruagassat atuuttut naapertorlugit kommunini aqutsineq ingerlatsinersoq.

 

Kommuninik Nakkutilliisoqarfiup katitigaanera sulineralu pillugit malittarisassat Kommunit aqunneqarnerat pillugu Inatsisartut inatsisaat nr. 29, 17. november 2017-meersuni aalajangersarneqarsimapput. (ulluinnarni aqutsinermut inatsit).

Kommuninik nakkutilliisoqarfik makkuninnga inuttaqarpoq:

• Siulittaasoq, Nunatta eqqartuussisuuneraniktoqqarneqarsimasoq aammalu inatsisinut tunngassutilinnut ilinniakkamik naammassisaqarsimasoq.
• Ilaasortat marluk, Inatsisartunut qinersinerup kingorna inatsisartunit toqqarneqartussat.
• Kommuninut qinersereernerit tamaasa kommunalbestyrelsimut ilaasortat akornanni ilaasortat marluk kommuninit peqatigiittunit toqqarneqartut.

 

Peqatigisaanik ilaasortat tamarmik sinniisussaannik ataatsimik toqqaasoqassaaq.

 

Ilaasortat sinniisuilu Inatsisartunit toqqarneqartut Inatsisartunut ilaasortaasariaqanngillat.

 

Siulittaasup imaluunniit minnerpaamik ilaasortat pingasut piumasaqarnerisut pisariaqartitsinerlu naapertorlugu akulikitsigisumik ataatsimiinneq ingerlanneqartassaaq.

 

Kommuninik nakkutilliisoqarfimmut Naalakkersuisunit allatseqarneq  isumagineqassaaq.

 

Qinigaaffimmut piffissaq:

Qinersinerup nutaap kinguneranik Inatsisartuni ivertissuulluni ataatsimiinnermut atatillugu ilaasortat taakkualu sinniisussaat toqqarneqassapput.

 

Pisariaqartitsineq tunngavigalugu ilassutissanik qinersisoqartassaaq.