Nutaarsiassat

30-04-2004

USA-lu isumaqatigiinniarnerit isumalluarfigaat

Inatsisartut Nunanut Allanut Sillimaniarnermullu
Ataatsimiititaliaata Tusagassiorfinnut nalunaarutaa

Nunanut Allanut Tunngasunut Naalakkersuisup Josef Motzfeldtip, Naalakkersuisup nu-nanullu al-lanut ministerip Per Stig Møllerip ataasingorneq ulloq 26. april Washington-imi ataatsimeeqattaar-nitik pillugit Inatsisartut Nunanut Allanut Sillimaniarnermullu Ataatsimiititaliaat ilisimateqqam-merpaa.

Illersornissaq pillugu 1951-imi isumaqatigiissutip nutarterneqarnissaa, Kalaallit Nunaata USA-llu akornanni aningaasaqarnikkut teknikikkullu suleqatigiinnissaq kiisalu Kalaallit Nunaata USA-llu akornanni avatangiisinut tunngatillugu suleqatigiinnermik pilersitsinissaq pillugit illersornissamut ministerip tullianik Paul Wolfowitzimik taamatullu nunanut allanut ministerimik Colin Powellimik killiffiit pillugit oqaloqatigiinnerit ingerlanneqartut pillugit ataatsimiititaliaq ilisimatitsivigineqar-poq. Ataatsimiititaliap pitsaasutut isigaa Thulemi radarip nutarterneqarnissaata isumaqatigiissuteqarfigineqarsinnaanera pitinnagu isumaqatigiissutigineqartussani immikkoortut tamaasa pillugit danskit kalaallillu akornanni isumaqatigiittoqartuarsinnarmat. Isumaqatigiinniarnerit ingerlaqqinnissaannut ataatsimiinnerit pingaaruteqartut ataatsimiititaliaq isumaqarpoq.
 
Ataatsimiititaliartaaq ilisimatinneqarpoq Naalakkersuisoq nunanullu allanut ministeri akunnerminni assigiinngitsunik oqaloqatigiissuteqarsimasut, ataatsimiititaliarlu maluginiagaqarpoq nunatsinni Nunanut Allanut Pisortaqarfiup danskillu Nunanut allanut ministereqarfiata akornanni ilumoorfigeqatiginnermit nalinginnaasumillu isumaqatigiissutigineqartumik angusaqarniarnermit ilisimatitsinerit sunniivigineqarsimasutut pissuseqarmata. Suleqatigiinneq, naalakkersuinikkut atorfilittatigoortumillu, pitsaanerpaamik ingerlasoq ataatsimiititaliap paasivaa. Suliami tamatumani Danmarkip Kalaallillu Nunaata akornanni qanimut peqatigiinneq isumaqatigiinniarnernilu isumaqatigiinnermik toqqammaveqarneq Kalaallit Nunaannut naammaginartumik isumaqatigiinniarnerit angusaqarfiunissaannik anguniagaasumut pingaartorujussuuvoq. Taamaammat isumaqatigiinniarnerit ingerlateqqinneqarnissaat ataatsimiititaliap isumalluarfigaa.

Inatsisartut Nunanut Allanut Sillimaniarnermullu Ataatsimiititaliaat ukuninnga ilaasorta-qarpoq:
Inatsisartunut ilaasortaq Per Rosing-Petersen (Siumut), siulittaasoq
Inatsisartunut ilaasortaq Aqqaluk Lynge (Inuit Ataqatigiit), siulittaasup tullia
Inatsisartunut ilaasortaq Jonathan Motzfeldt (Siumut)
Inatsisartunut ilaasortaq Ellen Christoffersen (Atassut)
Inatsisartunut ilaasortaq Per Berthelsen (Demokraatit)
Folketingimut ilaasortaq Kuupik Kleist, taaseqataasinnaanani ilaasortaq
Folketingimut ilaasortaq Lars Emil Johansen, taaseqataasinnaanani ilaasortaq

Inussiarnersumik inuulluaqqusillunga,

Per Rosing-Petersen
Ataatsimiititaliap siulittaasua