2024 2023 2022 Flere år...
12-10-2005
Tusagasiortunut aningaasaateqarfik 2005
Kalaallit Nunaanni aviisiliortunut aningaasaateqarfik 2005
Tunngaviusut
Aningaasaateqarfik 30.000 kr.-inik aningaasaateqarpoq aviisiliortumullu nunatsinneersumut tunniussisarluni. Aningaasaqarnermut, naalakkersuinermut, inuttut atugarisanut kulturikkulluunniit pissutsinik samminnilluni tusagassiamik suliaqarluni misissuiartorlunilu Danmarkimut angalanermut aningaasaateqarfiup tunissutai atorneqartassapput. Angalanissap siunertaa pisussaaffiliisuuvoq, ullormillu aningaasaliinermiit ukioq ataaseq qaangiutsinnagu angalasoqassalluni.
Aningaasaateqarfiup aningaasaliineri inunnut aviisiliortutut sulisunut tunniunneqartarput. Ilinniartut tunineqarsinnaanngillat. Aningaasaateqarfiup aningaasaliineri ataatsimeersuarnerni, kattuffiit ukiumoortumik ataatsimeersuarnerini assigisaaniluunniit peqataanerinnarnut naatsorsuulluugit atorneqarsinnaanngillat.
Aningaasaateqarfiup aningaasaliinera angalanermut toqqaannartumik attuumassutilittut aningaasartuutinut, t.i. timmisartumut bilitsimut, immikkut pilersititatut sillimmasiinernut, kiisalu angalanermi najugaqarnermut aningaasartuutinut matussutissatut taamaallaat atorneqarsinnaapput. Nammineerluni akissarsiat Danmarkimiinnermilu siunertanut allanut aningaasartuutigisimasinnaasat aningaasaateqarfiup aningaasaliineranit matussuserneqarsinnaanngillat. Angalanerup pinissaanut aaqqitassat Inatsisartut Allattoqarfia aqqutigalugu aaqqissuunneqartarput.
Piffissaq qinnuteqarfissaq
Ulloq 10. januar 2006 qinnuteqarnissamut killigititaavoq.
Qinnuteqaammik immersugassaq atorneqassaaq ataanilu toortagaq toorlugu ¿Qinnuteqaammik immersugassaq¿ pissarsiarineqarsinnaavoq. Immersugassap immikkoortuini ataasiakkaani inissamut naammattumik oqaasertaliussisoqassaaq.
Immersugassaq immersoreerukku qinnuteqarfissatut immersugassap ataani ¿nassiguk¿ tuussavat.
Tamanut saqqummiussineq
Aningaasaateqarfiup aningaasaliineranik pissarsisussaq Inatsisartut siulittaasuata toqqartarpaa. Aningaasaateqarfiup aningaasaliineranik pissarsisoq ulloq 20. januar 2006 Inatsisartut nittartagaatigut www.nanoq.gl-kut tamanut nalunaarutigineqassaaq. Aningaasaateqarfiup aningaasaliivigisaa toqqaannartumik nalunaarfigineqassaaq.
Angerlamut apuunnermi nalunaaruteqarnissaq
Aningaasaateqarfiup aningaasaliineranik pissarsisoq angalanerup kingorna kingusinnerpaamik qaammat ataaseq qaangiutsinnagu angalaneq pillugu naatsumik uunga nalunaaruteqarnissamut pisussaatinneqarpoq: Inatsisartut Allattoqarfiat, att.: allatsi Inge Kleinschmidt Jensen, Postboks 1060, 3900 Nuuk ikje@gh.gl.
Attaveqarfissaq
Uunga saaffiginnillutit annertunerusumik paasisaqarsinnaavutit:
Allatsi Inge Kleinschmidt Jensen, telefon: 34 61 01, e-mail: mailto:ikje@gh.gl