Nutaarsiassat

11-12-2006

Inatsisartut Aalisarnermut, Piniarnermut Nunalerinermullu Ataatsimiititaliaat Sisimiuni

Inatsisartut Aalisarnermut, Piniarnermut Nunalerinermullu Ataatsimiititaliaata Sisimiunut ulluni 17- 20. november 2006-imi paasisassarsiorluni angalanera

Ataatsimiititaliap paasisassarsiorluni angalasimaneq tunngavigalugu Naalakkersuisunut allakkiaa uani atuaruk

Inatsisartut Aalisarnermut, Piniarnermut Nunalerinermullu Ataatsimiititaliaat Sisimiunut paasisassarsiorluni anganeq ingerlappaa. Ilaatigut aalisarneq pillugu saqqummersitsinermut qanittukkut ingerlanneqartumut takuniaanissaq aammalu sinerissap qanittuani aalisartunut KNAPK´p isumasioqatigiissitsineranut peqataanissaq angalanermi siunertarineqarput.

Isumasioqatigiissitsinermi peqataanini tunngavigalugu ataatsimiititaliaq apeqquteqaateqarluni Naalakkersuisunut allagaqarpoq, tassanilu makku ilaatigut Naalakkersuisunit akineqarnissaat kissaatigineqarluni:

• Sinerissap qanittuani raajarniarnerup siunissami ineriartortinneqarnissaa pillugu Naalakkersuisut takorluugaat.
• Saarulliit nunatsinni tunisassiassatut tunineqartut akiisa qaffasissusiat nunanut aalisarnermik ingerlataqartunut allanut sanilliullugu.
• Tunisassiorfinni naammassisaqarsinnaassutsit tunisassiassanillu tigooraasinnaassuseq sinerissamut qanittumi raajarniat pisariaqartitaannut sanilliullugu naammannersut. 

Inussiarnersumik inuulluaqqusillunga

Ane Hansen

Inatsisartut Aalisarnermut, Piniarnermut Nunalerinermullu Ataatsimiititaliap siulittaasua

Paasissutissat allat pissarsiarineqarsinnaapput Ataatsimiititaliap siulittaasuanit Ane Hansen,

Mobil 53 61 58, e-mail: aneh@gh.gl