2024 2023 2022 Flere år...
16-08-2006
Tusagassiuutitigut nalunaarut
2006-imi Nunat Avannarliit Killiit Siunnersuisoqatigiivisa meeqqanoortunik inuusuttunoortunillu atuakkiortartunut nersornaasigassaa Siunnersuisoqatigiit ukiumoortumik ataatsimiinnerannut atatillugu Hotel Føroyar-imi tallimanngornermi ulloq 18. august nal. 13:00 suaarutigineqarpoq.
Nersornaat kusanartoq taanna ukiut allortarlugit tunniunneqatartoq pingajussaanik Siunnersuisoqatigiinnit tunniunneqassaaq. Nersornaatip aningaasartai qallunaat kr.-iinik 60.000-inik naleqarpoq.
Kalaallit Nunaanni, Island-imi Savalimmiunilu Nersornaammut nalilersuisartutut ataatsimiititaliat nunakkaartumik meeqqat atuagaat Nersornaammut december 2005-imi toqqarpaat. Kalaallit Nunaannit atuagaq Nissimaat nissimaajaqqallu (Nissemænd og små nisser) Grethe Guldager-ip atuakkiaa Nuka Godfredsen-imiillu titartagartalersorneqarsimasoq inassutigine qarpoq. Island-imit De frosne tæer Sigrún Eldjárn-ip atuakkiaa inassutigineqarpoq Savalimmiuniillu atuagaq En hund, en kat og en mus Bárður Oskarsson-imit atuakkiarineqartoq inassutigineqarluni. Atuakkiortut taakku ilaannut Nersornaat tallimanngorpat tunniunneqassaaq.
Kalaallit Nunaanni naliliisartutut ataatsimiititaliap ilaatigut inassuteqaateqarnermini tunngavilersuutigaa:
¿Atuakkiortup atuakkamik piffissalerneqarsinnaanngitsumik allannissani iluatsissimavaa peqatigisaanik ileqquusutut kalaallisuujutigaluni nunarsuarmioqatigiinnoortuusoq. Atuagaq sakkortuumik kalaalerpaluttuuvoq ilaatigut Kalaallit Nunaata pinngortitaani pisoqarfiulluni, kalaallisut allanneqarsimalluni kalaallillu qangaaniilli ileqquinik periusaannillu, assersuutigalugu nalliuttorsuit nalliunneranni atisanik kusanartunik qalipaatigissunik pisaartarnernik ersersitsisuulluni.
Atuakkap oqaluttuaraa kalaallit nissimaavi nunap piinik pilerigisaqarnatillu ulluinnarni atukkanik allannguinissamik pingaartitsisuusut aammalu quujanartorsiornermik tissinartor siornermillu nuannarisaqavissuusut. Kalaallit Nunaata anginerujussua atuakkami ersersinneqarpoq, ilaatigut sumiorpaluutsit assigiinngitsut oqaluttuarineqarlutik.
Island-imi naliliisartutut ataatsimiititaliap ilaatigut inassuteqarnermini tunngavilersuutigaa: Atuagaq ¿De frosne tæer" Sigrún Eldjárns-ip qatanngutigiit Stína aamma Jonni pillugit nangittussiatut atuakkiaasa qiterlersaraat. Atuakkat immikkuullarissumik angissuseqarput, assannut mikisunut naleqquttuullutillu piuminartuullutik, issusuujuppulli akunnerpassuarnilu atuarneqarsinnaallutik. Sigrún Eldjárn-ip oqaluttuaq nammineerluni takuminartunik qalipaasikkanik assiliartalersorsimavaa, taamaannermigut oqaaseqatigiinnerit nuannersumik qimalaarneqartarlutik atuartussanullu inuusuttunut pilerinarlunilu atuaruminartuulluni.
Island-imi Sigrún Eldjárn meeqqanut atuakkiortartut nuannarineqarnersaasa ilagaat, ilutigisaanik qalipakkanik assilialiullaqqissuuvoq. Qiimmaarissunik pisoqarfiulluartunillu oqaluttualiortarnermiugut meeqqat immikkut saaffigalugit tiguarluartapai. Periusaa pisariitsuullunilu nuannersuuvoq, pineqartoq toqqartumik iserfigisarpaa pisullu ingerlaneranut atuartoq ingerlaannartumik tiuartarlugu."
Savalimmiuni naliliisartutut ataatsimiititaliap ilaatigut inassuteqarnermini tunngavilersuutigaa: Bárður Oskarsson-ip "En hund en kat og en mus" allallugulu assiliartarlersorpaa. Ersarissumik pitsaasuunermi saniatigut atuagaq nunani avannarlerni meeqqanut atuakkiortarnermi nutaaliortuuvoq ¿ oqaasertalersorneranermigut assiliartarlersorneqarnermigullu.
Atuagaq oqaasertalersorneqarnermigut imarisamigullu meeqqanut toqqaannartumik saaffiginnittuuvoq. Oqaluttuami inersimasunik naammattuugassaqanngilaq oqaluttuarli inersimasut ataavartumik sumi tamanilu oqaaqqissaariniarnerinik taakkartuisuuvoq: "qaamiata ilissinnut qinngasaarunnasi". Marloqiusamik eqqortuutitsisarneq meerarpaluttumik akerlilerneqarpoq angerlarsimaffeeqqani assortuunnermik ornigisaqanngitsuni nutaaliaasuni atugaasoq. Oqaluttuaq paasiuminartuuvoq quujanartuulluni sukumiinerusumillu paasiuminarsarneqarsinnaananilu nassuiarneqartariaqanngitsoq allaat meeqqat minnerpaat pissarsiffigisinnaasaat. Inersimasup atuartussap aamma assiliartaliussat oqaasertaliussallu iluaqutaasumik nassuiaasersinnaavai oqaasertaliussat assiliartaasalu imarisaat aamma itinerusumik iserfigisinnaallugit.
Siusinnerusukkut Nersornaatisisimasut ukuupput: 2002. ¿Sagan af bláa hnettinum" Andri Snær Magnason-imit aamma 2004-imi ¿Engill í vesturbænum" Kristín Steinsdóttir aamma Halla Sólveig Þorgeirsdóttir-imit.
Annertunerusumik paasissutissat: Siunnersuisoqatigiit allattaat Thordur Thorarinsson, oqarasuaat. 00354 5630731, tt@althingi.is
Nunat Avannarliit Killiit Meeqqanoortumik Inuusuttunoortumillu atuakkiortumut Nersornaasiuttagaat pillugu aalajangersakkat uani takuneqarsinnaapput:
http://www.vestnordisk.is/id/1000103