2024 2023 2022 Flere år...
05-06-2006
Nunani Avannarlerni Killerni takornariaqarneq pillugu oqallinneq
Nunani Avannarlerni Killerni takornariaqarneq pillugu oqallinneq
Siunissami takornariat sulinngiffeqarnerminnut qanoq piumasaqaateqarniarpat? Nunat avannarliit killiit siunissami takornarianut sunik immikkut neqerooruteqarsinnaappat? Nunani avannarlerni killerni Norgemilu inatsisartunut ilaasortat, ministerit, immikkut ilisimasallit kiisalu sulianut kattuffinni suliffeqarfinnilu sinniisorisat 40-t sinnerlugit amerlassusillit ulluni juunip arfernaniit qulingiluaanut nunani avannarlerni killerni takornariaqarneq nunallu avannarliit killiit takornariaqarnermut tunngatillugu suleqatigiinnerat Maniitsumi, Kalaallit Nunaanni, oqallisiginiarlugit katersuuppata apeqqutit tamakku ilaatigut oqallissigineqarumaarput.
Nunat Avannarliit Killiit Siunnersuisoqatigiiffiata ukiumoortumik sammisaqarluni ataatsimeersuarnerat pineqarpoq.
Nunat Avannarliit KilliitSiunnersuisoqatigiiffiata siulittaasua Henrik Old ima oqarpoq:
¿Nunat Avannarliit Killiit Siunnersuisoqatigiiffiata sammisaqarluni ataatsimeersuarnerata takornariaqarnerup nunanilu avannarlerni killerni nunat tamatumani suleqatigiinnerisa, siunissamilu periarfissatut atuuttut, sammineqarnissaat siunertaraa .Minnerunngitsumik nunanut pingasuusunut taakkununnga nunat takornarianit ornitassaqqissutut takoqqusaarutigineqarnissaat pillugu suleqatigiinnermut ilaasut pissusissamisoortut suussusersisinnaajumallugit."
Ataatsimeersuarnermi takornariaqarnerup Nunanut Avannarlernut Killernut pingaarutai, nunat akornanni takornariaqarnikkut suleqatigiinnerup qanoq atuunnera, timmisartutigut attaveqaatit pingaarutaat, nunat avannarliit killiit akornanni ataqatigiissakkamik takornariartitsinissamut periarfissat takornariaqarnermillu suliallit periutsit nutaat atorlugit suliaqarfinnik allanik qanoq suleqateqarsinnaanerat aamma oqaluuserineqassapput. Takornariaqarneq nunanilu pingasuusuni taakkunani takornariaqarnermik suliallit ilisaritinneqassapput nunallu takornariaqarnermut suleqatigiinnerata siunissaat nunani avannarlerni killerni ministerit isummaminnik saqqummiivigissallugit.
Saqqummiisussanut ilaapput Siverth K. Heilmann aamma Bjarni Djurholm, Kalaallit Nunaanni Savalimmiunilu takornariaqarnermut naalakkersuisut, Sigríður Anna Þórðardóttir Islandimi avatangiisinut ministeri, Klaus Æ. Mogensen Danmarkimi Institut for fremtidsforskningimeersoq, Jørgen Nielsen Topas rejserineersoq, Árni Gunnarsson Air Icelandimeersoq, Stig Rømer Winther, Per Hansen aamma Ársæll Harðarson nunat avannarliit killiit Takornariaqarnermut Siunnersuisoqatigiivineersut, Nunat Avannarliit Siunnersuisoqatigiivisa Præsidentia Ole Stavad, Sigrun Eng Norgemi Stortingimeersoq aamma Rolf Gunnarsson Sverigip Riksdagianeersoq.
Nunat Avannarliit Killiit Siunnersuisoqatigiiffiat siorna ataatsimiinnermi aalajangerpoq nunani avannarlerni killerni nunanut takorniaqarnerup aningaasaqarnikkut pingaarutaata annertusiartornera pissutigalugu 2006-imi takornariaqarneq sammineqassasoq. Taamaammat nunanut eqqaamiorisanut innuttakitsunut ataatsimoornissaq suleqatigiissutissaqqissullu allat suussusersineqarnissaat suli pingaarneruvoq.
Annertunerusumik +paasiniaavissat:
Jarvin Ole Mellemgaard, nunap aallartitaasa allattaat, tlf. 00299 485757.
Thordur Thorarinsson siunnersuisoqatigiiffiup allattaa, tlf. 00354 563 0731 tt@althingi.is