2024 2023 2022 Flere år...
16-05-2006
Inatsisartut Nunanut Allanut Sillimaniarnermullu Ataatsimiititaliaata USA-mut angalanerat
Inatsisartut Nunanut Allanut Sillimaniarnermullu Ataatsimiititaliaata New Yorkimut Washingtonimullu paasisassarsiorluni angalaneranut tunngatillugu ippassaq ataasinngorneq ull. 15. maj radioaviisip ilanngutassaniaanut naqqiut Ataatsimiititaliap matumuuna nassiuppaa.
Aallarnissaq sioqqutilaarlugu Ataatsimiititaliap siulittaasua Lars-Emil Johansen pingaartumik suliaritittussaanini pissutigalugu ajoraluartumik peqataasinnaajunnaarluni nalunaartariaqarsimavoq. Tommy Marø Lars-Emil Johansenimut sinniisussatut angalanermi peqataavoq. Siulittaasup tullia Ellen Christoffersen ilaqutariinni qanigisamini toqusoqarnera pissutigalugu angalaneq aallartereersoq New Yorkimiit angerlamut aallartariaqarsimavoq.
Angalanerup siunertaa Ataatsimiititaliap pingaartutut isigaa angalanerlu ilaasortat uku peqataasoralugit ingerlanneqarpoq : Johan Lund Olsen, Marie Fleischer, Tommy Marø. Johan Lund Olsen Ataatsimiititaliap angalanerani siulittaasutut atuuppoq.