2024 2023 2022 Flere år...
04-12-2007
2007-ip sinneranut Aningaasaqarnermut Ataatsimiititaliap nalinginnaasumik ataatsimiinnissaanut pilersaarut
Ataatsimiinnissani siuliani taaneqartuni suliaritikkusutaminnik Naalakkersuisut suliassaateqarunik taakku ataatsimiiffissatut ulluliussat siuliani taaneqartut sapaatip akunneranik ataatsimik sioqqullugit Aningaasaqarnermut Ataatsimiititaliap allattoqarfianit tiguneqareersimasussanngorlugit nassiunneqassapput. Aammattaaq atortussat tamarmik qarasaasiakkut uunga nassiuteqquneqarput: nch@gh.gl
Naalakkersuisoqarfiit allakkiap matuma nuutinneqarneranik nassinneqarnissaat qulakkeeqqullugu Aningaasanut Naalakkersuisoqarfik Aningaasaqarnermut Ataatsimiititaliamit qinnuigineqassaaq.
Ukiup 2007-ip sinnerani qinnuteqaataasinnaasut sapinngisamik kingusinnerpaamik novemberip qaammataani nassiunneqarnissaat periarfissaq iluatsillugu Aningaasaqarnermut Ataatsimiititaliap Naalakkersuisunut kaammattuutigissavaa. Aningaasaliissutinik allannguinissamik qinnuteqaatinik ukiup naalivinnerani nassiussisarneq naapertuuttuunngilaq, tamatumanimi pineqartoq tassaagajuttarmat aningaasaliissutit atuinerillu akornanni naapertuussaajumalluni aningaasaliissutit atorneqareerneranni aningaasaliineq. Aningaasaliissutit atorneqareerneranni aningaasaliissuteqarnissamik Aningaasaqarnermut Ataatsimiititaliaq akuersissutiginnissinnaanngitsoq missingersuutit pillugit inatsimmi allassimavoq.
Aningaasaliissutinik allannguinissaq ima siusitsigisukkut pisariaqarpoq qinnuteqaatigineqartoq Aningaasaqarnermut Ataatsimiititaliamit itigartinneqassagaluarpat Naalakkersuisut aningaasaliissutaaqqaartunik sukangasumik aqutsinermikkut eqquutsitsinnaallutik. Immikkut sukangasumik aqutsigaluarlutik aningaasaliissutitut akuersissutigineqartunik Naalakkersuisut eqquutsitsinnaasimannginnerat decembarip qaammataani ilassutitut aningaasaliissuteqarnermi uppernarsarneqarsinnaasariaqarpoq.
Inussiarnersumik inuulluaqqusillunga
Augusta Salling
Aningaasaqarnermut Ataatsimiititaliap siulittaasua