2024 2023 2022 Flere år...
11-05-2007
Innarluutillit pillugit Ataatsimeersuarnissami 2007-imi ulluni 14. ¿ 16. maj pisussami Inatsisartut Ilaqutariinnermut Ataatsimiititaliaanni ilaasortat peqataassapput.
Innarluutillit pillugit Ataatsimeersuarneq 2007 Ilaqutariinnermut Inatsisinillu Atortitsinermut Naalakkersuisumit aaqqissuisuusumillu Aleqa Hammondimit ulloq 14. maj 2007 ammarneqassaaq.
Innarluutillit pillugit Ataatsimeersuarnermi innarluutillit atugaasa sammineqarnissat siunertarineqarpoq, taamaalilluni siunissami innarluutilinnik isumaginninneq nukittorsarneqarsinnaaqqullugu. Tamanna ilaatigut innarluutillit ilinniartitaanermik ingerlatsinissamut periarfissaannut suliffeqarnermi piumassuseqarnissaannut sunngiffimminnilu eqeersimaartuunissaannut atatinneqarluni.
Ataatsimeersuarneq oqalugiarnertalimmik, saqqummiussinertalimmik paasissutissiinertalimmillu ingerlanneqassaaq. Ilanngussanut taaneqartunut atatillugu Workshopit oqallinnerillu ataatsimeersuarnermi sammineqartunik aajajangiusimatitsisuussapput sulissutigineqarlutillu, aammalu peqataasut akunnerminni ilisimasaminnik, misilittakkaminnik isummannillu tusarnaarnissaat taakkuninngalu paasisaqarnissaat qulakkeerneqassalluni.
Aammattaaq ataatsimeersuarneq Ilaqutariinnermut Ataatsimiititaliami ilaasortat ataatsimiititaliap aalajangiiffigisassatut siunnersuutinik marlunnik Inatsisartut 2007-imi upernaakkut ataatsimiinneranni siullermeerneqartunik suliarinninnerata ilaatut isigissavaat. Innarluutillit pillugit Ataatsimeersuarneq 2007 innersuussutigalugu siunnersuutit aappassaaneerneqarnissaat UKA 2007-imut kinguartinneqarpoq. Siunnersuutit makku pineqarput:
UPA 2007/79
Siunnersuut inatsisartut aalajangernissaannut Naalakkersuisut pisussaatinneqassasut misissuinissaminnut qulaajarniarlugu takussutissiorniarlugulu inuit autismeqartut Aspergers syndromeqartullu kiisalu ilaqutaasut atugarisaat pillugit paasissutissanik.
UPA2007104
Innarluutillit pillugit ilisimasanik katersuiffimmik siunnersuisarfiutigisumik pilersitsinissaq aammalu tassunga 2008-mi aningaasanut inatsisissatut siunnersuummi aningaasaliissuteqarnissamut siunnersuuteqarnissaq sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartut Ilaqutariinnermut Ataatsimiititaliaanni ilaasortat, Ilaqutariinnermut Inatsisinillu Atortitsinermut Naalakkersuisup aammalu kommunini qinikkat sinniisaasa saniatigut sulisut assersuutigalugu ilinniartitaanerup, sammisassaqartitsinerup, teknologiip innarluutilinnullu atortulersuutit iluini misilittagallit, ilisimasallit oqartussaaffillillu peqataassapput.
Paasissutissanut sukumiinerusunut atatillugu ¿ Ilaqutariinnermut Ataatsimiititaliami ilaasortat makku saaffigineqassapput:
Inatsisartunut ilaasortaq Emilie Olsen, Siulittaasoq, telefon: 34 62 58, mobil 52 86 64
Inatsisartunut ilaasortaq Ruth Heilmann telefon: 34 62 30, mobil 52 08 05
Inatsisartunut ilaasortaq Agnethe Davidsen telefon: 34 62 24, mobil 55 57 01
Inatsisartunut ilaasortaq Agathe Fontain telefon: 34 62 26, mobil 48 45 31
Inatsisartunut ilaasortaq Astrid Fleischer Rex telefon: 34 62 44, mobil 48 35 29