2024 2023 2022 Flere år...
26-04-2007
Inatsisartut Eqqissisimatitsinermut Avatangiisinullu Ataatsimiititaliaata tusagassiorfitsigut nalunaarutaa
Maanna eqqagassalereriaaseq naammaginartumik ingerlanngitsoq Inatsisartunit partiit tamarmik nassuerutigigaat avatangiisinut aningaasaateqarfimmik pilersitsinissamut siunnersuut UPA 2007/6 pillugu isumaliutissiissummini Eqqissisimatitsinermut Avatangiisinullu Ataatsimiititaliap erseqqissarpaa.
Ulluinnarni eqqagassalereriaaseq nukittorsarneqassappat Peqqissutsimut Avatangiisinullu Naalakkersuisumit paasissutissiissutigineqartut naapertorlugit avatangiisinut tunngasut 2008 aallarnerfigalugu annertuumik aningaasaliiffigineqartariaqassapput, tamannalu Eqqissisimatitsinermut Avatangiisinullu Ataatsimiititaliap UPA 2007/6-imut isumaliutissiissutaanit tigulaakkatigut ersarilluinnartumik takutinneqarpoq.
-
Piffissamut 2008-2019-imut 340 mio. kr.-it missaannik sanaartornermut ataatsimut aningaasaliinerit. Piffissamut 2008-2011-muinnaq sanaartornermut aningaasaliissutissat tamakkiisut 150 mio. kr.-it missaanniissangatinneqarput.
-
Pisortat eqqagassalerinermut tunngasuni ingerlatsinermut aqutsinermullu ingerlaavartumik aningaasatuutaannik qaff akkiartuaartitsineq, taamaalilluni taakku 2019-imi ullumikkornit ukiumoortumik 110 mio. kr.-it missaannik amerlanerulersillugit. 2011-p naanerani ingerlaavartumik aningaasartuutit taakku ukiumoortumik 27,5 mio. kr.-it missaannik amerlereersimanissaat naatsorsuutigineqarpoq.
Naalakkersuisut 2008-mut aningaasanut inatsisissatut siunnersuutaat minnerunngitsumillu eqqagassalerinermut pilersaarutissap nutaap aningaasalersorneqarnissaanut ataatsimoortumik siunnersuut aammalu avatangiisinut tunngasumik ataatsimut iliuusissat pissangagalugit Eqqissisimatitsinermut Avatangiisinullu Ataatsimiititaliamit qilanaarineqarput.
Paasissutissanik annertunerusunik pissarsinissaq kissaatigineqarpat Eqqissisimatitsinermut Avatangiisinullu Ataatsimiititaliap ilaasortai saaffigineqarsinnaapput:
Inatsisartunut ilaasortaq Thomas Kristensen, Siulittaasoq, på telefon: 34 62 45
Inatsisartunut ilaasortaq Vittus Mikaelsen, Siulittaasup tullia, på telefon: 34 62 23
Inatsisartunut ilaasortaq Jonathan Motzfeldt på telefon: 34 61 05
Inatsisartunut ilaasortaq Juliane Henningsen på telefon: 34 62 69
Inatsisartunut ilaasortaq Palle Christensen på telefon: 34 62 37