2024 2023 2022 Flere år...
04-12-2007
Upernaviup Kommuneani borgmester Jens Immanuelsenimut Nersornaammik sølviusumik nersornaasiineq
Kommunimi suliaq annertooq inerisaanerlu borgmester Jens Immanuelsen siuttoralugu aallarnisarlugu suliniartoqarsimasoq Knud Kristiansenip oqalugiaammini erseqqissarpaa. Inuttut, teknikikkut aningaasaqarnikullu pisinnaasani tamaasa atorlugit kommunimi innuttaasunut tamanut illoqarfimmik najoruminartumik avatangiisinullu illersuisuusumik pilersitsiniarnermik Jens Immanuelsen inuppalaartumik tunniusimalluarluni suliniarsimavoq.
Peqatigiiffilerinermissaaq Jens Immanuelsen suliniarluarsimaqaaq, ilaatigut SIK¿p immikkoortortaqarfiani kiisalu Taekwon-Do klubimi.
Upernaviup Kommuneani suliniarluarsimanerujussua pillugu Jens Immanuelsen annertuumik qujassutissaqarfigaarput!
Inussiarnersumik inuulluaqqusillunga,
Knud Kristiansen
Inatsisartut Siulittaasoqarfianni siulittaasup tulliisa aappaat
Paasisaqarnerorusuttut Inatsisartut Siulittaasoqarfianni siulittaasut tulliisa aappaanut, Knud Kristiansenimut oqarasuaat: + 299 59 08 20-mut saaffiginnissinnaapput