2024 2023 2022 Flere år...
28-12-2007
Kalaallit Nunaanni annaassiniarnikkut upalungaarsimaneq
Sammisat tassunga assingusut Inatsisartut ukiarmi ataatsimiinneranni oqaluuserineqarput. Ukiarmi ataatsimiinnerni Nunat Avannarliit Killiit Siunnersuisoqatigiivini aalajangersakkanik saqqummiussisoqarpoq, taakkunatigut ilaatigut annaassiniartarnermut tunngasutigut attaveqatigiinneq suleqatigiinnerlu pingaarteqqullugit Nunat Avannarliit naalakkersuisui kaammattuiffigineqarlutik.
Nunatsinni imaatigut annaassiniarnermik suliaqarneq maannakkut naalagaaffimmit ataqatigiissaarneqarlunilu ataatsimut aaqqissuunneqartarpoq. Taamaakkaluartoq Nunanut Avannarlernut Killernut atugassarititaasut umiarsuaq ilaasartaat angisooq imartatsinni ajunaarnersuarmit eqqugaassagaluarpat ilaatigut Islandimi annaassiniarnikkut atorneqarsinnaasut aammattaaq atorneqarsinnaanerat Naalakkersuisut Naalagaaffiullu peqatigiillutik patajaallisassappatigit pingaartutut isigaara.
Nunatta imartaani amerlasuunik ajunaartoqarluni umiusoqarpat imaannaanngitsorujussuarmik inunnut ajunaarnersuaqaannarani aammattaaq takornariaqarnermik inuussutissarsiornerput aaqqikkuminaatsorujussuarmik ajoqusiivigineqartussaavoq. Taamaammat naatsorsuutiginngisamik pisoqassagaluarpat nammineerluta upalunngaarsimanikkut atorsinnaasatsinnut tapertaasinnaasunik Naalakkersuisut siunissami eqqumaffiginninnissaat pingaartuuvoq.
Inatsisartut Siulittaasuat
Jonathan Motzfeldt