2024 2023 2022 Flere år...
22-11-2007
Ruslandimi naalagaaffeqatigiit immikkoortuisa ilaannit tikeraartoqarneq
Ruslandimi naalagaaffeqatigiit immikkoortuisa ilaannit tikeraartoqarneq;
Nunap immikkoortuinut avannarlernut nunallu inoqqaavinut naalagaaffeqatigiit immikkoortuisa siunnersuisoqatigiittut ataatsimiititaliaata Inatsisartunut takuniaanera
Naalagaaffeqatigiit immikkoortuisa siunnersuisoqatigiivinit aallartitat; Russit Inatsisartuini overhusimeersut Inatsisartunut ulluni 19.-21. november 2007-imi tikeraarput. Aallartitat nunap immikkoortuinut avannarlernut nunallu inoqqaavinut naalagaaffeqatigiit immikkoortuisa siunnersuisoqatigiittut ataatsimiititaliaanni inatsisartunut ilaasortanit inuttaqarpoq.
Aallartitat Inatsisartut Siulittaasoqarfiannit Nunanullu Allanut Sillimaniarnermullu Ataatsimiititaliamit sinniisunik ataatsimeeqateqarput. Aammalu ICC, Greenland Tourism and Business Council kiisalu Inuussutissarsiornermut Pisortaqarfik ilisimatitsiffiusumik ataatsimeeqatigineqarput. Nunatsinni inatsisartutigoortumik sulineq pillugu tikeraartut ilisimatitsissuteqarfigineqarput, tamatumalu saniatigut makku immikkut soqutigalugit tusagaqarfigerusullugit:
- Nunap inoqqaavi, takornariaqarneq inuussutissarsiornermillu ineriartortitsineq
- Nunani avannarlerni avinngarusimanerusunik ineriartortitsineq
- Nunatsinni takornariaqarnermik ineriartortitsinermi atugassarititaasut pissutsillu immikkut ittut (pinngortitap pissuseqatigiinneranut inunnullu pinngortitami inuusunut tunngasut il.il.)
- Piffiit qangaaniilli najugaqarfiusartut aammalu qangaaniilli inooriaaseq kulturilu innarlerneqartillugit pitsaanngitsumilluunniit sunnerneqartillugit nunap inoqqaavinut oqartussaasut suliffeqarfiillu akisussaassuse- qartinneqarnerat
- Qangaaniilli ileqqut kulturerisallu attatiinnarnissaannut nunap inoqqaavinut atugassarititaasut periarfissarititaasullu.
Suliassaqarfiit assigiinngitsut arlallit iluini nutaatut suliniutissat isumaliutiginissaannut isumassarsianik pissarsisimallutik aallartitat siulittaasuata Gennady Oleynikip oqaatigaa. Taamaalillunilu ilaatigut nunatsinni kommuninik iluarsaaqqinneq aatsitassanillu annertunerusumik piaanissamut periarfissat ataatsimiititaliap immikkut soqutigalugit paasisaqarfigai.
Ataatsimiititaliap siulittaasuata tulliata Igor Vasilievip, Komi Republikimi aamma sinniisuusup, silaannaap allanngoriartornera pillugu marts 2008-mi ataatsimeersuarnissami peqataaqqullugu Inatsisartut Siulittaasuat qaaqquaa, tamatumalu peqatigisaanik Komimi uuliamik qalluinermi misilittakkat paasisaqarfiginissaannut periarfissaqassalluni.
Annertunerusumik paasisaqarusuttut Ataatsimiititaliap allattuanut Anja Hynne Nielsen-mut saaffiginnissinnaapput mobil 48 61 61.
Aallartitat nalunaarsorsimaffiat ilanngunneqarpoq.
Jonathan Motzfeldt-ip oqalugiaataa