2024 2023 2022 Flere år...
06-12-2007
Nunanut Allanut SillimaniarnermulluAtaatsimiititaliaq Kangilin-nguanut/Ivittuut Kommuneannut paasisassarsiorluni angalalerpoq
Arfininngornermi ulloq decembarip 8-aat Kalaallit Nunaata Sakkutooqarfiata sinerissamut nakkutilliissutaa Vædderen ilaaffigalugu Ataatsimiititaliaq Kangilinnguanut tikissaaq.
Kalaallit Nunaanni Sakkutooqarfik taassumalu suliassai sukumiisumik paasisaqarfigiumallugit Ataatsimiititaliap Kangilinnguit tikeraarumasimavaa. Ulloq januaarip aallaqqaataa 2006 Kalaallit Nunaannut tunngassutilinnik sakkutooqarnikkut suliassat Kalaallit Nunaannut Sakkutooqarfiup tamaasa tiguai. Minnerunngitsumik killeqarfimmik nakkutilliineq, oqartussaaffiginninnermik ersersitsineq, Kalaallillu Nunaata sakkutooqarnikkut illersorneqarnerata paasisaqarfiginissaat Ataatsimiititaliap qilanaaraa. Aamma Kalaallit Nunaata Sakkutooqarfiata inissisimaffia pillugu oqallinnerup tikeraarnissaq pisariaqalersippaa. Ataatsimiititaliaq inunnik susassaqartunik naapitsissaaq, soorluttaaq Kalaallit Nunaanni sakkutooqarfiup atortulersuutai Ataatsimiititaliap takuniassagai. Tikeraarneq oqallinnerillu, isumaqatiginninniarluni angalanerunngitsutut, illuatungeriit ilisimateqatigiissutigissavaat.
Ivittuuni sapaat ulloq decembarip 9-at borgmesteri kommunalbestyrelsilu Ataatsimiititaliap ataatsimeeqatigissavai. Tamatumani pisortatigoortuunngitsumik oqaloqatiginninnissani ataatsimiititaliap qilanaaraa, taamaalillunimi sulianut pissutsinullu tamanut attuumassutilinnut maannakkut kommunimiittunut pingaarutilinnullu tunngatillugu Ataatsimiititaliaq paasissutissinneqarnerusinnaammat.
Paasisaqarnerujumasut Ataatsimiititaliap siulittaasorigallagaa, angalanermut siuttuusoq, Josef Motzfeldt, oqarasuaat: + 299 55 76 41-mut, saaffigisinnaavaat.