2024 2023 2022 Flere år...
20-01-2007
Inuusuttut inatsisartuini peqataasut nunatsinni eqqartuussiveqarneq pillugu oqalugiarfigineqartut
Inuusuttut Inatsisartui 2007 arfininngorneq ulloq 20. januar 2007 Hans Egedep Illuani aallartisarput, tassani Inatsisartut Allattaanerata Ellen Kolby Chemnitzip ilinniartut 32-t Kalaallit Nunaannit tamarmit peqataasut tikilluaqqummagit.
Inuusuttut Inatsisartui aallarnisarlugit inuusuttut oqalugiarfigineqarput qulequtaq ¿Eqqortuliorneq naapertuilluarnerlu¿ aallaavigalugu. Oqalugiartuupput politimestereqarfimmit Rikke Lundbye, politiassistent Pavia Kleist, namminersortuulluni illersuisuusoq Cand. Jur. Naja Joelsen, aammalu Nuummi eqqartuussiveqarfimmit eqqartuussisuusoq Kista Lynge Høegh.
Rikke Lundbye aamma Pavia Kleistip eqqartuiffigaat pinerluttoqarsima-tillugu suliat qanoq ingerlanneqartarnersut, aammalu inuusuttut pinerlussi-magaangata pillaatissiisarnerni pineqaatissiisarnerit assigiinngitsut. Inuusut-tut inatsisinik unioqqutitsisartut 14-18-inik ukioqartarput. Inuusuttut piner-luutigikkajuttarpaat aqqusinerni innarliisarnerit, inunnut allanut nakuuser-nerit, biilinik tillinniarnerit tillinniartarnerillu nalinginnaasut.
Ullutsinni takuneqakkajuttarput inuusuttut ataatsimoorlutik pinerlunniartartut. Inuusuttut pineqartut tassaakkajuttarput peroriartornerminni ilungersunartunik atuga-qartitaasimasut. Pineqaatissiinerit tassaasarput akiliisitsineq imaluunniit inuusuttunut inissiisarfinnut inissinneqarneq.
Naja Joelsenip Kista Lynge Høeghillu saqqummiuppaat qanoq illersuisut sulisarnersut, aammalu qanoq eqqartuussivinni sulineq ingerlasarnersoq. Illersuisut tassaakkajuttarput inuinnaat, Kalaallillu Nunaanni illersuisutut sulisunit 40-t missaanniittunit marluinnaat inatsisilerituutut ilinniarsima-suupput. Saqqummiussereernerit kingorna inuusuttunit apeqqutilliinissaq soqutigine-qangaatsiarpoq.
Inuusuttut Inatsisartuisa ingerlanneqarnissaanut pilersaarut, suleriaasissaq, siunnersuutit suliarineqartussat, kiisalu paasissutissat iluaqutaasinnaasut allat inuusuttut inatsisartuisa nittartagaanni uani atuarneqarsinnaapput:
http://www.nanoq.gl/Groenlands_Landsting/Ungdomsparlament/Ungdomsparlament%202007.aspx
Paasisaqarnerorusuttut Bula Larsenimut, oqarasuaat: 34 61 20-imut imaluunniit 48 64 88-imut, e-mail bula@gh.gl -imut saaffiginnissinnaapput.