2024 2023 2022 Flere år...
15-01-2007
Inuusuttut Inatsisartui 2007 ataatsimiilerput ulluni 20.-25. januar Nuummi
2007-imi Inuusuttut Inatsisartui ulluni januarip 20-ianiit 25-ianut 2007 ingerlanneqassaaq
Inuusuttut Inatsisartui 2007 Inatsisartunit ingerlanneqartoq arfininngorneq ulloq 20. januar 2007 aallartissaaq sisamanngornerlu ulloq 25. januar 2007 ilanngullugu ingerlanneqassalluni.
2003-imi Inuusuttut Inatsisartui siullerpaamik Inatsisartunit ingerlanneqarpoq. Taassuma kingorna 2005-imi Inuusuttut Inatsisartui ingerlanneqarpoq ¿ taakku marluk iluatsilluarsimaqaat. Taamaammat nunatsinni ilinniarfinni ilinniartut Inuusuttut Inatsisisartuinut ¿ tassalu Inuusuttut Inatsisartui 2007-imut ¿ pingajussaannik peqataaqqullugit Inatsisartut aggersaasimapput.
2003-mi sammineqarpoq ¿Kalaallit Nunaat Inatsisillu Tunngaviusut¿, 2005-imilu ¿Tamat Oqartussaaqataanerat¿. Maannalu sammisassaq pingaarneq tassa ¿Eqqortuliorneq Naapertuilluarnerlu¿.
Nunatsinnit tamarmit ilinniartut 30 missaannik amerlasusillit Inuusuttut Inatsisartui Inatsisartuniissapput nammineerlutillu siunnersuusiatik 36-it missaannik amerlassusillit ¿ siunnersuutit ilinniartitaanermut, attaveqarnermut, pinngortitami pisuussutinut, pinerluttuliortarnerup annikillisinneqarnissaanut allarpassuarnullu tunngasut suliarissallugit. Siunnersuutit inuiaqatigiit inuuffigisavut toqqissisimanarneruleqqullugit, aaqqissuulluagaaneroqqullugit ataatsimooqatigiinnerlu naapertuilluarnerusunngoqqullugu suliniutissatut allannguutissatullu siunnersuuteqarumallutik Inuusuttut Inatsisartuinit saqqummiunneqartut.
Inuusuttut Inatsisartuinut piareersarluni aallartisarnissamut inuusuttut Naalakkersuisutut atuutsitassat Inatsisartuni Naalakkersuisunilu sulineq pillugu 2007-imi ulluni januarip arfernani arfineq-aappaanilu isumasioqatigiinnissamut Inatsisartunit aggersarneqarput. Inuusuttullu Inatsisartuisa ilaasortaanit siunnersuutigineqartorpassuarnut oqimaaqatigiissaakkamik akissuteqaateqarlutik saqqummiussinissartik aqutseqatigiit misiligarpaat.
Inuusuttut Inatsisartuisa ingerlanneqarnissaanut pilersaarut, suleriaasissaq, siunnersuutit suliarineqartussat, kiisalu paasissutissat iluaqutaasinnaasut allat inuusuttut inatsisartuisa nittartagaanni uani atuarneqarsinnaapput:
http://www.nanoq.gl/Groenlands_Landsting/Ungdomsparlament/Ungdomsparlament%202007.aspx
Paasisaqarnerorusuttut Bula Larsenimut, oqarasuaat: 34 61 20-imut imaluunniit 48 64 88-imut, e-mail bula@gh.gl -imut saaffiginnissinnaapput.