2024 2023 2022 Flere år...
27-08-2008
Nunat avannarliit killiit konsuleqarfiulerlutillu akunnerminni aallartitatut piginnaatitaasunik sinniisoqarfinnik allaffeqalissapput.
Nunat Avannarliit Killiit Siunnersuisoqatigiivisa Grundarfjörðurimi, Islandimi aggustip 25annit 27anut 2008 ukiumoortumik ataatsimiinnermi tamanna ilaatigut inerniliunneqarpoq. EU-muttaaq tunngatillugu aalisarnermut ministerit qanimut suleqatigiileqqullugit Nunat Avannarliit Killiit Siunnersuisoqatigiivisa kaammattorpai.
Ataatsimiinnermi Siunnersuisoqatigiinnit isumaqatigiissutigineqarpoq Savalimmiut, Kalaallit Nunaata Islandillu tamakkerlutik misissussagaat Savalimmiut Kalaallillu Nunaata akornanni killiligaanngitsumik niueqatigiinnikkut Kalaallit Nunaat Hoyvikimi isumaqatigiissummut ilaaler-sinnaannginnersoq, tamannami nunanut tamanut annertuumik iluaqutaasussaammat. Savalimmiuni Hoyvikimi isumaqatigiissummut misilittakkat, annertunerusutigut pitsaasutut isigineqartut, Savalimmiut nunanut allanut ministeriannit, Høgni Hoydalimit oqaluttuarineqarput, massa isuma-qatigiissummut atatillugu ataasiakkaatigut ajornartorsiutitaqartarsimagaluartoq. Ajornartorsiutit taakku amerlanersaat aaqqinneqarsimasut imaluunniit siunissami qanittumi suleqatigiilluarnikkut aaqqinneqarumaartut unnerpaa.
Siunnersuisoqatigiit siulittaasutut qinigaaqqammersoq, Kári P. Højgaard, oqaluttuarpoq Nunani Avanna rlerni Killerni sulisartunut ilinniagaqarsimanngitsunut ilinniagaqarnissamut periarfissat ukiumi tullermi sammisaqarluni ataatsimeersuarnermi misissorniarneqartut.
¿Ullumikkut qanoq ittunik ilinniagaqarnissamut periarfissaqarnersoq, sulisartullu ilinniaga-qarsimanngitsut qanoq ittunik periarfissaqarnersut qulaajassallugu pingaartuuvoq, tamannalu ukiup tulliani sammisaqarluni ataatsimeersuarnermi paasiniarniarparput, Kári P. Højgaard oqarpoq.
Kári Højgaardittaaq erseqqissarpaa "search and rescue i Nordatlanten" [Atlantikup Avannaani ujaasisarneq annaassiniartarnerlu] aasaanerani sammisaqarluni ataatsimeersuartitsineq Nunani Avannarlerni Killerni Norgemilu kiisalu NORA-mi Atlantikup Avannaani kajumissutsiminnik upa-lungaarsimatitat amerlineqarnissaannik pisariaqartitsisoqarnersoq pillugu kajumissutsiminnik upalungaarsimatitat suleqatigalugit suliniummik aallartitsinissaq misissorlugu malitseqar-titsiniartoqartoq.
Savalimmiut Lagtingiannut ilaasortaq Kári P. Højgaard, Nunat Avannarliit Killiit Siunner-suisoqatigiivinut ilaasortaasoq, Siunnersuisoqatigiinnut siulittaasutut Siunnersuisoqatigiit qinerpaat.
Nunat Avannarliit Killiit Siunnersuisoqatigiivi Savalimmiuni, Kalaallit Nunaanni Islandimilu inatsisartoqarnikkut suleqatigiiffiuvoq.
Paasisaqarnerujumasut Thordur Thorarinssonimut, allattaanerusumut, 00354 563 0731, tt@althingi.is