2024 2023 2022 Flere år...
06-06-2008
Jens Rosingip eqqaaneqarnera ataqqinartuuli.
Nunatsinni eqqumiitsuliortut nuimanersaasa ilaata toqunerata nalaani Namminersornerullutik Oqartussat nersornaasiuttagaata Nersornaatip inissisimanera pitsaanerulersinniarlugu Inatsisartut Siulittaasoqarfiat suliamik aallartitsivoq.
Nersornaatip ataqqineqarnera qanoq pitsaanerpaamik qulakkeerniarneqarsinnaanersoq maajip ulluisa 28-anni 2008-mi ataatsimiinnermi Inatsisartut Siulittaasoqarfiata oqallisigaa. Aningaasaateqarfiup malittarisassai naleqqukkunnaarsimasut, kiisalu nersornaammik tunniussisarnerit amerliartortuinnartut Nersornaat ¿nalinginnaavallaalersimasaat¿ unitsinneqartariaqartoq isumaqatigiissutigineqarpoq.
Nersornaat pillugu aaqqissuussamut tunngatillugu Naalakkersuisuni atorfilinnik marlunnik Inatsisartullu Allattoqarfianni atorfilinnik marlunnik ilaasortalimmik misissuisussatut suleqatigiiliortoqassasoq aalajangerneqarpoq. Suleqatigiit suliassarissavaat:
-
Kalaallit Nunaanni nersornaasiisarnernut allanut peqatigitillugu Nersornaat inissisimanermigut pitsaanerulersinniarneqassasoq, tassungalu ilanngullugu makkununnga taamaallaat killilikkatut atorneqassanngitsoq;
-
Kommunini nersornaasiinertut,
-
Kattuffinnit nersornaasiinertut,
-
Pisortani namminersortulluunniit sulliviini assersuutigalugu ukiuni aalajangersimasunik amerlassusilinni atorfeqarsimaneq tunngavigalugu ¿ingerlaannartumik¿ tunniussatut nersornaasiinertut,
-
Ingerlatani immikkoortuni, soorlu assersuutigalugu timersornermi, eqqumiitsuliornermik suliaqarnermi imaluunniit misigisaqartitsumik nersornaasiinertut
-
Sapiitsuliornikkut inuit inuunerinik annaassiniarnermi assersuutigalugu immikkut iliuuseqarsimanermut atatillugu nersornaasiinertut allatut.
Suleqatigiittaaq suliassaasa ilagissavaat aningaasaateqarfiup malittarisassaasa atuuttut misissuataarnissaat Nersornaatillu inissisimanerata pitsaanerulersinnissaa. Taakkununngalu ilanngullugu nersornaammut qanoq inassuteqarnernut tunngavissallu suut tunniussinernut tunngavilersuutaassasut.