2024 2023 2022 Flere år...
05-06-2008
Kalaallit Nunaanni aluminiuliorfimmik pilersitsinissaq pillugu Inatsisartut Ataatsimiititaliarigallagaat Islandimut angalasoq
Tamatuma saniatigut nukissiuuteqarnikkut islandimiut anguniagaat, tassungalu ilanngullugu avatangiisitigut naalakkersuinikkut anguniakkat pillugit Tunisassiornermut Ministeriaqarfiup Avatangiisinullu Ministeriaqarfiup sinniisuinik aatsimiititaliaq ataatsimeeqateqarluni.
Inuiaqatigiillu aningaasaqarnerannut aluminiumik tunisassiornerup sunniutaannik misissuinerit inernerinik kingullerpaanik Islandip ilisimatusarfianeersoq ph.d.-tut ilisimatusartoq Sigurdur Jóhannesson saqqummiusseqqullugu ataatsimiititaliamit qaaqquneqarsimalluni.
Egilstadirimi ¿ aatsitsivimmut takuniaaneq
Islandip kangiani aatsitsivik Kalaallit Nunaanni aatsitsivissatut pilersaarutigineqartup angeqataa Ataatsimiititaliamit takuniarneqarsinnaasimavoq.
ALCOA-p aluminiumik aatsitsivianut nutaanerpaamut ALCOA-p Fjardaalimi aatsitsiviata sinniisorisaasa takuniaanissaq aaqqissuussimavaat. Aluminiumik aatsitsivik pingaarnersiorlugu tamarmik immikkut 1,1 km-erimik takissusilinnik tunisassiorfinnik marlunnik illorsuartaqarpoq, taakkununngalu atasumik umiarsualiveqarfeqarluni.
Egilstadirimi ¿ erngup nukinganik innaallagissiorfimmut takuniaaneq
Islandip kangiani ullut aappaat erngup nukinganik innaallagissiorfimmik sanaartugaq ataatsimiititaliap takuniarpaa.
Egilstadirimi ¿ qinikkanik tamaanimiunik ataatsimeeqateqarneq
Egilstadirimiinnerup ulluisa pingajuanni aatsitsivimmik sanaartulernissaq sioqqullugu inuerukkiartorsimasutut ilisimaneqartup aluminiumik tunisassiorfimmi inuiaqatigiit sunnigaanerat pillugu Egilstadirimi qinikkat kommunimilu borgmesteri ilisimatitsisut Ataatsimiititaliap ataatsimeeqatigai.
Siulittaasoq ima oqaaseqarpoq:
¿Ataatsimiititaliap sulinermini atorluarsinnaasaanik paasissutissanik amerlasuunik soqutiginaatilinnik Ataatsimiititaliaq pissarsivoq. Soorluttaaq Kalaallit Nunaanni aluminiuliorfittut sanaassap angissusissaa, minnerunngitsumillu erngup nukinganik innaallagissiorfiliassap angissusissaa Ataatsimiititaliamut takorlooruminarsisut.
Islandillu kangiani aatsitsivissamik sanaartornermi sanasutut sulisorisanut ineqarfiugallarsimasoq Ataatsimiititaliap ilanngullugu takuniarpaa, taamaalillunilu Kalaallit Nunaanni sanaatornermi atortulersuutitut atorneqartussatut ilimanarluinnartut taamaalilluni aamma paasisaqarfigalugit.¿