2024 2023 2022 Flere år...
27-06-2008
Nunat Avannarliit Siunnersuisoqatigiivisa Atugarissaarneq pillugu ataatsimiititaliaat juunip ulluisa 23-annit 27-annut 2008 Kalaallit Nunaanni isumaginninnermut peqqinnissamullu anguniakkat paasiniarlugit Nuummut tikeraarpoq.
Meeqqanut inuusuttunullu oqartussaaffinni suliniutit pillugit, tassungalu ilanngullugit qaammarsaaniarnerit, ilaqutariit nukittuut pillugit ataatsimeersuarneq ilaqutariillu ingerlaneri pillugit misissuinermut tunngasunik angalaqatigiinnut Ilaqutariinnermut Peqqissutsimullu Naalakkersuisoqarfik paasissutissiivoq.
PAARISA nunatsinni innuttat peqqissusiannut pilersaarut aammalu MIPI ¿ meeqqat inuusuttullu pillugit Ilisimasaqarfik pillugit paasissutissiinissamut periarfissaqarsimavoq.
Nuup Kommuniani Meeqqanut Ilaqutariinnullu immikkoortortaqarfimmi, Isumaginninnermut immikkoortortaqarfimmi kiisalu Pilersaarusiornermut Pinaveersaartitsinermullu immikkoortortaqar fimmi sulineq pillugu angalaqatigiit nassuiaanneqarput.
Aammattaaq Dronning Ingridip Napparsimavissua takuniarneqarpoq, Nunallu Avan narliit sinnerinut sanilliullugu Kalaallit Nunaanni tamarmi inummut ulorianartumik pinerluuteqarnerit amerlassusii pillugit politeeqarfimmi ataatsimiinnermi ilisimatinneqarlutik.
Taamatuttaaq Oqaasileriffiup Ilimmarfiullu paasisassarsiorfigalugit takuniarnissaannut piffissaqartoqarsimavoq.