2024 2023 2022 Flere år...
01-09-2008
Nunat Avannarliit Killiit Siunnersuisoqatigiiffianni siulittaasoq nutaaq
Nunat avannarliit killiit soqutigisaat pillugit nunani avannarlerni killerni naalakkersuisut suleqatigiissinniarnissaasa saniatigut Siunnersuisoqatigiiffiup nunani tamalaani suleqatigiinnermut soqutiginnillutik akuunissaat siulittaasunngornermi oqalugiaammini Kárip pingaartippaa. Taamaaliornikkummi avatitsinni akuusut annertunerit sunnernissaannut periarfissaqarmat. Nunat Avannarliit Killiit Siunnersuisoqatigiiffiata Nunat Avannarliit Siunnersuisoqatigiivinut suleqatigiinnissamut isumaqatigiissutaa 2006-eersoq tamatumunnga assersuutigaa. Suleqatigiinnissamut isumaqatigiissut aqqutigalugu Nunat Avannarliit Killiit Siunnersuisoqatigiiffiata aalajangersagai nunani avannarlerni suliarineqarnissaat periarfissinneqarpoq. Aammalu Norgemik, nunat issittut inatsisartuinik EU-millu suleqateqarneq tamatumani pingaaruteqarput.
Europaparlamentimut attaveqarnerup suli nukittorsaqqinneqarnissaa sulissutigiumallugu Kárip oqaatigaa. ¿Europaparlamentimik ukiumut ataasiarluni ilisimatitsiffiusumik pisortatigoortumik ataatsimeeqatigiittarnerup angunera, angusaavoq pitsaalluinnartoq "Kári oqarpoq. ¿Ataatsimiititaliamilli pisortatigoortumik suleqateqarnitta suleqatigiinnissamut isumaqatigiissutitut ilusilerneqarnissaa sulissutigissagipput isumaqarpunga" Kári oqarpoq ilassutigalugulu taamaaliornikkut isummiussat, soqutigisat pingaartitallu nunani avannarlerni killerni ataatsimoorussat EU-mut erseqqissarnissaannut Siunnersuisoqatigiiffik periarfissagissaarnerussasoq.
Kári Savalimmiut Lagtingianni Sjálvstýriflokkurin sinnerlugu qinigaavoq. 2002-mili Lagtingimut ilaasortaavoq aammalu Rúnavík kommuniani byrådiani 1988 -imili ilaasortaalluni. Nunat Avannarliit Killiit Siunnersuisoqatigiiffianni savalimmiormiut aallartitaraat. Kári 2002-mili Nunat Avannarliit Killiit Siunnersuisoqatigiiffianni ilaasortaavoq.
Kárip saniatigut Siulittaasoqarfinngortumi ilaasortaapput siulittaasup tullia siulleq Ruth Heilmann, Kalaallit Nunaanni Inatsisartut aammalu Karl V. Matthíasson Altingimi ilaasortaq.
Nunat Avannarliit Killiit Siunnersuisoqatigiiffiat Savalimmiuni Lagtingip, Kalaallit Nunaa nni Inatsisartut Islandimilu Altingip akornanni suleqatigiiffiuvoq.
Paasissutissanik allanik pissarsiniaraanni: Thordur Thorarinsson, siunnersuisoqatigiit allattaat, +354 5630731,
vestnordisk@althingi.is