2024 2023 2022 Flere år...
25-06-2008
Nersornaat sølviususoq ullumi juunip 25-at 2008 nal. 17:00 Kristine Kreutzmannimut, Kangaamiuni utoqqaat illuanni najugalimmut, tunniunneqassaaq.
Kristine Kreutzmannip uigigaluani Hendrik, Iindalik, peqatigalugu qitornatik 11-it perortissimavaat. Ilaqutariit piniartukkormiuullutillu aalisartukkormiuusimapput, Kristinilu uimi naalakkersuinikkut peqatigiiffilerinnikkullu sulinerani tapertaalluartuusimavoq kiisalu amernik suliani kusanartut timmissallu amiinik mersukkatigut ilaqutariit aningaasaqarnerannut ikiuutaalluarpoq.
Kristine Kreutzmannissaaq ukiorpassuarni Kangaamiut ukiumoortumik nalliuttorsiortarnerini annertuumik suliaqarluni ingerlatseqataasarsimavoq, erinarsoqatigiinnilu peqataajuarsimalluni.
Inussiarnersumik inuulluaqqusillunga
Inatsisartut Siulittaasuat Ruth Heilmann
Paasisaqarnerujusumasut saaffigisassaat:
Inatsisartut Siulittaasuat Ruth Heilmann oqar. +299 52 08 05