2024 2023 2022 Flere år...
08-08-2008
Aningaasaqarnermut Ataatsimiititaliat marluk nunatta kujatani
Ataatsimiititaliat taakku marluusut angalaqatigiinnerminni ilaatigut Nalunami guldisiorfik, Qorlortorsuarmi erngup nukinganik innaallagissiorfik, Grønlands Kommando kiisalu Qaqortup Kommunia takuniaavigineqassapput.
Tamatuma kingorna Folketingip Aningaasaqarnermut Ataatsimiititaliaa pisortatigoortumik 13.-16. august 2008-mi Nuummut tikeraassaaq.
Piffissami 13.-16. august Inatsisartut Aningaasaqarnermut Ataatsimiititaliaata missingersuutit pillugit ukiumoortumik isumasioqatigiinnini Narsarsuarmi ingerlatissavaa, tamatumani 2009-mi aningaasanut inatsisissatut siunnersuut misissorneqassalluni. Missingersuutit pillugit isumasioqatigiinnermi aningaasanut inatsisissatut siunnersuut nutaaq ataatsimiititaliamit ataatsimut misissorneqarlunilu oqaluuserineqassaaq. Taamatut misissuineq aningaasanut inatsisissatut siunnersuutip aappassaaneerneqarnissaanut ataatsimiititaliap isumaliutissiissutissaanut tunngavigissallugu naleqqutissaaq ilaatigullu aningaasanut inatsit pillugu Inatsisartuni partiit akornanni isumaqatigiinniarnissanut ilapittuutaassalluni.
Angalanermi Inatsisartut Aningaasaqarnermut Ataatsimiititalianni ilaasortat makku peqataassa pput:
Augusta Salling (Siulittaasoq) (A)
Otto Jeremiassen (S)
Palle Christiansen (D)
Agathe Fontain (IA)
Taakku saniatigut peqataassapput:
Ataatsimiititaliap allattaa Nikolai Sten Christensen, Inatsisartut Allattoqarfiat
Oqalutsi Naja Rosing Ludvigsen, Inatsisartut Allattoqarfiat
Angalanermi Folketingip Aningaasaqarnermut Ataatsimiititalianni ilaasortat makku peqataassapput:
Flemming Damgaard Larsen (nfmd.)(V)
Peter Christensen (V)
Inger Støjberg (V)
Tina Petersen (DF)
Klaus Hækkerup (S)
Frank Aaen (EL)
Taakku saniatigut peqataassapput:
Allattoqarfimmi pisortaq Steen Ryd Larsen, Statsministereqarfik
Allattoqarfimmi pisortaq Peter Bohlbro, Aningaasaqarnermut Ataatsimiititaliap Allattoqarfia
Kontorfuldmægtig Sherie Falding. Aningaasaqarnermut Ataatsimiititaliap Allattoqarfia
Paasissutissat annertunerusut Inatsisartut Aningaasaqarnermut Ataatsimiititaliaata siulittaasuanut Augusta Sallingimut tlf. 55 03 10 imaluunniit e-mailimut uunga saaffiginninnikkut pissarsiarineqarsinnaapput: aus@gh.gl
Ataatsimiititaliat marluusut angalaqatigiinnissaanni pisussanut pilersaarut ilanngussatut ilanngunneqarpoq.