2024 2023 2022 Flere år...
11-09-2008
Inatsisartut Ilaqutariinnermut Ataatsimiititaliaata Danmarkimut paasisassarsiorluni angalanini iluatsilluartoq naammassivaa
Kalaallit atugarliortut innarluutillillu Danmarkimiittut inunnit piumassuseqarluartunit, soqutiginnilluartunit nukissaqarluartunillu annertuumik nersortarialimmillu sullinneqarnerat Ilaqutariinnermut Ataatsimiititaliap Danmarkimi takuniaanermini ataatsimeeqateqartarnerminilu aamma paasisaqarfi gaa.
Angalanermi pingaarnertut siunertarineqartoq tamakkiisumik anguneqarpoq, 2008-milu Inatsisartut ukiakkut ataatsimiinnissaat, ataatsimiititaliap siunnersuutinik nutaatut saqqummiunneqartunik aammalu siusinnerusukkut suliarineqartunik ukiakkullu ataatsimiinnermi matumani naammassillugit suliarineqartussanik suliaqarfissaa, Inatsisartut Ilaqutariinnermut Ataatsimiititaliaannit qilanaarineqarpoq.
Siunnersuutinut siusinnerusukkut saqqummiunneqartunut isumaliutissiissutit arfinillit Inatsisartut ukiakkut ataatsimiinneranni Ilaqutariinnermut Ataatsimiititaliamit inaarlugit suliarineqassapput, taamaalillunilu qaammatini aggersuni akuttunngitsumik ataatsimiittoqartassaaq.
Tamatuma saniatigut paasissutissanik assigiinngitsunik naalakkersuinikkut sulialinnit malitseqartitsivigineqarsinnaasunik ataatsimiititaliaq paasisassarsiorluni angalanermini pissarsivoq.
Paasissutissanik annertunerusunik pissarsisoqarsinnaavoq ¿ Ilaqutariinnermut Ataatsimiititaliami ilaasortat uku attaviginerisigut:
Inatsisartunut ilaasortaq Isak Davidsen, Siulittaasoq, mobil 52 09 53
Inatsisartunut ilaasortaq Emilie Olsen, Siulittaasup tullia, mobil 52 86 64
Inatsisartunut ilaasortaq Otto Jeremiassen, mobil 53 31 77
Inatsisartunut ilaasortaq Agathe Fontain, mobil 48 45 31
Inatsisartunut ilaasortaq Astrid Fleischer Rex, mobil 48 35 29