2024 2023 2022 Flere år...
09-09-2008
2008-mi Nunat Avannarliit Killiit Atuakkiornermut nersornaasiuttagaat Spøgelsesspor-ip pissarsiaraa
Nunat avannarliit killiit naliliisartoqatigiit ilaatigut nassuiaammini allappoq, Draugaslóð aqqaneq-marlunnik ukiulinnut atuagaq assut naleqquttuusoq. Atuagaq imminnut paarlangasunik imaqarluarpoq, sinnattut piviusuusullu imminnut qalleraapput atuakkamilu eqqumiitsup suussusersineqarneranut ikiuutaallutik. ,,Atuakkami aamma sammineqarput nalinginnaanerusumik ajornartorsiutit, inuusuttunit naammattoorneqartartut soorlu avinnikut meeraat, meeqqat angajoqqaat inuiaqatigiillu ileqquinik nalinnikkuminaatsitsisut aammalumi inersimasunngornermi atukkanut ilaasumik nalinginnaanerusumik ajornartorsiutit."
Naliliisartoqatigiit erseqqissarpaat, Kristín Helga Gunnarsdóttir atuakkamik uuminnga oqaluttuatoqqat aallaavigisimagai sumiiffinnullu oqaluttuatoqqat aallaavigisaat pivisusuunngitsunik oqaluttualiorfigisimallugit, taamaalilluni sumiiffinni pisimasunik tamanik atuartoq paasisaqarumalersillugu.
Draugaslóð-mi nukappiaraq Eyvindur aqqaneq-marlunnik ukiulik, Island-imi aanamini najugaqartoq eqqartorneqarpoq. Arnaab Fresco-mik qalipaasartunngorniarluni Italiami ilinniartuuvoq. Eyvindur aanamini aatamilu anersaavani, sinnattornermini piviusumilu pulaartakkamini eqqissisimalluni inuuvoq. Ullut ilaanni nukappiaqqat marluk Skotland-imeersut hest-inik pisiniarlutik Island-imut pisimasut tammarput. Tamanna nutaarsiassanit Eyvindur-imiillu island-ermiut oqaluttuatoqaannik assut soqutiginnittumit assut malinnaavigineqarpoq, nukappiaqqallu sinnattorisartakkani uteqqiasut titartartarnerisigut sinnattuni katiterlugu aallartippaa.
Aasaanerani sunngiffeqarnerup nalaani arnanilu Kjølur-imut illumik takornariat unnuiffigisartagaannik paarsiartorlutik nuupput. Tamaani sinnattorisartakkani suussusersiartuaarpaa.
Draugaslóð atuakkiortumit island-ermiumit Kristín Helga Gunnarsdóttir-imit allanneqarpoq. Meeqqanut inuusuttunullu atuakkat qulit sinneqartut saqqummersinnikuuai Island-imilu atuakkiortut inuusuttunit atuarneqarnerpaasartut ilagalugit.
Nersornaat sisamassaanik tunniunneqarpoq ukiulli marlukkaarlugit Nersornaammik pissarsisussamik toqqaasoqartarluni. Nunat avannarliit killiit naliliisartoqatigiivisa inuttai tassaapput Oddfríður Marni Rasmussen Savalimmiuniit, Vera Lise Rosing Olsen Kalaallit Nunaanniit aammalu Silja Aðalsteinsdóttir Island-imiit.
Draugaslóð-ip saniatigut meeqqanut atuakkat Apollonia Savalimmiormiumit Edward Fuglø-imit allanneqartoq aamma Abct Kalaallit Nunaannersumit Julie Edel Hardenberg-imit allanneqartoq 2008-mi Nersornaammik pissarsisinnaasutut saqqummiunneqarput.
Siusinnerusukkut meeqqanut atuakkat ¿Sagan af bláa hnettinum" Andri Snær Magnason-imit allanneqartoq (2002), ¿Engill í vesturbænum" Kristín Steinsdóttir-imit aamma Halla Sólveig Þorgeirsdóttir-imit allanneqartoq (2004) kiisalu savalimmiormiut atuagaataat ¿Ein hundur, ein ketta og ein mús" Bárður Oskarsson-imit allanneqartoq (2006) Nersornaammik pissarsinikuupput.
Paasissutissat annertunerusut pissarsiarineqarsinnaapput uannga: Thordur Thorarinsson, Nunat Avannarliit Killiit allattuunerat, Oqarasuaat +354 5630731, vestnordisk@althingi.is