2024 2023 2022 Flere år...
07-10-2008
Inatsisartut Kultureqarnermut Ilinniartitaanermullu Ataatsimiititaliaat IMAKip Attat pillugu tusagassiuutitigut nalunaarutaat atuarpaa IMAKillu attaveqaatip atorunnaarnissaanut ernummataa isumaqatigalugu.
Siunertamut taassumunnga aningaasat pisariaqartinneqartut aningaasaqarnermut inatsisikkut qulakkeerniarneqassasut Naalakkersuisut taamanikkut akissuteqarput.
Tamanna tunngavigalugu Inatsisartut Kultureqarnermut Ilinniartitaanermullu Ataatsimiititaliaata aqqiisoqarsinnaaneq neriuutigaa. IMAK ataatsimiititaliamit oqaloqatiginnereerpoq, unalu sapaatip akunnera atuartitsinermi qarasaasialeriffiup attatiinnarneqarnissaanut qulakkeerisumik Naalakkersuisut qanoq piviusumik iliuuseqalersaarnersut tusarniaassutigalugu Naalakkersuisunut saaffiginnissutigineqassaaq.
Sukumiinerusumik paasisaqarusukkaanni Doris Jakobsenimut, oqarasuaat: +299 53 91 13-mut saaffiginnissinnaapput