2024 2023 2022 Flere år...
30-10-2008
Inatsisartut Peqqissutsimut Ataatsimiititaliaaata ulloq 29. oktober 2008 oqarasuaatikkut ataatsimiinnermini Dronning Ingrid-p Napparsimavissuani pissutsit pillugit ima tusagassiutinut nalunaaruteqaateqarpoq.
Tamanna pillugu 15. oktober 2008 Peqqissutsimut Pisortaqarfimmiik akissutigineqarfigineqarpugut Peqqissutsimut Ataatsimiititaliamut tamanna qaqugu pisinnaanera ullulissagaat. Ataatsimiititaliami ilaasortat piffissami Inatsisartut ataatsimiiffigisassarinngisaani allanut ataatsimiigiarnissaminnut angalanissatik pilersaarusioreersimammassuk , ataatsimiititaliami ilaasortat aalajangerput ulloq 3. november 2008 Naalakkersuisup allamut tunngassuteqartumik isumasiornissaanut atatillugu iluartsillugu Naalakkersuisumut apeqquteqaatigineqaqqissasut.
Peqqinnissaqarfik 2008-mut aningaasanik inatsisip iluani 20 mio. kr.-t sillimmatitut aningaasaliissutareersimasut illikartinneqarlutik qulakkeerneqarput. Aningaasat pineqartut tassaapput Peqqinnisaqarfiup iluani SANA-mi 17. mio. kr. sinerissami 3 mio. kr-nit taartaasartunut aningaasarsiarinneqartussatut naatsorsuussat. Aningaasat pineqartut nalinginnaasumik nakorsat peqqissaallu aningaasarsiassaraluisa atunngitsoorneqartuniik illikartitaapput.
Taakkuuppullu maannamut nungunneqarlutik nalunaarutigineqarsimalersut, aningaasarsiat qaffariarsimanerat akissaatillu allat akitsorsimanerat pissutaatinneqarluni.
Ilanngullugu Peqqissutsimut ataatsimiititaliap ilisimatitsissutigerusuppaa Inatsisartut Aningaasanik inatsisissaata 2009-mut suliarineqarluni naammassinnginnerani apeqquteqaatit mannaamut Ilaqutariinnermut Peqqissutsimullu Pisortaqarfimmiik akineqarsimmannginnerat aallaavigalugu, apeqqutillu ataatsimiititaliap Naalakkersuisumut apeqqutteqaatigisai toqqammaviusussatut ilaasussat akineqarsimanngitsut maannamut utaqqimaarneqarmata.
Aningaasaqarnermut Ataatsimiititaliaq ilisimatinneqarportaaq Peqqissutsimut ataatsimiititaliap innersuussutiginngikkaa 2009-mut Inatsisartut Aningaasanik inatsisissaannut inatsisartut immikkut aningaasaligassatut aalajangerersimasaat 33,1 mio. kr. sipaarutigineqannginnissaat.
Taamaalilluta Peqqissutsimut ataatsimiititaliami oqarasuaatikkut ataatsimiinnermi ulloq 29. oktober 2008 aalajangiunneqartut aallaavigalugit, tusagassiutinut nalunaarut ingerlateqqipparput.
Paasisaqarnerujumasut siulittaasoq Viitus Mikaelsen: +299598212¿mut saaffigisinnaavaat