2024 2023 2022 Flere år...
24-10-2008
Nunanut Allanut Sillimaniarnermullu Ataatsimiititaliap CIA-p timmisartuussisarneri isertortut qulaajaaviginiarpai.
Danmarkimi, Kalaallit Nunaanni aamma Savalimmiuni CIA-mit timmisartuussi-sarnerit isertortut pillugit nassuiaat naammasseqammersoq ataatsimiinnermi sammineqarpoq. Nassuiaat Ministeriaqarfiit akornanni Danmarkimi, Kalaallit Nunaanni aamma Savalimmiuni CIA-mit timmisartuussisarnerit isertortut pillugit suleqatigiissitaliamit suliarineqarpoq.
Naalakkersuisunut ilaasortap nassuiaammi inerniliussat Ataatsimiititaliamut saqqummiuppai. Taamatut saqqummeereernerup kingorna nassuiaat arfinin-ngorpat 25. oktober Ataatsimiititaliamit sukumiinerusumik sammineqassaaq. Ataatsimiinnermi tassani suliamut atatillugu qanoq iliuuseqaqqinnissaq Ataatsi-miititaliamit nalilersorneqassaaq.
Ataatsimeereernerup taassuma kingornatigut Ataatsimiititaliaq tusagassiuutinut nalunaaruteqaqqissaaq.
Paasissutissat sukumiinerusut pillugit Ataatsimiititaliami siulittaasoq Inatsisar-tunut ilaasortaq Knud Kristiansen attavigineqarsinnaavoq; oqarasuaat: +299 29 08 71