2024 2023 2022 Flere år...
11-04-2008
Attartortumiit piginnittumut aaqqissuussinerup aqutsivigineqarnera eqqartuussissuserisumit misissuiffigineqareerluni tamanut saqqummiunneqarpoq.
Kukkunersiuinermut Ataatsimiititaliap ulloq apriilip 10-at 2008 ataatsimiinnerani tamanut saqqummiunneqassasoq aalajangerneqarpoq. Ataatsimiititaliap suleriaasia nalinginnaasumillu periusia naapertorlugu inuit misissuinermi taagorneqartut kikkuunersut taaneqanngillat.
Misissuinermi inerniliussanik Naalakkersuisut isummerfiginninnissaat siunertaralugu pingasunngorneq ulloq 16. apriili 2008-mi Ineqarnermut Attaveqarnermullu Naalakkersuisoq, Kim Kielsen, isumasioqatigiilluni ataatsimiinnissamut aggersarneqarpoq.
Misissuinermi angusarineqartut sukumiisumik suliarineqareerpata Ataatsimiititaliaq nalunaarusiamik Inatsisartunut tunniussissasoq naatsorsuutigineqarpoq.
Inussiarnersumik inuulluaqqusillunga
Godmand Rasmussen, siulittaasoq
Inatsisartut Kukkunersiuinermut Ataatsimiititaliaat sinnerlugu
Eqqartuusisuserisut misissuinerat uani atuarneqarsinnaavoq