2024 2023 2022 Flere år...
29-07-2008
Århusimi Kalaallit Illuata siulersuisuisa siulittaasuannut, Det Østjyske Regionsrådimi ilaasortamut, Louis Rolanderimut ullumi juulip 29-at 2008 Århusimi Kalaallit Illuanni nal. 15:00 nalliuttorsiualaarnermi Inatsisartut Siulittaasuata Nersornaat sølviusoq tunniuppaa.
Louis Rolanderimut Nersornaammik sølviusumik tunniussinermut tunngaviuvoq taassuma ukiut 25-it ingerlanerini Århusimi Kalaallit Illuannut siulittaasuunerata nalaani illup sulisuisa atugarisaat kalaallillu ilinniagaqartut avatangiisaat illumillu atuisut allat atugarisaat annertuumik pitsanngorsarneqarsimammata.
Louis Rolander tamaani ilinniartunut tunngatillugu Namminersornerullutik Oqartussat suliassaannik tamanik iluatsilluartumik isumaginninnermut akisussaalluarsimavoq.
Region Østimissaaq kalaaleqatitta inuttut sullinneqarneranni amerlasuullu tamaani najugaqarnermik sungiussinissaannut, angerlamulluunniit uterlutik aallarnissaannut, tamanna aaqqiinertut pitsaanerpaatut isigineqarpat, Illu piffissami sivisuumi ikiuuttuartarsimavoq.
Inussiarnersumik inuulluaqqusillunga
Inatsisartut Siulittaasuat Ruth Heilmann
Paasisaqarnerujumasut saaffigisassaat:
Inatsisartut Siulittaasuat Ruth Heilmann oqar. +299 52 08 05