2024 2023 2022 Flere år...
07-01-2008
2008-mi upernaakkut ataatsimiinnerup sivitsorneqarnissaa
2008-mi upernaakkut ataatsimiinnerup sivitsorneqarnissaa pillugu.
Upernaakkut ataatsimiinnerup sivitsorneqarnissaanik Naalakkersuisut Siulit-taasuata Hans Enoksenip saaffiginnissutaa ulloq novembarip 15-at 2007 tiguneqarpoq.
Upernaakkut ataatsimiinnerup sivitsorneqarnissaanik kissaateqarnermi Alcoamik suleqateqarnerup immikkoortuata tullia pillugu siunnersuummik suliaqarnissamik pisariaqartitsisoqarnera patsisaavoq. Aatsitsiviup sumiin-nissaanik kiisalu erngup nukinganit nukissiorfinnik piginnittuunerup aam-malu alumiiniuliorfimmut namminermut (nukissiuummut aqqutitut ledningi ilanngullugu) tunngaviusumik aalajangiisoqarnissaanik siunnersuut imaqas-sasoq naatsorsuutigineqarpoq.
Aalajangiiffigisassatut siunnersuut pineqartoq ima siusitsigisukkut saqqum-miunneqarsinnaasutut isigineqanngilaq upernaakkut ataatsimiinnerup ulloq marsip 15-at 2008 naammassinissaatut pilersaarutigineqartoq nallertinnagu naammassineqarsinnaasutut ilimagineqarani. Taamalillunilu 2008-mi apriilip qaammataata ingerlanerani Inatsisartut ataatsimiisinneqarnissaat pisariaqartussaassaaq.
Pilersaarut malillugu ulloq februaarip 15-at 2008 aallartittumik upernaakkut ataatsimiittoqarnissaa eqqarsaatigalugu siunnersuutitut suliarineqartussat killilimmik amerlassuseqarnissaat naatsorsuutigineqarsinnaammat ataatsi-miinnerup aallartinnissaa 2008-mi marsip sisamaannut kinguartinneqassa-soq aalajangerneqarpoq. Taamaalilluni ataatsimiinneq marsip 14-ata tungaa-nut ingerlassaaq, taamalippallu påskereernissaata kommuninullu qinerse-reernissap tungaanut ataatsimiinneq unikkallassalluni. Ataatsimiinneq 2008-mi apriilip 22-ani aallarteqqissaaq 2008-milu maajip 8-ni naammassisasoq naatsorsuutigineqarluni.
Siunnersuutit ataatsimiinnerup 2008-mi apriilip 22-anni nanginneqarnissaa sioqqullugu ataatsimiititalianit suliarineqartariaqartut siullermeerneqarnis-saat ilanngullugu siunnersuutit kiisalu apeqquteqaat aallaavigalugu oqalli-sissiat UKA 2007-mi kinguartitat aappassaaneerneqarnissaat piffissami marsip 4-nit 14-anut suliarineqarsinnaasut naatsorsuutigineqarpoq.
Inatsisartunut ilaasortat aalajangiiffigisassatut siunnersuutaat ataatsimiin-nerup ataatsip iluani aallaavittut isigalugu siullermeerneqartarnissaat ataatsimiinnermilu tullermi aappaassaaneerneqartarnissaat Inatsisartut Suleriaasiata allanngortinneqarsinnaaneranut piareersaatitut siunnersuuti-gineqarpoq. Allaffissornikkut aningaasaqarnikkullu kingunerisassat naatsu-mik nassuiaatigineqarnerannik aalajangiiffigisassatut siunnersuutit ilaqartin-neqartarnissaat ilanngullugu siunnersuutigineqarpoq.
2008-mi upernaakkut ataatsimiinnissamut siunnersuutinik nalunaarutigin-ninnissamut tunniussinissamullu piffissaliussaq taamaalilluni tassaalerpoq 2008-mi januaarip 25-at. Ilaasortat siunnersuutaat misissugassat allatul-luunniit ikiuuffigisassat piffissaq eqqorlugu naammassineqarnissaat qulak-keerumallugu 2008-imi januaarip 11-annut killilimmik Inatsisartut Allatto-qarfiannut ataqatigiissaarneqassapput.
Inussiarnersumik inuulluaqqusillunga
Jonathan Motzfeldt.
Inatsisartut Siulittaasuat