Nutaarsiassat


2024 2023 2022 Flere år...

04-03-2009

Nunat avannarliit killiit soqutigisaat Europaparlamentimi oqaluuserineqarput

Tassunga atatillugu suliassat imaannaanngitsut Savalimmiunit pimoorunneqartut aammalu silap pissusaata allanngornerata nunarsuup ilaanut Savalimmiunit ilisimaneqarluartumut - tassalu imaanut sunniutaasa ilisimatusarfigineqarnissaat assorsuaq pingaartinneqarsimasoq erseqqissaatigaa. Bogi Hansen, Nunat Avannarliit Siunnersuisoqatigiiffiata avatangiisinut nersornaasiuttagaanit nersornaasigaasimasoq, siuttoralugu Savalimmiuni aalisakkanik misissueqqissaartarfiup Savalimmiut eqqaani imartaq ilisimatusarfigaa; misissugaralugit imartami nalinginnaasumik pissutsit, allannguutit allannguutinullu pissutaasut. Ilaatigut immap imaani uumasunut sunniutai ilaatigullu silap pissusaanut immap sunniutaasa paasineqarnissaat ilisimatusarnermi tassani siunertarineqartut erseqqissaatigaa.

 

Inatsisartut siulittaasuat Ruth Heilmann aammalu Altingimi ilaasortaq Karl V. Matthíasson peqatigalugit Bruxellesimi ulluni 25. ¿ 26. februarimi ataatsimiinnerni arlalinni Nunat Avannarliit Killiit Siunnersuisoqatigiiffianni siulittaasutut Kári peqataavoq. Ullaaq ataatsimiinnermi sammineqarpoq EU-p avannarpasissortaa, taannalu Europaparlamentimit aaqqissuunneqartoq ministerinit inatsisartunullu ilaasortanit Canadameersunit, Ruslandimeersunit, Norgemeersunit, Tysklandimeersunit aammalu nunanit avannarlerneersunit tamanit kiisalu nunanit baltikumimeersunit il.il. peqataaffigineqarluni.

 

Ulloq 24. februar ilisimatitsiffiusumik ataatsimiinnermi Nunat Avannarliit Killiit Siulittaasoqarfiata Europaparlamentip aallartitai nunanut avannarlernut attaveqartartut naapippai. Immap pisuussutaanik uumassusilinnik atorluaaneq nunani t avannarlernit killernit tunngavigalugu inuussutigineqartoq aammalu nunat kulturiinut, oqaluttuarisaanerannut inuussutissarsiornerannullu ilaalluinnartoq, taamaattumillu piujuartitsinissamik tunngaveqarluni puisinniarneq arfanniarnerlu Nunat Avannarliit Killiit pisinnaatitaaffigiinnarnagu pisussaaffigigaat siulittaasup ataatsimiinnermi ilaatigut erseqqissaatigaa.

 

Atlantikup avannaani umiartornermik isumannaallisaaneq naammaginanngitsoq, taamaattumillu Atlantikup avannaani nuna imaani annaassiniartarnikkut suleqatigiinnertik ataqatigiissaarinertillu nukittorsartariaqaraat ataatsimiinnermi aamma erseqqissaatigaa.

 

Altingimi ilaasortap Karl V. Matthíassonip EU-p aalisarnermut ataatsimut politikia isornartorsiorpaa isumaqarluni tamanna piujuartitsinissamik tamakkiisumik tunngaveqanngitsoq.

 

Puisit amiinik tunisassianik eqqusseqqusiunnaarnissamik Europaparlamentip isumaliutai naggueqatigiit inuit nunaqarfinni isorliunerusuni najugaqartut allanik suliaqarnissamut periarfissaqanngitsut inuuniarnerminni aningaasaqarnerannut imaannaanngitsumik kinguneqarsinnaasut Kalaallit Nunaanni Inatsisartut siulittaasuata Ruth Heilmannip erseqqissaatigaa. Puisit amiinik tunisassiornermik aningaasaqarnikkut imminut akilersinnaasumik pilersitseqqinnissaq Kalaallit Nunaata ukiut 25-t sinnerlugit sorsuutigisimagaa oqaatigaa, taamaattumillu puisit amiinik inerteqquteqarneq alianartuussasoq aammalu naggueqatigiit inuit siunissartik aarlerigigaat oqaatigaa.

 

Puisinniarnerup ullumikkumut kalaallinut aningaasaqarnikkut kulturikkullu pingaaruteqassusia inatsisartunut ilaasortanut najuuttunut Inatsisartut siulittaasuata erseqqissaatigaa.

Paasissutissat annertunerusut uunga saaffiginninnikkut pissarsiarineqarsinnaapput: Thordur Thorarinsson, allattaaneq, tlf. 00354 661 1717.