Nutaarsiassat

30-04-2009

Inatsisartut nittartagaat nutaaq www.inatsisartut.gl

Inatsisartut nutaamik nittartagartaarput ulloq 17. april 2009-mi qajassuartumik atorneqalersumik.

Inatsisartut nittartagaanni paasissutissat immikkoortunut pingaarnernut pingasunut aaqqissugaapput:
Inatsisartut,
Inatsisartut ataatsimiinneri
Inatsisartut ataatsimiititaliaat.

Inatsisartut ataani nassaarineqarsinnaapput siulittaasoqarfik, inatsisartut allaffeqarfiat, inatsisartut naalakkersuinikkut katitigaanerat pillugit paasissutissat nalinginnaasut kiisalu inatsimmut tunngaviusumut, namminersornerunermut inatsimmut aammalu Inatsisartut suleriaasiannut innersuussutinngorlugit inatsisartut sulineranni inatsimmut tunngavigineqartumut innersuussut.

Inatsisartut ataatsimiinneri pillugit paasissutissat ataani nassaassaapput inatsisartut ataatsimiinneri pillugit paasissutissat nalinginnaasut, tassunga ilanngullugu inatsisartut siusinnerusukkut ataatsimiinnerinut ataatsimut takussutissiaq aammalu taakkunanit aallakaatitat.

Inatsisartut ataatsimiititaliaata ataani ataatsimiititaliat ullumikkut atuuttut katitigaanerallu, ataatsimiititalianik sullissineq il.il. pillugit ataatsimut takussutissiaq nassaassaavoq.

Tamatuma saniatigut saqqaani nassaassaapput Inatsisartunit nutaarsiassat kiisalu Inatsisartunit nutaarsiassat ullumikkut pisut.

Taamaalilluni Inatsisartut nittartagaat nutaaq Namminersornerullutik Oqartussat siusinnerusukkut ataatsimut nittartagarisaannit avissaartinneqarpoq, tamatumalu kingunerisaanik Naalakkersuisunut nittartagaannut tassani isumagineqartut pillugit paasissutissanik imalinnut atuisut innersuunneqassapput.

Taamaattorli Namminersornerullutik Oqartussat ataatsimut nittartagaata suli imarissavai paasissutissat nittartakkamut nutaamut suli nuunneqanngitsut. Ataatsimut nittartagaasimasumi paasissutissat tamakku piffissap ingerlanerani ukunani www.nanoq.gl aammalu www.inatsisartut.gl nittartakkanut nutaanut nuunneqarnissaat naatsorsuutigineqarpoq.

Atuisulli paasissutissat nanoq.gl-itoqqami nittartakkamut nutaamut suli nuunneqanngitsut suli pissarsiarisinnaassavaat. Taamaattorli nittartagaq taanna paasissutissanik nutaanik immerneqarunnaassaaq .

Inatsisartut nittartagaannut paasissutissanik ingerlaavartumik nutarterilluni nuussisarlunilu suliaqarneq suli ingerlassaaq. Atuisut nittartakkamik nutaamik tigusilluarumaartut Inatsiasrtut neriuutigaat, soorluttaaq nittartakkami nutaami paasissutissanik eqqortumik nassaarniarnermi atuisunik ikiunissamut Inatsisartut Allattoqarfianni sulisut piareersimasut.

Sukumiinerusumik paasisaqarusukkaanni attaveqarfigisassaq: Allattaaneq Ellen Kolby Chemnitz, Tlf: 34 61 04