Nutaarsiassat


2024 2023 2022 Flere år...

20-06-2009

Folketingip siulittaasua Thor Pedersen Inatsisartut Siulittaasuannut Josef Motzfeldt-imut pulaarpoq

Inatsisartut Siulittaasuat Josef Motzfeldt ullumi ulloq 20. juni 2009 Folketingip siulittaasuanit Thor Pedersen-imit pulaarneqarpoq.

 

Pissutsit ataatsimoortumik soqutigisat matumani paarlaasseqatigiilluni ikiorseeqatigiittarneq aammalu inatsisartut marluusut akornanni attaveqaqatigiinnermut ataatsimiititaliaata tullissaanik ataatsimiinnissaa ukiaru Danmarkimi ingerlanneqartussaq ilanngullugu inatsisartut siulittaasuisa marluusut oqaluuseraat.

 

Taakku saniatigut 2. juni 2009-mi qinersinerup kingorna Kalaallit Nunaanni naalakkersuinikkut maanna pisut aammalu aningaasaqarnikkut pissutsit Inatsisartut Siulittaasuata ilisimatitsissutigai.

 

Pisumut atatillugu Folketingip siulittaasuat Inatsisartut Siulittaasuannut aamma tunissuteqarpoq.