Nutaarsiassat


2024 2023 2022 Flere år...

21-06-2009

Namminersornerup atuutilerneqarnerani Inatsisartut Siulittaasuat oqalugiarpoq

Persuarsiornartumik nalliuttorsiorpaluttumik katerisimaanermi Ataqqinartorsuup Dronningip ullumi sapaammi ulloq 21. juni 2009-mi Namminersorneq pillugu inatsit Inatsisartut Siulittaasuannut Josef Motzfeldt-imut tunniuppaa.
 
Annaassisitta Oqaluffiani nalliuttorsiornartumik naalagiaqatigeereernerup kingorna Namminersorneq pillugu inatsit tunniunneqarpoq. Namminersornerup eqqunneqarneratigut nunatta unammilligassai pillugit oqalugiaateqarluni Inatsisartut Suilittaasuata Josef Motzfeldt-ip Inatsisartut ataatsimiittarfianni persuarsiornartumik ataatsimiinneq ammarpaa. Oqalugiaat uani atuaruk.
 
Statsministerip Lars Løkke Rasmussen-ip oqalugiarluni inuiaat kalaallit pilluaqqoreermagit, Ataqqinartorsuup Dronningip Namminersorneq pillugu inatsit Inatsisartut Suilittaasuannut tunniuppaa. Persuarsiornartumik tunniussineq taanna inuiaat kalaallit puigussanngikkaat Josef Motzfeldt-ip qujassuteqarluni oqaaseqarnermini oqaatigaa. Oqalugiaat uani atuaruk.