2024 2023 2022 Flere år...
21-06-2009
Ataqqinartorsuaq Dronning Margrethe Inatsisartut pulaartunut allattuiffianni atsiorpoq
Ataqqinartorsuaq Dronning Margrethe Inatsisartut pulaartunut allattuiffianni ullumi sapaammi ulloq 21. juni 2009-mi atsiorpoq.
Nuutoqqami persuarsiornartumik nalliuttorsiornerup oqaluffittalu pingaarnersaanni Annaassisitta Oqaluffiani nalliuttorsiornermut atatillugu naalagiaqatigiinnerup kingorna atsiorneq pivoq. Prins Henrik, Kunngissaq Frederik Kunngissallu nulia Mary peqatigalugit Dronning Inatsisartunut nalunaaqutaq 10.00 apuuppoq tassani Inatsisartut siulittaasuannit Josef Motzfeldtimit tikilluaqquneqarluni.
Namminersorneq pillugu inatsisip pingaartorsiutaasumik Inatsisartut ataatsimiittarfianni tunniunneqannginnerani Dronning Inatsisartut siulittaasuata allaffianukarpoq. Tassanilu Inatsisartut pulaartunut allattuiffianni atsiorluni.